Rombo wapandisha bendera ya Kenya?

Mamndenyi · Nov 9, 2011

naunga mkono hoja.

Tuko · Nov 9, 2011

Ben said:
Sasa serikali itende haki,mkuu wa mkoa,mkuu wa wilaya,madiwani pamoja na Mbunge wa Rombo simamieni maslahi ya wananchi wa Rombo.Serikali iache vitisho,iache kuwatisha wananchi wa Rombo.

Shukrani mkuu kwa kulimulika hili. Nadhani hapa tunayeweza kumuangalia zaidi mbunge kwa kuzingatia kuwa asilimia kubwa ya madiwani ni magamba, na wale wachache wa CDM wanakuwa na influence ndogo kwenye mambo yanayohusu jamii nzima ya Rombo.

Rombo imegubikwa na rushwa ya kutosha, mathalani hakuna OCS aliyewahi kuongoza kituo cha polisi cha Tarakea akakosa kuwa tajiri kwa muda mfupi. Rasilimali nyingi ziko mikononi mwa matajiri wachache ambao wanapigana kufa na kupona kurudisha hilo jimbo CCM. Sio chakula cha msaada tu, hata mashamba ya kulima maeneo yote ya 'Forest' na Rongai, yanagawiwa kisiasa.

Ofisi ya TANESCO wilaya imeghubikwa na utendaji mbovu na rushwa ya ajabu. Leo ukiomba kuunganishiwa umeme Rombo kama wewe sio kigogo basi uandae zaidi ya milioni moja ya hongo ndipo maombi na fedha zako zipokelewe, na zilishapokelewa ujue utahonga sana ndipo uunganishiwe umeme. Sasa hivi pale TANESCO kuna watu wamelipia kuunganishiwa umeme zaidi ya miaka miwili iiyopita lakini wanaendelea kuzungushwa na umeme hawapati.

Mahakama za Rombo zimejaa rushwa za ajabu, yaani ukiwa hata na fomu inayohitaji kuthibitishwa na hakimu, haijaziwi ofisini bali unapelekwa baa unaenda kuacha sio chini ya elfu 20. Kuna tatizo kubwa sana la maji pamoja na ubaguzi wa hali ya juu. Maeneo ya Tarakea maji yanafunguliwa kwenda kwa matajiri tu huku walala hoi wakilipishwa hela za ajabu ajabu bila kupata huduma yeyote.

Nilimtegemea sana mbunge wetu lakini nimeona ni mdhaifu sana na mbaya zaidi ameshatekwa na matajiri wa Rombo. Hayupo karibu na wananchi, hakuna cha maana anachotetea kwenye baraza la madiwani. Kwa kusema cha ukweli pale tumepata hasara...

Tuko · Nov 9, 2011

Mungi said:
Tatizo siyo Mbunge, tatizo ni JK na serikali yake. wameamua kuwanyanyasa wananchi waliowachagua wabunge wa chadema, na rombo ni mojawapo.
Arusha ni moja ya majimbo yanayonyanyaswa na serikali ya Vasco da Gama

Sawa mkuu lakini wengine japo wananyanyaswa, wanaongea. Umeona akina mnyika ilibidi watishie hadi na nguvu ya umma. Huyu mbunge wetu (Selasini), yuko kimya tu...

MGAWARIZIKI · Nov 9, 2011

Duble Chris said:
hivi kuna watu wamefika hapo mbona mbali sana

Si kwamba mbali sana isipokuwa wanatafuta namna ya kupeleka ujumbe kwenye serikali yao ambayo siyo sikivu,na inaonekana wao huduma muhimu wanazipata kutoka Kenya na si TZ kwanini wasipandishe bendera ya Kenya?

Nsabhi · Nov 9, 2011

Asante kaka. Hongera rombo

Ben said:
Ingawa siungi mkono kitendo cha kupandisha bendera ya nchi nyingine,lakini serikali ya Tanzania ndiyo imewafanya wananchi wakafikia huko.Sukari imezuiliwa Himo bila kujali kuna Eneo lingine la Tanzania mbele ya Himo linaloitwa Rombo.

