Ukweli kuhusu mpaka wa Tanzania na Malawi

[Fursa Pesa]

utumwa wa kifikra ni tatizo kubwa ktk nchi zetu za kiafrika sidhani eti kitu maji ambao ni uhai kwa binadamu na viumbe leo hii tunayagombea tena kwa kutishiana kijeshi si sawa kabisa.hapa wazungu wanataka kuyatumia maji kama silaha ya kutupiganisha sisi waafrika ili wao wafaudu na mbinu wanayotumia ni mafuta ambayo yako ndani ya maji.jamani tuwe makini kabisa kwani mbinu hii ya maji ndio ambao kinjekitile mgwale alioitumia kuwaangamiza wafrika wenzake dhidi ya risasi za moto za mjerumani.mungu ibariki tanzania,mungu ibariki afrika asanteni.

 

[Fursa Pesa]

wazungu wao siku zote target zao ni 50-200yrs mbele na mara nyingi plans/target hizo uzibalidisha na kuwa ni missions kiukweli ebu tuyaangalie hata hayo makampuni ya explolation kwa upande ule wa malawi yanatoka wapi maana influence kubwa ni lazima itoke kwa wale walioprpopose hiyo mipaka awali.katika hili sishangai mlango wa kusini kuwa ndio mlango mkuu kwa tanzania yetu kuteleza ama kuteketea kiuchumi siku zijazo kama juhudi za makusudi hatachukuliwa kutatua maana kwa sasa tz ni mojawapo ya nchi pekee duniani ambao mali zake zingali mbichi na nyingi zimeiva hivyo kuwatoa udenda hata wale ambao ni majirani zake.kiukweli sisi tanzania ni wakarimu sana kwani hata kwenye wimbo wetu wa taifa tumemwoba mwenyezi mungu kuwabaliki waafrika/afrika lakini wao leo hii wao wanataka kutuvua nguo hadharani katika hili mwenyezi mungu atawaadhibu siku moja,lakini nasi tuwaombee maana hawajui watendalo.mungu ibariki tzn,mungu ibaliki afrika,asanteni.

 

[nngu007]

Mgogoro wa Ziwa Nyasa na tamaa ya Malawi katika mafuta na gesi



Wanafunzi wakivuka ziwa Nyasa kuelekea shule.

SASA ieleweke wazi kwamba hali si shwari kati ya Tanzania na Malawi. Pengine ni vizuri kujiuliza leo ni kwa nini mtafuruku uchukue nafasi kubwa leo.

Kivipi Mtanzania wa kawaida, aoneshwe kama ni jambo lililokuja ghafla? Kimsingi, mgogoro wa mpaka wa Ziwa Nyasa kati ya Tanzania na Malawi umekuwapo kwa zaidi ya nusu karne. Hivi sasa umechukua sura mpya baada ya nchi hiyo jirani kusema ndiyo inayomiliki sehemu yote ya ziwa hilo.


Pengine kauli hiyo peke yake, isingeleta shari. Alama ya hatari imetokana na kauli ya vitisho, iliyotoka Serikali ya Malawi kwamba itafanya kila linalowezekana, ikiwamo kutumia nguvu za kijeshi kuhakikisha ziwa hilo linabaki kwenye himaya yao.

Picha iliyopo ni kwamba Malawi wameshaona Watanzania ni wapole. Kwamba ni waoga wa kupitiliza, kwa hiyo wakiambiwa kuhusu nguvu ya kijeshi, watarudi nyuma. Sijui uthubutu huu wameupata wapi lakini ninachowaza ni kwamba viongozi wa Malawi, wanahisi sisi ni mazezeta. Vile ambavyo madai yao yalivyo hayana msingi na hayakubaliki hata kidogo, ndivyo ambavyo ukitafakari wanachokitaka kiwe, huku wakitoa vitisho vya kupigana vita, unaweza kujiuliza kuhusu wigo wa uelewa wao.

