Nadhani Ndugai hajui anachokifanya, anakubali kufanya kile anachoambiwa kukifanya na yulee...
Kuna mambo ya kujadili hapa.
Kwanza sio kweli kuwa bunge halijawahi kumjibu Lissu, toka aliposhambuliwa limekuwa likimjibu, lakini majibu ya bunge yamekuwa yakipwaya sana. Labda Ndugai atuambie sasa, kama bunge limebadilisha style, litakuwa linamjibu Lissu papo kwa hapo. Na kama ndio hivyo maana yake Ndugai ametangaza vita dhidi ya Lissu, je ataweza?
Jambo la pili ni kuwa, maswali ya Lissu yapo wazi mnoo, lakini majibu ni msumari wa moto. Kauli yoyote ya Bunge kumjibu Lissu itakuwa ni kuleta mchanganyiko zaidi kuliko ilivyo sasa. Kwa mfano, Ndugai ameanza kumjibu Lissu jana, ndani ya masaa 24 tu, spika yeye mwenyewe amekuja tena kujikanusha.
Lissu anasema toka apigwe risasi, bunge halijatoa hata senti tano kumtibia. Na ni kweli halijatoa. Ndugai atajibu nini?
Lissu anasema alipigwa risasi ndani ya mazingira ya makazi rasmi ya wabunge mchana kweupe ambayo yanalindwa masaa 24 na askari tele wenye silaha, wahusika walifanya tukio hilo na kuondoka salama salimini, hakuna aliyewakamata, aliyewakimbiza wala aliyewasaka mpaka sasa. Ndugai utajibu nini?
Lissu anasema eneo alilopigwa risasi linaangazwa na kamera za CCTV masaa 24, na siku ya tukio kamera hizo zilikuwepo On, lakini baada ya tukio lile hizo kamera zikaondolewa. Ndugai atajibu nini?
Lissu anasema tukio la yeye kupigwa risasi analihusisha moja kwa moja na mwelekeo wake wa kisiasa, huku akivihusisha vyombo vya dola na serikali ya awamu ya tano kutokana na mtitiriko wa matukio kabla ya tukio hilo. Sasa Ndugai anahusika vipi na hilo mpaka aje kulijibu?
Lissu kwa sasa anaongea na dunia nzima kupitia mahojiano yake ya vyombo vya habari na mikutano mbalimbali ya makundi ya kimataifa. Ndugai yuko Dodoma, akipambana na bundi bungeni, halafu anasema atamjibu Lissu!! Naye atoke, aombe Coverage na idhaa ya kiswahili ya BBC, Ujerumani, America nk ili wamuhoji na kuja na majibu.
Binafsi bado namuona Ndugai hatoshei hata kwenye kijiko kuweza kumjibu Lissu kwa hoja.
