NYUMA YAKO (Riwaya ya S. Mollel)

dumejeuri

dumejeuri

JF-Expert Member
Joined
Dec 28, 2014
Messages
1,145
Points
2,000
dumejeuri

dumejeuri

JF-Expert Member
Joined Dec 28, 2014
1,145 2,000
Leo tunaendelea tena
kisha lini tena mkuu?huoni vyema ikaisha kbs maana nadhan wengi washasahau ht ilianzaje!
ila mm nimejifunza kutokushobokea riwaya humu mpk nione neno the ~End
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
kisha lini tena mkuu?huoni vyema ikaisha kbs maana nadhan wengi washasahau ht ilianzaje!
ila mm nimejifunza kutokushobokea riwaya humu mpk nione neno the ~End
Ndugu, siwezi kukulaumu maana hujui ratiba yangu. Kama tu kuingia JF nashindwa ntaweza tuma story? Chill n enjoy the story. Au waweza jipa favour mkuu ukangoja ikiisha ukaipitia upendavyo.
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 11*

*Simulizi za series*

ILIPOISHIA

Wote walikuwa wamelala chini wakiwa wanavuja damu.

Jack alipotazama risasi zimetokea wapi, akamwona Marshall akiwa amesimama mbele kidogo ya mlango. Mlango wa chumba chake ulikuwa unatazama na wa ule sebuleni.

“Marshall!” Jack akajikuta akipaza, ila punde akamwona Marshall akidondoka chini kama mzigo tih!

ENDELEA

Haraka akamkimbilia na kumtazama. Alikuwa amefumba macho yake lakini bado akiwa na ufahamu. Alikuwa akihema lakini amechoka mno.

Jack akamlaza kitandani na kumpatia huduma ya kwanza. Marshall aliporudi kwenye hali yake, yaani angalau kwa unafuu, Jack akamuuliza nini anajisikia, Marshall akasema ya kwamba kichwa kinamuuma na mwili hauna nguvu.

“Inabidi upumzike, Tony!” akasema Jack. Kwa mara ya kwanza Marshall akasikia akiitwa jina lake tangu muda mrefu. Tony. Ni Jack ndiye mtu pekee ambaye amezoea kumuita vivyo.

Akatabasamu akimtazama Jack, rafiki yake wa kale. Hakutarajia kama atamwona. Ilikuwa ni kama miujiza. Japo hakuwa anajisikia vema, ndani ya moyo wake yalikuwa vema.

“Nimefurahi sana kukuona, Jack,” akasema kwa sauti ya chini. “Nilipokuwa ndani nilikuwa nahofu sana nani ataweza kukaa na wewe. Uchizi wako hauna mithili.”

Jack akatabasamu, “Kwahiyo unataka kusema Vio hatoweza kukaa nami ama?” akauliza akimtazama mpenzi wake aliyetabasamu kwa upana. Naye Marshall akatabasamu, “Anakuvumilia sana. Kwakweli ukimpata mtu anayeweza kukuvumilia mshike sana Jack!”

Baada ya matani hayo yaliyochukua muda kidogo, Marshall akamtaka Jack ahame eneo hilo analoishi kwani si salama tena kwake na kwa mpenzi wake. Tayari maadui wanaomfuatilia wanajua makazi yake.

Wasipoteze muda, Jack akamkokota Marshall mpaka kwenye gari akiwa ameongozana na mpenzi wake Vio. Wakajikwea na kwenda mbali, mbali kwenye makazi mengine ambapo watakuwa salama.

“Kuna mtu aliyekutafuta Jack? - mwanamke yoyote?” Marshall akapaza sauti kuuliza. Alikuwa amejilaza kwenye viti vya nyuma ingali Jack na Vio wakiwa wamekaa viti vya mbele. Ingali anauliza macho yake alikuwa ameyafumba na mikono yake ameilaza kifuani.

“Mwanamke?” Jack akauliza, kabla hajapokea majibu, akaema, “Marshall ni leo tu umetoka jela na unataka kuniharibia mahusiano yangu. Nitafutane na mwanamke gani mwingine zaidi ya mwenza wangu Vio?”

“Jack nipo serious unajua!” Marshall akajikakamua kuuliza. Japo alijitutumua, sauti haukutoka kabisa, ni kama vile alinong’oneza.

“Hamna mwanamke aliyenitafuta Tony,” akasema Jack. “Labda kama unaongelea Jolene, yule mwanamke mwenye miwani mikubwa kule ofisini. Miwani kama kiota!”

Kidogo Marshall akazama kwenye dimbwi la mawazo. Ina maana Katie hakumtafuta Jack kama vile alivyomwambia? Kwanini hakufanya vivyo? Je atakuwa salama tena wakati huu akiwa ametoroka gerezani?

Alitolewa kwenye dimbwi la mawazo punde Jack alipokanyaga breki kwa upesi. Alitazama na kuuliza nini tatizo. Aliporusha macho akamwona bibi moja akiwa anavuka barabara taratibu.

“Hawa wazee wana matatizo!” Jack akalaani. “Hata hatazami kama gari linakuja ama lah, anakatiza tu!” baada ya bibi huyo kuvuka na kwenda zake, Jack akakanyaga mafuta na safari ikaendelea kama ada.

Baada ya lisaa limoja wakafika kwenye makazi pweke, hapo Jack akazama ndani na kurejeshea geti alafu akamwingiza ndani mgeni wake.

“Nadhani hapa tutakuwa salama,” alisema Jack akiwa anarusha macho yake kukagua sebule, kisha akatabasamu.

“Jack, hii nyumba umeipata lini?” Marshall akauliza naye akiwa anajitahidi kuangaza. Hakuwa anaona vema ila angalau, hakuwa sawa na chongo.

“Kwenye mambo yangu ya hapa na pale,” Jack akajibu na kucheka. Akamweleza rafiki yake kuwa ni muda mrefu sana umepita akiwa mbali kabisa na Marekani hivyo asingeweza kufahamu yale yaliyokuwa yanatukia.

“Usijali, Tony. Tutaongea zaidi,” akahitimisha Jack. “Tuna mengi sana ya kujadili. Pumzika kwanza.”


**

Yalikuwa ni majira ya saa tatu na nusu usiku. Nyuma ya nyumba ya Jack kulikuwa na bwawa la kuogelea na kando yake kukiwa na vitanda viwili vya kujilazia kulowana. Kwenye kivutanda hivyo ndipo Jack alikuwa amejilaza yeye pamoja na rafiki yake, Marshall.

Hali ya hewa ilikuwa tulivu kabisa, na inaunga mkono zoezi la kuogelea.

Hapo wakiwa wametulia kwa ukimya, wakapata kuteta mambo mengi sana. Mambo ambayo Marshall hakuwa anayafahamu.

“Tony, nimepitia matatizo sana hapa karibuni. Hali haikuwa nzuri kabisa kazini. Huwezi amini niliwekwa chini ya uchunguzi mkali kwasababu ya ukaribu wangu nawe. Kama haitoshi niliwajibishwa kwa njia kadhaa wakiwa wanaamini nitakuwa najua yale uliyoyafanya.

Ilikuwa ni matatizo juu ya matatizo. Hata hapa ninapooongea nawe, nimesimamishwa kazi. Nitapumzika kwa muda usiojulikana ingali nikiwa nachunguzwa pia ni kwa namna gani nitakuwa nahusika na yale ambayo umetuhumiwa kuyatenda.”

Jack aliposema hayo, akaweka kwanza kituo. Uso wake ulikuwa ‘serious’ tofauti kabisa na awavyo kila uchwao. Alikuwa anamtazama Vio akiwa anaogelea lakini akiwa mbali kimawazo.

Akaendelea kumweleza Marshall kuwa ilimpasa asimamishe mipango yake yote ya kufunga ndoa na Vio, moja kwasababu rafiki yake kipenzi alikuwa mbali lakini pia alikuwa akiandamwa na matatizo.

Akaenda mbele zaidi kwa kumweleza Marshall ni namna gani kila mtu aliaminishwa kuwa yeye ni gaidi, yupo kwenye upande wa maadui wa Marekani.

“Marshall, simu yako ambayo uliipoteza Hong Kong bado ipo hewani. Na ndiyo hiyo ambayo ilifuatiliwa na kupatikana na sauti lakini pia jumbe mbalimbali za wewe ukiwa unaongelea swala la kupotea kwa Raisi.”

Kama haitoshi Jack akamwambia Marshall ni namna gani picha zake akiwa Ujerumani zilivyodakwa na CIA na kutumiwa kama kielelezo cha kumfanya awe na shutuma ya kujibu.

Kwa ushahidi Jack Pyong akatoa simu yake na kumwonyesha picha hizo Marshall.

Marshall alipozitazama akaduwaa kujiona, lakini akaduwaa zaidi kuona zilikuwa ni picha za yeye akiwa anapambana na maadui, wa kwanza ni wale maadui ambao alikutana nao mwanzoni kabisa baada ya yeye kufika Berlin, Ujerumani, pili, ni wanaume aliokuwa anapambana nao ingali anafanya jitihada za kumwokoa Britney na Henessy toka kwenye mikono ya watekaji!

Na tatu, akiwa na bosi wake wa klabu ya usiku.

Kilichomshangaza si picha bali namna gani alipigwa? Ina maana akiwa anafanya yote hayo kuna mtu alikuwa akimpiga picha? Iliwezekanaje? Ina maana alikuwa anafuatiliwa tokea alipokanyaga Ujerumani? Na dhumuni kubwa likiwa ni kum - ‘frame’, sio?

“Wote hawa uliokuwa unapambana nao ni maajenti wa CIA,” alisema Jack.

Hapo ndipo Marshall akaeleza kuwa yale yote aliyoenda kuyafanya huko Ujerumani yalikuwa yameratibiwa. Yale yote aliyokuwa anayafanya huko yalipangwa ayafanye kutimiza haja za watu waliokuwa nyuma ya mgongo wake kwa muda wote huo.

Akashusha pumzi ndefu.

Kwanini imetumika njia kubwa hivyo kumfanya awe mbuzi wa kafara?

Ilikuwa wazi kuna watu wamempoteza Raisi. Wamefanya hivyo kwasababu zao binafsi na kisha kulifutilia mbali wakamtumia Marshall.

Ni wakina nani hao? Na wamefanya hivyo kwasababu gani?

Raisi amepotea kweli? Ameuawa ama amefichwa?

Kichwa cha Marshall kiliuma kwa mawazo. Alimweleza Jack yale yote aliyoyapitia huko Ujerumani na Jack pasipo kusita akasadiki kila alichosikia. Ni yeye ndiye alikuwa anaamini, ndani yake kabisa, kuwa Marshall hajafanya kile alichokuwa anashutumiwa.

Basi baadada ya majadiliano hayo, Marshall akamweleza Jack juu ya haja yake, kwa mkono wake anataka kuwasaka watu wanaohusika, mmoja baada ya mwingine, na kuwatia adabu.

Hatajali itachukua muda gani, ila atawakamata asibaki hata mmoja.

“Kesho tutaenda kuonana na Miss Danielle,” akasema akiwa anakotoa vidole vyake. Alikuwa amejawa na fikira lakini pia hasira.

****
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 12*

*Simulizi za series*

ILIPOISHIA

Basi baadada ya majadiliano hayo, Marshall akamweleza Jack juu ya haja yake, kwa mkono wake anataka kuwasaka watu wanaohusika, mmoja baada ya mwingine, na kuwatia adabu.

Hatajali itachukua muda gani, ila atawakamata asibaki hata mmoja.

“Kesho tutaenda kuonana na Miss Danielle,” akasema akiwa anakotoa vidole vyake. Alikuwa amejawa na fikira lakini pia hasira.

ENDELEA

Basi usiku huu ukaenda kwa mang’amung’amu sana. Kila alipokuwa akijilaza kuutafuta usingizi, haukuja, mwishowe akaamua kutoka kitandani na kujongea dirisha, akakamata nondo na kutazama nje akiwaza.

Alikuwa amebebelea uchungu usiomithilika ndani yake. Alikuwa anahisi kifua chake kizito, kizito kwa kinyongo, alikuwa anahisi kichwa chake kizito, kizito kwa mawazo. Kwa mara hiyo alitamani angepata kidongea ama dawa yoyote ya kumfanya alale.