Ni rahisi kuamini ndugu zetu hao wana dosari za kiufahamu. Kweli Ziwa Nyasa lote ni lao? Huo mpaka ni wa namna gani hasa, kiasi kwamba eti Mtanzania akikanyaga tu maji ya ziwa hilo, anakuwa yupo Malawi. Muda wa kutafuta maelewano hawataki, wanakimbilia kwenye vita.

Malawi wanahitaji kuwaheshimu Watanzania. Ni ukweli ulio wazi kuwa hii siyo mara ya kwanza kwa Malawi kutoa madai hayo, lakini ni mara yake ya kwanza kutumia kauli yenye vitisho vya kiwango hicho kinachoashiria vita kati ya Tanzania na wao. Madai hayo yalitolewa kwa mara ya kwanza na Rais wa Kwanza wa nchi hiyo, Dk. Kamuzu Banda.

Madai hayohayo, yalirudiwa na wanasiasa mbalimbali, akiwemo mmoja wa viongozi wa vyama vya upinzani, Chakufya Chiana. Baadhi ya maswali yanayoulizwa ni haya yafuatayo;

Je, ni mambo yapi yameshindikana kutatuliwa katika mgogoro huo kwa muda wote huo wakati kuna vyombo vya kimataifa vyenye uwezo na mamlaka za kusuluhisha migogoro kama hiyo? Pili, ni upande upi ambao umeonekana kukwamisha mazungumzo hayo? Kwa muda mrefu yamekuwapo mazungumzo kuhusu mgogoro wa mpaka huo, kupanuka kwa mgogoro huo hivi sasa kumechochewa na dalili za kuwapo kwa kiasi kikubwa cha gesi na mafuta katika ziwa hilo na hatua ya Malawi kuingia mkataba na kampuni ya Surestream Petroleum ya Uingereza.

Kampuni hiyo, tayari imeanza utafiti na utafutaji wa nishati hiyo, ikiwamo sehemu za eneo la Tanzania katika ziwa hilo.

Kauli ya shari ya Serikali ya Malawi ilitokana na hatua ya Serikali ya Tanzania kuitaka serikali hiyo kusitisha shughuli hizo hadi suala la mpaka litakapopatiwa ufumbuzi.

Je, baadhi ya mambo kwenye mgogoro yamekuwa yakifanywa siri? Mbona sasa hali ya amani imehatarishwa hivi sasa? Ukweli ni kwamba Tanzania na Malawi, zimekuwa na uhusiano mzuri kiasi cha wananchi wa pande zote katika mpaka huo kutembeleana, kuoana, kufanya biashara na hata kupata huduma zote pasipo kujali uraia wao.

Mtazamo wangu unanifikisha kwenye jawabu kwamba endapo wananchi wa pande zote mbili wangejua nani amekuwa kikwazo katika juhudi za kutatua mgogoro huo, wangeweka shinikizo kwa viongozi wa pande hizo mbili na hatimaye kupata suluhu ya mgogoro huo.

Kwa kuangalia sura ya undugu uliopo kati ya Watanzania na Wamalawi, kwa hakika vita haitakiwi. Lakini tunafanyaje ikiwa ndugu zetu hao wanataka mapambano? Je, vita ni utashi wao au Malawi inatumiwa ili kutia dosari historia yetu nzuri, kwamba ni kisiwa cha amani? Muda utaeleza.

Watanzania hatutakiwi kuombea vita kwa sababu hiyo siyo sherehe. Kwamba watu watakutana ukumbini, kucheza muziki, kula kuku, bata, kunywa supu na aina nyingine ya maakuli.

Tukumbuke Vita ya Kagera iliyomwondoa Nduli Iddi Amin. Vita hiyo kama mfano hai kabla ya kuingia kwenye vita na Malawi, iliigharimu Tanzania maisha ya watu na kubwa zaidi ni mali. Tanzania ilipata hasara ya fedha za kigeni zaidi ya shilingi trilioni 5.

Wananchi wa leo, waliokuwa na akili timamu kwa wakati huo, wanakumbuka madhara makubwa yaliyotokea. Kama ni ushauri, basi napendekeza kwamba mgogoro huo wa mpaka kati yetu na Malawi umalizike kwa pande zote mbili kufikia maridhiano badala ya vita.

