Polisi Mko Wapi??Majambazi Wanatumaliza

[RRONDO]

Wafanyabiashara wawili marafiki wauawa kikatili

Marehemu Reinald Chuwa

Marehemu Amedeus Nasau

Watu wanaosaidikiwa kuwa majambazi wamefanya kufuru Dar kwa kuwapiga risasi wafanyabiashara wawili, baada ya kuvamia nyumba zao eneo la Kimara Temboni juzi usiku, muda mfupi baada ya kutoka kwenye sehemu zao za biashara.
Kwa mujibu wa mashuhuda wa tukio hilo, wafanyabiashara hao ambao ni marafiki wakazi wa eneo la Mtakuja, waliuawa kati ya majira ya saa 2.30 na 2:45 usiku ambapo mauaji hayo yalipishana kwa dakika 15 kutoka tukio la kwanza hadi la pili.
Wafanyabiashara hao ambao wametambulika kwa majina ya Reinald Chuwa (32) na Amedeus Nasua (40), imeelezwa ni marafiki wakubwa na wote ni wafanyabiashara wa maduka ya nguo mtaa wa Mchikichini Kariakoo.
Wakisimulia tukio hilo, ndugu wa marehemu hao walisema kwa ujumla bado kuna utata wa jinsi matukio hayo yalivyotokea kwa sababu watu hao waliwapiga risasi katika maeneo yanayofanana huku wote wakiuawa wakati walipokuwa wakiingia ndani ya geti za nyumba zao.
Mdogo wa marehemu Chuwa, aliyejitambulisha kwa jina la Robert Chuwa (16), alisema kaka yake alifika nyumbani kwao majira ya saa 2 usiku akitoka kwenye biashara zake akitumia gari lake dogo. Alipofika getini alipiga honi ili afunguliwe geti kubwa.
Alisema, alipokwenda kumfungulia na kuliingiza ndani gari, ghafla alishtukia watu wakilifuata geti kwa haraka kitu ambacho kilimshutua Chuwa na kumuamuru haraka mdogo wake kwenda kulifunga geti kabla watu hao hawajafanikiwa kuingia ndani.
"Hata hivyo sikufanikiwa kulifunga kwani wale watu walinionyesha bunduki na hapo nilipata hofu nikakimbilia ndani kuwaambia ndugu zangu ili tukimbilie nje," alisema Robert.
Alisema, baada ya kuona hivyo, Chuwa naye alijaribu kukimbilia ndani, lakini alipigwa risasi na watu hao hatua chache kabla ya kuufikia mlango na kuanguka sebuleni.
"Tusikia sauti ya bunduki ikilia, kumbe wakati huo kaka alipigwa risasi kifuani na kuanguka chini sebuleni... wale watu walimburuza hadi chumbani huku damu nyingi wakiacha zikisambaa sakafuni," alisema.
Katika tukio hilo mke wa marehemiu, Matron Emannuel alikamatwa akiwa nje ya nyumba na baadae walimuingiza chumbani alikokuwa mumewe na kuamuru kutoa pesa walizokuwa nazo.
Majambazi hayo walifanikiwa kuchukua Sh. 300,000 pamoja na simu mbili za mkononi na baadae waliondoka kuelekea nyumbani kwa Amedeus Nasua umbali wa nusu kilomita kutoka eneo hilo.
Ndugu wa marehemu Nasua, Sylvester Masawe (23), ambaye wakati marehemu anauawa alikuwa akishuhudia, alisema kabla ya ndugu yake kupatwa na tukio hilo, wakiwa njiani kaka yake alipigiwa simu ikimuarifu kuwa rafiki yake amevamiwa na kupigwa risasi.
Alisema, mtu huyo alikuwa akizungumza naye hadi walipofika nyumbani, ambapo mara walipofunguliwa geti na kuingia ndani, ghafla watu wanne waliingia na kulizunguka gari lao na kuwaamuru kufungua vioo vya madirisha.
"Mimi nilikua wa kwanza kufungua mlango, lakini kabla sijafungua wote nilishtukia nikitupwa nje na kukandamizwa chini kwa miguu na kisha mmoja wa majambazi mwenye silaha alimfuata kaka pale alipokaa na kuelekeza mtutu kwenye bega lake la kushoto na kumpiga risasi," alisema Masawe.
Baada ya kumpiga risasi, majambazi hayo walimpekua ndani ya mfuko wa suruali na kuchukua Sh. 350,000 na pesa zingine Sh. 205,000 walizichukua kutoka kwa Masawe.
Alisema, baada ya kufanya mauaji hayo waliingia ndani na kumpiga mke wa marehemu, Cicilia Nasua jiwe la kichwani na kusababisha kupoteza fahamu kabla ya kupora simu, pete na hereni za dhahabu na baadae waliondoka eneo hilo.
Pamoja na hayo, wakazi wa eneo hilo wamelilalamikia Jeshi la polisi kwa kutochukua hatua za haraka kutokana na kushamiri kwa matukio hayo kila wakati.
Wameeleza matukio kama hayo wamekuwa wakikumbana nayo kila baada ya miezi mitatu na tayari wamesharipoti katika chombo hicho cha kulinda usalama wa raia lakini hakuna hatua inayochukuliwa na kusababisha maisha yao kuwa mashakani kuhofia kuvamiwa na majambazi.
Kamanda wa Mkoa wa Kipolisi wa Kinondoni, alipotakiwa kuelezea tukio hilo ka njia ya simu, alisema yupo kwenye kikao cha kujadili suala hilo na kisha alizima simu yake ya mkononi.
"Tafadhali najua mnachotaka kuniuliza, nipo kwenye kikao cha kujadili suala hilo," alisema na kisha alikata simu.
Hata hivyo alipopigiwa simu kwa mara nyingine simu yake ilionyesha imezimwa.