Mwili ulikuwa mchovu lakini kila akifumba macho usingizi hauji! Ni kama alikuwa amepewa laana.

Akiwa hapo dirishani anaendelea kuwaza na kuwazua, akasikia sauti ya kike. Hakujua sauti hiyo imetokea wapi lakini alikuwa ana uhakika inatoka nje.

Alikuwa anaota ama? Ni maruweruwe ya kukosa usingizi ama? Alijikuta akijiuliza, lakini alipotega sikio zaidi, akabaini si kwamba alikuwa amekosea, ni kweli kuna sauti ilikuwa inasikika kwa nje.

Basi akarusha macho yake kuangaza huku na kule, ni nani huyo alikuwa akiongea muda huo? Saa ya ukutani ilikuwa inasema saa nane na robo!

Alipoangaza zaidi, kwa mbali, kama macho yake hayakuwa yanamdanganya, akamwona mtu. Alikuwa amewekelea simu yake sikioni akiongea, alikuwa kwenye giza hivyo ngumu kutambulika.

Punde mtu huyo akamaliza kuongea na simu yake na kisha akapiga hatua kurudi ndani, hapo ndipo Marshall akapata uhakika kuwa kulikuwa na mtu, na mtu huyo alikuwa ni Vio, mpenzi wake Jack!

Mwanamke huyo alikuwa amevalia gauni jeupe la kulalia, na akiwa anajirejesha ndani alikuwa akiminya simu yake kubwa. Marshall akamtazama mpaka alipoishilia.

Akabakiwa na maswali, kwanini mwanamke yule alikuwa ameenda kuongelea simu yake kando? Anamficha nini Jack?

Badala ya kupunuguza mawazo, akajikuta akiyaongea maradufu. Sasa hakuwa na uhakika atalala muda gani.

**

Alipoufikia mlango, Vio akapunguza ukali wa vishindo vyake vya miguu, akanyata taratibu na kutengua kitasa cha mlango.

Kabla hajazama akarrusha macho yake kutazama hali ya Jack, alah mwanaume huyo alikuwa anakoroma, basi akazama ndani na kuurejeshea mlango taratibu. Sasa akajihisi yu salama, akashusha pumzi ndefu na kwenda zake bafuni.

Punde akatoka huko na kujirejesha kitandani, akajilaza kandokando ya Jack, lakini asichukuliwe na usingizi upesi, akatazama dari kwa mawazo.

Muda si mrefu simu yake ikamulika, haraka akaitazama na kuikwapua, na kabla hajafanya kitu, akamtazama kwanza Jack, bado mwanaume huyo alikuwa amelowea usingizini.

Basi akafungua simu yake kwa kutumia alama ya kidole, akatazama na kukuta ujumbe, mtu aliyemtumia ujumbe huo hakuwa ametunzwa kwa jina bali namba tu.

Ujumbe ulisomeka, ‘Usiku mwema, kipenzi. Natazamia mengi.’

Vio akaufuta ujumbe huo upesi alafu akazima simu na kufumba macho yake.

**


EDGAR HOOVER, Makao makuu ya FBI.


“Umeshafanya ile kazi?” mwanamke mrefu mwembamba aliinama kidogo apate kuongea na Miss Danielle. Mwaname huyo alikuwa ameseti vyema nywele zake na mwili wake ukiwa umekaa vema ndani ya suti yake nyeusi.

Macho yake makali yalimkodolea Danielle, punde Danielle akanyoosha mkono wake kwenye meza yake na kumpatia mwanamke huyo faili fulani.

“Calm down, miss Danielle,” akasema mwanamke yule mwembamba, acha tumwite Beatha. Kwa sas alipoozesha macho yake akiwa anamtazama Danielle kwa namna ya kuguswa.

“Beatha, nilishakwambia nipo sawa,” akasema Danielle, “Waweza kunielewa hata mara moja?”

“Lakini hauonekani kama upo sawa!” Beatha akasisitiza akiwa amekunja ndita.

“Nipo sawa,” Danielle akasema akimtazama Beatha usoni. “Nipo sawa sawia.”

Basi Beatha akamtazama Danielle kwa muda kidogo kisha akasema, “Najua hili swala ni kubwa sana kwako. Pengine mabega yako yameelemewa, lakini litapita tu. Usijali.” aliposema hivyo akaweka mkono wake begani mwa Danielle na kumpatipati,

“Si kila mara aliye mwema hushinda, na si kila mara nyota hung’aa angani,” Beatha akasema na kisha kwenda zake. Danielle akabaki akiwa mpweke ametingwa na kazi.

Mwanamke huyu mrembo alikuwa ameketi nyuma ya meza iliyokaliwa na tarakilishi lakini pia faili kadhaa. Pembeni yake kulikuwa na kuta zenye kubebelea vipande vingi vya magazeti na ramani. Nyuma yake kulikuwa na picha kubwa ya Raisi wa nchi.

Ofisi yake ilikuwa imetulia lakini kichwani mwake kukiwa na fujo. Tangu kesi ya kupotea kwa Raisi imalizike hakuwa na furaha kabisa. Alijiona amefeli, alijiona amepwaya.

Ingawa kesi ilikua imefutwa, bado kichwani mwake ilikuwa inaendelea na kumtafuna vilevile.

Alivuta kikombe chake cha kahawa akakiweka kinywani, akanywa mafundo mawili alafu akakirejesha kikombe hicho mezani na kutazama tarakilishi yake. Kidogo simu yake ikaita, alipotazama akaona jina ‘Adv. Marble’.

Akapokea simu na kuiweka sikioni.

“Tunaifuta kesi, sio?” aliuliza mtu kwenye simu, yaani Adv. Marble.

“Ndio, futa na ikiwezekana uache kun’tafuta kabisa, sawa?” alisema Miss Danielle kisha akakata simu, kidogo tena, simu ikaita. Miss Danielle alipotazama akaliona jina lilelile lililotoka kumpigia hapo punde, akasonya, akapokea na kuweka sikioni, “unasemaje?

“Vipi kuhusu malipo yangu?” aliuliza Marble.

“Malipo gani?” Danielle akauliza akikunja uso. “Si nimeshakupa pesa yako yote, ama?”

“Hapana,” Marble akajibu na kuongezea, “Bado ya usiri. Unakumbuka tulivyokubaliana?”

Basi Miss Danielle kuondoa zogo, maana hakuwa kwenye ‘mood’ hiyo, akamwambia bwana Marble kwamba atamtumia pesa yake hiyo jioni. Baada ya maongezi hayo, akakata simu na kuizima kabisa.

Bwana Marble ni nani? - ndugu huyu, mwanaume mrefu mwenye nywele ‘blonde’ na macho yanayofunikwa na vioo, ni wakili ambaye alikuwa akiisimamia kesi ya Marshall ingali yu gerezani baada ya kuhukumiwa kifo.

Bwana huyu alikutana na Miss Danielle siku ambayo mwanamke huyo alienda kukutana na Marshall gerezani, na kwa makubaliano, bwana huyu alipeleka kesi mahakamani kupinga hukumu ya Marshall kwa lengo moja tu, la kusogeza muda wa Marshall kuwapo gerezani.

Kwasababu basi kesi ilikuwa inanguruma mahakamani, ndiyo maana siku ya kunyongwa kwa Marshall ikawa inasogezwa mbele na mbele kuitikia rufaa.

Lakini kwenye zoezi hilo, bwana Marble alikubaliana na Miss Danielle kwamba mlolongo wote huo wa kesi utakuwa wa siri, Miss Danielle hakuwa anataka kujulikana kama ni yeye ndiye anamlipa wakili huyo kwasababu za kiusalama. Endapo ingebainika basi ingemletea matatizo.

Basi kwasababu hiyo, Marshall akapata kutekeleza haja yake ya kutoroka, na sasa, Marble akiwa anatumia fursa, anataka pesa zaidi.

Miss Danielle akashusha pumzi ndefu akikuna kichwa chake kilichojaa nywele. Hakuwa na cha kufanya isipokuwa kuitikia hitaji la bwana Marble. Na hivi ambavyo Marshall ametoroka gerezani, akibainika itakuwa shida sana.


**

Saa mbili usiku …

Chumba kilikuwa kina giza nene, lakini kiza hakikudumu, mlango ukafunguliwa na mara taa ikawashwa tap! Mwanga ukatamalaki, alikuwa ni Miss Danielle. Mkononi alikuwa amebebelea koti lake la suti akiburuza miguu.

Akarusha macho yake vitini, akamwona Marshall na Jack. Walikuwa wameketi hapo isijulikane ni muda gani waliingia.

“Marshall!” Danielle akatokwa na maneno.


**
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 13*

*Simulizi za series*

ILIPOISHIA

Chumba kilikuwa kina giza nene, lakini kiza hakikudumu, mlango ukafunguliwa na mara taa ikawashwa tap! Mwanga ukatamalaki, alikuwa ni Miss Danielle. Mkononi alikuwa amebebelea koti lake la suti akiburuza miguu.

Akarusha macho yake vitini, akamwona Marshall na Jack. Walikuwa wameketi hapo isijulikane ni muda gani waliingia.

“Marshall!” Danielle akatokwa na maneno.

ENDELEA

Aliketi pamoja na wanaume hao na kuanza kuteta juu ya hatma yao, kwanza Marshall alimshukuru Danielle kwa mchango wake na kisha akamweleza yale yote aliyoyapitia mpaka muda ule, Danielle akaachama mdomo kwa mshangao.

Akampa pole sana Marshall lakini pia hongera kwani amefanya kazi kubwa kutetea haki yake.

“Nilijua haukuwa na hatia Marshall,” alisema akitikisa kichwa. “Kesi yetu ilikuwa ni kubwa mno na kwa namna fulani haikuwa ipo tayari kumalizika. Ilikuwa ni fumbo, tena fumbo gumu ambalo jibu limefichwa kwa makusudi.”

Marshall akashusha pumzi ndefu kisha akatazama vidole vyake, hakujua ni kwasababu gani, ila vilikuwa vikitetemeka. Alikunja ngumi akamtazama Danielle, “Inabidi nipiganie haki yangu, hata kama ni kwa kumwaga damu.” kisha akaita, “Danielle,” na kuongezea, “Najua utanisaidia kwenye hili, sio?”

Danielle akatikisa kichwa. “Pasipo shaka, Marshall, tutakuwa bega kwa bega.” lakini akamwonya Marshall kuwa yampasa kuwa makini kwani watu ambao wanahangaiki kumwangusha yawezekana wapo karibu na wana hamu kubwa ya kuona anguko lake.

“Si wewe tu, kwakuwa tupo pamoja kwenye hili, yatupasa wote tuwe makini.”

“Bila shaka,” Marshall akaitikia ujumbe huo kisha akauliza, “Hauna lolote la kuniambia Danielle? - hususani kwenye hii kesi kikanisaidia wapi pa kuanzia?”

“Yapo mengi sana,” akasema Danielle akimtazama Marshall kwa uhakika, “Kuna mambo mengi sana lakini sitakuwa na uwezo wa kuyakumbuka yote isipokuwa yale muhimu. Punde tu kesi ilipofutwa, faili langu lilichukuliwa hivyo kuna baadhi ya taarifa nitazikosa.

Lakini si zote.”

Kauli hiyo ya mwisho ikampa faraja sana Marshall ambaye alijitengenezea vema apate kusikia.

Mosi, Danielle akasema alipata wasaa wa kuonana na mke wa Raisi lakini kwa mara moja tu, na anakumbuka mara ya kwanza kabisa alipopata fursa ya kufanya naye maongezi, hali haikuwa nzuri.

Hakuwa anataka kujibu maswali kama alivyokuwa anatakiwa, ila zaidi alisema hakuwa anayejua mengi sana kumhusu Raisi kwani kwa muda kiasi kabla ya kupotea kwake hawakuwa na mahusiano mazuri, kulikuwa na msuguano kati yao.

Akiwa anaongea, kuna muda angeng’ata meno yake na kukunja ngumi, lakini pia akitusi na kulaani. Hakukaa naye muda mrefu, mwanamke huyo akaondoka zake akiwa anamwaga machozi.

“Sijajua ana nini,” alisema Miss Danielle na kuongeza, “lakini ana kitu kifuani mwake. Kwa nilivyomtazama machoni, kuna kitu kinamkaba.”