Lakini kama hawataki je? Na kwa nini watangulize kauli ya kutaka vita? Kama si tamaa ya mafuta na gesi, basi wametumwa kuvuruga amani yetu.

Kwa upande mwingine, Malawi haiwezi kulaumiwa kwa sababu mgogoro huo ni pandikizi la ukoloni uliotokana na mkataba wa mwaka 1890 ambao ulielekeza kwamba sehemu yote ya ziwa hilo iwe upande wa Malawi.

Hata hivyo, swali la kujiuliza ni hili;

Je, viongozi wa Malawi, wao hawatumii akili? Kweli Ziwa Nyasa lote ni lao na Tanzania haina eneo kabisa? Tanzania inayo haki ya kumiliki nusu ya eneo la ziwa hilo kutokana na Mkataba wa Umoja wa Mataifa kuhusu Sheria ya Bahari ya mwaka 1982 inayotaka nchi zinazogawana eneo la bahari au ziwa zigawane eneo hilo nusu kwa nusu.

Chanzo: GPL

​

• 

 

[nngu007]

Kwahiyo labda tunaweza kushinda na hii sheria ya UN ya Mwaka 1982 kuhusu Bahari na Maziwa...

Kama ni Maziwa kama ni nchi Mbili lazima wagawane nusu kwa nusu...

Sijui kwanini Waziri wetu wa Nje hakulijua hili; Wangemuuliza Salim A. Salim au Benjamin Mkapa wengeweza kumsaidia

Lakini anaonekana kichwa ngumu... na akalidanganya BUNGE!! chombo cha kutunga sheria...

 

[Hute]

cha muhimu ni kwamba, mgogoro huu ulikuwepo muda mrefu na haujawahi kutatuliwa, hivyo ni muda muafaka sasaivi kwasababu tayari umeshaibuka usitulie hadi utatuliwe kieleweke...la sivyo, tutakuja tuchapane siku moja.

 

[Manyi]

Huu ndo muda muafaka wa kushughulikia huu mgogoro moja kwa moja, na siyo kubakisha tena viporo vitakavyoleta shida baadae!

 

[Lu-ma-ga]

Ziwa wameuza wakubwa wa nchi wala mama banda hana kosa ni mkataba wa siri msitafute mchawi subirini mtakuja shangaaa.

 

[livingafrican]

Wakuu,ukweli uko wazi kwamba ziwa lote ni la Malawi

 

[dudus]

...
Hata hivyo, swali la kujiuliza ni hili;

Je, viongozi wa Malawi, wao hawatumii akili? Kweli Ziwa Nyasa lote ni lao na Tanzania haina eneo kabisa? Tanzania inayo haki ya kumiliki nusu ya eneo la ziwa hilo kutokana na Mkataba wa Umoja wa Mataifa kuhusu Sheria ya Bahari ya mwaka 1982 inayotaka nchi zinazogawana eneo la bahari au ziwa zigawane eneo hilo nusu kwa nusu.

Chanzo: GPL

​

Wakuu naomba kufahamishwa:-

(i) Kabla ya ukoloni; wakazi waliokuwa wakiishi upande wa Tanganyika walikuwa wanalitumia hilo ziwa kwa shughuli mbali mbali toka vizazi na vizazi.

(ii) Ingelikuwa mkataba wa kulitoa ziwa lote kwa Malawi ni kwa manufaa ya Tanganyika pia au mabadilishano ambayo Tanganyika ingenufaika kwa namna fulani (kama Russia ilivyoiuzia Marekani eneo la Alaska) angalau ingeleta sense. Lakini haiingii akilini kuinyang'anya Tanganyika hususan wananchi wanaozunguka ziwa ili wao warudishiane visiwa (Heligoland) walivyodhulumiana huko Ulaya ni zaidi ya ukatili kwa watu wetu. Hii haikubaliki popote na kwa hali yoyote.