CHANZO: NIPASHE JUMAPILI

 

[Yegomasika]

Da this is so sad, yaani mtu wanakutoa uhai kwa ajili ya shs 300,000?. Poleni sana wafiwa.

 

[Oxlade-Chamberlain]

noma sana ,waziri wa mambo ya ndani ajiuzulu kama ameshindwa kazi manake hii ni hatari kila siku majambazi.sasa kama matukio haya mbayo yamefanyika karibu kwa mda wa dakika kumi na tano na bado polisi walishindwa kutokea.

kama polisi imeshindwa kazi tupa wanajeshi mitaani kwani hali imekua mbaya sana sasa hivi.nchi nyingi tu huwa wanatumia jeshi wanapozidiwa nguvu katika swala lolote lile ambalo linatishia maisha ya wananchi wake.
sema nchi yetu viongozi wetu wamelala sana na hwako kwa ajili ya kufanya kazi bali kujinufaisha wao binafsi.


hawa jambazi wamezidi kwa unyama mna silaha kwanini msichukue mnachokitaka bila kutuua? sasa lakini tatu na simu 2 kweli unaweza kufananisha na thamani ya maisha ya mtu?


poleni sana wafiwa na Mungu awalaze mahali pema wafanya biashara hawa.

 

[Ubungoubungo]

poleni wafiwa. inabidi polisi wafanye kazi yao la sivyo waadibishwe kwa uzembe, kwasababu kama watu wanawaarifu juu ya matukio wenyewe hawafanyi kitu, upolisi wao ni wa nini sasa? ndo maana wanajeshi huwa wanawadharau na kuwa ita polisi hawana lolote, ni wananchi wakakamavu tu ila si chombo cha ulinzi wowote, kwasababu wanaogopa bunduki, wakisikia jambazi anavamia wanaogopa kwenye kurushiana risasi, sasa mafunzo ya upolisi walienda kufanya nini au walidesa tu?

vilevile na sisi wananchi tuwe makini katika maisha yetu, haya mauaji mengine huwa yanakuwa ni kwasababu ya chuki za kibiashara, wivu wa kibiashara au dhuruma/zuruma kibiashara etc. kuna mshikaji moja pale kimara mwisho, alitumiwa majambazi na ma adversaries wake aliowahi kuwazurumu mali wakamuua mchanamchana....alikuwa na pesa hawakuhitaji pesa zaidi ya kumpiga risasi ya kichwani...na majambazo hayo inasemekana yalikuwa ya kisomali...yaani nasikia kuna watu hapa Dar wanakodiwa kabisa kufanya mauaji kama ilivyo south africa....souz ukiwa na bifu na mtu unalipa tu kiasi fulani kwa mtu anaenda kumfanyia...ndo inaingia tz hiyo....hivyo tuwe makini kwa kila kitu, nafikiri polisi wakifanya uchunguzi watawapata tu hao wahalifu. hasa ndugu zangu, wakwe zangu kutoka mlimani knjaro, inafikika kipindi mtu anathamini pesa kuliko hata utu....mbona mauaji mengi ya hawa watu ni wachagga, kunani?chunguza uone kila kifo unachosikia....samahani kama nitakuwa mkabila, lakini hawa ni wangu tu wakwe zangu hivyo sijawakabila hapa...mimi ni mwanafamilia wao pia..

 

[Mzee2000]

Kweli jeshi la polisi limeshidwa kazi.Inakuwaje watu wauawe mchana mchana tu na hakuna mtu anayekamatwa?

Mkuu wa polisi ajiuzuru.

 

[Wacha1]

Si walisema JK ni chaguo la mungu? Wacha wauawe tu hadi pale watakapopata akili ya kuondoa msukule pale Magogoni.