Marshall aliyekuwa anarekodi yote hayo kwa kichwa chake, akauliza, “Unajua alipo mwanamke huyo kwa sasa?”

Danielle akabinua mdomo, “Sijui, sijamfuatilia sana hapa karibuni baada ya kesi kufutwa lakini mara ya mwisho kabisa kuwa naye kwenye mahusiano ikiwa ni muda mfupi tangu nifanye naye yale mahojiano mafupi, alikuwa ameenda nchini Morocco. Sijajua tena baada ya hapo.”

Marshall akafikiria kidogo na kusema, “Ana taasisi yake ya kusaidia watoto wasiojiweza, nadhani bado inajiendesha nchini, sio?”

“Bila shaka,” Danielle akasema akitikisa kichwa. “Ni juzi tu taasisi hiyo ilikuwa inafanya kongamano la kuhamasisha wananchi wajitolee kwenye kuwasaidia watoto yatima na wa mitaani.”

“Vema,” akasema Marshall na kuongezea, “Sasa tumepata pa kuanzia.”

“Lakini Marshall,” Danielle akatia walakini, Marshall akamtazama kwa hamu ya kuskiza.

“Kuna kitu nataka nikuambie,” alidokeza Danielle, “Ni kuhusu ile kesi yako ingali upo gerezani.”

Basi Marshall akampatia masikio yote akimtazama kwa umakini.

“Kuna shida kidogo ilitokea.”

“Shida gani hiyo?”


**

“Kwahiyo? - utaanza na lipi sasa mtaalamu?” aliuliza Jack Pyong punde baada ya kuingia na Marshall kwenye makazi yao. Makazi yalikuwa tulivu kabisa, haswa baada ya Jack kuzima gari. Kidogo Marshall akafikiria kisha akasema, “Nitajua jua litakapopambazuka.”

Akafungua mlango wa gari na kwenda zake ndani akimwacha Jack garini. Jack akakaa humo kwa kama dakika tano akitazama simu yake kabla hajaizima na kuiweka mfukoni.

“Ulikuwa unachat na nani?” mara akasikia sauti, alipotazama kando ya mlango wa gari, akamwona Vio akiwa amesimama ameshikilia kiuno. Kumbe alikuwapo hapo kwa muda na yeye hakulitambua.

“Sikuwa nachat na mtu,” akajitetea akipandisha mabega, “nilikuwa natazama tu mambo yanayoendelea mtandaoni na si vinginevyo!”

Vio akanyoosha kiganja chake kumfuata Jack, “Naomba hiyo simu nione.”

Jack akakunja uso, “Uone nini? - huniamini ama?”

“Nipe simu nione!” Vio akakazana. Uso wake ulikuwa upo ‘serious’ pasipo lepe la utani. Jack kwa kuhofia maneno mengi ambayo yatamnyima hata usingizi, akaamua kumkabidhi Vio simu hiyo na kisha akatoka kwenye gari kwenda zake ndani. Alimwacha Vio peke yake nje.

Lakini kabla hajampatia Vio simu hiyo, kwa siri, alibonyeza mara mbili kitufe fulani kilichopo kushoto mwa simu yake, na alafu kwa kukusudia ama kwa kutokukusudia akabinya na ‘button’ kubwa mbele ya simu.

Basi Vio alitia ‘password’ na kuzama ndani. Akatazama ghala la picha na kisha jumbe, lakini ndani ya muda mfupi tu, simu ikaanza kuchemka kupita kiasi. Vio alihisi kiganja chake kinaungua kana kwamba amekiweka juu ya jiko la umeme.

Kwa kupapatika, akaachia simu hiyo ikadondoka chini!

“Jaaaack!” akapaza sauti kuita akishika kiuno. “Jaaack!” akazidi kuita akielekea ndani.

Baada ya hapo makazi yakarudi kwenye ukimya wake.


**

Saa tatu asubuhi … (Tall building Law firm)


Bwana Marble alipokunywa fundo moja la kahawa, alifungua tena tarakilishi yake apate kutazama barua pepe, hakukuwa na kitu, ujumbe pekee ambao ulikuwepo juu kabisa ulikuwa ukitoka kwa mtu ambaye hakuwa anajulikana, anonymous, ukisema maneno machache, “Fanya namna tuonane.”

Ujumbe huo haukuwa umejibiwa, na bwana Marble aliutazama na kwa kuupuzia akatoka kwenye uwanja wa barua bebe mpaka kwenye mafaili yake mengine.

Macho yake yaliyokuwa yamezibwa na vioo yaliperuzi mafaili hayo kwa muda kidogo kabla hajanyanyua simu yake ya mezani na kupiga simu kadhaa.

Alipomaliza, akatazama tena na simu yake, hakukuwa na kitu. Kote kulikuwa kukavu.

Basi akakata shauri na kumpigia Miss Danielle, simu ikaita mara ya kwanza pasipo majibu. Ikaita tena kwa mara ya pili na tatu, bwana Marble akalaani akiweka simu yake mezani.

“Unajifanya mjanja sio?” akajikuta akiongea mwenyewe, akanywa fundo la kahawa kisha akasema, “Nitakuonyesha.”

Akafungua tena uwanja wake wa barua pepe na kwenda moja kwa moja kwenye ule ujumbe wa kwanza wa mtu asiyejulikana, akaufungua na kuuanza kuchapa kuujibu, ‘Tukutane wapi na ---” kabla hajaumalizia, simu yake ikaita, alikuwa ni Miss Danielle.

Akapokea na kuweka sikioni.

“Nitamtuma mtu akuletee pesa majira ya saa mbili usiku. Utanitumia ujumbe utakuwa wapi, na naomba uwapo mwenyewe,” alisema Danielle kisha akakata simu.

Bwana Marble akatabasamu kwa mbali, akafuta ujumbe aliokuwa anauandika alafu akaendelea na kazi zingine, sasa akiwa na amani kuwa pesa inaingia.

Lakini baada ya muda, tamaa ikamvaa zaidi, akiwa amekaa kwenye kiti chake anawaza, akapata wazo. Kwanini asile pesa kotekote?

Alijikuta akitabasamu hovyo. Alijikuna kidevu chake akiendelea kuwazua. Mwishowe kweli akaingia mkenge, akarudi kwenye uwanja wake wa barua pepe na kumtumia ujumbe yule mtu asiyejulikana,

“Tukutane wapi na saa ngapi?”


**

- MTU HUYO ASIYEJULIKANA NI NANI?

- DANIELLE ANAMTUMA NANI KUMPATIA PESA BWANA MARBLE?

- NINI MWISHO WA MARBLE?
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 14*

*Simulizi za series*

*MWANAUME MWENYE BARAKOA NYEUSI*

ILIPOISHIA

Bwana Marble akatabasamu kwa mbali, akafuta ujumbe aliokuwa anauandika alafu akaendelea na kazi zingine, sasa akiwa na amani kuwa pesa inaingia.

Lakini baada ya muda, tamaa ikamvaa zaidi, akiwa amekaa kwenye kiti chake anawaza, akapata wazo. Kwanini asile pesa kotekote?

Alijikuta akitabasamu hovyo. Alijikuna kidevu chake akiendelea kuwazua. Mwishowe kweli akaingia mkenge, akarudi kwenye uwanja wake wa barua pepe na kumtumia ujumbe yule mtu asiyejulikana,

“Tukutane wapi na saa ngapi?”

ENDELEA

Basi punde akapokea majibu kuwa wakutane wapi na muda gani, roho yake ikasuuzika kabisa akitabasamu kwa upana. Akatoka kwenye uwanja wa barua pepe na kuendelea na kazi yake sasa.

Ilipofika saa mbili usiku, akatafuta mahali binafsi na akaketi hapo kumngoja wakala wake aliyekuwa anamletea pesa. Alikuwa ameketi pembezoni ya ufukwe ndani ya gari yake. Kwa mbali muziki ulikuwa ukipiga kumpunguzia makali ya kungoja.

Basi baada ya muda kidogo, hakungoja sana, akaja bwana mmoja aliyegonga kioo cha mlango. Bwana huyo alikuwa amevalia jaketi la saizi ya kati, rangi nyeusi, na mkononi amebebelea mkoba, mkoba ambao una pesa.

Alipogonga mara tatu, bwana Marble akashusha kioo chake akiwa na matumaini anakutana na mgeni wake, lakini akashtuka kumwona mtu aliyevalia barako nyeusi. Mtu huyo alikuwa na mwili na anatisha.

“wewe ndiye wakala?” akauliza kwa hofu, basi mtu yuke akatikisa kichwa na kisha akaminya mlango akitaka kuzama ndani, mlango ulikuwa umefungwa, ikambidi bwana Marble atoe ‘lock’ kumruhusu bwana huyo azame ndani. Alipoingia, bwana Marble akazima taa ndani ya gari kukawa kiza.

Hakuwa anaweza kuona kitu isipokuwa macho ya bwana yule aliyesema ni wakala. Punde bwana huyo akafungua briefcase yake na kumwonyesha bwana Marble, hakuwa anaongea kitu bali akitoa tu ishara.

Bwana Marble alipoona pesa akafurahi sana. Zilikuwa zimejaa mkoba. Mate yalimtoka alipochukua bunda moja la pesa na kulitazama, loh! Ilikuwa ni pesa ya kweli, ilikuwa ni ‘madola’, basi akiwa ametabasamu kwa upana akamwambia wakala amfikishie salamu Miss Danielle kwamba mzigo wake umefika na amefurahi sana.

Pasipo kuongea jambo, wakala huyo akashuka toka kwenye gari na kuyoyomea kizani. Bwana Marble alirusha macho yake kumwangazia lakini haikupita muda akapotea kabisa.

Asijali, akawasha gari lake na kujiondokea. Alipofika nyumbani akapakua pesa hizo na kuziweka mahali salama alafu akaendelea na maisha yake ya kawaida.

Kabla hajalala, akafungua tarakilishi yake kutazama kinachoendelea. Alikuta jumbe mbili toka kwa mtu yule asiyejulikana akimpasha habari kuwa kesho yake atakuwa amebanwa majira ya mchana kwahiyo basi waonane majira ya jioni kwenye chumba namba 348, La chica Hotel.

Pasipo kufikiri mara mbili bwana Marble, akaitikia wito huo, na basi pasipo kusahau akamwambia mtu huyo, anonymous, kwamba afike na pesa kabisa kukamilisha kila kitu.

Mtu huyo, yaani anonymous, alikuwa akitaka taarifa tu toka kwa bwana Marble kwamba ni nani aliyekuwa yupo nyuma ya kesi ile ya Marshall ingali akiwa gerezani. Nani alikuwa anamlipa na yupo wapi kwa muda huo.

Pesa zilimuuza bwana, pesa zina laana, pesa hutoka kwenye kiganja cha shetani. Bwana huyo alikuwa ameahidi kutoa mara tatu ya kile kiasi cha pesa ambacho Miss Danielle alikitoa, atawezaje kukataa dili nono kama hilo?

Akiwa amejilaza kitandani, alijiweka mbali na mkewe kabisa akiwa ametekwa na mawazo matamu matamu kichwani. Alijikuta anatabasamu mwenyewe kila baada ya muda fulani. Kichwani mwake alikuwa anajenga ghorofa, alikuwa anajenga kasri na kulibomoa, alikuwa akijenga bwawa na kuogelea, alikuwa akisafiri kwenda miji mbalimbali ya kitalii.

Alisahau msemo huu, kamwe usihesabu vifaranga kabla havijatotolewa.

Muda haungoji, kama kawaida ulivyo na manwa ukapaa mpaka kufikia kesho yake ambapo jua lilichomoza na kuangaza ulimwengu. Siku hiyo Marble, kama kawaida yake, akawahi fika ofisini kwenye majira ya saa kumi na mbili.

Alikuwa amevalia suti yake nyoofu, mkononi amebebelea mkoba, mkoba wenye pesa, pesa zile alizopewa na mwanaume mwenye kuvalia barakoa nyeusi. Nani angelitambua? Alikuwa na mpango wa kupeleka pesa hizo benki pindi tu atakapopata muda wa kupumzika.

Basi akaweka mkoba wake chini ya meza na kufanya kazi yake kama kawaida, kila muda akitazama mkoba wake kama upo. Yalipofika majira ya saa sita mchana, akatoka na mkoba wake huo, mpaka benki ambapo aliweka pesa zake na kujihisi salama zaidi sasa.

