Riwaya: Tutarudi na roho zetu?

[ntamaholo]

nashukuru nimeipata mkuu ntamaholo ipo sura ya sita,nimeshindwa jinsi ya kushare hapa jamvini

Kapo jr, next time ni kuikopi na kuihariri kwa kupanga paragraph na kuitupia hapa. ni rahisi sana tu. usiache kutupa mambo kama kuna epsode mpya

 

[Mkenge73]

hapa kidoogo nimerizika

 

[Kapo Jr]

Kapo jr, next time ni kuikopi na kuihariri kwa kupanga paragraph na kuitupia hapa. ni rahisi sana tu. usiache kutupa mambo kama kuna epsode mpya

Ntajaribu nikiipata tena

 

[Kirchhoff]

0784296253 mtoa Riwaya.

 

[kiraia]

Kirchhoff embu andika tukuelewe, unamaanisha hiyo namba uliyotoa tunaweza kupata hicho kitabu?

 

[Kirchhoff]

Kirchhoff embu andika tukuelewe, unamaanisha hiyo namba uliyotoa tunaweza kupata hicho kitabu?

Unaweza kumpata mtuma Riwaya ndugu. Si unajua Airtel Money inahusu

 

[kiraia]

Unaweza kumpata mtuma Riwaya ndugu. Si unajua Airtel Money inahusu

Sasa nikimtumia bundle atanitumia yote au vipande vipande kama anavyorusha huku?

 

[ntamaholo]

Sasa nikimtumia bundle atanitumia yote au vipande vipande kama anavyorusha huku?

msilete utani na kuandaa kwa typing. lzm imgarimu ikizingatia pia kuwa naye ana kazi zake.

kuweni wapole, atakuja na kitu kipya

 

[ntamaholo]

SURA YA SITA
II
Baada ya kuzitawala na kuzinyonya sana
nchi zetu nyingi za Kiafrika, na baada ya
'kutoa' uhuru kwa shingo upande,
Uingereza iliendelea kujifanya kuwa baba
na mama wa makoloni yake ya awali.
Falsafa hii ndio chanzo cha kutoa
vijimsaada kadha wakadha. Eti pia
Uingereza ndio mtaalam wa habari
zinazohusu nchi hizi zilizokuwa chini ya
himaya yake.


Na habari ambazo hupata nafasi katika
vyombo vyao mara nyingi huwa ni zile
ambazo si nzuri sana katika masikio ya
wasikilizaji. Yaani habari za aibu,
kushindwa, rushwa udikteta, uzembe na
kadhalika. Uteuzi huu wa habari hizo
mbovu na kuacha zile nzuri nje yao ni
ushahidi mwingine ambao huonyesha
kuwa Uingereza ingependa kuendelea
kuitawala Afrika hadi mwisho wa dunia.
Habari za wizi wa fedha za kigeni katika
Tanzania zilikuwa tamu mno katika
magazeti, redio na televisheni zote za
Uingereza. Habari hizo zilipambwa kwa
wino na rangi mbalimbali na uongo wa
aina tofauti hata zikawa kubwa kuliko
zilivyostahili kuwa. Hiyo ilitokana hasa na
mwizi wa pesa hizo alivyokuwa mtu
maarufu duniani. "Ndivyo walivyo
waafrika..." liliandika gazeti moja. "Kati yao
hakuna mwaminifu..." Gazeti lingine
lilipendekeza kuwa Tanzania isipate
msaada wowote wa kimataifa bila ya fedha
hizo kurejeshwa. "Tunaamini kilicofanyika
ni njama tu, baina ya Joram na viongozi wa
serikali yake", Televishen moja ilitangaza.
Habari hizi zilianza kuwa za kawaida
machoni na masikioni mwa Joram na Nuru.
Hawakuzijali wala kuzishughulikia. Hata
hivyo kuna gazeti hili ambalo liliwashtua
zaidi. Mwandishi wake alikuwa amesafiri
hadi Dar es Salaam Tanzania ambako
alifanya utafiti wake binafsi, akihonga hapa
na kuiba habari pale hata akawa
ameunganisha taarifa ambayo ilidai kuwa
Joram alikuwa ametorokea Nairobi Kenya
kwa ndege ya kukodi. Mwandishi huyo
alisafiri hadi Nairobi ambako utafiti wake
ulimfikisha katika chumba alichokuwa
Joram na Nuru wakitumia majina bandia.
"Kwa kila hali Joram yuko London hivi
sasa", lilieleza gazeti hilo. "Dunia haiwezi
kupumbazwa na hila zake za kujibadili
sura na umbile. Kwa hila ilivyo Joram
atakuwa akiishi katika hoteli kubwa kwa
jina la bandia.


