Makapuku Forum

Makapuku Forum

SEHEMU YA ISHIRINI NA SITA
SIMULIZI: ANTI EZEKIEL
MTUNZI: George Iron Mosenya

SEHEMU YA ISHIRINI NA SITA

Nikatamani kumbeba lakini ningempeleka wapi, nikarejea njia niliyotoka, nikaifuata kwa muda na kukutana na tena na ile ofisi kubwa ya vioo.
96…..59….. nikasahau namba mbili za mwisho, maana ofisi ile ilikuwa imefungwa kwa namba za siri. Nikatimua mbio hadi kwa yule bwana, bado alikuwa amekodoa macho,
“Nimesahau namba mbili za mwisho ndugu yangu….namba za siri…TISA SITA TANO TISA…….” nikamtajia ili amalizie lakini hakuwa akiweza tena kusema , akabaki kukodoa macho, mkojo kidogo unitoke kwa kutamani aweze kusema ili nijue ni nini katika makablasha yale.
Nikamtikisa lakini hakuonekana kupatwa na hisia zozote zile!!
Mkojo ukachuruzika!! Sikuweza kuuzuia!!
Na hapo nikasikia vishindo kwa mbali!!!!
Hofu ikazidi.
Nikageuka huku na kule kama kuna mtu yeyote anayekuja, lakini nikaambulia kukutana na kiganja cha yule bwana kikigongagonga chini!!
Mlio huu nikaupokea kama vishindo kutoka mahali pengine
Mara Nikauona mkono wake ukijitahidi kuchora chini!!
Nikaona SIFURI MOJA.
Nikatimua mbio hadi kule kwenye ile ofisi tena.
Nikaingiza namba zile!!
Mlango ukafunguka!! Nikaingia ndani upesi hadi katika meza kuu.
“E.F.Kenton MANAGER!” meza ile ilipachikwa kibao kile, nikaingia katika makablasha na kusaka hicho alichonambia yule bwana.
Nikakutana na faili kubwa kabisa rangi yake nyeusi, nikalichukua na kulifunua ndani kidogo.
Naam! Lilikuwa lenyewe ambalo nilikuwa nalihitaji kwa ukombozi wa kizazi hadi kizazi. Maneno kadhaa yaliyoandikwa yalinivutia sana na kutamani kujua mwandishi wake aliandika nini cha ziada katika ukubwa wote ule.
Nikataka kutoka upesi ndani ya himaya ile na hapa nikakiri kufanya kosa kubwa katika sehemu ya hatari kupita zote.
Nilikuwa nimesahau namba za siri tena huku mlango ukiwa umejifunga kwa ndani!! Sikuwa nauwezo wa kumfikia yule bwana wa kujiita anti Ezekiel anitajie tena kwa umakini, nilichokumbuka ni ile SIFURI MOJA aliyoichora chini. Zile nne za kwanza zilikuwa zimeyeyuka.
Mungu wangu!!
Nikakibinyabinya kichwa changu kiweze kukumbuka zile tarakimu nne za mwanzo, lakini badala ya kuja tarakimu za kufungulia mlango, likawa linarejea lile neno kubwa kabisa katika faili nililokuwa nimebeba.
Hakika neno lile lilikuwa zito kuliko zile namba na lilikuwa la kushtua sana, huenda nd’o lilinipagawisha na kunisahaulisha juu ya namba za siri.
Nikatulia na kujifanya kuwa sina hofu ili nikumbuke zile namba.
Nikakumbuka kuwa kuna namba tisa na nyinginezo lakini mpangilio sikuukumbuka kabisa.
Nilijaribu mara kwa mara kubahatisha namba tofauti tofauti katika kile kitasa kinachotumia umeme, mara ya kwanza, ya pili hadi ya nne mambo bado yalikuwa magumu, na ilipofika mara ya tano mara king’ora kikaanza kulia.
Huku ikiandika neno nililolielewa “PASSWORD ERROR”
Hatari kubwa!! Nikaanza kuhaha huku na kulke katika ile ofisi nikitafuta namna ya kuweza kutoka nje kama ipo!!
Lakini ngome yote ilikuwa vioo vigumu tupu!!

