rmashauri
JF-Expert Member
- Jan 29, 2009
- 3,011
- 462
Naona yeye (Maggid) ni mbwa wa Oysterbay, anakula chakula kizuri na kulala mahali pazuri kuliko hata maofisa wengi wa serikalini. Tehetehetehetehetehe!
Maggid nimeipenda sana ile hadithi ya Mbwa wa Manzese na yule wa Oysterbay...
Sasa wewe ni mbwa wa Manzese au Oysterbay maanake mambo yako sii mabaya!.
majidi kaolewe na kikwete uwe mke wa tatu....mjengwa si yule wa global kila siku?wale wale wanaotafuta kujikomba kwa kikwete kama michuzi....viherehere wakubwa...tired of ccm...eti tathmni yako pwani...what about arusha and other regions?
kwani walio wengi wanataka nini? Mwaka 1991 ilifanyika kura ya maoni tanzania na waliowengi walitaka mfumo wa chama kimoja!!, uchaguzi mkuu wa 1995 waliowengi waliichaguwa ccm, 2000 waliowengi wakaichaguwa ccm, 2005 waliowengi wakaichagua ccm, mwaka huu 2010 waliowengi ni wale wale watakaoirudisha ccm madarakani!!!! Au kwa maoni yako unataka kutuambia waliowengi ni wafuasi wa chadema? Au mtu kama si mpenzi wa chadema basi si mtanzania?
PUMBA HATA SIJASOMa
uandishi wa darasa la saba
Naona yeye (Maggid) ni mbwa wa Oysterbay, anakula chakula kizuri na kulala mahali pazuri kuliko hata maofisa wengi wa serikalini. Tehetehetehetehetehe!
Hivi hamuwezi kutoa comments zenu bila kucopy na kupaste post nzima ya mtu???
<br />Msanii,<br />
Ahsante sana.<br />
Tunasema; ukichagua mchezo wa masumbwi usiogope ngumi za usoni.
Haya ni ya kawaida. Najiona mwenye bahati, kwa kuwa najifunza mengi. Nikiri kuwa mimi si msomi sana. Nina kadigrii kangu kamoja tu. Bado najifunza.<br />
Na hata bila hiyo digrii yangu moja bado nina uwezo wa kuandika haya ambayo kwa wengine wanasema ni ya mtoto wa Darasa la Saba na mwingine anaona ni pumba tu. Hata kama ni pumba , ni zangu, wala sizionei aibu.<br />
<br />
<br />
Ni bahati mbaya, kuwa kuna wengi wenye kuamini, kuwa kila mwandishi Tanzania anapokea bahasha. Hii ni dhana potofu.<br />
Nakumbuka uchaguzi wa mwaka 2005 niliandika makala mbili kwenye gazeti la RAI zenye kumwelezea Dr Salim Ahmed Salim na hususan kuwalaani wale waliomwandama kutokana na rangi ya ngozi yake.<br />
<br />
<br />
Basi, kwa makala zile mbili kuna walioniweka kwenye droo la Dr Salim. Nakumbuka uchaguzi ulipokwisha, nilikutana na Mhariri wa Gazeti la Mwananchi. Nae akaniambia; E bwana Bosi wako kaenda Darfur. Nilijisikia vibaya sana. Maana, sikumfahamu Dr Salim zaidi ya kumwona kwenye vyombo vya habari. Sikuwa na mawasiliano nae mpaka mwaka juzi Februari 5 nilipokutana nae kwa mara ya kwanza ofisini kwake pale Masaki, kwa mazungumzo ya kawaida tu.<br />
<br />
<br />
Mfano mwingine ni pale nilipoanzisha gazeti la kijamii la KWANZA JAMII, kuna wanaolizungumzia gazeti hilo hapa JF. Wanalizungumzia wakionyesha kufahamu wasichokifahamu kuhusiana na 'KWANZA JAMII'. Wanaona tabu hata kuniuliza. Ni udhaifu tu, ni unyonge wetu.<br />
<br />
<br />