"Imekuwa tabia ya kawaida", liliendelea
kuandika gazeti hilo. "Kila wanapofanya
madhambi yao huko kwao hukimbilia huku.
London imejaa watu weusi wengi ambao
wanaishi wanavyotaka baada ya kufanya
maovu - au mema ambayo yalionekana
maovu - huko makwao. wako wachoyo,
wahujumu, wazembe, wanafiki na
kadhalika. Wengi wameziacha nchi zao
zikiwa masikini zaidi na huku roho za watu
zikiteketea katika vita na mauaji yasiyo na
mwisho. Uingereza tunawakaribisha na
kuishi nao kama binaadamu wenzetu.
Miongoni mwa watu hawa sasa yumo
Joram Kiango, mtu aliyejifanya na
akaaminika kuwa ana roho ya kipekee
yenye upendo na ushujaa kama ngao kwa
jamii yake. Kumbe alikuwa fisi katika ngozi
ya kondoo. Huyu, Uingereza haiwezi
kumstahamili. Lazima apatikane,
ahukumiwe na kupokonywa kila senti
aliyobaki nayo.


Nuru alimaliza kuisoma habari hii huku
akitetemeka kidogo. Lakini ilimshangaza
alipoinua uso na kukutana na uso wa
Joram ambao ulikuwa ukichekelea. Hilo
lilimshangaza. Akiwa mtu aliyeishi na
Joram kwa kipindi cha kutosha, alikuwa na
hakika kuwa amemfahamu Joram vya
jutosha. Asingelaghaika kama watu
wengine kung'amua lini anacheka kwa
hasira na wakati upi anajifanya kuchukia
wakati amefurahi. Tabasamu hilo ambalo
huutembelea uso huu kwa nadra sana.
Hivyo ilimshangaza sana Nuru.


Alimtegemea Joram kujisingizia kucheka
huku rohoni akibabaika na kukata tamaa.
Si kushangilia kama aliyepata tuzo au
ushindi mkubwa baada ya shindano gumu.
"Sijakuelewa Joram, sidhani kama hii ni
habari njema", Nuru alimwambia Joram.
"Wala sidhani kama una haki ya kutegemea
habari njema tangu ulipokubali
kuandamana na mwizi mkubwa kama
huyu", Joram alimjibu Nuru taratibu.
Alipoona uso wa Nuru bado una maswali
na dalili za kutoridhika, aliongeza,
"Kinachonichekesha ni huyu Mwingereza
anavyojinya ana uchungu na nchi yetu
kuliko sisi wenyewe. Utafiti aliofanya
hautokani na moyo wake wa kuwajibika
bali ni nguvu alizonazo kiuchumi. Uwezo
ambao ameuiba kutoka katika makoloni
yao miaka nenda rudi".
Joram alikohoa kidogo kabla ya kuongeza,
Hawawezi kunitisha kabisa. Nitaishi hapa
nikistarehe katika jiji kubwa ambalo
linapendeza kwa madini yaliyoibiwa kwetu,
yaliyochimbwa kwa jaso la babu zetu.
Nitaondoka hapa tu nitakapokuwa tayari
kuondoka. Sivyo dada Nuru?".
"Ninachosema ni jinsi unavyoifurahia
habari hii badala ya kuionea aibu.
Sikutegemea. Au pengine hili ni fumbo
jingine?". Joram hakumjibu.


