Pole kwa yaliyokukuta, kuwachukia wanaume sio suluhisho la tatizo......huna sababu ya kuwachukia, cha muhimu ni jifunze namna ya kukabiliana nao, maana wao wamekuwepo na wataendelea kuwepo bila kujali kwamba ni wazuri au wabaya, na pia wao ni sehemu ya maisha yako ya kila siku. Ukitafakari kwa kina utagundua kwamba huenda tatizo sio huyo mwanaume au wanaume kwa ujumla, bali ni namna wewe ulivyoweka matarajio yako kwake, unataka awe unavyotaka wewe. Mwanaume huyohuyo ambaye wewe unajiandaa kumchukia, kuna mahali anatakiwa sana, anapendwa sana, jiulize hii ina maana gani, jiulize wapi mnapopishana. Kilichopo ni kwamba matarajio na mitazamo yako na ya kwake imetofautiana, hivyo usijiumize bure, kaa chini jipange, jitambue unataka nini maishani, unataka nini kwa mwanaume. Ishi ndani ya misitari na misimamo inayoendana na wewe, usiishi kwasababu mwanaume anataka, asiyetaka kuendana na wewe mwambie samahani huo ndio msimamo wangu, haya ndio matakwa yangu. Kuna mahali hivi sasa kuna mwanaume anatafuta na anatamani sana kuwa na mwanamke mwenye sifa, matarajio na mitazamo kama yako. We ni kusonga mbele tu atakuja mwingine mtakalingana matarajio na mitazamo yenu na utaishi kwa amani, upendo na furaha, ila USIWACHUKIE WANAUME
