Pinda abadili upepo wa CCM urais 2015

[Ibada ya kwanza]

Amewahi kulia bungeni.na wapigwe tu.

 

[don xxx]

Pinda ni zaidi ya shockabsorber katika serikali ya Jk nadhani bila Pinda nchi hii ilikuwa imeshamshinda Jk.Pinda na Jk wanatofautiana sana kimtazamo tumeshuhudia kauri nyingi za kizarendo kutoka kwa Pinda zinavyokinzana na kauri na maamuzi ya kipuuzi ya Jk mfano ni ile kauri iliyomuhusu Jairo.si hapo tu mafisadi wengi ni washikaji wa Jk sasa ulotegemea Pinda atabishana na Jk.kwa nyongeza naomba ujue kuwa Pinda aligomea uteuzi wa mara ya pili kuwa waziri mkuu baada ya kuahidiwa ushirikiano mzuri toka ikulu alikubali lakini kwa bahati mbaya ushirikiano alioutegemea hakuupata.kwa maoni yangu mtu msafi pekee kati ya wanaowania urais kupitia kijani ni Pinda peke yake coz amechangia kustablelise nchi hii baada Jk kuvurunda

 

[jorojo]

Kuliko pinda bora awe lowasa tu

 

[Bakeza]

Mwanzoni nilifikiri Pinda anabusara ya kuona mbali!....

Hata hivyo bado sijaamini kama kweli katangaza nia hiyo.

Jaman samahan wadau mi ntakuwa na mtazamo tofauti kidogo na wengi. Ninahisi atakuwa karukwa na akili maana si bure

 

[daniel merengo]

Pinda ni zaidi ya shockabsorber katika serikali ya Jk nadhani bila Pinda nchi hii ilikuwa imeshamshinda Jk.Pinda na Jk wanatofautiana sana kimtazamo tumeshuhudia kauri nyingi za kizarendo kutoka kwa Pinda zinavyokinzana na kauri na maamuzi ya kipuuzi ya Jk mfano ni ile kauri iliyomuhusu Jairo.si hapo tu mafisadi wengi ni washikaji wa Jk sasa ulotegemea Pinda atabishana na Jk.kwa nyongeza naomba ujue kuwa Pinda aligomea uteuzi wa mara ya pili kuwa waziri mkuu baada ya kuahidiwa ushirikiano mzuri toka ikulu alikubali lakini kwa bahati mbaya ushirikiano alioutegemea hakuupata.kwa maoni yangu mtu msafi pekee kati ya wanaowania urais kupitia kijani ni Pinda peke yake coz amechangia kustablelise nchi hii baada Jk kuvurunda

Kwa hiyo kitendo cha pinda kuruhusu watanzania wanaodai haki zao wapigwe eti kwa sababu amechoka ni kitendo cha uzarendo? alikataa uteuzi au ndio sitaki nataka? kwani kuna mtu aliyemlzimisha kuwa waziri mkuu?

 

[daniel merengo]

Kuliko pinda bora awe lowasa tu

Lowasa kila siku yuko ujeruman kucheck afya ya sikio,huo muda wa kutumikia wananchi ataupata wapi?

 

[aminiusiamini]

Mxxxxu


The King.

 

[F.c.mwanzi]

System ile ile 2,mbadala apatikane dictator tu asiye na chama

 

[MasterP.]

Mwaka ujao kuna movie nzuri sana, ngoja ninunue mashine ya pop corn kabisaa!

kabsaaaa hata mie najiandaa kutafuta projector ili niweze kushuhudia movie vizuri

 

[kisururu]

Lowasa kila siku yuko ujeruman kucheck afya ya sikio,huo muda wa kutumikia wananchi ataupata wapi?

Wewe unasahau wanaoenda kubadili damu nini? Na still wanaongoza nchi

 

[gerrald]

lowasa 2015,hakuna wa kumzuia huyu,nawaambia leo!.....

 

[jMali]

Huyu anataka tu kugawa kura za membe na lowassa, hakuna kingine.

 

[sailo]

Sasa kwani Zanzibar nchi? hata Tanganyika si nchi. Alichosema ni Jamhuri ya Muungano wa Tanzania ambayo inaunganisha Tanganyika na Zanzibar usiwasemee wa Zanzibari wapo wanaomtaka na pia wapo wasiomtaka

 

[musisiemu]

Chezea Kikwete we we hakuna Membe wala Lowassa uraisi

 

[musisiemu]

Hata huyoPinda wenu eti anautaka labda Ubunge au jimbo lake kampa Alfi msaliti

 

[Malila]

Hahahaaah,,,,,,,,hii nafasi ya urais imekuwa rahisi sana, kila mtu hata kama hawezi anaitaka.

Ni rahisi sana mkuu kuwa Rais Tz, mbona hata ww unaweza kabisa kuwa Rais, sema hujataka tu. Tena kwa rangi yako hiyo nyeupe !!!!! Nipo Katavi, nipe majina ya viwanja vya huku mkuu nikate kiu.