Sikutaka kukamatwa nikiwa nimekaribia mwisho kabisa wa mchakato wangu! Sikuwa tayari kukamatwa huku nikiwa na ile nyaraka muhimu kabisa zaidi ya ile bahasha iliyopotea awali katika mazingira ya kutatanisha.
Nikatazama huku na kule na kukutana na na chuma kubwa ambalo sikujua matumizi yake lakini lilikuwa zito haswa.
Nikatua faili langu chini, nikakinyanyua kile chuma kizito kabisa. Kama zinavyokuwa filamu za mapigano nami nikaamua kuwa shujaa wa vita hiyo.
Navunja vioo!! Nikajiapiza, nikayauma meno yangu kwa nguvu kisha nikatimua mbio, chuma likiwa mkononi, nikajitosa kiume moja kwa moja hadi katika hifadhi hiyo ya vioo, nikakitupa kile chuma kwa nguvu zote. Nikasambaratisha vile vioo mbalimbali. Nikatua upande wa pili kwa kujitupa baada ya kile chuma kuwa kimenitoka mikononi mwangu.
Sikutaka kuyafikiria maumivu kwanza, nikainuka mbiombio nikikanyaga vile vioo kwa viatu vyangu, nikakifikia nilichokihitaji.
Faili likawa mkononi tena!!
Baada ya kulikamata lile faili mkononi ndipo nikayakumbuka maumivu makali usoni, mikononi na mgongoni. Kisha nikaona damu.
Vioo vilikuwa vimenitakata vibaya mno na kile king’ora kilishanyamaza kimya!!
Ina maana hakuna walinzi humu ndani!!!! Nilijiuliza huku nikistaajabu maajabu hayo ya Michigani.
Niliendelea kuzurura huku na huko, hatimaye nikayaona mazingira hayo ya Michigan ambayo awali niliyaona katika picha alizonionyesha mama lao.
Michigani!! Neno likanitoka!! Nikajisikia natabasamu kwa ndani kuwa hatimaye nipo katika lile jumba la ahadi ya siku nyingi.
Roho ya kinyama tayari ilikuwa imenikaba nikahakikisha kuwa funguo wangu upo mfukoni. Nikatafuta kwa udi na uvumba mahali pa kutokea. Miguu pia ilikuwa imekatwa na vioo, kila nilipokanyaga niliacha damu, safari hii hata wale watoto waliokuwa wakinililia katika vioo walinihofia.
Niliutumia ule ufunguo wa maajabu kufungua huku na kule!!
Chumba kimoja nilipokifungua kikatoka kipande cha mtu ambacho kilikuwa bado kina nguvu!! Kikanirukia kwa ghadhabu, nikapiga mweleka chini.
Akanifuata kwa kasi, nikahofia juu ya faili langu.
“Mimi ni mtu mwema tafadhali, mimi ni mtu mwema!!” nilimsihi. Lakini hakuonekana kunielewa, akazungumza kiarabu!!
Lugha gongana!
Nikaiona hatari waziwazi!! Nikajaribu kumkwepa nikaishia kuegemea vioo. Akaja mbiombio nikaona isiwe tabu kwa sababu ni heri mtu mmoja afe kuokoa taifa zima.
Nikajifanya kumkimbia huku nikiwa na wazo moja tu.
Akaendelea kufoka kiarabu nisichokielewa na mimi nikazidi kukimbia, hadi nikalifikia lile jengo lililopalanganyikana, nikatupa faili chini, nikatwaa kioo kikubwa kilichovunjika upesi. Nikageuka na kukutana na jitu lile lenye nguvu likinijia kwa kasi.
Nikamsukumia kile kioo.
Naam!! Kikazama tumboni huku kikinichanachana mikono yangu vibaya sana. Nikaokota faili langu, likawa linaloa damu lakini sikutakiwa kusimama wala kujiuliza. Nikasahau kuhusu maumivu nikaweka riadha mbele.
Nikapenya huku na kule hadi nilipokutana na mlango mwingine, nikaufungua ule kwa ufunguo wangu! Nikakutana na mwanga hafifu kiasi fulani. Na ngazi kadhaa, nikazifuata hizo hadi nilipofikia kizibo ambacho kilikuwa kinafunguka bila ufunguo, nikasukuma juu, mwanga halisi wa dunia ukaingia ndani, nikachungulia nje kabla ya kutoka mzima mzima.
Nikakutana na hali halisi ya Iringa, funguo mfukoni faili langu mkononi. Nikawa duniani tena nisiamini kuwa nipo hai. Hali ile ya hewa ilinifanya nishindwe kutabiri muda halisi.
Nikatumia shati langu kujifuta damu zilizokuwa zinatiririka, kisha nikaanza kujiuliza hapo nilipokuwa ni wapi. Maana lilikuwa eneo jingine kabisa.
Nikaangaza kwa utulivu hadi nilipoiona barabara! Nikaifuata na kisha kuingia katika kichochoro kingine na kukutana na mfano wa chemchem, nikatwaa maji na kujinawisha usoni na popote palipoonyesha damu.
Hatimaye simu yangu ikanirejeshea fikra za msaada. Kutazama ilikuwa ikilalamika kuwa betri imeishiwa chaji. Nikafanya upesi kumpigia Jojina lakini hata simu haikuita ikawa imezima.
Sikuwa na muda wa kupoteza. Nikaruka matuta kadha wa kadha na hatimaye nikaupata uelekeo sahihi wa kuelekea Michigani kwa Masawe! Sikuliacha faili langu na sasa likiwa katika mfuko. Nilihitaji kujua nini chanzo cha haya yote.
Siku hii dukani pale umati ulijaa, nikastaajabu nini kinaendelea. Nikaomba kupita lakini watu walikuwa wabishi sana, nikajitahidi kupenya hivyohivyo. Hadi nikaufikia ukuta wa polisi ambao haukuruhusu mtu yeyote kupenya pale, mimi nikiwa na kihoro nikapenya huku nikiwa nusu nakimbia nusu natembe, risasi ikafyatuka na kuchimba pembeni ya mguu wangu, mara nikasikia napaishwa hewani. Sasa nikayasikia maumivu!!
Risasi ilikuwa imenichuna!!
“Mimi raia mwema jamani, mimi raia mwema!!” nikapiga kelele sana. Askari wakanisogelea wakiwa na hasira kali, wakataka kuchukua kilicho mikononi mwangu nikawa mbishi sana sikuwa nawaamini hata kidogo. Niliamini kabisa kwa jinsi sura yangu ilivyokwanguka kwanguka hakuna ambaye angeweza kunijua.
Kipigo kikazidi wakinisihi niachie na hapo nikamkumbuka mtu wa kunisaidia. Lakini kabla sijajua nitamfikia vipi nikakanyagwa teke mbavuni, mbavu za upande uleule ambao nilikuwa nimeshikilia lile faili.
Naam! Nikalainika na kuliachia lile faili huku macho yakianza kuona giza.
 
SEHEMU YA ISHIRINI NA SABA
SIMULIZI: ANTI EZEKIEL
MTUNZI: George Iron

SEHEMU YA ISHIRINI NA SABA

Hatimaye simu yangu ikanirejeshea fikra za msaada. Kutazama ilikuwa ikilalamika kuwa betri imeishiwa chaji. Nikafanya upesi kumpigia Jojina lakini hata simu haikuita ikawa imezima.
Sikuwa na muda wa kupoteza. Nikaruka matuta kadha wa kadha na hatimaye nikaupata uelekeo sahihi wa kuelekea Michigani kwa Masawe! Sikuliacha faili langu na sasa likiwa katika mfuko. Nilihitaji kujua nini chanzo cha haya yote.
Siku hii dukani pale umati ulijaa, nikastaajabu nini kinaendelea. Nikaomba kupita lakini watu walikuwa wabishi sana, nikajitahidi kupenya hivyohivyo. Nilijihisi moyo ukisaidiana na kiherehere ukinisukua kusonga mbele, nilitaka kila mtu ajue kitu asichokijua nilitamani kila mmoja awe shahidi. Ile dunia iliyokuwa imenitenga nilitaka iungane nami huku ikiona aibu.
Nilijibana kinguvunguvu Hadi nikaufikia ukuta wa polisi ambao haukuruhusu mtu yeyote kupenya pale, mimi nikiwa na kihoro nikapenya huku nikiwa nusu nakimbia nusu natembe, risasi ikafyatuka na kuchimba pembeni ya mguu wangu, mara nikasikia napaishwa hewani. Sasa nikayasikia maumivu!!
Risasi ilikuwa imenichuna!!
“Mimi raia mwema jamani, mimi raia mwema!!” nikapiga kelele sana. Askari wakanisogelea wakiwa na hasira kali, wakataka kuchukua kilicho mikononi mwangu nikawa mbishi sana sikuwa nawaamini hata kidogo. Niliamini kabisa kwa jinsi sura yangu ilivyokwanguka kwanguka hakuna ambaye angeweza kunijua.
Kipigo kikazidi wakinisihi niachie faili na hapo nikamkumbuka mtu wa kunisaidia. Lakini kipigo kikaniweka gizani, huku faili likinitoka mkononi.
Umuhimu wa faili lile ukanipa nguvu tena, nikazivuta pumzi zangu ndani na nilipotoa nje niliuita msaada!!
“Mama laooooo!!” nikaita kwa nguvu zote nikiuona mgongo wake.
Sauti yangu niliyoipaza kwa nguvu zote, labda nguvu za mwisho kabisa za kunikomboa ilimfikia.
Jojina akageuka ghafla! Macho yetu yakagongana na hapo nikaanguka chini kinywa changu kikiyauma majani machache yaliyokuwa katika ardhi ile huku macho yangu yakimtazama mwanamama yule akinijia kwa kasi ya ajabu. Jojina alikuwa mwepesi sana, akatimua mbio na kunifikia pale nilipokuwa akawasukuma askari wale huku na huko.
Wakamtisha na bunduki zao lakini hakutishika, hakuzitazama zile bunduki bali alichokitazama ni mimi, mimi pekee!!
“Mwacheni mwachee!!” alikaripia huku akitapatapa, askari wakastaajabu sana wakabaki wameduwaa wasijue la kufanya.
Wakati wakiendelea kupigwa na bumbuwazi, macho yangu yakaona kiatu ninachokifahamu, kiatu ambacho hakikuwa kigeni hata kidogo machoni mwangu!!
Nikajitutumua na kutazama ni kiatu chake ama nilikuwa nimemfananisha!!
Huku nikiyasikia maumivu makali nilifanikiwa kugonganisha macho yangu na mtu aliyekuwa amevaa kiatu hicho.
Naam!! Hakuwa mwingine, alikuwa ni yule bosi aliyenisalitiu na baada ya kashkash mtoto wake akaamua kuungana nami lakini hakudumu sana akatoweka kimaajabu.
Mzee Matata alikuwa amesimama mbele yangu.
Hakika alikuwa amekongoroka kama Jojina alivyonieleza kwa njia ya simu, tukatazamana akawa anaona haya! Nikamsalimia kwa shida. “Shkamoo bosi.” Akanijibu kiaibu aibu. Wakati huo Jojina alikuwa akiwaeleza jambo askari ambao walikuwa wananishushia kipigo.