(iii) Hivi ni kila mkataba ulioingiwa na serikali za kikoloni ni binding hadi leo? Hata kama huu wa Ziwa Nyasa uliowadhalilisha wananchi wetu kwa kiwango cha kutisha? Uliowanyangánya watu wetu rasilimali waliyopewa na Mungu tangu kuwepo kwa dunia hii? Kwa udhalilishaji huu na hofu waliyoishi nayo wakazi wa eneo husika kwa miaka yote tangu 1890 hadi leo wanastahili kudai na kulipwa fidia kwa athari walizozipata.

(iv) Mikataba ya kimataifa leo hii inasemaje?

 

[Zanta]

Kwahiyo labda tunaweza kushinda na hii sheria ya UN ya Mwaka 1982 kuhusu Bahari na Maziwa...

Kama ni Maziwa kama ni nchi Mbili lazima wagawane nusu kwa nusu...

Sijui kwanini Waziri wetu wa Nje hakulijua hili; Wangemuuliza Salim A. Salim au Benjamin Mkapa wengeweza kumsaidia

Lakini anaonekana kichwa ngumu... na akalidanganya BUNGE!! chombo cha kutunga sheria...

hebu soma kipengele hapo kwenye red ndio wamalawi wana base.

Where the coasts of two States are opposite or adjacent to each other, neither of the two States is entitled, failing agreement between them to the contrary, to extend its territorial sea beyond the median line every point of which is equidistant from the nearest points on the baselines from which the breadth of the territorial seas of each of the two States is measured. The above provision does not apply, however, where it is necessary by reason of historic title or other special circumstances to delimit the territorial seas of the two States in a way which is at variance therewith

hiii ndio point ya wamalawi wao wanasema kuna Treaty ya 1890 kwa hiyo hiyo UN convection ya 1982 hai apply hapa

 

[Bra-joe]

Mimi ningeishauri serikali iache kubishana na wa Malawi, iende katikati ya ziwa hilo na kuulinda mpaka wetu tu, kama inavyolindwa mipaka mingine, atakaevuka bila ruhusa basi ashughulikiwe ipasavyo. Hapo wa Malawi watatia akili.

 

[Who Cares?]

mimi ningeishauri serikali iache kubishana na wa malawi, iende katikati ya ziwa hilo na kuulinda mpaka wetu tu, kama inavyolindwa mipaka mingine, atakaevuka bila ruhusa basi ashughulikiwe ipasavyo. Hapo wa malawi watatia akili.

nakuunga mkono mia kwa miaaa...

I like these germany shephered spicies of dogs...hawana makelele wala nini..just vitendo..they says actions speaks louder than words... Weka soldiers mpakani hawaongei na mtu na hakuna mtu kuingia na sio tu katika maji mpaka nchi kavu..

Wanawake hao wa malawi wanaweza kudai na kyela ni yao...na hao mabosi wao ni marufuku kupima mafuta hata diseli achilia mbali oxygen na methane...

Akivuka mtu kuja kwetu risasi...kamata weka ndani mpaka atuonyeshe hiyo visa inayomruhusu kuja kwetu.

 

[nngu007]

hebu soma kipengele hapo kwenye red ndio wamalawi wana base.

hiii ndio point ya wamalawi wao wanasema kuna Treaty ya 1890 kwa hiyo hiyo UN convection ya 1982 hai apply hapa

Lakini Hiyo Treaty ya 1890 ilifanyika kwa Manufaa ya Nchi Mbili ambazo hazikujali Manufaa ya nchi zingine Mbili...

Wakati Malawi inapewa ziwa lote; Hawakujali Manufaa ya Ziwa hilo kwa Tanganyika... Nchi hizo ziliinyima Uhuru wa

kulitumia ziwa hilo na wananchi wake... nadhani litaweza kujadiliwa UN na hiyo ya 1982...

 

[misha]

Madai ya Hayati Kamuzu Banda, yalizimwa pale alipofahamishwa kuwa ndani ya nchi yake kulikuwa na sehemu ambazo zilikuwa zikikaliwa na wenyeji wa Tanzania-kwa maana kuwa Machifu wa Tanzania walipewa eneo kama sehemu yao.