Maisha jioni ile yaliendelea kama kawaida.
Joram alijipitisha hapa na pale akifanya hili
na lile. Sasa ilikuwa dhahili shahili kwa
Nuru kuwa alikuwa katika shughuli kubwa
na ngumu kinyume na jinsi alivyoiruhusu
sura na sauti yake kuonyesha. Nuru
hakujisumbua tena kumuuliza Joram lolote
akichelea kupoteza muda wake kwani
ingekuwa sawa na kumpigia mbuzi gitaa
ukimtegemea kucheza rumba. Hata hivyo
Nuru alipopata wasaa mwingine alimkabiri
Joram na kumwambia kwa utaratibu,
"Unadhani mwandishi yule anatania
anaposema watafanya juu chini kututafuta?
Huoni kama tunaweza kukamatwa? Hila
hizi za kujibadili sura si imekuwa
teknolojia ya kawaida siku hizi? Sidhani
kama zinaweza kutusaidia".
"Najua, mpenzi. Ninachojivunia ni wingi wa
watu na ukubwa wa jiji hili. Itawachukua
muda hadi watakapofika hapa na
kutukamata. Wakati huo hatutakuwa hapa
tena, bali tutakuwa angani tukimalizia
kuitembelea nchi ya mwisho ya dunia.
Usijali Nuru. Starehe bila hofu yoyote..."


Joram hakuumaliza usemi wake kabla ya
kuusikia mlango ukigongwa.
Wakatazamana huku wakisikiliza. Mlango
ulipogongwa tena kwa nguvu kuliko
mwanzo. Joram hakuwa mgeni wa
ugongaji wa polisi. Kwa mara ya kwanza
akajikuta kuwa alikuwa amekosea sana
kuwadharau polisi wa Uingereza kiasi
hicho. Akamtumia Nuru jicho ambalo
lilibeba ujumbe ambao masikioni mwa
Nuru ulieleza waziwazi "Cheza nao". Papo
hapo Joram akatoka na kuingia bafuni
huku akiufunga mlango nyuma yake.
Mlango ulipogongwa tena Nuru aliinuka na
kuufungua. Kama walivyotegemea mlango
ulipofunguka aliingia askari mmoja
mwenye cheo cha Sajenti akifuatana na
mmoja kati ya maofisa wa hoteli hiyo.
"Samahani sana dada", afisa huyo alieleza.
"Tumelazimika kukusumbua kidogo.
Nadhani utatuwia radhi. Huyu hapa ni
Sajini Brown kutoka Scotland Yard, yuko
katika ziara ya kuwatembelea wageni wote
wa hoteli hii ili kutazama hati zao za
kusafiria pamoja na kuwauliza maswali
madogo madogo ambayo nadhani
utamjibu. Ni mzunguko wa kawaida tu kwa
ajili ya tukio dogo ambalo wangependa
kulikamilisha ili wasirudi tena katika hoteli
hii".
"Bila samahani", akimgeukia yule polisi
ambaye wakati huo alikuwa akitoa
kitambulisho chake.


"Kwa kawaida hapa kwetu hatupendi
kusumbua wageni", alieleza askari huyo.
Tunatimiza ombi la INTERPOL tu", alisita
akamtazama Nuru kwa makini zaidi. Sijui
dada unaitwa nani?".
"Mrs Prosy Godwin".
"Kutoka?"
"Naijeria".
"Yuko wapi bwana Godwin?"
"Ametoka, nadhani atarudi baada ya dakika
chache".
"Naweza kuona hati zenu za kusafriria
pamoja na nyaraka zingine kama zipo?"
"Bila shaka", Nuru alimjibu huku akiuendea
mfuko ambao aliufungua na kutoa hati.
Akazikabidhi kwa askari huyo ambaye
alianza kuzipekua.
Dakika hiyo hiyo mlango wa bafuni
ulifunguka. Askari alipogeuka kutazama
alikutana na pigo lililokusudiwa
kumumaliza, lakini halikutimiza wajibu
wake. Pigo hilo lilimfanya apepesuke na
kuegemea ukuta. Mkono wake ukapaa
kukinga pigo la pili huku mkono wake wa
pili ukisafiri haraka kuitafuta bastola yake.
Joram hakuruhusu mkono huo utoke na
bastola. Aliachia judo ambayo ilitua
ubavuni mwa askari huyo na kumlegeza.
Pigo lililofuata lilimlazimisha kuanguka
sakafuni. Baada ya kazi hiyo ndipo Joram
alipomgeukia afisa wa hoteli ambaye
wakati huo alikuwa ameduwaa, mdomo
wazi, kama asiyeyaamini macho yake.