Huduma ya kwanza waliokuja na polisi wakafika pale nilipokuwa wakitaka kunichukua, nikawasihi wangoje kidogo nimalize kazi. Maana huo haukuwa muda muafaka wqa kutulia kitandani nikipata huduma.
Wahudumu walilazimika kunielewa hasahasa baada ya kuwaeleza kuwa eneo lile si salama sana. Kuna jambo lazima liwekwe sawa. Nikaeleweka!!
Na hapo nikasimama tete japo nikiwa nayumbayumba, wakaniwekea dawa mguuni nilipokuwa natokwa damu. Nikawauliza akina Jojina nini kinaendelea hapo.
Wakadai kuwa mlango ule haufunguki hata kwa kuvunjwa na inaonekana ni miaka mingi tangu ufunguliwe hivyo kuna uwezekano mkubwa kuwa hapana lolote hapo.
Nikatabasamu kidogo na kisha nikawaeleza kuwa ule mlango unafunguka tena mara kwa mara tu! Na iwapo wanadhani hakuna lolote linalofanyika pale wanakosea sana.
Wakati huo faili lilikuwa limerejeshwa mikononi mwangu, wale askari wasijue kuna nini ndani ya nyaraka ile muhimu!!
“Sam, hapana si kweli mpenzi wangu hakuna haufunguki maana kila jitihada imefanyika huenda ulikuwa unaota siku hiyo!!” alinijibu Jojina.
Tukiwa katika maongezi, akatokea ofisa wa polisi kanda ya Dar es salaam ambaye aliongozana na msafara huo, nilimuuliza Jojina kwa kunong’ona iwapo anamuamini huyo ofisa, akadai wanamuamini sana. Na hapo akanieleza kuwa baada ya mambo kuwaendea mlama na mzee Matata kufukuzwa kazi basi huyu ndiye alikuwa kimbilio la mwisho na ni huyu aliyewawezesha kufika Iringa na kama hiyo haitoshi aliwawezesha kuwakamata baadhi ya wahusika ambao waliwatia mashaka. Hawa walikuwa ni wale wanaume wawili ambao nami niliwahi kuwaona hapo kabla.
“Sam, kama hiki kilichotuleta huku hakipo basi utawajibika.” Alinikaripia yule bwana, nikayatazama macho yake na kuona hatia ikimtawala.
Walewale!! Nilijisemea.
Nikapiga hatua mbili mbele na kufanikiwa kuwaona wale watu wawili waliomkamata Shanta siku kadhaa nyuma, wote walikuwa wameunganishwa mikono yao kwa pingu!! Na askari wababe walikuwa wamewazunguka na bunduki zao.
“Sam kama hauna uhakika, tusifike mbali na mambo haya!!” Jojina akanieleza wakati najongea taratibu huku umati ukisubiri kujua kuna nini hapo.
“Jojina, si wewe uliyenisihi nisiwe nakata tamaa, si wewe!! Ama umekuwa pamoja nao.” Nikamkaripia. Akajirudi.
Nikaufikia ule mlango wa siri. Nikazuga kuuvuta kwa nguvu.
“Tumetumia nguvu nyingi zaidi ya hiyo uliyojaribu kutumia!!” alinipa angalizo askari mmoja, huku akionekana kama anayekejeli!!
“Na nd’o maana haukufunguka maana mlitumia nguvu bila akili!!” nikawajibu kimoyomoyo.
Nikawatazama wale waliopigwa pingu na wao walikuwa wakicheka kwa dharau. Bila shaka waliamini kuwa sitaweza kufanya lolote lile, na waliamini kuwa siri ambayo hakuitambua Masawe basin a mimi ni mbumbumbu vilevile.
Nikajipekua mifukoni na kutoka na funguo! Kabla ya kufungua nikawaonyesha wale wanaharamu waliobadili historia ya maisha yangu kuwa mbaya nay a mashaka.
“Hukumu yenu imewadia!!” nikawaambia kwa lugha ya kiingereza.
Macho yakawatoka pima!
Sikuwajali, nikaingiza ule funguo na kuufungua mlango!!
Kila mtu akaduwaa!! Kama nilivyoingia awali bado palikuwa na mwanga!!
Wale askari waliokuwa wameduwaa wakaamrishwa kuingia ndani na mbwa wao, mbwa wa kwanza tu alipoingia ndani ya sekunde kadhaa yakasikika mayowe.
“Angalia asijekuwa yeye…tafadhali..”
“Hatujaziruhusu kuuma… usijali.” Wakanieleza.
Yule ofisa niliyemuhisi kuwa ana hatia ina mkabili akanifuata na kunivuta kando, alibaki kutikisa kichwa asiseme neno na kisha akasema.
“Jeshi letu linahitaji roho za paka kama wewe. Kuanzia ulipokuwa mwandishi hadi harakati hizi nakupa heshima yako!!”
Nikajikuta natabasamu! Aliyeniona wa nini sasa ananithamini!!!
Zile hekaheka zikanichangamsha mwili, nikayasahau maumivu na mimi nikaingia katika mtafutano huu wa aina yake.
*****