Kwa vile nilimiliki kagazeti kadogo ka KWANZA JAMII , basi, siku moja nikapanga mihadi na bwana mmoja mfanyabiashara na mmiliki wa vyombo vya habari. Nikafika ofisini kwake; nikamwaleza kuwa nilikuwa na mawili tu yaliyonipeleka kwake; Mosi; kufahamiana nae, pili, kumwomba anisaidie KWANZA JAMII lisomwe redioni na kwenye tv zake nyakati za asubuhi kwenye vipindi vya Leo Magazetini .<br />
<br />
<br />
Bwana yule alikubali ombi langu pale pale, kisha akaniuliza kama nilikuwa na shida nyingine iliyonileta. Aliniuliza zaidi ya mara mbili. Jibu langu likawa hapana. Nilihisi, kuwa kwenye fikra zake aliamini kuwa mie ni wale aliowazoea. Kuwa labda ningemwambia shida ya senti za matumizi au hata fedha za kuchapia gazeti langu. Pamoja na dhiki zangu , miye ni kama yule Mbwa wa Manzese!. Ndivyo nilivyo.<br />
<br />
<br />
Nina mifano mingi mingine ya niliyokutana nayo. Tukipata fursa tutajuzana mbele ya safari kwa minajili ya kuelimishana na kubadilishana uzoefu.
Na Maggid Mjengwa,
Mwalimu Nyerere alipata kusimulia kisa cha mbwa wa Manzese. Nilikuwa bado kijana mdogo sana niliposikia kisa kile. Ilikuwa mwanzoni mwa miaka ya 80. Ni kwenye kilele cha Sherehe za Wafanyakazi Duniani, Mei Mosi. Sherehe zile zilifanyika pale Uwanja wa Taifa. Nilibahatika kuwapo uwanjani.
Baadhi ya mabango ya wafanyakazi yaliyopita mbele ya Mwalimu siku ile yaliwakilisha ujumbe juu ya hali ngumu ya kimaisha iliyokuwa ikiwakabili wafanyakazi; mishahara midogo na mengineyo.
Wakati huo, Serikali ya Mwalimu ilikataa masharti ya Shirika la Fedha Duniani na Benki ya Dunia pia. Hii ni kwa sababu, licha ya athari nyingine mbaya kwa masharti hayo kwa nchi yetu, uhuru wetu wa kujiamulia mambo yetu nao ulikuwa hatarini.
Ilipofika wakati wa kutoa hotuba yake, Mwalimu Nyerere alisema;
Ndugu zangu watu wa Dari Salama ebu nisikilizeni; kulikuwa na mbwa wawili, mmoja wa Manzese na mwingine wa Oysterbay. Ikatokea siku moja mbwa wa Manzese akatembea hata akafika Oysterbay.
Kwenye moja ya nyumba za huko Oysterbay akamwona mbwa mwenzake aliye ndani ya geti. Mbwa yule wa Manzese akasogea getini huku akimshangaa mbwa wa Oysterbay. Mbwa yule wa Oysterbay alinenepeana huku manyoya yake yakiwa yameteremka hadi machoni. Mbwa wa Oysterbay naye alimshangaa mwenzake wa Manzese. Mbwa yule wa Manzese alionekana kukondeana huku masikio yake yakiwa yameteremka hadi shingoni. Mbwa wa Oysterbay kwa mshangao akamwuliza mwenzake wa Manzese; Hivi nawe ni mbwa kama mimi?!
Naam, miye ni mbwa kama wewe. Alijibu mbwa wa Manzese.
Sasa mbona umekondeana hivyo, njoo humu ndani kwa bwana wangu nawe uwe kama mimi.
Mbwa wa Manzese akajibu;
Lakini wewe umefungiwa, mwenzio niko huru!
Sitakisahau kamwe kisa kile alichosimulia Mwalimu Nyerere pale Uwanja wa Taifa. Naamini katika alichokisema Mwalimu. Nitaendelea kuamini hivyo hata katika muda wangu uliobaki humu duniani. Mwalimu alizungumzia dhana ya uhuru. Ingawa ni neno fupi sana, lakini neno uhuru lina maana kubwa. Asiye na uhuru ni mtumwa.