 

[Injinia]

Si walisema JK ni chaguo la mungu? Wacha wauawe tu hadi pale watakapopata akili ya kuondoa msukule pale Magogoni.

Aisee wewe mbona unakosa ubinadamu? Ukumbuke kuwa humu JF kuna ndugu za hao wafanyabiashara waliofariki na pia si ajabu hata wao walikuwa wana JF. Hilo pembeni, si vizuri kusema hivyo. Inaelekea wewe hujawahi kufiwa

 

[Mpeni sifa Yesu]

Si walisema JK ni chaguo la mungu? Wacha wauawe tu hadi pale watakapopata akili ya kuondoa msukule pale Magogoni.

Wewe huna roho nzuri, angeuawa mdogo wako ungeongea hayo unayoongea? unafikiri kwa statement kama hii wafiwa natajisikiaje? you think you are immute from hao majambazi? usitukane mamba wakati bado haujavuka mto.

 

[PELE]

Polisi wako busy kuwalinda fisadis

 

[Mundu]

...hii inasikitisha sana, hao waliouwawa ni vijana wadogo kabisa, na ndio kwanza wanaanza familia, majambazi yanakatisha maisha yao na kuchukua roho zao.
Polisi lazima wafuatilie matukio haya na watoe taarifa kwa wananchi. Kwanini wakazi wa Kimara waishi kwa hofu hivi? Hili si tukio la kwanza kutokea huko! Lakini hii itakuwa sawa na kilio cha samaki, machozi yanakwenda na maji. Ni nani anayejali? Ee Mungu, utunusuru na madhila haya!

Poleni sana wafiwa. Mwenyezi Mungu alaze roho za marehemu, mahali pema peponi. Amina!

 

[Mahesabu]

SIKU HIYO HIYO WALIVAMIA MBEZI MAKABE NA KUIBA KATIKA NYUMBA MBILI ZILIZOKUWA JIRANI NA KUTOKOMEA HALI WAKIWA WAMEUA MLINZI........! (Ni nyumbani kwa bwana mmoja afanyaye kazi tanesco na mkewe ni dokta mwananyamala)

 

[Tiba]

poleni wafiwa. inabidi polisi wafanye kazi yao la sivyo waadibishwe kwa uzembe, kwasababu kama watu wanawaarifu juu ya matukio wenyewe hawafanyi kitu, upolisi wao ni wa nini sasa? ndo maana wanajeshi huwa wanawadharau na kuwa ita polisi hawana lolote, ni wananchi wakakamavu tu ila si chombo cha ulinzi wowote, kwasababu wanaogopa bunduki, wakisikia jambazi anavamia wanaogopa kwenye kurushiana risasi, sasa mafunzo ya upolisi walienda kufanya nini au walidesa tu?

vilevile na sisi wananchi tuwe makini katika maisha yetu, haya mauaji mengine huwa yanakuwa ni kwasababu ya chuki za kibiashara, wivu wa kibiashara au dhuruma/zuruma kibiashara etc. kuna mshikaji moja pale kimara mwisho, alitumiwa majambazi na ma adversaries wake aliowahi kuwazurumu mali wakamuua mchanamchana....alikuwa na pesa hawakuhitaji pesa zaidi ya kumpiga risasi ya kichwani...na majambazo hayo inasemekana yalikuwa ya kisomali...yaani nasikia kuna watu hapa Dar wanakodiwa kabisa kufanya mauaji kama ilivyo south africa....souz ukiwa na bifu na mtu unalipa tu kiasi fulani kwa mtu anaenda kumfanyia...ndo inaingia tz hiyo....hivyo tuwe makini kwa kila kitu, nafikiri polisi wakifanya uchunguzi watawapata tu hao wahalifu. hasa ndugu zangu, wakwe zangu kutoka mlimani knjaro, inafikika kipindi mtu anathamini pesa kuliko hata utu....mbona mauaji mengi ya hawa watu ni wachagga, kunani?chunguza uone kila kifo unachosikia....samahani kama nitakuwa mkabila, lakini hawa ni wangu tu wakwe zangu hivyo sijawakabila hapa...mimi ni mwanafamilia wao pia..

Mkuu Ubungoubungo,

Tuko pamoja hapa. Pamoja na kuwapa pole wafiwa, mauaji haya si ujambazi tu, kuna masuala ya kulipiza visasi ndani yake. Hawa ni marafiki, wanafanya kazi sehemu moja na hawakufanya ubishi walipotakiwa kutoa hela sasa kwa nini majambazi yaliamua kuwapiga risasi?

Nina uhakika 75% ni mauaji ya kulipa visasi na wala wauaji walikuwa hawataki hela wala simu!!!!

Mwema na Waziri wako Masha kwa nini msiwajibike kwa mauaji haya ya kila siku?