Alipata chakula cha mchana na kisha akarudi kazini mpaka muda ule wa jioni kabisa alipotoka. Moja kwa moja akaenda La Chica hotel, akaketi eneo la mgahawani akingoja muda wake wa miadi uwasili.

Aliagiza chupa moja ya vodka pamoja na kilainishi chake na basi taratibu akawa anakunywa, na kwa kutokupoteza muda zaidi, akaunganisha tarakilishi yake na ‘wifi’ aendelee kufanya kazi zake.

Ulipowasili muda wa miadi, saa mbili kamili, ujumbe ukaingia kwenye simu yake, ‘Njoo chumbani.’ basi pasipo kupoteza muda akanyanyuka na kwenda huko.

Hakutoka tena akiwa hai.


**

Saa tatu usiku …

Gari jeusi liliingia kwenye eneo la maegesho ya Hoteli ya La Chica, akashuka bwana mmoja aliyevalia suti na shati nyeusi pia. Bwana huyo alikuwa ni Mmarekani mweusi mwenye makamo ya miaka arobaini na jambo, shingoni mwake alikuwa ananing’iniza ‘badge’ ya polisi, jina lake aitwa James Peak.

Alisonga kuzama ndani ya hoteli na punde akakutana na askari ambaye alimpatia mkono kisha akajitambulisha,

“Inspekta James Peak!”

Alikuwa ndiye mpelelezi aliyepewa kazi ya kufuatilia kesi hiyo. Basi akiwa anaongozana na askari akaelekea moja kwa moja mpaka kwenye chumba ambacho mauaji yalitokea, chumba namba 348, ama kwa jina jingine chumba ‘Mount Everest’.

Hapo inspekta akapata kuuona mwili wa bwana Marble ukiwa umelala kitandani umevujilia damu, shingo yake ilikuwa imekatwa, macho yake ameyakodoa.

Inspekta akautazama mwili huo na pia akakagua eneo zima ambapo tukio lilitokea kisha akauliza maswali kadhaa wale askari aliowakuta na pia wahudumu wa hoteli.

Baada ya mahojiano ya kutosha kwa takribani lisaa limoja na nusu, inspekta akawa amebaini mambo kadhaa, haswa muuaji alikuwa ni mtu mwenye barakoa nyeusi.

Ilikuwa ni ajabu kwa namna yake kwani aliyeenda mapokezi na kulipia chumba alikuwa ni mwanamke mzee mwenye miaka themanini kamili ambaye jina lake alikuwa anaitwa Laurene. Kwa mujibu wa maelezo ya wahudumu, bibi huyo aliwasili hapo hotelini kwenye majira ya asubuhi akiwa anasema amekuja hapo kama moja ya kituo chake akiwa anaelekea Texas.

Alikuwa ni mwanamke mzee lakini mwenye nguvu zake hivyo hawakuhofia sana juu ya makazi yake ya upweke hapo hotelini, lakini baada ya hapo hawakumwona tena huyo bibi na hamna ambaye alijisumbua kufuatilia.

Basi kwasababu eneo la mapokezi kulikuwapo na kamera, picha ya bibi huyo ikapatikana na akaanza kusakwa, ajabu aikuchukua muda mrefu akapatikana. Alikuwa anapatikana mtaa wa tatu tu toka pale hoteli ilipo, na bibi huyo hakuwa mtu mwenye makazi bali ombaomba tu.

Alipohojiwa na mpelelezi akabainisha kuwa alilipwa kiasi fulani cha pesa kwasababu tu ya kwenda ku ‘book’ chumba hicho, na alipofanya vivyo, akampatia funguo mtu ambaye alilimpa na akajiendea zake.

“Kama nisingefanya vivyo, si tu kwamba ningekosa pesa bali pia angeniua,” alimalizia bibi huyo akiwa ameukumbatia mkoba wake. Basi inspekta James akashusha pumzi ndefu akijilaza kwenye kiti.

“Unaweza kuniambia mwanaume huyo alikuwa anaonekanaje?” akauliza.


**
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 15*

*Simulizi za series*

ILIPOISHIA

Alipohojiwa na mpelelezi akabainisha kuwa alilipwa kiasi fulani cha pesa kwasababu tu ya kwenda ku ‘book’ chumba hicho, na alipofanya vivyo, akampatia funguo mtu ambaye alilimpa na akajiendea zake.

“Kama nisingefanya vivyo, si tu kwamba ningekosa pesa bali pia angeniua,” alimalizia bibi huyo akiwa ameukumbatia mkoba wake. Basi inspekta James akashusha pumzi ndefu akijilaza kwenye kiti.

“Unaweza kuniambia mwanaume huyo alikuwa anaonekanaje?” akauliza.

ENDELEA

Bibi akaeleza kila anachokijua na inspekta akaondoka zake, alipofika ofisini akajitahisi sana kughani mhusima wa tukio hilo akijitahidi kuunganisha na matukio ya nyuma, akapata pia na wasaa wa kuongea na mke wa Bwana Marble, huko akapata machache ambayo nayo hayakumtosheleza.

Kesi ilikuwa ngumu.

Basi ilimpasa atumie muda mrefu kung’amua kwa taratibu na kwa umakini.


**

Saa nne asubuhi …


Marshall alikuwa anachezea tarakilishi akiwa eneo la kulia chakula, alikuwa ameketi mwenyewe hapo na kando yake kukiwa na kikombe chenye chai ya moto. Mwili wake alikuwa ameuvisha kaushi nyeupe na bukta tu.

Akiwa anaendelea na kazi yake, Vio akajitokeza koridoni na kumchungulia, mwanamke huyo alikuwa amevalia gauni jepesi lakini ndani akiwa amesitiri sehemu zake za siri. Alimtazama Marshall kwa muda kidogo kabla hajamjongea na kumsalimu, alikuwa anatabasamu kwa upana , macho yake yalikuwa yamechoka kiasi, alitoka kitandani muda si mrefu.

Baada ya kujuliana hali, Vio akamwomba Marshall radhi kama atamsumbua lakini alikuwa na maongezi naye machache, Marshall pasipo kusita, akamkaribisha, aliwea tarakilishi yake pembeni akimwazima Vio masikio na macho.

“Tony, najua wewe ni rafiki wa muda mrefu wa Jack, tafadhali waweza niambia mpango wake ni nini kwangu?”

Jack Pyong hakuwapo katika hayo mazingira, alitoka kidogo kwenda kufuata baadhi ya mahitaji kwa ajili ya matumizi ya ndani. Tangu aondoke ilikuwa imeshapita lisaa limoja.

“Unamaanisha nini, Vio?” Marshall akauliza.

“Ni kuhusu ndoa yetu,” akasema Vio. “Simwoni kama ana dalili yoyote! Tokea aliponiveka pete, sijajua lengo lake ni lipi?”

Marshall akatikisa kichwa chake akitabasamu kwa mbali, akamtoa hofu Vio kuwa Jack ni mwanaume wake na hana haja ya kuhofia kabisa kwani anampenda kuliko yeye adhaniavyo.

“Lakini muda unaenda sana, Tony. Ni mpaka nizeeke ama? Kuna muda ---” akashika nywele zake akiinamisha uso chini “… nawaza labda ana mipango mengine.”

Marshall akamwekea kiganja begani na kumsihi hana haja yakuhofia, kuna mambo kadhaa hayajakaa sawa kwa muda huo na basi ampatie muda.

“Mimi ni balozi wako, Vio, nitahakikisha ahadi yenu inatimia,” Marshall akamtia moyo na hatimaye mwanamke huyo akatabasamu. Punde wakasikia honi getini, Vio alipoenda kutazama akakuta ni Jack.

Mwanaume huyo akazama ndani na baada ya kusalimiana na Marshall akaelekea ndani moja kwa moja akiongozana na Vio, kwa muda Marshall akaendelea na kazi yake.

Alifanya vivyo kwa siku nzima mpaka usiku wa saa mbili ambapo alipata wasaa wa kuketi na Jack, hakuwa anapenda kumsumbua mwanaume huyo maana alikuwa akimpatia muda zaidi wa kukaa na mpenzi wake, Vio.

Walipopata wasaa huu, Marshall akapendekeza wakaketi nje pembezoni mwa bwawa la kuogelea.

“Nadhani kila kitu kipo tayari,” akasema Marshall akimtazama Jack.

“Sasa hivi hakutakuwa na haja ya kuua yeyote?” Jack akauliza akikodoa. Miguuni mwake alikuwa amevalia ‘sandles’ za Vio, na Marshall alipomtazama vema akabaini hata mwanaume huyo alikuwa amevalia chupi ya mkewe, kwa juu ya kuno chake ungepata kuona.

“Jack,” Marshall akaita na kuuliza, “Hiyo ni chupi ya Vio?” akauliza akinyooshea kidole kiunoni mwa Jack, upesi Jack akapandisha bukta yake alafu akamtazama Marshall, “Macho yako yalikuwa yanafanya nini kiunoni mwangu?” akauliza akijihami.

Marshall akatikisa kichwa, kabla hajasema jambo, Jack akamwambia, “Tony, umeanza tabia za ushoga?”

“Aliyeanza tabia za ushoga ni nani? Mimi au wewe unayevaa chupi ya kike?” Marshall akauliza.

“Sio ya kike!” Jack akajitetea, “ni rangi ya waridi tu lakini si ya kike!”

Marshall akaangua kicheko, “Vipi, ni bikini ama?”

Jack akatoa macho, “Tony, sitaki matani na wewe!”

Marshall akacheka mpaka macho yakawa mekundu, Jack akanyanyuka akitishia kwenda, basi akamtuliza na wakaendelea na maongezi yao.

“Hakutakuwa na haja ya kumuua yeyote Jack, labda kama kutakuwa na ulazima huo!” akasema Marshall.

“Ulazima gani?” Jack akauliza akitoa macho. “Umeona namna yale mauaji ya mwanasheria yalivyopamba moto nchi nzima?”

Marshall akaminya lips zake na kusema, “Jack, kuna sadaka inabidi itolewe. Ni kawaida. Siko tayari kurudi nilipotokea, na basi ikitokea basi niwe nimeshamaliza kabisa kazi yangu.”

Akakunja ngumi na kuendeleza maneno, “Sitakubali yoyote yule asimame mbele ya njia yangu, Jack.”

Kumbe mwanaume yule mwenye barakoa nyeusi alikuwa ni Marshall! Ni yeye ndiye aliyemmaliza bwana Marble baada ya kubaini ni msaliti na mtu asiyeaminika tena tangu amnase kwenye mtego wa kufanya vivyo.

Bwana yule hakuwa wa kuaminika tena, kadiri avutavyo pumzi ndivyo mkakati wa Marshall ulivyohatarini.

Kwa kufanya utaalamu wa udukuzi, Jack Pyong alizama ndani ya uwanja wa barua pepe wa bwana Marble kwa kutumia kirusi. Alipokuwa huko akafanya namna na kupata mawasiliano yote ambayo Bwana Marble alikuwa akiyafanya, na siku ya miadi yake akaenda kukutana na mwanaume mwenye barakoa.

Kabla ya bwana Marble kuuawa, Marshall akapata ‘access’ ya pesa zake kwa kupitia ‘check’ na sasa walikuwa na pesa za kutosha kwani bwana Marble alikuwa tayari ameshaingiziwa pesa ya makubaliano yake ya pili.

Sasa vipi kuhusu yule bwana anonymous? Yule ambaye alikuwa akiwasiliana na bwana Marble apate kujua nani aliyemuagiza kukabiliana na kesi ya Marshall?

“Leo nitenda kukutana naye?” akasema Marshall.

“Lakini inabidi uwe makini sana Tony,” akashauri Jack. “Bila shaka yeye atakuwa tofauti na bwana Marble.”

“Najua hilo,” akasema Marshall kisha akakuna kidevu chake. “Hakuna mwanaume yeyote atakayekaa mbele yangu, labda awe amevaa chupi ya kike.”

Jack akamtazama kwa kukunja sura.


**

Saa tano asubuhi - Makao makuu ya FBI (J. Edgar Hoover)

Alikuwa ameshamalizana na kazi yake ya kwanza na pili, sasa alikuwa anamalizia kiporo chake cha kazi yake ya tatu.

