KIGEZO KIPYA CHA 'UTENDAJI ULIOTUKUKA KUKIJENGA CHADEMA MASHINANI' HUENDA KIKATUMIKA KUWACHUJA WACHAPA KAZI NA MA-DOMOKAYA NANI AGOMBEE NINI TANGU 'NYUMBA KUMI' HADI TAIFA KADIRI NAFASI ZINAVYOENDELEA KUBANA KILA KONA NCHINI
Ni nani huyo anayejaribu kubuni uadui wa kisiasa kati ya Makada wa CDM Mkoa wa Pwani Wahe Habib Mchange na Gwiji wa habari nchini Saed Kubenea hasa kunapojitokeza hoja ya ushiriki wao katika kukijenga CHADEMA na kushirikiana na uongozi katika maeneo yao bila ubaguzi?
Kama kweli kuna mtu kama huyo hapa JF basi ni kwamba hoja zake zilikua sahihi tu hadi pale ambapo kabla Ma-Kada Habib Mchange na BenSaanane kabla hawajajitokeza humu kukata mzizi wote wa fitina za baadhi ya wapika majungu katikati yetu.
Ni wazi kabisa kwamba kadiriri tunavyoongeza siku kuelekea 2015 ndivyo tunavyoona nafasi za kugombea ndani ya CHADEMA zikiendelea kubana zaidi na zaidi kote nchini. Hii ni matokeo mazuri ya ishara ya watu kuamka kote nchini na kujiandaa kwa mabadiliko makubwa ya kihistoria kila pembe ya taifa hili.
Jambo hili haliji tu na neema zake tu bali changamoto zake ni kubwa zaidi hasa kwa uongozi wa CDM taifa jinsi gani watakavyoweza kuwapata WAGOMBEA BORA ZAIDI katika orodha ndefu ya watu watakaojitokeza kugombea nafasi tangu 'Nyumba Kumi' hadi Taifa.
Yeyote anayetamani kujua undani wa changamoto yenyewe kwa viongozi wetu taifa hapo baadaye kidogo ni vema ukalitazama hili kwa kupiga picha ya timu ya taifa la Nigeria na changamoto za kuwapata FESTI ILEVENI kutoka katika MSITU MNENE wa wachezaji viwango duniani ambao kwa kila namba unakuta wamebanana zaidi ya kumi au kumi na tano hivi.
Katika mazingira kama haya, ni kocha (Mhe Dr Slaa) pamoja na kamati ya ufundi (Kamati Kuu CDM) ndio wanaoingia mtihani mzito wa kutopata usingizi kwa swali la TUMPANGE NANI NA TUMACHE NANI kwenye safu maana 'Rashidi Yekini' wa CHADEMA inayoingia 2015 ukimtazama ni moto wa kuotea mbali sawa tu na J. J. Okocha kwa jukumu lile lile.
Kwa kawaida, katika hali kama hii, sawa na rafiki ya Dr Kitila Mkumbo alivyowahi kujitokeza na ubunifu wake wa hali ya juu mwaka majuzi, dawa ya PANADOL hapa kwa uongozi wetu wa juu ni kufikiria kuunda KIGEZO KIPYA chenye poiti nyingi zaidi kupima wanachama wetu ili mwenye kukabidhiwa bendera yetu aweze kupatikana bila kichwa kuuma sana.
Kwangu mimi naona dawa ya kuja kuwatenganisha WAPIKA MAJUNGU NA KELELE NYINGI BILA TIJA YA KUONEKA ndani ya chama huku wachapakazi kwa kujitolea zaidi kukijenga CHADEMA mashinani kwa ugumu wote huu wakipata kuangaziwa na nuru kabla kuwafikia wengineo.
Ndio, ukiona watu wameanza kusukumana wenyewe kwa wenyewe ndani ya chama huko mikoani kama ambavyo tunavyoona huko Pwani, ILI KUHAKIKISHWA KWAMBA kila mmoja anatendewa haki bila uonezu wowote, dawa ni kuacha kamati za siasa za ngazi mblimbali kuwapima kote huko kabla Kamati Kuu Taifa haijatoa baraka zake zisizopingana na vyombo hivyo vingine.
Maana yangu hapa ni kwamba ni ndani ya CHADEMA pekee ambapo mtu ataweza kujiteua mwenyewe ugombeaji wake wa nafasi yoyote ile kwa kutegemea wenzake wa ngazi mbalimbali wanavyomtathmini kiutendaji na ushirikiano na wanachama wenzake - UFISADI kupata nafasi yoyote ile ni adui mkubwa wa chama chetu hivyo kutakaposisi harufu hizo za ufisadi mtu atakua anahesabiwa tu kujiondoa mwenyewe kwenye kinyanganyiro - maana tunachopigania hivi sasa si kukiondoa tu CCM bali zaidi ni kuking'oa na mizizi yake yote ya KI-FISADI.