MTU wa kwanza kutolewa mle ndani alikuwa ni swahiba wangu Masawe, alikuwa amejikojolea tayari huku akiwa haelewi kama analia ama anajaribu kulia. Askari walikuwa wanamgombania huyu akivuta huku huyu anavuta kule ilimradi kumtia wazimu Masawe!!
“Jamani mi sijui kitu mnanionea bure asee” kwa lafudhi ya kichaga Masawe alilalamika. Nilitamani kucheka lakini haikuwepo sababu ya kunifanya nicheke mambo yalikuwa bado sana.
Masawe akarushwa katika karandinga na kupigwa pingu!! Nikamfuata yule afsa ambaye sasa alikuwa rafiki nikamweleza juu ya Masawe nikamsihi kuwa simfundishi kazi lakini yule bwana hajui lolote na ametumiwa tu! Akanielewa na kwenda kusema naye.
Baada ya nusu saa akanieleza alichosema Masawe. Ni kwamba alipigiwa tu simu ya ghafla na kusisitizwa achukue funguo mahali na kufungua kile kitasa na kuingia ndani kisha afunge kabisa. Masawe akadai kuwa ilikuwa mara yake ya kwanza kuingia na kukijua chumba hicho.
Nikamweleza afisa pia juu ya Masawe. Akaahidi kumsaidia!!
Mzee Matata alikuwa mstari wa mbele kuhangaika huku na kule, mimi walinisihi nipumzike lakini niliamini bila nguvu yangu wasingefanikisha lolote, nikaamua kuungana nao. Vioo vikavunjwa pale pasipoweza kufunguka, watoto zaidi ya themanini wakatoka wakiwa uchi. Hii ilistaajabisha sana, hakuna aliyejua maana ya watoto hawa kuhifadhiwa katika maficho ya namna ile.

Vyumba vyote vikafunguliwa, wakatoka watu wazima wakiwa hoi kwa vipigo, wengine walikuwa maiti tayari.
Shanta alitoka akiwa hai!! Kumbe naye walimuingiza humo? Nilistaajabu!!

Hatimaye akatoka yule mwanamke nimpendaye kupita wote Mama Eva, alikuwa na majeraha makubwa sana mwilini mwake, macho yake yalikuwa wazi lakini ni kama hakuwa anaona lolote mbele yake. Nilimuita lakini hakuitika, nguo zake zililowa damu na uso wake ulikuwa umevimba hovyohovyo!!
Niliuma meno yangu kwa uchungu mkubwa, nikajenga hasira maradufu kwa yeyote yule ambaye amehusika na mpango huu hadi kumuingiza mke wangu katika mateso asiyohusiana nayo hata kidogo. Nilitamani kufuata msafara wa wauguzi waliombeba mke wangu, lakini nikajionya kuwa uwepo wangu hautamsaidioa lolote lile, nikaamua kuwaachia jukumu lile wanaohusika.

Nikiwa nataka kurejea shimo mara macho yangu yakawa kama yananidanganya, ama la yalikuwa yanasema ukweli. Nikayapikicha vyema, huku miguu ikigoma kupiga walau hatua moja mbele. Nikataka kuita lakini koo nalo lilikuwa limekauka.
Macho yangu yalikuwa yanatazamana na kiumbe cha ajabu sana, kiumbe ambacho labda ni mimi mwenyewe kiliniogofyua maana waliokibeba hawakuwa na hofu hata kidogo, kasoro mimi t undo mapigo ya moyo yalikuwa yakiongeza kasi yake.
Nilikuwa natazamana na mzimu wa ajabu sana!!!
Mzimu ulioniingiza katika maswaibu haya, mzimu uliotoweka kishja ukaonekana, ukatoweka tena na sasa nauona tena mzimu wa Anti Ezekiel wa Temeke!!
Nikiwa napitiwa na mambo lukuki kichwani mara mzimu ule ukajitutumua na kuyafumbua macho yake wakati huo ukiwa katika machela ya kubebea wagonjwa!!
Mzimu ukatabasamu. Maajabu!! Si alikufa na akazikwa huyu, na niliyaona maiti yake kitandani…. Sio Ezekiel huyu?
Wakati najiuliza hayo, Anti Ezekiel alinyanyua mkono wake na kunifanyia ishara ya dole gumba. Bado alikuwa anatabasamu
Ezekiel hakufa?
Sasa ile maiti ndani ya chumba chake alikuwa nani yule?
Au ushirikina? Nilijiuliza wakati huo Ezekiel akizidi kutokomea katika machela aliyokuwa amepakizwa!!

**EZEKIEL aliyekufa miezi kadhaa nyuma anaonekana hai akitokea Michigan…. Sam
 
SEHEMU YA ISHIRINI NA NANE
SIMULIZI: ANTI EZEKIEL
MTUNZI: George Iron Mosenya

SEHEMU YA ISHIRINI NA NANE

Nikiwa nataka kurejea shimo mara macho yangu yakawa kama yananidanganya, ama la yalikuwa yanasema ukweli. Nikayapikicha vyema, huku miguu ikigoma kupiga walau hatua moja mbele. Nikataka kuita lakini koo nalo lilikuwa limekauka.
Macho yangu yalikuwa yanatazamana na kiumbe cha ajabu sana, kiumbe ambacho labda ni mimi mwenyewe kiliniogofyua maana waliokibeba hawakuwa na hofu hata kidogo, kasoro mimi t undo mapigo ya moyo yalikuwa yakiongeza kasi yake.
Nilikuwa natazamana na mzimu wa ajabu sana!!!
Mzimu ulioniingiza katika maswaibu haya, mzimu uliotoweka kishja ukaonekana, ukatoweka tena na sasa nauona tena mzimu wa Anti Ezekiel wa Temeke!!
Nikiwa napitiwa na mambo lukuki kichwani mara mzimu ule ukajitutumua na kuyafumbua macho yake wakati huo ukiwa katika machela ya kubebea wagonjwa!!
Mzimu ukatabasamu. Maajabu!! Si alikufa na akazikwa huyu, na niliyaona maiti yake kitandani…. Sio Ezekiel huyu?
Wakati najiuliza hayo, Anti Ezekiel alinyanyua mkono wake na kunifanyia ishara ya dole gumba. Bado alikuwa anatabasamu
Ezekiel hakufa?
Sasa ile maiti ndani ya chumba chake alikuwa nani yule?
Au ushirikina? Nilijiuliza wakati huo Ezekiel akizidi kutokomea katika machela aliyokuwa amepakizwa!!

