Penzi la Kichina


Mzee Mwanakijiji

Mzee Mwanakijiji

Platinum Member
Joined
Mar 10, 2006
Messages
31,754
Likes
7,640
Points
280
Mzee Mwanakijiji

Mzee Mwanakijiji

Platinum Member
Joined Mar 10, 2006
31,754 7,640 280
Yapo mengi ya aina,
Mapenzi ya kila namna,
Ya wazee na vijana,
Mioyo inapeana;
Na lipo penzi la kichina!

Yapo yale ya kizungu,
Ya weupe na wanungu,
Yapo hata ya machangu,
Na ya kufukuzwa na rungu,
Na lipo penzi la kichina!

Yapo yakubembeleza,
Na mengine ya kuliza,
Macho mtu alegeza
Yapo ya kubangaiza
Na lipo penzi la kichina!

Yapo ya kunyemelea
Ya fisi kuchekelea,
Gizani mwatokomea
Kama wanga mwajigea
Na lipo penzi la kichina!

Na yapo ya kuibia
Mapenzi yenye udhia
Mkibambwa mwakimbia
Aibu mwajipatia
Na lipo penzi la Kichina!

Yapo na ya desturi
Hadi kutoa mahari
Na mengine yenye shari,
Yenye kuleta munkari
Na lipo penzi la kichina!

Natunza hili moyoni
Ni siri siwambeni
Ya kichina tamanini
Ni mapenzi ya kigeni
Penzi hilo la Kichina!

Na. M. M. Mwanakijiji (Sauti ya Kijiji)
 
Bujibuji

Bujibuji

JF-Expert Member
Joined
Feb 4, 2009
Messages
42,342
Likes
38,335
Points
280
Bujibuji

Bujibuji

JF-Expert Member
Joined Feb 4, 2009
42,342 38,335 280
Shairi safi sana hili.
 
M

Mapinduzi

JF-Expert Member
Joined
Aug 23, 2008
Messages
2,427
Likes
22
Points
0
M

Mapinduzi

JF-Expert Member
Joined Aug 23, 2008
2,427 22 0
Shairi safi sana hili.
Kigezo kipi wasema
ni safi shairi mwana
bujibuji umekwama
wastahili lawama

Ungeliweka bayana
Uzuri Ulo unena
Tungehitilafiana
Japo kwa kukwaruzana

Umechotwa Bujibuji
Mzee Mwanakijiji
Kizuri kwa alhaji
Si kizuri kwa Rufiji

Uchambuzi yakinifu
Ni muhimu maradufu
Kwa hoja kuwa tukufu
Uichambue kwa urefu

Nakuacha Bujibuji
Namwendea wa kijiji
Hujaona wa Ujiji
La Kichina kama uji

Mapenzi kila aina
Kayashusha ye Rabana
Tangu aumbe Karima
Kuna penzi la kichina

Yote yatofautiana
Kwa ladhaye na aina
Kwa saizi ni bayana
La Kichina na Kighana.
 

Forum statistics

Threads 1,213,289
Members 462,055
Posts 28,472,695