Wizara ya Afya: Hatuna mgojwa wa Monkeypox nchini

[Lady Whistledown]

Kutokana na taarifa za kuenea kwa ugonjwa unaosababishwa na #MonkeyPoxVirus, Naibu Waziri wa Afya, Dkt. Godwin Mollel amesema kuwa hadi sasa hakuna kisa kilichorekodiwa cha mgonjwa wa virusi hivyo nchini.
-
Aidha Wizara imesema inaendelea kuchukua hatua stahiki kukabiliana na ugonjwa huo kama kuchunguza wageni wanaoingia nchini kupitia mipaka yote, viwanja vya ndege, bandari na nchi kavu.
-
Vile vile Wizara hiyo imetoa wito kwa wote wenye dalili za vipele vyenye majimaji au usaha, homa, mwili kuchoka na kichwa kuuma kwenda kwenye vituo vya kutolea huduma za afya kwa uchunguzi zaidi.

 

[Benjamini Netanyahu]

hata corona mlikuwa mnakana

 

[KENZY]

hata corona mlikuwa mnakana

Kwani wakisema ipo ndo utafanyaje wewe konokono..?

 

[Sausi Alex]

Kwani wakisema ipo ndo utafanyaje wewe konokono..?

🤣🤣🤣🤣Ama kweli konokono

 

[Surya]

Hizi ni ishara. Mwisho wa Dunia huu karibu.

 

[Emen]

Huko ulaya huo ugonjwa umepata mashoga tu,Mungu atuepushie usifike huku!

 

[ldleo]

Mamlaka za Afya Tanzania Alhamis zilitoa tahadhari juu ya ripoti ya mlipuko wa ugonjwa wa monkeypox katika baadhi ya nchi za Ulaya.

Kwenye taarifa yake Naibu Waziri wa Afya wa Tanzania Bw. Godwin Mollel amesema kwamba umma unahitaji kuchukua tahadhari dhidi ya ugonjwa huo na magonjwa mengine ya kuambukiza.

Amewatoa wasiwasi watu kwa kusema kwamba hadi sasa hakuna wagonjwa wa monkeypox walioripotiwa nchini Tanzania, lakini amewatahadharisha wananchi kuepuka kugusa au kula wanyama wenye ugonjwa, pamoja na kuepuka kugusa kitu chochote ambacho kimetumiwa na wanyama wenye ugonjwa.

Shirika la Afya Duniani (WHO) limesema kuwa kesi nyingi za maambukizi ya ugonjwa huo zitaripotiwa, huku nchi 20 duniani zikiwa tayari zimesharipoti.

Dalili za awali za ugonjwa wa monkeypox ni homa, maumivu ya kichwa, uvimbe, maumivu ya mgongo, maumivu ya misuli na uchovu. Na watu walio na ugonjwa mbaya zaidi wanaweza kupata vipele na vidonda kwenye uso na mikono, kisha kuenea kwenye sehemu nyingine za mwili.

 

[MakinikiA]

Okay