Hadi hapo uchawi au baraka za kupata nafasi CHADEMA zitatokana na rekodi zako mwenyewe kukijenga chama na wala si kwa nguvu za vijisenti mfukoni. Kwa misingi hii, ni kutokana na imani yangu kubwa kwa ujenzi wa misingi imara ya kidemokrasia, utendaji uliotukuka pamoja na mshikamano kama mwanatimu ambayo imenifa nivutiwe na kauli za wajumbe hapa ukutani.
Kwa kweli nimevutiwa mno na kauli za Mchange, Mwita na sasa Ndugu Ben kama nilivyomnukuu hapa chini. Hakika Ben, sauti ya nguvu ya hoja pindi zinapopanda hewani kihivi na ukomavu wa kisiasa unapodhihirika kwa 'Vijana wa Dokta wa Ukweli' kiasi hiki kwa KUTAZAMA ZAIDI PICHA KUBWA tunaoitafuta katika nchi hii kama CHADEMA, ni wazi kwamba wenye mzaha na wapika majungu katika mambo ya msingi kama haya ya kukijenga zaidi chama na mshikamano wao hukosa kabisa hata pa kuficha uso!!
Hata sasa hivi nawaona wengine nyuma ya kopyuta zao hivi sasa wanavyojilaumu kwa kutumwagia matapishi yao kwa kutaja saaana majina ya makada wetu Habi Mchange na Saed Kubenea ambao kwaaanza hata siku moja hawajawahi kumdokezea mtu kitu uadui kati yao.
Sasa kwa kuhitimisha tu ni kwamba ni vema watu tukatambu kwamba nafasi za kugombea hiki au kile ndani ya CHADEMA tayari zimeshaanza kubana sana kote nchini tangu nafasi za nyumba kumi hadi taifa hivyo, bila kuleta majungu mengi hivi, mzaha na watu kuja kulalamika huko baadaye kwa madai ya upendeleo katika uteuzi, naona dalili zote kwamba kigezo kipya kimojawapo huenda huenda kikaongezwa na KAMATI KUU YA CHAMA CHETU kupitia kwa ushauri wa think-tank ya CHADEMA hapo baadaye kidogo.
Kigezo chenyewe wala sio siri; safari hii kwa kiasi kikubwa huenda Wahe Prof Baregu, Mzee Edwin Mtei, Mzee Bob Makani, Tundu Lissu Halima Mdee na Dr Mkumbo na wengine wachache wa aina yao huenda wakalazimika kushauri uongozi wetu wa juu taifa kwamba ili mtu apate kupitishwa kuwa mgombea kwa tiketi ya CHADEMA (pamoja na vigezo vingine) ni sharti REKODI YAKE YA KUKIJENGA CHAMA MASHINANI KIVITENDO NA MSHIKAMANO KWA WANACHAMA WOTE BILA UBAGUZI wa aina yoyote ile.
Kiuhakika, kigezo kama hiki kitafaa kipewe umuhimu wa pointi nyingi mno zaidi ya 70 katika 100 pindi kamati ya siasa CDM huko mashinani kitakaporidhishwa na utendaji murua huo wa wakati wote wa uhai wa chama chetu hata kamati hiyo itakapoamua kulisukuma mbele faili hiyo ili kamati kuu taifa nayo ipate kujiridhisha kwamba kweli wewe unayetamani kuwa mgombea wetu hapo baadaye wala HAUKUA MPIGA MAYOWE TU NA KUPIKA MAJUNGU MITAANI.
Na kwa mtindo huu ina maana wale wanaotegemea kupigana vikumbo kwa kutegemea majungu wao watakua wamekula ya chuya tayari hadi hapo. Uteuzi CHADEMA tutashinikiza utekelezwa kwa misingi ya demokrasia zaidi, kuchagulika zaidi na juu ya yote kwa kuegemea kigezo mama ya utendaji binafsi na kama sehemu ya timu ndani ya CDM.
Hivyo, nasema waacheni wanaopiga mayowe hivi sasa wafanye salama lakini 2015 au kabla yake; majungu na au kujuana wala havitokua na nafasi kama wafanyavyo watani zetu CCM.
Nielewavyo mimi, kikubwa zaidi huenda uongozi wetu CDM Taifa wakaipa kipaumbele zaidi rekodi za utendaji wa watu ama kama mwanachama wa kawaida au kiongozi wa aina fulani katika kukijenga CHADEMA imara katika eneo lake.
Ndio, ukweli wa mambo ni kwamba huenda kukatazamwa kiundani zaidi jinsi gani rekodi zako hizo zitakua na hoja za nguvu kiasi cha kumzuia hata yule afisa asiyekupenda a namna yoyote ya kulikata jina lako katika orodho yoyote bila hata ya wewe kulazimika kusimama na kujieleza mbele ya kamati kuu kwa lengo la kupata tiketi ya CDM.
Kwa haya maoni machache, nadhani wengi wenu mtafuata ushauri wa Mhe Chacha Mwita, Ben Sananne na wengine wengi tu waliotangulia kutundika maoni yao hapa ukutani juu ya mata ya Mkoa wa Pwani na Afya ya CHADEMA mashinani.
siasa