Tiba

 

[Mahesabu]

tusiwalaumu polisi.....tuilaumu POLISI JAMII na ULINZI SHIRIKISHI......! mitaani ndimo majambazi wanamoishi, tunaishi nao tunakula nao ...kwa nini hatuwatolei taarifa???(KWA SABABU POLISI WANAKULA NAO) na kama wanakula nao hakuna sehemu nyingine ya kutoa taarifa na mtoa taarifa akawa salama?/???(ZIPO, OFISI YA MKUU WA WILAYA NA OFISI YA MKUU WA MKOA),ka nini tunasema polisi jamii ni chanzo cha ujambazi kushamiri?( KWA SABABU POLISI ANALINDA ASIIBIWE BUNDUKI YAKE KWANI KUMSHAMBULIA JAMBAZI MAMBO YANAWEZA KUMGEUKA)
KUHUSU MATUKIO YATOKEAYO MAENEO YA KIMARA NA MBEZI NI KWAMBA WAHUSIKA HAWATOKI MBALI NA MAENEO HAYO KWANI DALILI ZINAONYESHA MATUKIO YOTE HUTEMBEA KWA MIGUU NA KUTOKOMEA VICHAKANI PASIPO KUTUMIA CHOMBO CHA USAFIRI WALA PURUKUSHANI

 

[Junius]

Du hii hatari sasa yaani viboko wanapewa ulinzi kama wa rais lakini wananchi wanauwawa kikatili namna hiyo!!

 

[RRONDO]

hawa jambazi wamezidi kwa unyama mna silaha kwanini msichukue mnachokitaka bila kutuua? sasa lakini tatu na simu 2 kweli unaweza kufananisha na thamani ya maisha ya mtu?

hiki ndio cha kushangaza,wamechukua hela na simu bado wamewaua hawa watu,je kuna lingine zaidi ya ujambazi tu?kuua watu kwa 200,000 na simu??!!

 

[Magezi]

tusiwalaumu polisi.....tuilaumu POLISI JAMII na ULINZI SHIRIKISHI......! mitaani ndimo majambazi wanamoishi, tunaishi nao tunakula nao ...kwa nini hatuwatolei taarifa???(KWA SABABU POLISI WANAKULA NAO) na kama wanakula nao hakuna sehemu nyingine ya kutoa taarifa na mtoa taarifa akawa salama?/???(ZIPO, OFISI YA MKUU WA WILAYA NA OFISI YA MKUU WA MKOA),ka nini tunasema polisi jamii ni chanzo cha ujambazi kushamiri?( KWA SABABU POLISI ANALINDA ASIIBIWE BUNDUKI YAKE KWANI KUMSHAMBULIA JAMBAZI MAMBO YANAWEZA KUMGEUKA)
KUHUSU MATUKIO YATOKEAYO MAENEO YA KIMARA NA MBEZI NI KWAMBA WAHUSIKA HAWATOKI MBALI NA MAENEO HAYO KWANI DALILI ZINAONYESHA MATUKIO YOTE HUTEMBEA KWA MIGUU NA KUTOKOMEA VICHAKANI PASIPO KUTUMIA CHOMBO CHA USAFIRI WALA PURUKUSHANI

Acheni mambo ya ajabu polisi jamii/shirikishi na SMG??? Magufuli alikwisha sema polisi ya tanzania isiendekeze polisi jamii

 

[Wacha1]

Aisee wewe mbona unakosa ubinadamu? Ukumbuke kuwa humu JF kuna ndugu za hao wafanyabiashara waliofariki na pia si ajabu hata wao walikuwa wana JF. Hilo pembeni, si vizuri kusema hivyo. Inaelekea wewe hujawahi kufiwa

Kwa hiyo ukweli usisemwe kwa sababu wapo wana JF/Wafiwa?

Wewe huna roho nzuri, angeuawa mdogo wako ungeongea hayo unayoongea? unafikiri kwa statement kama hii wafiwa natajisikiaje? you think you are immute from hao majambazi? usitukane mamba wakati bado haujavuka mto.

Ndilo tatizo tulilonalo tunaangalia pua. Nani ni mdogo wangu? Nani ni ndugu yangu? Adui yetu anayeleta majambazi analala pale Magogoni licha ya kuuza ardhi alifukia wachimbaji wa madini kule Shinyanga/Mwanza na bado mnakenua utafikiri mmepewa peremende, kila uchwao wanakufa wangapi au ni kwa sababu hawapigwi risasi?

 

[RRONDO]

kumradhi jamani hivi POLISI JAMII ndio nini??ile sungusungu??

 

[Mwana wa Mungu]

Si walisema JK ni chaguo la mungu? Wacha wauawe tu hadi pale watakapopata akili ya kuondoa msukule pale Magogoni.

you are not fair at all. this describe who you are.

 

[Wacha1]

you are not fair at all. this describe who you are.

What about you? To call yourself Mwana wa Mungu sums it all.