Wakati nikitingwa na fikra juu ya walakini wa huyu mwanadamu wa kuitwa Ezekiel, kufa, kuoza na kufufuka na sasa namuona tena akiwa hai. Ghafla nilivamiwa na wazo na hili lilikuja baada ya macho yangu kuona kitu ambacho nilikiona hapo kabla. Niliona mchoro ambao nimewahi kuuona na ukanikumbusha mengi.
Mchoro wa mtoto akiwa anatabasamu.
Mchoro huu ukanikumbusha mambo mawili mazito.
Kwanza ni huyu Ezekiel… makablasha niliyoyatoa nyumbani kwake yaliambatana na picha iliyomuyonyesha mtoto yule, na baadaye nikaikuta picha hiyo katika anuani yangu ya barua pepe ikiwa imetumwa na mtu ambaye sasa alizivamia fikra zangu maradufu!!
Anitha!!
Binti huyu alikuwa hajaonekana bado, mapigo ya moyo yaliongeza kasi yake. Sikutaka akili yangu ikubaliane na ukweli kuwa Anitha aligundulika kuwa aliwasiliana na mimi hivyo akauwawa kinyama kama baadhi ya wanadamu tuliowakuta wakiwa wafu bila hatua zozote kuchukuliwa.
Nikaamua kumsahau Ezekiel wa maajabu na nikajikita katika shimo lile tena kwa lengo la kumsaka Anitha. Msichana wa muhimu kabisa kabita maisha yangu.
Nilizikuta vurugu zikiendelea hapa na pale katika jitihada za ukombozi kutoka Michigani, chimbo ambalo hadi wakati huo sikuwa najua linahusika na nini.
Sikuwa katika tahadhari juu ya kitu nilichokuwa nimepakata katika mikono yangu. Jambo ambalo nililitazama kwa wakati huo ni jibu la Anitha yu hai ama la!!
Nilitapatapa huku na kule nikipishana na mizoga, nilijivika ujasiri na kuitazama vyema. Haikuwa ikifanania na sura ya Anitha. Hili jambo lilizidi kunipa matumaini kuwa huenda nitamkuta Anitha akiwa hai nimwonyeshe kuwa nilimpigania.
Nikiwa katika kuangaza macho huku na kule mara nilihisi kitu cha baridi kabisa kikipenya katika kiuno changu.
Nikageuka upesi kutazama kulikoni.
“Sam, it takes a second to kill!! (Sam inachukua sekunde moja tu kuua)” sauti ilitoka kwa mwanaume aliyevalia mavazi rasmi ya jeshi la polisi. Sikuweza kuiona sura yake kwani nilivyojaribu kufanya hivyo alinilazimisha nitazame mbele kana kwamba hakuna kitu kilichotokea.
“Kwa heshima zote ili usije kunichafua na damu yako chafu naomba kwa urafiki mkubwa liachie hilo faili lidondoke chini kisha utafuata maelekezo yangu.” Sauti ile iliendelea kunong’ona na haikuwa nha utani bali ilikuwa ni sauti ambayo inaashiria mauti tu.
Watu walipita huku na kule wakinipita, nilitamani sana ajitokeze mmoja wa kugundua kuwa nipo katika tatizo lakini ndo kwanza kila mmoja alikuwa akijishughulisha na mambo yake hasahasa katika zoezi zima la kujikomboa.
Sikutaka kuuweka uhai wangu rehani katika dakika hizo ambazo kila mmoja alikuwa katika kuutetea uhai wake, roho ikaniuma sana kuchelewa kusoma kila mstari katika faili lile.
Sasa lilikuwa linahitajika!!!
“Weka faili chini Sam ama la nakusambaratisha kiuno chako na faili unaliachia.” Sauti ikazidi kunikanya.
Akili iligoma kabisa kunipatia njia mbadala, na hatimaye nikalegeza mkono wangu ili faili liweze kwenda chini.
La haula!! Hawa jamaa walikuwa makini katika kila jambo walilokuwa wanafanya. Wakati nawaza kuwa faili likianguka chini yule bwana akijaribu kuliokota nimvamie na kumrusha mbali. Haikuwa kitoto kama vile, wakati faili linatoka katika mkono wangu ni kama alikuwa ameandaliwa mtu mwingine kwa ajili ya kulichukua lisipate bughudha yoyote.
Kama vile kipanga akiwanasa vifaranga vya kuku, ndivyo lile faili lilikwapuliwa.
Wakati naduwaa sauti haitoki na sijui cha kufanya faili likitokomea, bunduki haikuwa tena katika kiuno changu.
Fahamu zinanirudia na kupiga kelele, tayari nilikuwa nimechelewa. Nikakabiliwa na maaskari waliokuwa na sare wakaniuliza kulikoni. Jasho lilikuwa linawatoka kwa sababu ya shughuli pevu ya kufanya ukombozi sasa nawaeleza kuwa mwenzao amenitishia bunduki na kulinyofoa faili kutoka katika mikono yangu!!
Mwenzao? Kila mmoja aliduwaa nilipowaeleza kuwa kuna mmoja wao amenitenda vile na ametokomea pasi nami kujua ni wapi ameelekea. Walitazamana wao kwa wao na kisha kwa pamoja wakakiri kuwa ninawafitini na hakuna kitu kama hicho kimetokea.
Hakika ilikuwa ngumu kuamini kuwa limenitokea tukio hilo, nani angeamini sasa zaidi yangu mimi niliyeetendwa?
Msako wa faili ukaanza tena!!
Kila kona ikatazamwa nikawaelezea rangi na ukubwa wa lile faili, msako ukapitishwa kwa makini sana lakini hakuna kilichoonekana!!
Mungu wangu!! Siri imepotea ikiwa mikononi mwangu, zaidi ya kichwa cha habari nilichokisoma kimawengewenge sikuwa najua lolote lile ndani ya faili lile.
Faili kupotea na Anitha kutoonekana nikajiona sina lolote nililofanya katika harakati hizo!!
Mzee Matata naye alikuwa amekata tamaa.
Kwa kupoteza faili na kutompata Anitha sikutaka kupoteza jingine.
Anti Ezekiel!!!
Huyu ndiye aliyeniletea matatizo yote haya, ni huyu wa kunitoa katika matatizo hay ail hali yupo hai ni lazima anieleze kwa kina juu ya tamthilia hii ya maajabu!!
Hasira zikanipanda maradufu na nikaamua kuzi8malizia kwa Anti Ezekiel wa Temeke.
Nikatoka katika kundi la watu na kumtafuta Ezekiel, popote pale alipo.
Nikamuona nesi ambaye awali nilimuona akimuhudumia Ezekiel. Nikamvaa
“Ezekiel yupo wapi?” hili lilikuwa swali la kwanza, akababaika kidogo, nikamshangaa ni kwanini ababaike.
“Ezekiel nd’o nani?” akaniuliza, nikamweleza nilichojua akanijibu kuwa kuna askari watatu walikuwa wanamuhoji.
Shenzi type!! Askari wanamuhoji ili iweje na ni askari gani huyo awezaye kufanya jambo kama hilo wakati hata ukombozi haujakamilika. Nikafura kwa hasira na kuelekea mahali ambapo alinielekeza yule kijana.
“Lakini wamesema asiende mtu yeyote huko nyuma….” Alinikatisha kwa kauli ile iliyojaa uoga.
Shit!! Askari gani hawa wa kuzuia watu muda huu, kwanza msafara huu ulikuwa chini ya yule ofisa wa ngazi za juu za mkoa. Yeye alikuwa mbali, sasa ni kwa namna gani anajitokeza mtu mwingine wa kutoa amri hizo??
Maswali haya yakaipandisha hasira yangu maradufu!!
Nikapenya huku na huko, nikafanikiwa kuiona machela iliyokuwa imembema Ezekiel ikiwa imezungukwa na watu watatu. Walikuwa wamevaa sare za jeshi la polisi la Tanzania!!!
Nikawatazama kwa mbali sana hadi akili yangu ilivyokuja kushtuka kuwa Ezekiel alikuwa ameniona.
Akauchukua mkono wake nami nikaufuata kwa makini, na hapo akajishika kiunoni.
Sikujua anamaanisha kitu gani. Lakini hakuutoa na alitaka nielewe kitu.
Kiuno chake kina tofauti gani sasa na viuno vingine?? Nilijiuliza!!!
Na hapo nikapata wazo la kutazama viuno vingine!!
Viuno vya askari wale!!
Asalalee!!! Mikanda iliyokuwa katika viuno vyao haikuwa mikanda yenye bendera ya taifa!!
Ezekiel anamaanisha kuwa wale ni polisi feki!!!
Nikarudi kinyumenyume, nikajipa ujasiri zaidi nisitetemeke, huku nikijua maana ya askari wale kunishangaa nilipodai wenzao wamenipokonya faili.
Kumbe kuna kenge katika msafara wa mamba!!
Nilipotokomea katika eneo lile, moja kwa moja nikamnkabili yule ofisa wa ngazi za ju, kwanza nikamtazama kiunoni. Alikuwa na mkanda halali kabisa wenye utepe uundao rangi za bendera ya taifa.
Njikamvuta kando na kumweleza juu ya hatari tuliyonayo ya kuzungukwa na maadui!!
Maadui wanaojifanya nao ni kati yetu.
Ofisa alitaharuki baada ya kupokea taarifa hii, na hapo nikamuhakikishia kuwa hata aliyenipokonya faili atakuwa mmoja kati yao.
Macho yake makali yakapepesa huku na kule, na mara akawachukua vijana wake wawili ambao walikuwa wamevaa kiraia. Akazungumza nao kisha nikaongozana nao kwenda kushuhudia yale ambayo huwa nayaona katika sinema.
Hawakuwa na msalia mtume!!
Askari feki watatu walivunja miguu ndani ya sekunde kadhaa!! Bomba la sindano likamtoka mmoja wao huku akipiga mayowe!!
Nikabaki kuwa shuhuda wa mpambano huu ambao uliwageukia maaskari halali baada ya kufanya kosa la kizembe la kudhani kuwa wale waasi wapo watatu tu!!
Wakamwinamia Ezekiel na kuanza kumuhoji kwa sauti zao za pupa na maswali yasiyokuwa na mbele wala nyuma.
Kiwiliwili kingine katika mavazi ya kiaskari kikavamia na kufanya mzunguko wa aina yake, askari wawili waklaanza kugumia chini kwa chini.
Na hatimaye ana kwa ana na askari mmoja!!
Askari feki akarusha teke kali likakumbana na mbavu za yule askari halali, akatokwa na mguno wa maumivu huku akiyumba chini!!
Nikajiona bwege ninayetazama hali hii kama filamu. Lakini ni kitu gani ningeweza kufanya na mwili wangu dhaifu dhidi ya skari wale feki ambao bila shaka wamehitimu mnafunzo yote?
Liwalo na liwe!!
Nikatoka mbio mbio pasipo na tahadhari.
Nikaokota jiwe kubwa. Huku nikitokwa na kelele nyingi nikaenda kumvamia yule bwana.
Teke zito likatua katika paji la uso wangu, sijui hata kama nilirusha lile jiwe kwa urefu wa mita moja, lakini nilihisi kama nimetua katika mguu wangu!! Maumivu yake yalikuwa ya kawaida sana, kulinganisha na maumivu katika paji la uso!!
Nilijikuta naona nyotanyota, nuru ilikuwa inatoweka na kurejea!!!
Kwa mbali niliweza kumwona askari feki akimnyonga askari halali wa jeshi letu. Na wakati akimnyonga alikuwa akinitazama usoni!!
Bila shaka azilikuwa salamu kuwa baada ya yule ni mimi ninayefuata!!
Nilijaribu kupiga kelele lakini sijui kama kelele zile zilitoka.
Naam!! Ni kama nilivyowaza. Alipomaliza nikamuona akijongea kunifuata.
Akanifikia!! Akanitazama kwa jicho bay asana ambalo lilitangaza chuki tele!! Mikono yake ilikuwa inatetemeka.
Nakufa!! Nilipitiwa na wazo hilo huku nikijaribu kufurukuta huku na kule bila kujua kama ni kweli nafurukuta ama nawaza tu kuwa nafurukuta!!
Nilihamisha macho yangu kutazama kama kuna msaada kutokana kona yoyote!!!
Na huku nikakutana na askari mwingine feki akinijia na bunduki mkononi!!
Nimekwisha!!! Niliapa……
Na baada ya kiapo kweli nikajikuta nakuwa kama mpira wa kona.
Nilikuywa nagombaniwa!!!
Nilivutwa huku na kule. Sasa sikuweza kumtazama yeyote, kila kiungo katika mwili wangu kilikuwa kinauma, huyu akivuta mkono huyu anavuta mguu, huyu ananipiga teke mbavuni, huyu anavuta kichwa changu!!
Kisha mlio mkali sana ukasikika!!! Mamivu yakapenya barabara, maumivu makali kupita yote niliyowahi kuyasikia.
Sikuweza kufumbua macho!!
Masikio yakausikia mlio mwingine mkali zaidi, na hapo sikujua nini kinaendelea tewna duniani!!!