"Mwinue ndugu yake na umpeleke bafuni",
Joram alimwamru.
"Vipi bwana Godwin? nadhani
hukumwelewa huyu bwana. Alikuwa hana
nia mbaya zaidi ya... ya..." Joram hakuwa
na muda wa kuchezea. Alijua afisa huyo
wa hoteli alihitaji nini kumtoa mshangao,
pigo moja tu, ambalo halikutegemewa
lilimfanya afisa huyo aanguke chini kama
gunia la mkaa. Hima Joram alianza
kuwavutia bafuni mmoja baada ya
mwingine. Kisha aliufunga mlango wa bafu
kwa funguo na kumfuata Nuru ambaye pia
alikuwa ameshangaa.
"Kwanini umefanya hivyo Joram?
Haikuwepo kabisa sababu ya
kuwashambulia. Askari huyo
asingegundua lolote. Sasa watajua kuwa
uko hapa na wataanza kututafuta kwa udi
na uvumba".
Si kitu. Kwa nini tujikombekombe kwao?
London si mji mzuri pekee yake katika
dunia hii. Bado tuna haja ya kuiona miji
mingine". Joram alimwambia Nuru kwa
tabasamu lenye dalili ya hasira.

ITAENDELEA

 

[Nemesis]

mmhhh! noma sana.

 

[Kapo Jr]

mkuu ntamaholo nimekupata

 

[Mkenge73]

safi mkuu

 

[ni leo tu kesho sipo]

Kijana unaonekana hauko nyuma sana kwa vitabu vya zamani. Mm nina hazina hiyo. Nina will gamba. Almasi mwadui, silaha zilizo potea, will gamba. Vingine ni allani quaterman mashimo ya Mfaume suleiman , kuindea inch isiyo julikana. Elf lela ulela na mikasa saba. Karibuni kwenye library yangu ya vitabu vya zamani.

 

[ntamaholo]

Kijana unaonekana hauko nyuma sana kwa vitabu vya zamani. Mm nina hazina hiyo. Nina will gamba. Almasi mwadui, silaha zilizo potea, will gamba. Vingine ni allani quaterman mashimo ya Mfaume suleiman , kuindea inch isiyo julikana. Elf lela ulela na mikasa saba. Karibuni kwenye library yangu ya vitabu vya zamani.

wapi huko mkuu ni leo tu kesho sipo ?

 

[NYAREMA]

asante ntamaholo!

 

[hawahamisi]

Huku kimya

 

[Kirchhoff]

Doh sasa itabidi nifunge kusoma Riwaya Ramadhani hii

 

[Shupavu]

Duh...!!!

 

[doper]

Thursday, June 18, 2015

TUTARUDI NA ROHO ZETU?

SURA YA SITA


III


..."Ni mtu wa hatari sana katika dunia hii. Ameidhihilishia dunia kuwa hana tofauti na yule muuaji mwingine anayetafutwa duniani kote, Carlos. Sasa kinachotakiwa kufanyika si kumtafuta yeye tu bali kuitafuta roho yake. Vinginevyo dunia itakuwa imestarehe ikisubiri kuimarika kwa kiumbe mwingine wa hatari zaidi ya faru mwenye wazimu.


Hayo yalikuwa mapendekezo ya mwisho kati ya gazeti lile ambalo lilikuwa limehisi kuwepo kwa Joram Jijini London, na hatimaye kuandika juu ya tukio la kutisha lililompata askari wa Scotland Yard na Afisa wa hoteli. Watu hawa ambao walifunguliwa kutoka katika bafu waliyofungiwa kwa masaa kadhaa wa kadhaa baada ya Joram kuondoka zake, walikuwa wameeleza jinsi walivyowakabiri watu ambao mtu yeyote asingefahamu kuwa wangeweza kuwa Joram Kiango na Nuru. Askari huyo alieleza hayo huku akiwa katika chumba cha X-ray Hospitali, kuangalia uwezekano wa kuungika kwa mbavu zake tatu zilizovunjwa na Joram.