 

[mbweta]

Tutasikia tena sekeseke za albino zikianza mpaka uchaguzi uishe

 

[samaki2011]

Namshauri agombee!akipata nadhani wizara ya maji itabidi ifunge mabomba kutoka magogoni hadi maeneo yenye shida ya maji na mtambo wa kusafishia machozi, nadhani shida ya maji itakuwa imeisha tz jamaa atalia from morning 2 evning

 

[Herbalist Dr MziziMkavu]

Mwenyekiti wa CCM, Rais Jakaya Kikwete akipiga kura wakati wa Mkutano Mkuu wa chama hicho huku akiwa jirani na Waziri Mkuu, Mizengo Pinda. Picha ya Maktaba



KWA UFUPI
Profesa wa Chuo Kikuu cha Mzumbe, George Shumbusho alisema wingi wa wanaojitokeza kutaka kuwania urais ni njia ya kuunda mtandao utakaomwezesha mtu fulani au mmoja kunyakua tiketi hiyo.

Dodoma. Waziri Mkuu, Mizengo Pinda ameingia rasmi katika mbio za kuwania urais kupitia Chama Cha Mapinduzi (CCM), hatua ambayo imebadili mwelekeo wa kinyang'anyiro cha nafasi hiyo kubwa ya uongozi nchini kuelekea Uchaguzi Mkuu 2015.


Gazeti hili limethibitisha kwamba Pinda tayari ameamua kujitosa kuwania nafasi hiyo kupitia CCM ambayo tayari inawaniwa na makada wa chama hicho wasiopungua 15 na baadhi yao wameishatangaza nia zao kwa nyakati tofauti.


Habari kutoka ndani ya CCM zinasema uamuzi wa Pinda kuwania urais mwaka mmoja tu kabla ya uchaguzi mkuu unaotarajiwa kufanyika Oktoba mwakani, umesababisha kiwewe miongoni mwa wagombea na kunakifanya kinyang'anyiro hicho kuchukua sura mpya.


Kiongozi mmoja mwandamizi wa CCM aliliambia gazeti hili siku chache zilizopita mjini Dodoma kuwa: "Na sisi tumesikia kwamba PM (Waziri Mkuu) amejitosa na kama ni kweli atawasumbua wagombea wengi kutokana na rekodi yake hasa katika uadilifu."


"Yeye (Pinda) ana faida tatu kubwa; kwanza hana kundi katika chama, anaelewana na watu wote, pili nafasi yake ya uwaziri mkuu inampa nafasi ya kufahamika kwa watu wengi na tatu rekodi yake ya uadilifu, hana kashfa za ovyoovyo, labda kama ataharibu dakika hizi za mwisho," alisema kiongozi huyo ambaye aliomba jina lake lihifadhiwe.


Wengine ambao wamekuwa wakitajwa kuwania uraia kupitia CCM ni Waziri Mkuu wa zamani Edward Lowassa na mtangulizi wake katika nafasi hiyo, Frederick Sumaye, Waziri wa Nchi, Ofisi ya Rais (Kazi Maalumu), Profesa Mark Mwandosya, Mbunge wa Songea Mjini, Dk Emmanuel Nchimbi na Waziri wa Mambo ya Nje na Ushirikiano wa Kimataifa, Bernard Membe.


Wegine ni Waziri wa Nchi, Ofisi ya Rais (Uhusiano na Uratibu), Steven Wassira na Waziri wa Ushirikiano wa Afrika Mashariki ambaye pia ni Mwenyekiti wa Bunge Maalumu, Samuel Sitta. Wengine wanaotajwa ni Waziri wa Uchukuzi, Dk Harrison Mwakyembe, Waziri wa Ardhi, Nyumba na Maendeleo ya Makazi, Profesa Anna Tibaijuka na Waziri wa Katiba, Asha-Rose Migiro.


Pia wamo Waziri wa Maliasili na Utalii, Lazaro Nyalandu, Naibu Waziri wa Mawasiliano, Sayansi na Teknolojia, January Makamba, Naibu Waziri wa Fedha, Mwigulu Nchemba, Mbunge wa Sengerema, William Ngeleja, Mbunge wa Msalala, Ezekiel Maige na aliyewahi kuwa Balozi wa Tanzania nchini Ujerumani, Balozi Ali Karume.


Wasomi


Profesa wa Chuo Kikuu cha Mzumbe, George Shumbusho alisema wingi wa wanaojitokeza kutaka kuwania urais ni njia ya kuunda mtandao utakaomwezesha mtu fulani au mmoja kunyakua tiketi hiyo.


"Watu wanapiga kampeni katika harambee kwa njia ya kutengeneza mitandao, kwani ukifika wakati wa chama kumpitisha mgombea, asiposhinda ataibuka na kuwaeleza kuwa mnaoniunga mkono mimi muungeni fulani," alisema.