Miss Danielle alikuwa ametulia sana mbele ya tarakilishi yake.macho yake ya kazi yalikuwa matulivu lakini vidole vyake vikiwa vinachapa kazi, alikuwa aki - ‘scan’, akitoa ‘copy’ na pia akiandika maelezo kuhusu kesi mbalimbali.

Akiwa anaendelea na kazi yake, mara simu yake ya mezani ikaita, alipopokea alikuwa ni mwana wa mapokezi, akaambiwa kuna mgeni anamhitaji.

“Mruhusu,” akatoa maagizo na kisha akaweka simu yake pembeni akiendelea na kazi. Kidogo ofisini mwake akaingia mwanaume mwenye mwili mpana ndani ya nguo nadhifu, koti amelining’iniza mabegani, mkononi mwake amebeba mkoba.

Alikuwa ni mpepelezi, bwana James Peak. Alimpatia Miss Danielle mkono wa salamu kisha akajitambulisha.

“Naweza kukusaidia?” akauliza Miss Danielle.

“Swadakta,” akaitikia bwana James akitua koti lake.


**
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 16*

*Simulizi za series*


ILIPOISHIA

“Mruhusu,” akatoa maagizo na kisha akaweka simu yake pembeni akiendelea na kazi. Kidogo ofisini mwake akaingia mwanaume mwenye mwili mpana ndani ya nguo nadhifu, koti amelining’iniza mabegani, mkononi mwake amebeba mkoba.

Alikuwa ni mpepelezi, bwana James Peak. Alimpatia Miss Danielle mkono wa salamu kisha akajitambulisha.

“Naweza kukusaidia?” akauliza Miss Danielle.

“Swadakta,” akaitikia bwana James akitua koti lake.

ENDELEA

Alikuwa amekuja hapo kwa ajili ya kesi ya Mwanaume mwenye barakoa. Kwa mujibu wa tafiti zake aliona kuna haja ya kuonana na mwanamke huyu ili apate kujua tokea kwenye mzizi, kesi ya mwisho kabisa ya bwana Marble ilikuwa ni ile ya Marshall akiwa gerezani, na Marshall alikuwa mwenza na Miss Danielle kwenye kesi ya kupotea kwa Raisi, kwahiyo aliamini Miss Danielle angekuwa na kitu cha kumweleza.

Alimuuliza kama anamjua bwana Marble, alishawahi kufanya naye mawasiliano yoyote, kwa hilo Miss Danielle akalipinga kuwa hamfahamu bwana Marble kwa namna yoyote ile.

“Afisa, kama umekuja hapa kwasababu ya hilo basi jua sina chochote cha kukusaidia,” alisema Miss Danielle akimtazama Bwana James Peak.

“Na vipi waweza kuniambia kidogo kumhusu bwana Marshall?” Bwana James akauliza. Miss Danielle akamtazama kwa kitambo kidogo kisha akatikisa kichwa chake, “Siwezi kukwambia kitu, ni mambo confidential, samahani kwa hilo.”

Bwana James akatabasamu kinafki kisha akafungua faili lake na kuperuzi kwa muda kidogo kabla hajauliza, “Miss, kuna picha zako hapa …” akasema akiziweka picha tatu mezani, “zinakuonyesha ukiingia ndani ya jengo alimokuwa anafanyia kazi wakili Marble,” akaweka kituo akimtazama Miss Danielle alafu akamuuliza, “Vipi waweza sema kitu hapo?”

Miss Danielle akashusha pumzi. “Bwana mpelelezi, hatuwezi kwenda maeneo kutembea hivi sasa? Mfano, leo nikatoka na kwenda dukani kununua bidhaa, kesho yake muuza duka akafa, mimi nitakuwa ni mmoja wa watuhumiwa? Sababu tu nilienda hapo?”

“Inategemea uliendaje?” akasema bwana James na kuongezea, “Hata muuaji anaweza akawa ameenda hapo kama mteja.” baada ya hiyo kauli kukawa na ukimya kidogo kabla ya Bwana James Peak kuuvunja kwa kusema, “Mauaji yametokea mara mbili yakiwa yamefanywa na mtu mmoja, mmoja aliyeuawa ni wakili Marble na mwingine ni mtu ambaye alikuwa anawasiliana naye kwa njia ya barua pepe. Kama unaweza kutupatia jambo, basi utanitafuta.”

Bwana James aliposema vivyo akanyanyuka na kujiveka koti lake mabegani kisha akasema, “Natumai msaada toka kwako, miss.”

Danielle hakusema jambo, akamtazama bwana huyo akitoka nje ya ofisi yake alafu akajilaza kwenye kiti akishusha pumzi ndefu. Aliona mambo yanamfikia kooni.

Zile picha za cctv ingali akiwa kwenye ofisi ya bwana Marble ni hakika zitamuweka matatani. Aliwaza akihisi mwili unapata joto zaidi.

Akanyanyua simu yake ya mezani na kuiweka sikioni, akakumbuka ni simu ya ofisi, upesi akairejesha simu kwenye kitako chake alafu akatafuta simu yake binafsi na kupiga.

Simu ikaita na punde ikapokelewa.

“Inabidi tukutane … leo usiku, sawa?” alisema vivyo kisha asiongeze kitu akakata. Kabla hajaiweka simu yake mezani, aliing’ata kwanza akiwaza alafu punde akasimama na kwenda nje ya ofisi.

Alikuwa amefuata maji ya baridi.


**


Saa nane mchana …

Bwana James Peak alikuwa kwenye kiti chake ndani ya ofisi akiwa anayasoma kwa umakini yale maelezo aliyopewa na yule mwanamke mzee kule mtaani, Bibi Laurene, juu ya mwonekano wa mwanaume aliyempa agizo la kuwekea oda chumba ndani ya hoteli ya La Chica, chumba namba 348.

Aliyasoma maelezo hayo na kisha akahamishia macho yake kwenye video zilizokamatwa na kamera zilizotundikwa maeneo ya mapokezi ya hoteli. Alichambua kila mtu na kwa mujibu wa macho yake akawatambua wanaume kama wanne ambao walikuwa wanafanania kabisa na maelezo ambayo yalitolewa na bibi Laurene.

Basi akamwita mmoja wa wasaidizi wake na kumwagiza atoe picha za watu wale wanne kisha ampatie, ndani ya muda mfupi picha zikawa tayari akakabidhiwa.

Alizitazama picha hizo lakini hazikuwa zinaonekana vema, haswa za watu wawili ambao nyuso zao zilikuwa kinyume na jicho la kamera, katika hao wanaume wawili, mmoja alikuwa akitazama chini kabisa. Kwa namna moja, bwana James akahisi anaweza akwa mtu anayemtafuta.

Akashusha pumzi ndefu.

Akaziweka picha zile kando alafu akaita wasaidizi wake wawili na kuwapa maagizo juu ya Miss Danielle.


**

Saa tatu usiku …

“Unahisi anaweza akapata ushahidi kamili?” akauliza Marshall akimtazama Miss Danielle. Walikuwa wameketi ndani ya gari, kimya, limezimwa. Danielle alikuwa ameketi kwa kukunja mguu wake wa kushoto akitazama mbele, alikuwa amemezwa na fikira.

“Sijajua atapata nini,” akasema mwanamke huyo. “Ila ni wazi atakuwa ni mtu wa kumtazama kwa ukaribu sana, anaweza akawa hatari sana Marshall.”

Marshall akatulia akiwazua, “Kwa sasa atakuwa anakushuku lakini hana kithibitisho cha kukutia hatiani,” akasema na kuongeza, “Kinachotupasa kufanya ni kuhakikisha hapati anachokitafuta.”

“Na tutalifanyaje hilo?” akauliza Miss Danielle, sasa akimtazama Marshall.

“Itabidi tupunguze mawasiliano,” akasema Marshall, “najua kwasasa atakuwa anatafuta link kati yako na mimi. Kwa namna yoyote, tuliepushe hilo mpaka pale mambo yatakapotulia.”

Miss Danielle akatulia akiwazua.

“Na tutakapoona anakuwa hatari zaidi, basi naye nitammaliza,” akapendekeza Marshall, hapo Miss Danielle akamtazama kwa mshangao, “Marshall, you are not serious! Tutaua wangapi?”

“Yoyote atakayekaa mbele yetu!” akasema Marshall akikaza macho.

“Hapana, kumuua kutafanya jambo hili lizidi kuwa zito haswa kwangu!”

“Sasa tutafanyaje tutakapoona maji yanazidi unga?”

Miss Danielle akawaza kidogo kisha akasema, “Inabidi tumpumbaze!”

Marshall akatoa macho. Danielle akatikisa kichwa chake kukazia, “Ndio, inabidi tumpumbaze!”


**

Usiku wa saa tano …

“Hamna haja ya kutumia tena njia hiyo!” alisema Jack. “Tumeshawamaliza sasa wawili, nini umepata?”

“Tumekuwa salama zaidi,” akajibu Marshall. “Sikia, Jack, kama bwana Marble angeendelea kuwa hai, hamna ambaye angekuwa salama baina yetu.”

“Na vipi kumhusu anonymous?” Jack akauliza akikodoa.

“Yeye alikuwa anataka kuniua,” Marshall akajitetea, “Nilifanya vivyo kwajili ya usalama wangu na si vinginevyo!”

Jack akashika tama, mara akalitoa na kutikisa kichwa, “Inabidi utafute njia mbadala, Marshall.” kisha akasimama na kumuaga Marshall yeye anaenda kulala, basi Marshall akabaki mwenyewe.

Akakaa hapo kwa kama masaa matatu kabla hajaenda chumbani kwake ambapo alikaa tena kwa masaa kadhaa kabla hajaanza kutekwa na usingizi.

Akiwa anafumbafumba macho, akasikia sauti ya mlango ukifunguliwa taratibu, upesi akaamka na kuangaza. Alisimamisha masikio yake kama mbweha akijitahidi kusikia kila kitu.

Akaendelea kusikia sauti ya mlango ikizidi kulia na mara ikakoma, alipokaa kidogo akasikia vishindo vya mtu dirishani, upesi akafanya kujihami kwa kujitupia chini.

Alirusha macho yake dirishani lakini hakuona kivuli cha mtu, na vishindo taratibu vikapotelea mbali.

Basi taratibu akanyanyuka na kujongea dirisha, alafu akashika ncha ya pazia na kulifungua taratibu atazame nje kunani.


***
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 17*

*Simulizi za series*


ILIPOISHIA

Akaendelea kusikia sauti ya mlango ikizidi kulia na mara ikakoma, alipokaa kidogo akasikia vishindo vya mtu dirishani, upesi akafanya kujihami kwa kujitupia chini.

Alirusha macho yake dirishani lakini hakuona kivuli cha mtu, na vishindo taratibu vikapotelea mbali.

Basi taratibu akanyanyuka na kujongea dirisha, alafu akashika ncha ya pazia na kulifungua taratibu atazame nje kunani.

ENDELEA

Aliporusha macho yake akabaini kile kitu alichokiona siku zile, alikuwa ni Vio pembezoni mwa bwawa la kuogelea akiongea na simu!

Kwa umakini akamtazama mwanamke huyo na huku akijaribu kuskiza kama ataambulia kitu. Kwanini huwa anaenda kuongelea kando huko na tena kwenye majira kama yale ya usiku? Alishindwa kupata majibu.

Alijaribu kuwaza akiwa anamtazama mwanamke huyo na huku akiwa anaangalia muda ambao anatumia, ilikuwa yaelekea nusu saa sasa tangu amwone akiwa anateta!

Vio alitabasamu na kusema kwa sauti ndogo, “Nitatazama lakini si upesi hivyo, D.” ingali akiwa anaongea alikuwa akijibaraguza kwa kusimamisha mabega na kuzungusha zungusha mwili wake. “Wajua mambo yalivyo, sio? … “ aliendelea kuteta, akaskiza kidogo alafu akatabasamu na kusema, “Sawa!”

Lakini alihisi kuna kitu dirishani mwa chumba cha Marshall, alihisi pazia halipo sawa, alipotuma macho yake kutazama, haraka pazia likajirudi asione jambo.

“Kwaheri, D, yanipasa nirudi ndani,” akaaga na kisha akakata simu yake. Kabla ya kurudi ndani akatazama tena dirisha la chumba cha Marshall, hakuona jambo lakini moyo wake haukuwa shwari. Upesi akarudi na kujilaza.


