Fundi Mchundo
Platinum Member
- Nov 9, 2007
- 12,803
- 11,257
Nimesema tunaongea lugha tofauti. Nimekujibu hoja zako lakini pengine kwa vile majibu yangu hayakuendana na uliyoyataka unakazania kuwa sikukujibu! Mfano wako wa Cuba nimeujibu na kukuelezea kuwa hata wakati wa mapambano dhidi ya utawala wa makaburu Afrika Kusini, wanafunzi na makanisa huko Marekani(na wengine) walisusia bidhaa za Afrika Kusini wakati nchi yao ilikuwa haijaweka vikwazo! Nikakueleza kuwa hata sisi tulipofunga mpaka na Kenya, bidhaa kutoka Kenya ziliendelea kupatikana. Hivyo hivyo hakuna kitu kinachomzuia mCuba kwenda Brazil au China, kuingia dukani, kununua jozi mia za Nike na kwenda kuziuza dukani kwake Havana. Hii haimaanishi kuwa Nike wana uhusiano wa kibiashara na Cuba. Kwa kifupi, matendo ya watu binafsi, mashirika binafsi n.k. si msimamo wa serikali.
Huop mfano wako wa Canada nao batili. Nitakusaidia. Kuna wanafunzi wengi wa kimarekani wanasomea udaktari Cuba, lakini hii haina maana kuwa sanctions hazipo! Watu kulazimika kwupitia Canada au Mexico ili waende Cuba ni ishara kuwa hizo sanctions zipo. Kupatikana kwa Cuban cigars, mwenyewe unakiri illegally, si dalili kuwa sanctions hazipo. Kupatikana kwa crack katika mitaa ya New York hakuhalalishi matumizi yake. Wakati tumefunga mpaka na Kenya, watu walikuwa wakienda kenya kwa kupitia Addis. Hii haikuwa na maana kuwa mipaka imefunguliwa? Na kama nilivyokueleza, sabuni za Imperial zilikuwa zinapatikana kama kazi kwenye mitaa ya Darisalama.
Haya,Mkuu, haya ya uislaamu nayo yametokea wapi. Kuna watu wataapa kuwa kama wewe si mchaga hupati kazi TRA lakini hii haimaanishi kuwa ni msimamo wa TRA kuajiri wachaga tu! Unfortunately, racial, ethnic profiling zipo kila mahali. Hata kwetu.Ukiingia kwenye supamaketi Dar umevaa ndala, utakuta unamsindikizaji lakini akiingia mzungu amevaa hivyo hivyo anachangamkiwa. Kinachoendelea kwa wenye majina ya kiislamu ni hivyo hivyo. Uamuzi wa benki binafsi au Western Union kukataa au kukusumbua kwa vile tu wewe ni mwislamu au una jina linalodhaniwa ni la kiislamu, ni wao na si wa serikali. Kuna avenues za kufuata kama unaona haukutendewa haki.
Mugabe si mhudumu wa benki, ni rais wa nchi. Yeye ameonyesha kuwa ana utter contempt na whatever passes as a constitution. Amesimama kwenye kadamnasi na kuwa'mock' kwa kusema anayeweza kumtoa pale ni Mungu tu. Huyu ni mhuni. Na ndicho tunachokisema lakini hutaki kuelewa. sasa kwa vile George Bush senior aliwatosa waKurd, leo anayoyasema mwanae kuhusu huyu mhuni yanakuwa hayana ukweli? Kuna tofauti gani na sisi ambao tulisimama tukiangalia wakati jirani zetu Rwanda wakiuana kikatili? Ambao tunaendelea kuikumbatia serikali ya Sudan wakati ikiendelea na mauaji na unyama huko Darfur? Wakati Bush ameishayaita yanayoendelea huko kuwa ni genocide, nani katika sisi REAL Africans ametoa tamko kulani yanayoendelea? Badala yake tulitaka kuwatuza kwa kuwapa uenyekiti wa AU! Toa kibanzi katika jicho lako kwanza. Sisi hatumkemei Mugabe kwa vile wamarekani na wazungu wanafanya hivyo. La, hasha, tunamkemea kwa sababu aliyowafanyia wazimbabwe ( kuanzia wa matebele, na ndio hata wale Wazimbabwe weupe n.k) goes beyond the pale. Huyu bwana ni muovu, period. Kama wananchi wa Zimbabwe wakiamua kumchagua Morgan wewe una tatizo gani? Akiendeleza hayo ya Mugabe, nae atakemewa na hopefully atatemwa na watu wake. Kama ilivyotokea kwa Chiluba.
Nani amesema waZimbabwe weusi (inaelekea mwenzangu waZimbabwe weupe wewe huwahesabu kama ni raia wa nchi ile) hawajui kulima? On the contrary, mara baada ya zoezi la kwanza la kuwagawia wakulima mashamba ya waZimbabwe weupe, uzalishaji ulipanda. Tatizo ni hapo alipoamua kuwapa kmakada na cronies wake ambao hawajui lolote kuhusu kilimo. Wale wanachi waliokuwa wakifanya kazi katika mashamba ya wazimbabwe weupe walionekana kuwa ni potential wasaliti, wakatemwa. Uendeshaji wa mashamba makubwa unahitaji expertise ambayo si wote waliyokuwa nao. Nilikueleza kuwa, Fundi mchundo au Fundi muashi si sawa sawa na Mhandisi ingawa inawezekana kabisa kuwa wanamzidi katika upangaji wa matofali! Sisi wenyewe tulinyang'anya plantations na ranchi kutoka kwa wale tuliowaita makabaila na tumeshindwa kuyaendesha. Mbona wamasai wako kibao , kwa nini basi tumeshindwa kuendesha ranchi za Kongwa n.k.? Si tungewapa wakina Ole ? Naam, kilimo ni jadi ya mbantu. Ndio maana kila kukicha tuna kibakuli tukiganga njaa! Kilimo cha kiamba si sawa na kilimo cha plantation. Ndiyo maana Nyerere alipoenda Marekani kama mgeni wa Carter, alitembelea Georgia, kuangalia wenzetu wanalimaje. Ukisikia kuwa Carter alikuwa analima karanga si sawa na mkulima wetu wa zao hilo hilo kule Dodoma. Kila utaalamu una kikomo chake. Mkandarasi wa Class 5 haruhusiwi kujenga jengo lenye ghorofa kumi. Matokeo yake tumeyaona. Wengi wetu tunaweza kujenga kibanda lakini inapokuja kaghorofa tunawaachia wataalamu. Ndivyo inavyotakiwa.
Tusiopendana ni sisi. Muuaji mkubwa wa mtu mweusi ni mtu mweusi mwenzake. Wazungu wana mchango wao lakini kwanza inabidi tubanane wenyewe kwa wenyewe ama sivyo hatutajikomboa. Hakuna mtu anayemheshimu mtu asiyejiheshimu. Tutamtegemeaje mzungu atujali wakati wenyewe hatujijali?
Sasa unaondoka Somalia unakimbilia Iraq! Wakati huo huo ukinishutumu kwa kusogeza magoli!!!!! Mimi sikuweko Bcstimes ( nimegundua kitu kinachoitwa internet mwaka jana tu) kwa hiyo nisingeweza kukubishia. Lakini kama ningekuweko, ningekubishia. Sio kwa sababu ulizoziweka bali kwa vile hoja yako ilikuwa simplistic na kwa msamiati wako, ya kutoka kwa kinyozi.
Mkandara, arguments zako ni convoluted bila sababu. Kama nilivyosema awali, naona tunaongea lugha tofauti.
Amandla.......