***FAILI LIMEPOTEA……..
***ANITHA hajulikani alipo….
***SAM katika maumivu mengine makali zaidi!!!

NINI KINAJIRI!!! NA NINI HATMA!!
KWANI FAILI LINA NINI???
 
SEHEMU YA ISHIRINI NA TISA
SIMULIZI: ANTI EZEKIEL
MTUNZI: George Iron Mosenya

SEHEMU YA ISHIRINI NA TISA

Mikono yake ilikuwa inatetemeka.
Nakufa!! Nilipitiwa na wazo hilo huku nikijaribu kufurukuta huku na kule bila kujua kama ni kweli nafurukuta ama nawaza tu kuwa nafurukuta!!
Nilihamisha macho yangu kutazama kama kuna msaada kutokana kona yoyote!!!
Na huku nikakutana na askari mwingine feki akinijia na bunduki mkononi!!
Nimekwisha!!! Niliapa……
Na baada ya kiapo kweli nikajikuta nakuwa kama mpira wa kona.
Nilikuywa nagombaniwa!!!
Nilivutwa huku na kule. Sasa sikuweza kumtazama yeyote, kila kiungo katika mwili wangu kilikuwa kinauma, huyu akivuta mkono huyu anavuta mguu, huyu ananipiga teke mbavuni, huyu anavuta kichwa changu!!
Kisha mlio mkali sana ukasikika!!! Mamivu yakapenya barabara, maumivu makali kupita yote niliyowahi kuyasikia.
Sikuweza kufumbua macho!!
Masikio yakausikia mlio mwingine mkali zaidi, na hapo sikujua nini kinaendelea tena duniani!!!