**

Majira ya asubuhi, South Carolina …

Ngo! Ngo! Ngo! Ngo!

“Nakuja!” alipaza sauti mwanamke mwenye nywele nyekundu, makamo ya miaka thelathini na tano. Akiwa amevalia sweta lake kubwa, alikuwa jikoni akitengeneza chai, kwa mwili alikuwa mpana ila mkakamavu.

Punde tu baada ya kuepua chai yake, akasonga mlangoni kuitikia wito. Alipofungua akakutana na mwanaume mpana aliyevalia koti lenye kofia kuficha uso wake, kidogo akahofu.

“Naweza kukusaidia?” akauliza akiwa ameweka mkono wake karibu kabisa na mlango kwa lolote litakalotokea. Mwanaume yule akaonyesha sura yake na kusema, “Ndio, tafadhali tunaweza kwenda kuongelea ndani?” alikuwa ni Marshall.

Kidogo mwanamke yule akasita, hakumwamini mgeni wake basi akauliza, “Waweza kusema hitaji lako hapa?”

Marshall akatazama kushoto na kulia kwake alafu akasema kwamba amekuja hapo kwasababu ya Katie, mwanamke huyo alimweleza kuwa yupo hapo kwa shangazi yake. Kidogo mwanamke huyo akamtazama Marshall na kisha akaufungua mlango waingie ndani.

Akampatia Marshall kikombe cha chai na wakaketi sebuleni kwa ajili ya maongezi. Mwanamke huyo akajitambulisha kwa jina la Sarah, dada wa mbali wa mama yake Katie.

“Alikuwapo hapa kwa muda kidgo lakini kwa sasa ameondoka. Hakuwa anajihisi kama yupo salama,” alisema Sarah baada ya kunywa fundo moja la chai kuondoa baridi mwilini.

“Vipi hamna namna naweza kumpata?” akauliza Marshall, “Ni muda mrefu sasa sijaonana naye.”

Sarah akabinua mdomo, “Sidhani kama itakuwa rahisi hivyo maana amerudi Ujerumani na ni mara chache sana amekuwa akinitafuta. Anadai hayupo salama, sijajua kama unafahamu kuhusu hilo.”

Marshall akatikisa kichwa kuitikia, akatazama chini akijiuliza kwa ufupi alafu akauliza kwa sauti ya upole, “Anaendeleaje na hali? Yuko salama?”

Sarah akanywa kwanza fundo moja la chai kisha akasema, “Yu salama salmini. Alikuwa na matatizo kadhaa mwanzoni lakini mpaka anaondoka, alikuwa ameshajijenga kiafya.”

Basi Marshall akawa ameshindwa kutimiza hitaji lake la kumwona Katie. Alisononeka moyoni. Alikuwa amefunga safari yake ndefu isiyokuwa na mafanikio. Akampatia Sarah namba zake za simu kwa mawasiliano endapo kama Katie atahitaji kumtafuta kisha akashukuru na kwenda zake.

Sarah akamsindikiza mwanaume huyo mpaka nje kisha wakaagana. Alipohakikisha mwanaume huyo amepotelea ndipo akazama ndani na kuketi. Punde, Katie akaungana naye akitokea chumbani.

“Ndiye yeye?” Sarah akauliza akimtazama Katie, mwanamke huyo bado alikuwa amejiveka nguo za kulalia, uso wake ukiwa mchovu, akaketi kwenye kiti akitikisa kichwa kuafiki pasipo kusema jambo.

“Sitaki awe anafika hapa, Katie!” akapaza Sarah, “Unajua ni hatari kiasi gani kuonana na mtu kama yule, Katie?”

Katie hakujibu kitu, alikuwa anajikuna mkono wake wa kuume akitazama chini na macho yake yalojawa na ulevi wa usingizi, bila shaka alikawia kulala.

“Anatafutwa nchi zima. Endapo ikibainika alikuja hapa, nitakamatwa na hutaniona tena. Ndiyo furaha yako?”

Shangazi akaongea sana lakini Katie asirudishe neno. Alikuwa ameghafirika hata kwanini Katie alimpa anwani ya makazi yake. Akamsihi sana, kwa usalama wake, na wa mtoto wake tumboni, akae mbali na Marshall.

“Kama usipofanya hivyo, basi nitatoa taarifa polisi Katie!” Shangazi akahitimisha kisha akamezea na chai yake. Katie akasimama na kwenda zake chumbani.

“Umenisikia, Katie!” shangazi akapaza sauti Katie akifunga mlango, bado Katie hakujibu.

Alijitupia kwenye kitanda chake akitiririsha machozi. Hakutaka kabisa kuishi maisha kama yale. Alishika tumbo lake akazidi kububujikwa.

**

Baada ya juma moja …

“Jack,” Vio aliita baada ya kutoka bafuni, alikuwa akijifuta maji kwa taulo huku akiwa anamtazama Jack ambaye alikuwa amejilaza kitandani, Jack akamuitikia kwa kumtazama.

“Vipi kuhusu kile kitu nilichokuambia?” Vio akauliza.

“Kitu gani hiko?”

“Kumhusu Tony!” Vio akasema kwa mkazo.

“Tony? Amefanyaje?” Jack akauliza kana kwamba ni mada mpya masikioni, Vio akasonga karibu yake na kuketi kitandani. Akamwambia hataki kumwona Tony pale nyumbani kwani ameshakaa kwa muda wa kutosha, si salama kwake kuendelea kukaa pale.

“Hauoni ni stara sasa akatafuta makazi mengine mbali na hapa?”

“Kwanini afanye hivyo na mimi nipo?” Jack akauliza na kisha akasisitiza kwamba hawezi kumfukuza Marshall kwa namna yoyote ile, labda tu kama atahitaji kwenda mwenyewe. Swala hilo likamkasirisha Vio.

“Ina maana Tony ni wa muhimu sana kwako, sio?”

Jack akamtazama mwanamke huyo kwa mazingatia alafu akamuuliza, “Kwanini unataka aondoke?”

“Si nimeshakuambia? Hatupo salama hapa akiwapo!”

“Tangu lini?”

“Tangu alipokuja.”

“Kwanini hukuniambia muda wote huo?”

“Kwasababu sikujua kama atakaa kwa muda mrefu.”

“Sikukuambia hilo?”

Baada ya kuzozana kwa muda mfupi, Jack akatoka chumbani na kwenda kuketi sebuleni, muda mfupi Marshall akaungana naye papo, wakajuliana hali na baada ya hapo, Jack akamuuliza Marshall juu ya mpango wake ujao.

Ni jana yake tu walikuwa tayari wameshatoka kubaini kwamba namba ya simu ya Marshall ilikuwa hewani, lakini pia walishawasiliana na taasisi ya kusaidia watoto wasiojiweza ambayo ipo chini ya mke wa Raisi, wakiwa wanataka kuonana na uongozi kwani wanataka kutoa msaada mkubwa.

Kati ya pande hizo mbili Marshall hakuwa anajua aanze na kipi, hata kichwa chake hakikuwa vema tangu alipofanya jitihada za kumtafuta Katie.

Aliomba muda apumzike na kuwaza, katikati ya siku hiyo, akastaajabu akipigiwa simu na alipotazama ilikuwa ni namba mpya, akawaza kidogo kabla ya kupokea na kusikia sauti ya kike.

“Ni Katie,” sauti ikasema na kuuliza, “Naongea na Marshall?”

“Ndio!” Marshall akapokea kwa tabasamu, “Upo wapi Katie?”

“Nipo mahali fulani, twaweza kuonana?” Katie akauliza.


**
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 18*

*Simulizi za series*


ILIPOISHIA

Aliomba muda apumzike na kuwaza, katikati ya siku hiyo, akastaajabu akipigiwa simu na alipotazama ilikuwa ni namba mpya, akawaza kidogo kabla ya kupokea na kusikia sauti ya kike.

“Ni Katie,” sauti ikasema na kuuliza, “Naongea na Marshall?”

“Ndio!” Marshall akapokea kwa tabasamu, “Upo wapi Katie?”

“Nipo mahali fulani, twaweza kuonana?” Katie akauliza.

ENDELEA

Haikuwa na chaguzi kwa Marshall bali kwenda huko upesi, alikuwa anataka kuonana na Katie kwa hamu zote, kwake ilikuwa ni nafasi adhimu kabisa.

Basi upesi akajiandaa na kutoka akitumia usafiri wa Jack, baada ya masaa mawili akawa yu pamoja na Katie eneo fulani tulivu, hapo wakateta mambo mengi ikiwamo mahusiano yao lakini pia na yanayoendelea.

Katie alimwambia Marshall kuwa alishakata tamaa ya kuonana naye lakini bado hakuwa ametoka kichwani mwake, zaidi akamweleza Marshall juu ya shangazi yake, bibie Sarah, kuwa sio mtu anayeyafurahia mahusiano yao kabisa! Hata pale ametoroka nyumbani pasipo kumuaga.

“Najua asingeniruhusu ama angelinitilia mashaka, sikutaka iwe vivyo.” aliposema hayo akamtazama Marshall na kutabasamu, kisha akamkumbatia kwanguvu. “Nakupenda sana, Marshall.”

Naye Marshall akamkumbatia kwanguvu na kumweleza hisia zake. Hakuna mtu aliyekuwa anataka kumwacha mwenzake aende, walitamani maisha yao yangekomea pale lakini haikuwa inawezekana. Muda mwingine ni bora ukaishi ndotoni kwani maisha halisi yanakuwa katili mno.

Wakatumia masaa mengi pamoja, jua lilipoanza kuzama ndipo ikampasa Katie amuage Marshall kwa busu na kisha akampatia picha yake, “Utaitunza hii, na utaitazama punde utakaponikumbuka.”

Basi Marshall akaiweka picha hiyo sehemu ya faragha, alafu naye akatia mkono wake mfukoni na kutoa mkufu ambao alimveka Katie na kupendezwa nao sana.

“Nimeununua mkufu huu nikiwa njiani. Niliona utakupendeza sana,” alisema Marshall kwa tabasamu alafu akambusu Katie na kukumbatiana kabla hawajaachana kila mtu aende na zake.

Akiwa njiani Marshall akajawa na furaha sana, alihisi moyo wake umekuwa mwepesi kwa kumwona Katie - mpenzi wa moyo wake. Alitamani afike upesi nyumbani ili apate kumhadithia Jack.

Lakini akiwa anaendesha akakumbuka jambo, alipaswa kumsihi Katie awe makini zaidi kwa usalama wake, akajaribu kuvuta simu yake apige lakini akabaini haikuwa na salio, basi akaona awe mvumilivu afike dukani na kuongeza ili apate kuwasiliana na mwanamke huyo.

**

“Umetoka wapi?” aliuliza Sarah akimtazama Katie, mwanake huyo alikuwa ameketi kwenye kiti chake akishona kitambaa. Macho yake yalikuwa yanamtazama Katie nje ya miwani.

Katie akatabasamu kinafki na kujibu, “Nimetoka kutembea,” kisha akashika mwendo kuelekea chumbani. Sarah akamwita na kumtaka asogee karibu, aliongea kwa ukali na kwa msisitizo, basi Katie akatii, akasonga na kuketi karibu.

“Nasikia marashi yake,” akasema Sarah akiwa anamtazama Katie kwa ukali.

“Marashi ya nani?” Katie akauliza akitoa macho. Sarah akafuma kitambaa chake mara mbili alafu akauliza, “Ulienda kukutana naye, sio?”

“Sijui unaongelea nini shangazi!” Katie akajitetea akipandisha mabega. Sarah akamwambia asimfanye mtoto kwani anajua ametoka kuonana na mwanaume wake ingali alimkataza. Marashi anayoyasikia, alipata kuyasikia Marshall alipokuja kipindi kile kumtembelea, juma moja lililopita.

Pasipo kujali Sarah aliteta nini, Katie akaendelea kukana na kukana mpaka pale simu yake ilipoita, alipotazama akaona namba mpya lakini akiwa ameibaini ni ya Marshall. Alihofia kuipokea, alimtazama shangazi yake na shangazi yake akamtazama, kulikuwa na ukimya kidogo simu ndiyo ikinguruma tu.

“Mbona hupokei?” Sarah akauliza, badala ya kujibu Katie akasimama aende zake.