Waandishi wa gazeti hilo baada ya kuongea na majeruhi hao kwa marefu na mapana ndipo walipotoa habari hiyo ukurasa wa kwanza, ikiwa imepambwa kwa picha nyingi za kuchora. Picha ambazo ziliwachora Joram na Nuru katika sura na mavazi tofauti, wakijaribu kuonyesha jinsi gani wanavyoweza kujibadili. Chini ya michoro hiyo kulikuwa na maelezo yaliyoandikwa kwa herufi nzito yakisema; "Unashauriwa kujihadhari nao. Ukimuona ua kwanza, uliza maswali baadaye".


Gazeti hilo lilisomwa kote duniani. Maelezo yake yalidakwa na TV na redio zote duniani. Watu wengi, ambao walimchukia Joram walizidi kushangilia, hali wale ambao walimpenda walizidi kushangaa.


"Sijui amepatwa na nini mtoto huyu", alifoka Inspekta Kombora huku akilitupa gazeti hilo mezani. "Yuko London na anafanya anavyojua. Anazidi kulipaka matope jina lake ambalo tayari amelichafua.


Ilikuwa dhahiri kwa yeyote amtazamaye Kombora machoni kwamba alikuwa hajapata usingizi wa kutosha kwa muda mrefu. Mambo mengi yalikuwa yamemkabili kichwani kiasi cha kumpokonya hata hamu ya kula. Angewezaje kustarehe wakati siku zilikuwa zikisogea wakati halijapatikana lolote la haja katika kukomesha tishio kutoka nchi adui ambazo zilitaka serikali iache msimamo wa kimapinduzi, la sivyo ajali zingeendelea kutokea. Tanzania kuacha kuzisaidia nchi zinazopigania haki na uhuru wake ilikuwa ndoto ya kupendeza. Kamwe isingetokea. Lakini kuendelea kusaidia nchi hizo huku ukisubiri maafa ya hatari sana, kwa nchi yake na rafiki zako hali huna uwezo wa kufanya lolote ilikuwa ndoto ya kusikitisha sana. Ndoto ambayo ingweweza kutokea.


Walikuwa wamefanya yote ambayo wangeweza kufanya katika juhudi za kuhakikisha usalama. Yote; mema kwa maovu. Magereza ya Keko na Ukonga yalikuwa yamejaa wageni wengi ambao ama waliingia nchi kinyume cha utaratibu, ama hati zao zilitia mashaka. Wote hawa walihojiwa kwa maneno na vitendo. Waliokuwa watakatifu waliachiwa, wenye madhambi ya magendo na uzururaji wakifunguliwa mashitaka. Ni mtu mmoja tu ambaye alielekea kuwa na mengi au machache ambayo yangehusiana na usalama wa nchi.


Huyu alikuwa amekamatwa katika hoteli ya New Afrika baada ya kulala hapo kwa siku moja. Wapelelezi walimshuku baada ya kumsikia akiulizauliza maswali juu ya watu ambao walikutwa wamekufa katika hoteli hiyo ya New Afrika; ni wa aina gani na walikuwa vipi. Alipokamatwa na kutakiwa kutoa vitambulisho, hati zake zilionyesha kuwa ni mwanachama wa ANC ambaye alitoroka kutoka Namibia. CID waliwasiliana na ofisi hizo. Jina la Kweza halikuwemo katika orodha ya wanachama wa ANC. Ndipo lilipofunguliwa bomba la maswali dhidi yake.


Na ni hapo ilipodhihilika kuwa hakuwa mtu wa kawaida jinsi alivyoweza kuyajibu maswali yote kwa ukamilifu kama ambaye alijiandaa kuyajibu. Begi lake ambalo lilikuwa limekaguliwa haraka haraka bila ya kuonekana chochote likapekuliwa tena. Baada ya jitihada kubwa iligundulika mifuko ya siri ambayo ilificha silaha, vyombo vya mawasiliano na vitu mbalimbali vya kijasusi. Alipoulizwa alikovipata vifaa hivyo alikanusha kuwa havifahamu, wala hakupata kuviona vitu hivyo. Ni majibu hayo ambayo yalimuudhi Inspekta Kombora hata akaamua apelekwe chumba cha mateso ili kama hasemi autapike ukweli. Taarifa zilizomjibu Ispekta Kombora zilisema kuwa alikuwa hajasema lolote.