NILITAMANI kuendelea kuwa shuhuda wa kile kilichokuwa kinatokea lakini milango yangu mitatu ya fahamu iliyokuwa imesalia nayo ikafunga na kiza kinene kikatanda.

***

Mivumo ilisikika mara nuru ikachomoza tena nilikuwa nimevaa mavazi meupe huku kila mtu aliyenizunguka akiwa na mavazi meupe pia. Tulikuwa tunatembea kuelekea mahali peupe pasipokuwa na doa lolote. Wenzangu walisemezana wao kwa wao, nilijaribu kuwasikiliza kwa umakini ni kitu gani wanamaanisha lakini sikuambulia kitu walikuwa wanaongea lugha nisizozielewa hata kidogo.
Walinong’onezana kisha wakanitazama na kunifanyia ishara za mikono kuwa niendelee mbele, nilisita kidogo na kuwauliza kwanini mimi niende mbele na wao wabaki nyuma. Niliwauliza kwa Kiswahili, wakatazamana na kuanza kucheka, walicheka sana na mara vicheko vilipowaisha wakachomoa mapanga na marungu.
Hawakuwa wakicheka tena, hapo nikalazimika kuanza kutimua mbio, walikuwa wakinifuata nyuma kwa kasi ya ajabu, nilizidi kukimbia huku nikipiga kelele za kuomba msaada, njia nzima ilikuwa nyeupe na hapakuwa na jengo hata moja, nilikimbia zaidi na wao nikawasikia nyuma yangu wakinikaribia, hatimaye nikaona nyumba kwa mbali.
Ni hapa nitapata msaada!!! Nilijisemea na kuendelea kutimua mbio. Nilipoifikia nyumba niliyotarajia msaada niliwaqsikia waliokuwa wakinikimbiza wakitokwa na vicheko. Nilipoitazama nyumba ile nikakaribishwa na maandishi makubwa yaliyoandikwa MICHIGAN EMPIRE. Mapigo ya moyo yakaongeza kasi, wale watu wenye mapanga wakiwa wanacheka walizidi kunisogelea na miguu ilikuwa mizito kukubali kuingia katika jingo lile ambalo niliamini kwa namna yoyote ile kuwa nitauwawa baada ya kuteswa vibaya!!
Nikiwa bado sijapata maamuzi sahihi ya nini cha kufanya mara watu wawili wakatoka katika lile jengo la MICHIGAN, mmoja sikumtambua lakini mwenzake nilimfahamu fika. Akanitazama kwa jicho lililojaa chuki.
Alikuwa ni cheupe dawa!! Yule mzungu ambaye alimteka mke wangu na baadaye nikamwingiza matatani!!
Kumbe walikuwa watu watatu!! Yule mwingine alikuwa mfupi sana na sikuwa nimemuona hadi alipozungumza.
“Babaaa!!!” sauti ikapenya masikioni mwangu, jicho likafumbuka upya.
Alikuwa ni Eva!!!
Nikataka kumsogelea Anitha, yule mzungu akatoa Bunduki na kuilengesha katika kichwa cha Anitha!! Nilipiga kelele bila kujua ni kitu gani ninasema!! Yule mzungu hakujali, akazidi kuigandamiza katika kichwa cha Eva, mtoto wangu wa pekee!!.
Na mara akafyatua!!!
Nikalegea macho yakitazama mwili wa Eva ukiwa hauna kichwa ukirukaruka huku na kule. Nikatua kwa magoti kisha nikaanguka tena nikitanguliza kichwa chini!!! Nilikuwa nimeshuhudia mauaji ya mtoto wangu kwa jicho langu…….
Sauti za kiarabu ama kichina kutoka kwa wale watu zikageuka kuwa za Kiswahili sanifu, lakini Kiswahili chenye hofu ndani yake.
“Ametulia, ametuliaaa…” sauti ilizikika. Ilikuwa sauti ya kike. Maajabu, sikukumbuka kumwona walau msichana mmoja katika kundi lile la watu waliovaa nguo nyeupe.
Nikafanikiwa kufumbua macho yangu!!!
Nikaona maluweluwe, nikafumba na kisha kufumbua tena. Nikakutana na tabasamu hafifu kutoka kwa mwanadada. Ni kama nilikuwa namfahamu, lakini nfikra zilikuwa mbali.
Ina maana na yeye alikuwa katika kundi la wale wauaji wenye mapanga walionifukuza hadi Michigan kwenda kumshuhudia yule fedhuli akiutoa uhai wa mwanangu, sasa anatabasamu wakati mwanangu amekufa.
Nikakunja ngumi zangu ili niweze kumshambulia, nikamngoja anisogelee zaidi.
Naam!! Akanisogelea!! Nikaikaza mikono na kisha kwa nguvu zote nikarusha ngumi huku nikitokwa na maneno makali.
“Anitha nawe u muuaji… unataka kuniua Anithaaa…. Umeshiriki kumuua mwanangu Anitha…” nilibaki kupiga kelele, mikono na miguu ilikuwa imefungwa vilivyo!!
Anitha hakushtuka badala yake alitokwa na machozi huku akitikisa kichwa kuonyesha kusikitika, nilipepesa macho huku na kule. Akajifuta machozi kisha akatokwa na neno kwa sauti ya chjini.
“Sam u hai tena mpenzi wangu!!!”
“Nani mpenzi wako muuaji mkiubwa wewe, Anitha mwanaizaya wewe mwanaharamu mkubwa unashirikia na watu wabaya kumuua Eva, wamekulipa shilingi ngapi hao mabwana zako wa kizungu… wamekulipa shilingi ngapi Yuda msaliti wewe……” niliwaka kwa hasira zote nikitamani mikono na miguu yangu iwe huru lakini haikuwezekana.
“Sam…..” sauti nyingine ikaniita ikitokea upande mwingine, nikajaribu kuigeuza shingo yangu lakini maumivu makali yakanizuia sikuweza kugeuka. Nikangoja hadi yule mtu akafika mbele yangu.
“Sam wewe ni mwanaume asee!! Yaani wewe ni mwanaume haswa!!!” ilikuwa sauti ya kichaga, sauti ya Masawe!!!
Nikazidi kuchanganyikiwa!! Masawe naye anashirikiana vipi na Anitha sasa. Na mbona hawana nguo nyeupe kama nilizowaona nazo hapo awali, hata mimi sikuwa na nguo nyeupe, maajabu haya.
“Sam….iruhusu akili yako kufikiri yaliyopo sasa!! Yote unayoyaongea ni maluweluwe tu katika kuzimia kwako…” Anitha alitokwa na kauli ambayo ilirejesha amani. Akanikumbusha jinsi gani nipo hapo.