Naye Mhadhiri wa Chuo Kikuu cha Dar es Salaam, Richard Mbunda alisema kujitokeza kwa idadi kubwa ya wanaowania nafasi ya urais, kutatoa fursa ya wananchi kutambua udhaifu wa kila mmoja jambo litakalowezesha kupatikana kwa mtu sahihi wa kupeperusha bendera ya chama hicho. "Wakiwa wengi, kila mmoja atataka kuonyesha umahiri wake na sisi ambao ni wananchi watawaliwa tutaweza kutambua upungufu wa kila mmoja, jambo litakalosaidia kupatikana kwa mtu sahihi," alisema Mbunda
Kambi ya Pinda

Uchunguzi uliofanywa na gazeti hili kwa siku kadhaa mjini Dodoma ambako vikao vya Bunge Maalumu vinaendelea umebaini kuwa kambi ya Pinda inaongozwa na Mwenyekiti wa Mamlaka za Mitaa Tanzania (ALAT) ambaye pia ni Meya wa Jiji la Dar es Salaam, Dk Didas Masaburi.

Inadhaniwa kuwa Dk Masaburi atatumia ushawishi wake kwa viongozi wa mamlaka za miji na wilaya zinazoongozwa na wenyeviti wa halmashauri na mameya wa miji, manispaa na majiji kumuunga mkono mgombea huyo ambaye pia hivi sasa Tawala za Mikoa na Serikali za Mitaa ziko chini ya ofisi yake.

Wiki hii kundi la wafuasi wa Pinda likiongozwa na Dk Masaburi lilikuwa mjini Dodoma likijaribu kutafuta kuungwa mkono na makada viongozi wa CCM ambao walikuwa wakishiriki kikao cha Kamati Kuu ya chama hicho pamoja na wale walioko katika Bunge Maalumu. Habari zinasema mbali na Dodoma, tayari kambi hiyo imeshafanya vikao kadhaa jijini Dar es Salaam na Visiwani Zanzibar lengo likiwa ni kutafuta kuungwa mkono na makada wa CCM katika sehemu hizo. Hivi sasa nguvu za Pinda zinaelekezwa katika mikoa mingine nchini kwa lengo hilohilo. Kutokana na kasi ya kambi yake, wafuasi wa baadhi ya wagombea wameanza kufuatilia mwenendo wao kwa lengo la kukusanya ushahidi wa kile wanachokiita ‘rafu' zinazochezwa ili kupata ushahidi unaoweza kutumika dhidi ya mgombea huyo wakati mchakato wa uchaguzi ndani ya CCM utakapoanza mapema mwakani.

Itakumbukwa kwamba makada watano wa chama hicho ambao ni Lowassa, Membe, Makamba, Wassira na Ngeleja wanatumikia adhabu na wapo chini ya uangalizi wa chama hicho baada ya kutiwa hatiani kwa makosa ya kuanza kampeni za urais kabla ya muda kutangazwa.

Katibu Mkuu wa CCM, Abdulrahman Kinana alisema hivi sasa ni mapema mno kusema ni lini mchakato wa kupata wagombea wa nafasi za uongozi ndani ya chama hicho utaanza na kwamba wakati mwafaka ukiwadia wananchi watafahamishwa.

Uwezo, udhaifu wake

Hata hivyo wakosoaji wake wanasema Pinda akiwa Waziri Mkuu hana cha kujivunia na kwamba amekuwa mzito kufanya uamuzi mara kadhaa kiasi cha kusababisha baadhi ya mambo muhimu ya nchi kukwama na kwamba kwa maana hiyo hastahili kuwa rais.

"Ni kitu gani ambacho nchi inakikumbuka kuhusu huyu bwana ambacho alikifanya katika miaka yake ya uwaziri mkuu, kama alikuwa kwenye nafasi kubwa kiasi hicho na hakuna alichofanya, atawezaje kumudu madaraka ya mkuu wa nchi?" alihoji mmoja wa makada wakongwe wa CCM.

Waziri mmoja wa sasa (jina tumelihifadhi), alisema Pinda hana uwezo wa kuongoza nchi, kwani wao wakiwa mawaziri ameshindwa kuwasaidia katika kero mbalimbali walizokuwa wakimfikishia kama kiongozi wao.

"Muulize waziri yeyote kuhusu uwezo wa jamaa, kila kukicha tunampelekea mambo tunayokutana nayo, lakini hakuna kinachowezekana kwake, atakwambia subiri leo, subiri kesho na hatimaye jambo linaishia hivyohivyo," alisema. Kwa upande mwingine, watetezi wake wanasema Pinda wanayemnadi ni yule aliyepata kuwa Waziri wa Nchi, Ofisi ya Waziri Mkuu (Tawala za Mikoa na Serikali za Mitaa – Tamisemi) kiasi cha kuonekana anafaa kuwa Waziri Mkuu.
Wanasema kushindwa kwake kufanya kazi ipasavyo ni matokeo ya sababu zilizomfanya mtangulizi wake, Lowassa kung'oka katika nafasi yake. chanzo.Pinda abadili upepo urais CCM - Kitaifa - mwananchi.co.tz

 

[MoPlan]

Mods kuna haja sasa ta kufungua jukwaa la kampeni bin upambe,maana sasa hizi kampeni za uraisi zitakuwa zinajaa tu kwa thread zisizo na mashiko saa nyingine na kadri inavyokaribia 2015 upambe unazidi,bado ubunge,bado udiwani!!!