Kwa mfano Wnyanyembe walipewa sehemu kama hizo nao wakabaki Itetemia, kuna uwezekano mkubwa Hayati Karume alikuwa na asili ya Tanzania tangu awali.

Kama ni kugawana basi Tanzania itamega eneo kubwa la Malawi. Kun'gang'ania Ziwa Nyasa na kukaidi kusititisha uchunguzi wa gesi ni kitendo kinachohalalisha vita moja kwa moja.

 

[jogi]

watukutu wote hugongwa makonzi, hiyo ramani inaonyesha mpaka upo katikati ya ziwa, tutambue kuwa ramani hiyo haikuchorwa miaka ya 1800 mnayo-refer kuwepo treaty, hapo kwa ramani hiyo, treaty imekuwa doomed down to a pont of not existing. AKOLEWE KONZI ASOTAKA KUJUA HILI.

 

[Kyakukanwa]

Mungu ibariki Africa Mungu ibariki Tanzania na sehemu yetu yote ndani ya ziwa Nyasa..!

 

[Kyakukanwa]

Mungu ibariki Africa Mungu ibariki Tanzania na sehemu yetu yote ndani ya ziwa Nyasa..!

 

[Reginald12]

katika pekua pekua yangu nimepata kuona mahali kwamba Tanzania haina haki na ziwa Nyasa, tofauti na ziwa Tanganyika ama ziwa Victoria ambazo tunagawana maji na nchi kadhaa, lakini inasemekana kwamba Wamalawi wanadai kuwa Ziwa nyasa ambalo wao wanaliita ziwa malawi ni mali yao na mpaka halali ni ukingo wa ziwa na si ndani ya maji. je wana JF mnalionaje suala hili?

Kuna taarifa za kusisimua humu, msimamo wa Mwalimu na Kawawa miaka ya 60. Google hiyo document.

'The Malawi-Tanzania Boundary Dispute
Author(s): James Mayall Reviewed work(s):Source: The Journal of Modern African Studies, Vol. 11, No. 4 (Dec., 1973), pp. 611-628Published by: Cambridge University Press

 

[Augustine Moshi]

Mpaka tuliokuwa nao wakati wa kupata uhuru ndio ulitambuliwa na OAU, na ndio unatambuliwa na AU. Mpaka huo uko katikati ya ziwa. It does not make sense for one country to have its border on the beach in another country. Such a border cannot be defended.

Wakati Kamuzu Banda alipotingisha kiberiti alikuta kimejaa; na ndugu zetu wa Malawi wakaacha hiyo ishu. Sasa wametingisha tena. Je, kiberiti bado kimejaa? wakidhani hakijajaa hawataacha kung'ang'aniza.

Tumeshatoa tamko rasmi kwamba hakuna kufanya utafiti wowote wa mafuta na gesi sehemu ambayo sisi tunajua ni yetu; na badala yake tujadiliane kwanza. Malawi imekataa rasmi kusimamisha shughuli hiyo. What is our plan B? Lazima tulipanga tutafanyaje kama wasipositisha. Sio kupigana, bali inabidi kuweka wazi kwamba ndege yote itakayoingia anga la Tanzania bila kibali itakamatwa au kutunguliwa. Tukiwa wazi kwenye hilo basi hakuna ndege itathubutu kuingia.

Ni kichekesho kwamba unaweza ukae kwenye ufukwe wa ziwa na kila unapoogelea uanaingia nchi nyingine. We should not accept that.

Sheria au mkataba uisiokuwa wa haki hauna nguvu. Ni kama mikataba ya 3% ya dhahabu yetu; kwa vile siyo ya haki tumedai ijadiliwe upya. Ni kama Group Areas Act za South Africa na Rhodesia zilivyokuwa hazikubaliki pamoja na kwamba zilikuwa sheria. Mikataba kati ya wakoloni ambayo sio ya haki haina nguvu. Hatuhitaji kuikubali.

 

[ZeMarcopolo]

Ziwa ni pasu kwa pasu fullstop...