Rombo inastahili haki zote kama wananchi wa maeneo mengine.Kwa muda mrefu rombo imekuwa ikikandamizwa na kudharauliwa na watawala wetu,sijui ni kwa nini hasa.

Mkuu wa mkoa ameshindwa kuweka mkakati wa kutosha kuhakikisha kila mwananchi anapata huduma hii wakati huo huo akidhibiti magendo.Ni kwa nini maeneo mengine yaliyopakana na nchi jirani wameweza kudhibiti hali hii bila kubughudhi wananchi ndani ya territory yake halafu mkuu wa mkoa wa kilimanjaro ashindwe.Madiwani wa CCM ndiyo wanaoongoza halmashauri hivi kweli wanashindwa kutengeneza mfumo mzuri wa kuweka ukaguzi katika usambazaji wa sukari kuanzia Himo,Mwika,Mamsera,Mkuu,Mashati,Useri na Tarakea? ni kwanini tusiweke logistics katika level yenye uwajibikaji wa kisiasa kama kata kisha nadharia ya monitoring and evaluation ikatumika?

Wananchi wa Rombo hata katika ugawaji wa Mahindi ya misaada madiwani wa CCM na wenyeviti wa vitongoji walitaka watu waonyeshe vitambulisho kwanza yaani kadi za CCM ndiyo wagawiwe.Nina ushahidi wa majina ya watu wasiojiweza kabisa hawakupewa mahindi,na pia hujuma iliyotumika kudhulumu watu waliostahili kupewa mahindi hawakupewa.Nimeorodhesha malalamiko na ushahidi wote ukajadiliwe kwenye vikao vya baraza la madiwani walifanyie kazi watoe ripoti kwa wananchi wa Rombo

Wananchi wa rombo wanatia huruma kwa jinsi wanavyobambikiwa kesi na watendaji wa serikali,ni ukandamizaji uliopitiliza.Kulikuwa hakuna vituo vya polisi na hata vilivyopatikana vinatumika kama tools za kutisha raia na kujipatia hela.Mojawapo ni kesi iliyomuhusu mwananchi mmoja anaitwa Aristariki Kimaryo aliyewekwa mahabusu na mtoto wake pamoja na mkwe wake kituo cha polisi Mashati kisa hawajatoa hongo ya kumnusuru mtoto wake,hivyo polisi wakaamua kuwasweka mahabusu.Tulipowahoji polisi sababu ni nini wakaishia kutoa vitisho hadi tulipotishia kutumia nguvu ndipo walipowaachia

Tembo wanaotoka nchi jirani wamekuwa wakivamia mashamba ya wananchi,wakiharibu na hata kuuwa watu lakini hakuna fidia ya maana iliyofanyika.Wanachi wa Rombo sasa inabidi kwa ruthless,wanyama wanaoingia kwenye mashamba inabidi wauwa na hakuna kutoa taarifa kwa idara ya maliasili,wauawe na pembe ziuzwe hela iingizwe kwenye akaunti maalumu ya kufidia walioathiriwa na wanyama hao

Leo hii watu wanawalaumu watu wa Rombo kwa kujiskia sehemu ya kenya bila kufikiria saikolojia iliyowaathiri ya muda mrefu.Huduma za kijamii na kiuchumi zimekuwa attached na wakenya.Hata Radio ya Taifa TBC haifiki kule badala yake KBC ndiyo inasikika sijui kama watu walioko Tunduma,Songea na kigoma wanasikiliza redio za Zambia,malawi,msumbiji au DRC kuliko TBC au ni Rombo peke yake?

Sasa serikali itende haki,mkuu wa mkoa,mkuu wa wilaya,madiwani pamoja na Mbunge wa Rombo simamieni maslahi ya wananchi wa Rombo.Serikali iache vitisho,iache kuwatisha wananchi wa Rombo.

Lyceum · Nov 9, 2011

Mtakavoenda Hija krismas mtawapelekea sukari wajameni. Wanajua msimu wa kwenda umefika.