Haya makanisa ya kisasa yenye majina ya kuvutia, mfano New Miracle Church, Kanisa la ufufuo, Roho ya Amani centre,nk ni makanisa yanayoanzishwa na matapeli mahiri. Ni wazungumzaji wazuri sana wanaotumia mistari ya biblia kwa ufundi mkubwa. Ukivutwa nao ndo imekula kwako. Ndio hao watakuambia: Ukiweka laki moja kwenye boksi la madhubahuni utapata milioni moja. Hii ilishapata kutokeakwenye kanisa moja Ruvu mkoani pwani. Waumini walitoa mapesa yao na kuyaweka kwenye boksi wakitarajia kila laki moja itazaa milioni. Siku zikapita miezi ikapita hakuna kilichotokea. Baadhi ya waumini walienda kuripoti polisi na ndipo ilipogundulika kwamba huo ulikuwa ni utapeli unaotumia jina la Mungu. Cha kushangaza ni kwamba wengi waliopoteza fedha zao kwenye huu utapeli wa madhibahuni walikuwa wanawake! Hivi kweli, ni kwa nini? Tuwe waangalifu na haya makanisa jamani.