Jamani, nimesoma aya baada ya aya, sentensi baada ya sentensi, neno baada ya neno kwa umakini mkubwa. Kwa maelezo hayo ya Mhe. Lema ni wazi kuwa waziri mkuu pinda angebomolewa bungeni kwa aibu ya mwaka na huo ndiyo ungekuwa mwisho wa heshima yake (kama bado ipo) mbele ya wananchi. Kwa nini nasema hivi nitaeleza. Watanzania wengi sasa hivi wanafuatilia sana mwenendo wa bunge letu la jamhuri na mijadala yake. Tukio la Mhe. Lema kutoa ushahidi wake kuhusu uongo wa mizengo pinda lingevuta wengi. Kwa maneno mengine, tukio hilo lisingetofautiana sana na lile Dr. Mwakyembe kusoma taarifa ya uchunguzi wa skendo ya Richmond. Kwa kufanya hivyo, watanzania wengi wangebaini kuwa waziri mkuu ni mwongo jambo ambalo kwa kiasi kikubwa lingemvunjia heshima mtoto wa mkulima.
Inavyoonekana, jeshi la polisi na waziri wa mambo ya ndani ndio waliomdanganya waziri mkuu kwa sababu katika hali ya kawaida wao ndiyo chanzo cha uhakika cha majibu ya waziri mkuu. Kwa maana hiyo basi, baada ya Mhe. Lema kusoma majibu yake hayo ilipaswa IGP na waziri wake wa mambo ya ndani wajiuzuru mara moja.
Ukitafakari kwa kina unaweza ukabaini kuwa kutosomwa kwa taarifa hiyo bungeni kunaepusha pia aibu kwa mama spika. Kauli yake ya jazba na staili aliyotumia kumuagiza Mhe. Lema ilionyesha kuwa Mhe. Lema ndiye mwongo kwa maana kwamba alimsingizia waziri mkuu. Kwa kiasi fulani Mhe. Lema (labda na chama chake) walipata demage ya credibility yake mbele ya jamii pana ya kitanzania. Kwamba Mhe. Lema ni mtu mwenye jazba, mpenda vurugu, mwenye majungu, mwongo, n.k. jambo ambalo ni kinyume na hali halisi.
My take:
Chama cha Demokrasia na Maendeleo - CDM (Mungu aendelee kukitunza na kukipatia maisha marefu) ni chama makini na wananchi wengi tunaendelea kuamini hivyo na kila siku inayoitwa siku tunahakiki kwa vitendo. Kutokana na umakini huo, nawashauri viongozi wa chama muangalie namna fulani ya kushinikiza bila jazba usomwaji wa taarifa hii bungeni ili wananchi kwa ujumla wao wasikie na kuhitimisha suala hili. Kusomwa kwa taarifa hii bungeni kutasafisha jina la Mhe. Lema na kuendelea kuongeza hadhi ya CDM mbele ya wananchi. Vile vile, kusomwa kwa taarifa hii kutawezesha wananchi kutambua namna haki yao ya msingi ya kukusanyika kwenye mihadhara inavyochezewa na serikali kiasi cha kusababisha kifo kwa wananchi wake badala ya kuwalinda na kuwaepusha na kifo. Kutokana na mazingira haya, nashauri akina Tundu Lissu na wenzie watafute namna ya kumkumbusha spika suala hili ili wapewe nafasi ya kusoma taarifa hii bungeni. Wakati wa kumwomba spika waonyeshe masikitio yao kwamba endapo taarifa hii haitasomwa hadharani bungeni spika hatakuwa amemtendea haki Mhe. Lema kwa upande mmoja na CDM kwa upande wa pili kwa sababu hadi sasa wananchi wengi wanatambua kuwa Mhe. Lema ndiye aliyekuwa mwongo. Spika akionyesha msimamo wa kukataa taarifa isisomwe then CDM iangalie namna ya kuisambaza taarifa hiyo kwenye vyombo vya habari hususani magazeti ili wananchi wasome.
Mojawapo ya watoa maoni kwenye thread hii kuna mtu anajiita 'chatu dume'. Ame-question uhalali wa kusema 'mke wa Dr. Slaa'. Inavyoonekana ni kwamba yeye anaona ni kosa. Pamoja na upuuzi wa hoja yake, naomba CDM wasimpuuze kwani ninavyokifahamu chama cha sisiem sitshangaa jambo kama hilo kuongelewa bungeni endapo taarifa hii itakubalika isomwe bungeni na Mhe. Lema. Yaandaliwe majibu ya kisheria kuhusu hoja hii ya kipuuzi. Alichosema PakaJimmy ni sahihi kabisa. Sisiem ni chama cha taarabu, cha mipasho. Kwa hiyo, sitashangaa kumsikia mheshimiwa fulani akimuuliza spika kama alivyouliza mtu anayejiita 'chatu dume' na wakati mwingine unaweza ukashangaa huyo anayejiita 'chatu dume' ni mbunge wa sisiem.
