Serikali Kujenga Kituo cha Afya Kata ya Mtunda, Kibiti

[Stephano Mgendanyi]

SERIKALI KUJENGA KITUO CHA AFYA KATA YA MTUNDA, KIBITI​

"Kata ya Mtunda ni Kata ya kimkakati katika Jimbo la Kibiti ambayo ilikumbwa na mafuriko kipindi kilichopita. Je, nini kauli ya Serikali katika kujenga kituo cha Afya kwa wananchi ambao wamesubiri kwa muda mrefu sana?" - Mhe. Twaha Mpembenwe, Mbunge wa Jimbo la Kibiti

"Kata zote za kimkakati ambazo Halmashauri zilikubaliana na kuwasilisha Ofisi ya Rais TAMISEMI tumeziwekea Mpango wa Utekelezaji wa kupitia Mapato ya Ndani ya Halmashauri na Mpango wa kupitia fedha Serikali Kuu" - Naibu Waziri TAMISEMI, Dkt. Festo Dugange

"Naomba nimuhakikishie Mhe. Mpembenwe, amefuatilia mara kadhaa Kuhusu kituo cha Afya na Ofisi ya Rais TAMISEMI tumeweka kipaumbele kuhakikisha wananchi wa Kata Mtunda wanapata kituo cha Afya ili waweze kupata huduma bora"