“Katie!” shangazi akaita, sasa alikuwa akimtazama Katie kishetani. “Nimesema rudi hapa!” akafoka akionyeshea kidole chake kitini, Katie akapuuza na kwenda zake chumbani, akajifungia na kupokea simu.

Sarah akatabasamu akiwa anasaga meno yake. Kwa hasira akachana kitambaa alichokuwa anakifuma na kisha akakitupia mbali.

Si kwamba alikuwa anafuma kitambaa hicho kwa matumizi, lah! Sarah huwa na desturi ya kufuma pale anapokuwa na hasira, ni moja ya njia zake za kujipooza kurudi kwenye hali ya kawaida kama iwavyo kwa watu wengine ambao hunywa maji wakiwa wamepandwa na munkari.

Kabla ya Sarah kubaini njia hii ya kutuliza hasira zake, alikuwa akifanya mambo ya ajabu apandwapo na hasira, mambo ambayo hayasimuliki, au hata kama tukiyasimulia hayatapendeza masikioni.

Kwasababu ya hasira aliharibu maisha yake kwa kumpoteza mumewe kwa talaka na hata wanawe wawili kuamriwa na mahaka wakae mbali na yeye.

**

Baada ya siku mbili …

“Unadhani itachukua muda gani mpaka kukamilika?” aliuliza mwanaume mpana aliyevalia suti moja nadhifu sana, mwanaume huyo alikuwa amevalia miwani ya kuzuia miale ya jua na mdomo wake mdogo ulikuwa umefunikwa na masharubu.

Mbele yake alikuwa ameketi mwanamke nadhifu pia, suti rangi ya waridi na skafu shingoni, mwanamke huyo alikuwa maarufu nchi nzima kwa jina akiitwa Marietta Abbey, mke wa Raisi aliyepotea ama twaweza sema mstaafu maana kwa sasa kuna Raisi mwingine madarakani.
Mwanamke huyo hakuwa mnyimi wa tabasamu na kwa muda wote huo ambao alikuwa akiongea na mgeni wake alikuwa akitabasamu na kuskiza kwa umakini. Maongezi yao yalichukua kama lisaa limoja kabla ya kupeana mkono na kisha mgeni wake akaondoka.

Mgeni huyo alipofika kwenye gari lake, limousine nyeusi, akafunguliwa mlango na kijakazi wake na yeye akaza ndani viti vya nyuma gari likaondoka.

Punde gari lilipong’oa nanga, mgeni huyo akavua miwani yake na masharubu aliyoyabanika, kumbe alikuwa ni Jack Pyong! Alimpigia simu Marshall na kumwambia kila kitu kimeenda kama kilivyopangwa, muda si mrefu watakuwa pamoja kuteta.

Basi Jack akarudisha gari lile alilokodi mahali pake kisha akajipakia kwenye gari lake apate kuondoka, lakini kabla hajafanya vivyo akastaajabu vioo vya gari lake vyagongwa, alipotazama akawaona wanaume wawili waliosimama wakiwa wamevalia suti, akahofu.

Kwa usiri akazamisha mkono wake pembezoni mwa kiti chake na kushika bunduki kisha akashusha kioo na kuuliza ni nini anaweza wasaidia wanaume wale. Pasipo kunena, wanaume wale wawili wakatoa vitambulisho vyao na kumwonyesha, walikuwa ni maajenti wa FBI, na walikuwa wanamhitaji Jack kwa ajili ya maongezi.

“Haitachukua muda,” alisema mmoja, mwingine akaongezea, “Kama hautakuwa mjinga.”

Jack akafikiri kidogo kisha akauliza, “tunaenda kufanyia maongezi hayo wapi? Kwanini si hapa?”

“Ndani ya usafiri wetu itapendeza zaidi,” akasema mmoja wa wale wageni lakini Jack akasita kuafiki hilo, “Kwanini tukafanyie huko? Kwani kuna kitu chochote mnaficha?”

Wanaume wale wakatazamana na kuafiki kuongelea pale. Wakamuuliza Jack kumhusu Marshall maana ilikuwa inafahamika alikuwa ni mmoja wa watu wa karibu hivyo walikuwa wanaamini Jack atakuwa anafahamu mahali Marshall alipo.

Jack akakana kufahamu, akaapa mara yake ya mwisho kuonana na Marshall ilikuwa ni pale alipomtembelea gerezani na si vinginevyo.

Wanaume wale wakatazama kwa amcho ya taarifa, alafu mmoja wao akauliza, “Na vipi kumhusu Miss Danielle? Mara yako ya mwisho kuwasiliana naye ni lini?”

Jack akaguna, “Ni muda mrefu kidogo, sikumbuki haswa ni lini!”

Mara akaona mwanaume akizamisha mkono wake ndani ya koti, haraka akatoa bunduki yake apate kujihami lakini kabla hajafanya kitu, mwanaume mwingine akawa ameshamdaka mkowe na kumpoka silaha hiyo.

“Tulia vivyo hivyo ndugu, kwa faida ya pumzi yako!”


**
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) --- 19*

*Simulizi za series*


ILIPOISHHHIA

Wanaume wale wakatazama kwa amcho ya taarifa, alafu mmoja wao akauliza, “Na vipi kumhusu Miss Danielle? Mara yako ya mwisho kuwasiliana naye ni lini?”

Jack akaguna, “Ni muda mrefu kidogo, sikumbuki haswa ni lini!”

Mara akaona mwanaume akizamisha mkono wake ndani ya koti, haraka akatoa bunduki yake apate kujihami lakini kabla hajafanya kitu, mwanaume mwingine akawa ameshamdaka mkoNOwe na kumpoka silaha hiyo.

“Tulia vivyo hivyo ndugu, kwa faida ya pumzi yako!”

ENDELEA

Jack akaogopa sana, hata akadhani huenda huo ukawa mwisho wa maisha yake. Wanaume wale wakamtwaa na kumweka kwenye gari lao kisha safari ikaanza kuelekea asipopajua. Mwanaume mmoja alikuwa dereva ingali mwingine akiwa ameketi na Jack huko nyuma.

Wakiwa wameendesha kwa muda wa kama robo saa, Jack akahisi kitu. Aligeuza shingo yake kutazama nyuma na kwa mbali akaona gari fulani alilolitambua, hapo akatabasamu, alibaini Marshall yupo nyuma yao.

Basi akasafisha koo lake na kuanza kuwaambia wale wanaume wawili juu ya hatari wanayoweza kukumbana nayo kwa kumkamata na kumpeleka mahali pasipo ridhaa yake. Kwa sauti kubwa kabisa akaeleza namna gani ambavyo hajapenhda lile tukio na atachukua hatua kuwaadhibu.

“Kama mnajali uhai wa maisha yenu basi mniachie sasa!” alimalizia kwa kusema hayo akiwa ametumbua macho, basi wale wanaume wawili waliomteka wakaangua kicheko haswa, walimwona Jack ni mtu wa masikhara haswa, mtu ambaye hajagundua yupo kwenye janga gani mpaka muda ule.

Lakini kwa kutokutambua, ni wao ndio walikuwa kwenyge janga, tena janga kubwa haswa. Punde gari lao likabamizwa kwa nyuma! Tih! Hawajakaa sawa, gari likabamizwa pembeni na kuanza kupoteza mhimili wake!

Kutazama wakaona gari aina ya Nissan Patrol rangi nyekundu pembeni yao. Vioo vikashushwa alafu silaha zikaanza kumwagwa kama njugu kumfuata dereva, hakika hakusalimika, ndani ya punde kioo chake kilipasuka na akala risasi kama tatu hivi kwa uchache! Gari likaanza kuyumba kwa kukosa nahodha.

Huko nyuma Jack naye akatumia nafasi hiyo hiyo kujinasua, ingali mwanaume aliyemuweka chini ya ulinzi akiwa anapambana kutupa risasi kwenye gari Nissan, akatumia fursa hiyo kumbamiza kichwa kwanguvu na kumziraisha, hata yeye hakuamini kama hilo limetokea!

Gari liliendelea kuyumbayumb kana kwamba boti ndogo inayokubwa na dhoruba. Ilibamiza pembeni na pembeni, ilijikwatua na kujichetua kihatari! Ikakwangua magari mengine barabarani na ata kuyasukuma, magari mengine yalipisha njia huku madereva wakirusha maneno makali.

Basi upesi Jack akajikongoja na kushika usukani, alafu akalituliza gari hilo na kupotelea huko.

**

Jioni ya saa kumi na moja, (CHARITY HOME)

“Madam, kuna mgeni anataka kuonana na wewe!” ilikuwa ni sauti ya secretary akiongea na Marietta Abby kwa kupitia simu ya mezani.

“Mgeni muda huu?” Marietta akastaajabu. “Ni nani huyo?”

“Bwana Dickson,” secretary akajibu upesi na punde Marietta aliposikia jina hilo akashtuka kidogo kabla hajamruhusu mgeni wake azame ndani. Kidogo mlango wake ukafunguliwa na akaingia mwanaume aliyekuwa amevalia shati nyeupe na tai nyeusi iliyokomea juu ya kichwa cha mkanda, mwanaume huyo alikuwa amelaza nywele zake vema na mkono wake wa kuume alikuwa ameuzamisha mfukoni.

Alikuwa ni bwana Ian Livermore, afisa wa zamani wa shirika linalohusika na kulinda viongozi wa juu na familia zao, yaani USSS (Secret Service). bwana huyu ndiye ambaye inasemekana na kuaminika alifia kwenye ajali ya moto iliyoteketeza nyumba yake mpaka kuwa majivu.

Alikuwa na majina mengi, alipokuwapo Ujerumani alikuwa akijulikana kwa jina la PKP, na sasa yupo nchini Marekani akitajwa kama Dickson! Ila jina lake lililopo kwenye vyeti ni bwana Ian Livermore.

Kuna umuhimu wa kushika jina hili vema.

Marietta akasimama na kusalimiana na bwana huyo kwa kumpatia mkono kisha wakaketi.

“Ni muda mrefu sasa!” akasema Marietta. Bwana Ian akatikisa kichwa chake na kusema, “Ni muda mrefu kweli. Natumai unaendelea vizuri.”

“Bila shaka,” Marietta akajikomba na kuongezea, “naona ulinitupa kabisa Ian. Kuna kitu nilikukosea?”

Wakateta kwa muda mchache kabla ya Ian kusema jambo lililomleta hapo. Mbali na kwamba alimkumbuka sana Marietta, kuna jambo lingine kubwa.

“Nadhani umesikia kuhusu Marshall,” alisema Ian, Marietta akatikisa kichwa kuafiki. “Nimelisikia, Ian na limenishangaza haswa kwani nilijua mmeshamalizana naye!”

Ian akatikisa kichwa, akamwambia Marietta kwamba alitaka kufanya mikono yake iwe safi kwa kuiachiha serikali immalize kwa kauli yake lakini mambo yamekuwa tofauti, anajutia sana kutoitumia fursa.

“Hapana, Ian, ilibidi iwe vile!” Marietta akampa neno, “Kama tusingefangya vile, tungelimalizaje hili swala la kupotea kwa Raisi, huoni bado ingekuwa ni mjadala wa moto?”

Ian akatulia kidogo, akashusha pumzi yake na kumwomba Marietta kipande cha sigara, alikuwa anafahamu mwanamke huyo ni mvutaji hivyo hawezi kukosa burudani hiyho karibu na mazingira yake.

Marietta akavuta droo na kutoa pakti la Chesterfield, akamrushia Ian.

“Nashukuru!”

Ian akatoa kiwashia moto mfukoni alafu akaziwasha sigara mbili kwa mkupuo na kuziweka mdomoni, akavuta na kuvuta pafu moja zito kabla hajatemea moshi nje. Alikuwa anafikiria jambo, vidoleni, mkono wake wa kuume, akiwa amekamatia sigara mbili.

“Marietta, Marshall ni mtu wa hatari sana. Ni kheri swala hili la Raisi lingeendelea kuwa la moto lakini mwanaume yule akiwa mfu.” akavuta tena pafu zito na kulitemea mbele ya uso wake, akawa haonekani bali sauti yasikika, “alikuwa mikononi mwetu kwa bahati, sasa ametoka, itakuwa ngumu sana kumrejesha … kutakuwa na gharama yake!”