Mimi ni mtu huru. Na siku zote nimepigania nibaki kuwa mtu huru. Kwa uhuru kabisa nakutana na kuongea na watu wengi; vijijini na mijini. Nakutana na kuongea na wasomi na wasio wasomi, matajiri na masikini. Sijapata maishani mwangu kulazimishwa au hata kulipwa ujira ili niongee au niandike mawazo yasiyo yangu au nisiyokubaliana nayo.
Ni bahati mbaya pia, katika jamii yetu, kila anayeandika makala magazetini kama nifanyavyo, basi, atasemwa kuwa ni mwandishi wa habari. Wengi hawatofautishi baina ya mwandishi wa habari na mwandishi wa makala.
Napenda sana kuandika fikra zangu huru kwa azma ya kuchochea mijadala. Jana niliandika fikra zangu kwenye Jamii Forums. Nimefanya hivyo huko nyuma. Lakini jana nimepata watu wengi walioshiriki mjadala. Wametoa fikra zao, kuna walionitukana pia. Nimeshazoea. Nayasoma matusi hayo, nikiamini, hata kwenye matusi hayo kuna cha kujifunza. Kufahamu fikra za watoa matusi hayo.
Na hakika, kuna wanaofikiri wananifahamu. Wamenipa majina, wamenihusisha na huyu na yule. Kimsingi hawanijui. Wamekuwa ni wakandamizaji wa fikra huru na wanaamini kila anayeandika mawazo yasiyofanana na yao, basi, amenunuliwa. Huu ni udhaifu, ni unyonge wetu pia. Hatujiamini.
Nitaendelea kuandika fikra zangu huru, napenda sana kuandika mawazo yangu. Nimefanya hivyo tangu nikiwa Sekondari pale Tambaza, tena kwa kuazisha kijarida cha shule. Niliandika mwenyewe kwa mkono, nilikuwa na wasomaji wangu pia. Tuliokuwa nao Tambaza miaka ile ya 80 ni mashahidi wa hilo.
Najua kuwa wakati mwingine kuna wanaokerwa na niandikayo. Hao wapo siku zote. Hatuwezi kufanana kimitazamo. Na tumekuwa wepesi sana, kila tusomapo mawazo ya mtu, kutafuta droo ya kabati la kumpachika. Siku hizi kuna droo za CCM, CHADEMA, CUF, Uislamu, Ukristo, Uchaga, Usukumuma na kadhalika.
Na ni bahati mbaya sana, kuwa wengi tumeisahau "Droo ya Tanzania". Hii ni droo muhimu sana na ilipaswa iwe ya kwanza. Kwa kila tutendalo liwe kwa MASLAHI YA TANZANIA KWANZA. Maslahi ya Taifa. Na Hilo Ni Neno La Leo.
Maggid,
Iringa,
mjengwa
Nimemwandikia mhariri wa mtandao huu ( JF) kumwomba abadilishe title ya thread hii; " Mjengwa katika kampeni za Kikwete 2010?".
Hata kama title ya thread imewekwa katika mtindo wa swali bado jibu la swali hilo ninalo, kuwa HAPANA.
Niko Iringa na naendelea na kazi zangu za kila siku katika ajira yangu. Baada ya kazi niko na familia yangu, kazi za kublog na shughuli nyingine za kijamii. Sijajihusisha kwa namna ye yote na kampeni za siasa, iwe Udiwani, Ubunge na Urais, kwa mgombea ye yote na Chama cho chote kile, iwe katika chaguzi zilizopita na hata uchaguzi wa mwaka huu. Anayeweza kuthibitisha kinyume chake aje.
Ni matumaini yangu mhariri wa JF atatanguliza uungwana na kubadilisha title hiyo ya thread hii. Inanipa usumbufu, mimi na hata familia yangu, kwa vile haina chembe ya ukweli.
Natanguliza shukrani.
rais atampa kitengo naye akaimu.