Ndipo alipolitupa gazeti alilokuwa akisoma habari za Joram, na kumtoa akili kwa muda. Akaondoka na kuingia katika lifti ambayo ilimtelemsha chini ya ardhi kiliko chumba cha mateso. Kombora hufika katika chumba hicho kwa nadra sana. harufu ya mchanganyiko wa damu, kinyesi, jasho na machozi ni jambo moja ambalo humfanya aape kuwa asingerudia tena kila anapofika humo. Jambo jingine ni sura za watesaji, sura hizi humtisha zaidi ya mateso yenyewe, zikimfanya aamini kuwa watu hao kama kweli wana roho, basi wana roho za chuma. Nayo macho ya wanaoteswa si jambo ambalo macho ya mtu mstaarabu yatapendezwa kuangalia.


Leo hii alimkuta Kweza, au kilichosalia katika umbo la aliyekuwa Kweza; akiwa amelala sakafuni, sura ikiwa haitambuliki kwa kuvimba na kuchubuka. Vidole vyake vyote vilikuwa vimevunjika tayari, jicho moja limefumuka na meno manne yamepotea. Watesaji walikuwa wamemuinamia wakimdunga sindano ambayo ilikuwa na waya iliyotokea katika soketi ya umeme.


"Mwachieni kidogo", Inspekta Kombora aliamru akikiendea kiti na kuketi.


"Mleteni hapa".


Kweza alisimamishwa mbele ya Inspekta Kombora, akitetemeka kwa uchungu na maumivu makali. Nusura Kombora amhurumie. Huruma hiyo ilimtoka mara moja mara alipomfikia mtu huyo; mtu mweusi, kibaraka ambaye nusura anasalti juhudi za weusi wenzake katika kujikomboa kutoka katika udhalimu ambao umewaandama miaka nenda rudi. Mtu kama huyu hahitaji kuhurumiwa hata chembe.


"Wewe!", Inspekta Kombora akafoka. "Kwanini hutaki kusema ukweli, kama ukisema ukweli tutakuacha uende zako".


Pamoja na maumivu makali aliyokuwa nayo mtu huyo alicheka, "Nimekwisha sema kila kitu. Tatizo lenu ni kwamba hamtaki kuelewa ninachosema. Na juu ya kuniacha niende zangu nimewaambieni mara nyingi kuwa sihitaji kwenda popote. Naomba mkichoka kunitesa mniue".


"Umesema ukweli, ukweli gani?".


"Nimesema kuwa mimi sifahamu chochote juu ya maswali mnayoniuliza. Nilichofuata Tanzania ni kumtafuta rafiki yangu Chonde ambaye inasemekana amefariki. Nilitaka kufahamu amefariki vipi ili niitulize roho yangu.


"Chonde rafiki yako vipi?".


"Alikuwa rafiki wa kalamu. Sikuwahi kuonana naye ana kwa ana", Inspekta Kombora alimtazama kwa makini. Macho yake makali yalimfanya Pweza aanguke tena kicheko dhaifu huku akisema:


"Mnaupoteza muda wangu na wenu bure. Mimi sifahamu chochote. Nanyi hamna lolote ambalo mnaweza kufanya zaidi ya kusubiri maafa kama nilivyoambiwa. Mwenye akili ningemshauri aikimbie nchi hii mapema badala ya kusubiri kifo cha kutisha cha mioto mikali itakayokuja na ufukara wa kutisha baada ya mioto hiyo", akaanguka kicheko kingine dhaifu. Safari hii alicheka kwa muda hata akateleza kutoka mikononi mwa askari waliomshika na kuanguka chini. Hapo chini alitulia kwa muda kisha akapapatika na kukata roho.


Inspekta Kombora na wenzake walisogea na kuimana wakimtazama. Hakuna aliyefahamu kama alikuwa na sumu kinywani au aliitapika roho yake. "Miujiza, iliyoje jamani", Inspekta Kombora alifoka huku akiondoka ndani ya chumba hiki.


itaendelea

 

[barige]

Thanks