Marietta akamtoa hofu Ian kwamba mbali na wao kumtafuta pia vyombo vyote vya serikali vinamtafuta, hivyo kazi haitakuwa ngumu sana kama ilivyokuwa hapo mwanzoni, lakini pia katika hilo Ian akamweleza na wao kazi yao itakuwa ngumu maradufu maana inabidi pia wajifiche toka kwenye mikono ya vyombo vya usalama.

Mwanaume huyo alitikisa kichwa na kidogo akacheka, “Marietta, haupo serious hata kidogo, sijui kama unajua unachoongea. Kutakuwa na gharama, tena kubwa, kumtia tena Marshall mkononi!”

Baada ya kusema hayo, Ian akaeleza ni namna gani vijana wake wawili walivyokumbwa na kadhia wakiwa wenye mchakato wa kumfuatilia rafiki yake na Marshll, bwana Jack Pyong.

Kati ya hao, mmoja amekutwa darajani akiwa ameandikwa mwili mwake kwa kutumia ncha ya kisu na mwingine hajulikani alipo mpaka muda huo!

“Nadhani sasa unaweza kuelewa nini naongelea, Marietta,” alisema bwana Ian kisha akalaza mgongo wake kitini na kunyonya sigara kama ana akili nzuri.

“Sasa tunafanyaje Ian? Ina maana hauna mpango kabisa?”

“Siwezi nikakosa mpango,” akasema Ian uso wake ndani ya moshi. “Nina mpango mmoja kabambe, nadhani huo utakuwa ndio tegemea kubwa la sisi kummaliza Marshall … ni sehemu ya udhaifu wake. Tukishindwa kutumia nafasi hiyo basi we are fucked up!”

Kukawa kimya kidogo.

“Nakushauri urudi kwanza Uarabuni,” akasema Ian.

“Hapana,” Marietta akatikisa kichwa, “Si kwa muda huu, kuna kazi kwanza namalizia.”

“Kazi gani?” Ian akadadisi.

“Kuna pesa inatarajia kuingia muda si mrefu toka kwa ‘donor’, hivyo naingojea.”

“Donor?”

“Ndio, kuna mtu anataka kujitolea kusaidia watoto. Ni pesa kubwa kama tukimalizana.”

“Una uhakika?”

“Bila shaka, leo nilionana na mtumishi wake tukateta,” Marietta akadadavua na kuongeza, “muda si mrefu nitaonana na mhusika na kujadili zaidi. Nitakapokamilisha hilo, nitasafiri tena.”


***
 
S

SteveMollel

JF-Expert Member
Joined
Jul 12, 2015
Messages
3,731
Points
2,000
S

SteveMollel

JF-Expert Member
Joined Jul 12, 2015
3,731 2,000
*NYUMA YAKO (MSIMU WA PILI) -- 20*

*Simulizi za series*


ILIPOISHIA

“Kuna pesa inatarajia kuingia muda si mrefu toka kwa ‘donor’, hivyo naingojea.”

“Donor?”

“Ndio, kuna mtu anataka kujitolea kusaidia watoto. Ni pesa kubwa kama tukimalizana.”

“Una uhakika?”

“Bila shaka, leo nilionana na mtumishi wake tukateta,” Marietta akadadavua na kuongeza, “muda si mrefu nitaonana na mhusika na kujadili zaidi. Nitakapokamilisha hilo, nitasafiri tena.”

ENDELEA

Basi baada ya kuteta hayo, watu hawa wakaagana wakipeana miadi ya kuonana muda si mrefu. Marietta akafanya kazi zake kwa muda kidogo kabla hajatoka kazini kwenda kupumzika.

Pamoja na kwamba alikuwa ni mke wa Raisi aliyepita, bado ulinzi wake ulikuwapo kama kawaida. Wanaume wawili walikuwa wanamlinda kumhakikishia usalama. Wanaume hao walikuwa wamevalia suti na masikio yake yakiwa yamezibwa na namna za mawasiliano.

**

Saa tatu usiku …

Jack alifunga mlango na kumsukumia Marshall kando, Marshall alikuwa yu kifua wazi akitweta jasho, Jack yeye alikuwa na mavazi yake kama kawaida lakini mikononi akiwa amevalia glovu nyeupe. Glovu zake hizo zilikuwa na mabaki ya damu.

Hawakuwa wametoka ndani ya nyumba bali kwenye chumba cha nje ambacho kinatumika kama sehemu ya kuhifadhia vifaa kadhaa. Ndani ya chumba hicho ungeweza kuona mwanga hafifu kwa ndani.

Jack akarudishia mlango na kumwambia Marshall huku akiwa anamtazama kwa kumkodolea, “bwana, ukiendelea kufanya vivyo, utamuua!” sauti yake ilikuwa ya chini lakini yenye uzito.

“Jack,” Marshall akaita na kunena, “Unadhani hawa huwa ni wepesi kusema nani aliyewatuma? Wamefunza kuvumilia mateso!”

Jack akatikisa kichwa, “Sawa, lakini siyo hayo unayotoa wewe. Mara ya pili hii …” Jack akaonyeshea vidole vyake, “.. mara ya pili hii sasa anazirai, matokeo yake nini? Si kufa kabisa!”

“Kama akifa basi!” Marshall akatanua mikono yake mipana. “Sikia, Jack, kama yeye amedhamiria kufa, basi atakufa pasipo kusema hata tumfanyeje, cha kufanya ni kutumia tu yale yote tunayoyajua. Kama haitaleta bahati basi!”

Jack akaguna, “hamna namna nyingine? Yani njia mbadala wa hii?”

“Hamna!” Marshall akajibu akimtazama Jack kwa macho makavu. “Akizima ataamka tena na tena mpaka atakapotia adabu!” kisha aliposema hayo akamsogeza Jack kwa mkono wake wa kuume kisha akazama tena ndani.

Jack akabaki na maswali, alishika mlango aingie ndani lakini ah-ah! Akaona hataweza kuvumilia zaidi, yeye akaenda zake ndani, alipofika huko hakumkuta Vio chumbani. Hakujali sana akanyookea bafuni kukoga na punde akatoka akiwa anajifuta, alipotazama, bado Vio hakuwa ndani!

Akajifunga taulo kiunoni na kuanza kumsaka mwanamke huyo ndani ya jengo, alitazama jikoni, eneo la kulia chakula na mwishowe sebuleni, kote hakuona kitu! Akastaajabu mwanamke huyo atakuwa ameenda wapi?

Akajaribu kumpigia simu ikaita pasipo kupokelewa, basi akakata shauri kwa kungoja pale sebuleni mpaka atakaporejea. Kila alipoketi kwa muda fulani akawa ananyanyua simu yake na kupiga, bado haikuwa inapokelewa. Akaghafirika zaidi.


**

Ndani ya gari ..

Mulikuwa na giza. Ni mara moja moja mwanga ulikuwa ukiibuka pale ambapo simu ilikuwa inaita. Vio alitazama simu kisha akaipuuzia na kuendelea na mambo yake, alikuwa ameketi viti vya mbele kabisa na mwanaume kipara mwenye kujaliwa ndevu.

Mwanaume huyo alikuwa amevalia shati la kijivu ambalo limekatwa mikono, mwili wake ulikuwa mpana, mkono wake wa kuume umechorwa fuvu la binadamu likiwa lavuta sigara kisha maneno chini yake yakisomeka, ‘F*CK YOU!’.

Jina la mwanaume huyu ni Gotham.

Sauti yake ilikuwa nzito na ya chini, ingali wanaongea Vio alikuwa ameweka mkono kwenye paja nene la mwanaume huyo.

“Kwanini haukuacha simu hiyo ndani?” akauliza Gotham.

“Kama ningeacha basi angeifungua na kutazama,” akajibu Vio.

“Basi izime,” akashauri Gotham.

“Hapana, ataona nimemfanyia kusudi, acha iite nitajua cha kumwambia.”

“Sure?”

“Yah! Usijali, hana shida.”

Alichokifanya Vio ni kugeuzia kioo cha simu chini ili isiwasumbue kwa mwanga na kisha wakaendelea na maongezi yao, sasa kukiwa ni kiza totoro muda wote, ungeweza kutofautisha sauti tu kujua nani kaongea nini.

Wakateta kwa kama nusu saa zaidi alafu Vio akamuaga Gotham kwa busu.

“Kukiwa na tatizo, utanitaarifu!” Gotham akatupa kauli akimtazama mrembo akienda zake.

Kisha akameza mate.

**

Marshall akiwa amekaa sehemu ya kulia chakula, alipata kumwona Vio akiingia ndani. Bado Jack alikuwa ameketi pale sebuleni akiwa amefunga taulo lake, alikuwa amechoka, kabla ya Vio kuja alikuwa akisinziasinzia na kutazamatazama muda.

Kwa jicho la mbali Marshall akawa anatazama kinachoendelea, matundu ya masikio yake yalikuwa yamefunikwa na ‘earphone’ hivyo hakuwa anasikia lakini akibashiri nini kinachoendelea.

Jack alisimama akimfokea Vio huku akionyeshea simu, naye Vio akawa amekuja juu wakijibizana, hatimaye Vio akaachana na Jack baada ya kupungia mkono wake hewani, huyo akaelekea zake chumbani!

Marshall akaendelea kutazama, alikuwa akinywa maji kwenye glasi taratibu huku akiacha macho yafanye kazi yake. Akamwona Jack akiwa ameinamisha kichwa chake, mara anaegemea kiti akitazama dari.

Hakutaka kumsumbua, akaendelea kumtazama mpaka pale Jack aliponyanyuka na kwenda zake chumbani pasipo kuaga. Marshall akamalizia maji yake kwenye glasi kisha akayaweka mengine akitulia papo.

Alikuwa anawaza mambo kadhaa kichwani mwake.

Alikunywa maji taratibu kana kwamba juisi, alipomaliza akaenda zake bwawani kuogelea, huwa anafanya hivyo kama njia ya kujipa mazoezi kabla hajaenda kupumzika.

Alipojiweka kitandani akampigia simu Kate na wakaongea kwa muda fulani kabla hajakata na kubaki mpweke.

Alimuwazia rafiki yake Jack.

Alifikiria ni njia gani ya kumsaidia.

Lakini akiwa anafanya vivyo Marshall alijikuta akibaini kwamba kadiri siku zinavyoenda ndivyo utu humtoka. Amekuwa si mtu wa kujiuliza mara mbili kumuumiza ama kumuua mtu. Anaweza fanya vivyo na kisha asiwaze kabisa.

Hakujua roho hiyo ameitolea wapi.


**


Sarah alisikia gari likikoma na baada ya muda mchache mlango wake ukagongwa mara mbili. Kabla hajasimama kwenda kuitikia wito huo akatabasamu kwanza na kisha akaweka uzi wake na sindano pembeni.

Akafungua mlango na kukutana na wanaume wawili waliovalia suti, wanaume hao walijitambulisha kama maafisa wa usalama kabla hawajazama ndani.

“Tumeitikia wito wako, bila shaka tupo mahali sahihi!”

“Kabisa, karibuni sana,” Sarah akawakarimu wageni wake na kuwauliza wangependelea kifungua kinywa kipi, chai ama kahawa.

“Hapana, tunashukuru,” akasema mmoja wa wale wanaume wawili kisha wakaenda moja kwa moja kwenye kilichowaleta, “Huyo mtu yuko wapi?”

Basi Sarah akawaelekeza mabwana hao juu ya wapi watampata Katie akiwa pamoja na Marshall, mwanaume ambaye anatafutwa kwa udi na uvumba. Kwa mujibu wa Sarah, taarifa hizo alizipata toka kwenye maongezi kati ya Katie na Marshall nyakati za usiku.

“Una uhakika kabisa?”

“Ndio, nina uhakika maafisa.”

“Sawa, tunashukuru,” mabwana hao wakasema na kunyanyuka.

“Vipi sasa kuhusu pesa yangu?” Sarah akawahi kuuliza.

“Usijali,” wakamtoa shaka, “utapata pesa pale ambapo taarifa zako zitazaa matunda.”

Baada ya kusema hayo, wanaume hao wakarudi kwenye gari lao na kuanza safari. Wakiwa njiani wakawataarifu na wenzao wengine juu ya tukio wanaloenda kufanya.


**
 

Forum statistics

Threads 1,314,066
Members 504,780
Posts 31,814,105
Top