“Sam.. hatuna mud asana hapa lazima tuondoke lakini napenda kukukumbusha ili uwe na imani nami tena. Sam… nilikutana nawe ukiwa katika dakika za mwisho za kukabiliana na umauti, nilivaa nguo za kiaskari ambazo nilizipata kutoka kwa askari mnoja feki aliyeuwawa katika mapambano, sikuwqa na nguo siku zote nilizokuwa Michigani, nilikuwa uchi. Nilikuona kupitia tundu la mlango wakati unahangaika ndanmi ya Michigani, lakini nilikuwa nimefubgwa midomo yangu nisiweze kupiga kelele zozote, nilitamani unione uweze kunifungulia ule mlango lakini bahati mbaya Sam hukuweza kuhisi lolote, ulikuwa umetaharuki. Baada ya maaskari kuingia katika chimbo hilo na kuvunja milango ndipo nilipotoka lakini nikiwa uchi. Askari aliyeuwawa, nikamvua nguo na kuzivaa huku nikumbuka kuichukua na bunduki yake. Bunduki ambayo haikuwa tofauti kabisa na bunduki ndogo ya baba yangu ambay7o nilijua namna ya kuitumia.
Nilitembea kwa kuchechemea, sikuwa nafanya lolote lile zaidi ya kukutafuta wewe Sam. Nilitamani kukuona ukiwa hai.
Baada ya hekaheka zote za hapa na pale huku nmaaskari feki wakifanikiwa kuwadhibiti vilivyo askari halali mimi nikiachwa wakidhani mimi ni mwenzao ndipo nikakukuta ukikabiliana na askari feki na hapo nikaingilia kati bila yeye kujua kama mimi si mmoja wao. Tulikugombania Sam tukikuvuta huku na kule, akitaka kukuua nami nikijaribu kukutetea kwa kila namna. Mwisho wewe ukawa sadaka baada ya yule bwana kutoa bunduki na kudai kuwa anakuua. Akili yangu ikazinduka yule bwana akiwa amefyatua risasi katika paja lako na alitaka kufyatua kichwa chako ukiwa tayari umepoteza fahamu, ni hapo nilipomfyatulia risasi na kusambaratishas kifua chake bila uoga wowote. Mateso ya Michigani, kubakwa na kudhalilishwa kwa kila namna kulinifanya niwe mnyama, lakini si mnyama awezaye kuwa mkali na mwenye chuki mbele yako.
Ni mnyama awezaye kupigania haki!!
Nilijaribu kukuburuta lakini ulinizidi uzito na hapo ndipo nikafanikiwa kuonana na huyu bwana akiwa na pingu mikononi, nikaisambaratisha ile pingu kwa risasi kisha nikamweka chini ya ulinzi kwa lugha moja tu, akubebe hadi mahali ambapo mimi nahitaji.
Akatii amri hiyo!! Lakini njiani alijaribu kuelezea kuwa anakufahamu haswa, akanisihi sana nimuamini, naam nikamwamini baadaye kabisa. Baada ya kuusoma uso wake na pia kumtishia kuwa nina wenzangu, akijaribu kuleta fitina yoyote ile. Bahati nzuri hakuleta ujanja wowote na badala yake alinisimulia namna ambavyo uliingia Iringa na hatimaye kufanikisha kulifungua lango kuu la kuingia Michigani. Sam!! Siwezi kukuficha na unajua kabisa huwa siwezi kuficha hisia zangu, niliuona mwili wako kama dhahabu, nikangoja upate uhai nikwambie maneno haya.
Sam wewe ni mwanaume kati ya mwanaume, uwe hai ama ufe leo. Jina lako litabaki katika vichwa vya watu wengi na maandishi uliyoandika hayatafutika kamwe kizazi hadi kizazi.” Anitha alimaliza kusimulia kila kilichotokea, na kadri alivyokuwa anasimulia nilizidi kurejewa na fahamu zangu.
Anitha alikuwa mwanamke wa aina yake!!
“Mama lao yu wapi!?” nilijikuta nauliza hatimaye…. Kabla hajajibu nikaijiwa na swali juu ya swali, “Mzee Matata je? Na faili lipo wapi … faili lipo wapi Anitha…” kila swali nililouliza Anitha hakuwa na jibu nalo, akaningoja nitulie ndipo alipozungumza nami tena.
“Sam, hayo maswali ni magumu sana baadhi hata mimi nimejiuliza lakini nadhani kwa sasa tuchukue alichosema yule kijana kabla hawajamchukua…” alisema Anitha kwa sauti ya chini sana.
“Kijana yupi tena….”
“Mh! Sijui kama nipo sahihi, lakini macho yangu yalidai kuwa ni Alvin sijui na mimi nilikuwa naota. Maana Alvin si ndo yule alikufa na magazeti yakadai kuwa wewe ndo umemuua….. lakini nimekutana naye…..”
“Ndo Anti Ezekiel huyo….kasemaje?”
“Geti namba saba….funguo zilezile….”
“Geti namba saba?.. yupo wapi huyo Alvin….”
“Nalijua hilo geti tatizo ni funguo alizosema……sizijui wala sijawahi kuzisikia.”
Neno la Anitha likanikumbusha funguo nilizokuwanazo lakini sikukumbuka ni wapi zilipokuwa kwa mara ya mwisho, iwapo ni Michigani ndani ama eneo la shambulizi ambapo nilipoteza fahamu…
“Pia amesisitiza juu ya kitu fulani ambacho kimenitatiza sana… amekuwa akirudiarudia neno Kenton. Amelisema mara kwa mara na ni kama nimewahi kulisikia jina lile mahali. E.F.Kenton…….” Anitha alisema kama mtu anayekariri jambo.
“Nini E.F.Kenton? unamjua? Ni nani? Nimeliona jina hilo ndani ya Michigani wewe umelijulia wapi…..”
“Dar es salaam Mlimani City. Nimewahi kukutana naye….” Alinijibu Anitha na kuzidi kunichanganya. Sasa ikawa zamu yangu kuamini kuwa Anitha ndiye anayeota. Atakutana vipi na bosi wa Michigani ambaye anayo ofisi kubwa kabisa chini ya ardhi, anadai amekutana naye Dar, hapana huyu anaota.
“Anitha unaota wewe…” nilimweleza na kutoa tabasamu kwa mara ya kwanza…..
“Sam, nimewahi kukutana naye, niamini!!!” alisisitiza Anitha.
Nikabaki katika viulizo kadha wa kadha!!!

***JIFUNZE: HARAKATI huwa hazifi bali mwanaharakati anaweza kufa na kuziacha hai harakati, harakati huyumba na kuanguka lakini husimama tena imara na kuendelea mbele. Huwezi kuwa mwanaharakati kama muna moyo mwepesi wa kukata tamaa, mwanaharakati ni jasiri na anayetegemea mafanikio na vikwazo vilevile.

**SAM amekutana na Anitha… na msamiati mpya wa Geti namba saba……..kulikoni
***MASAWE naye katika harakati na vipande vya pingu mkononi!!!!
**WAPI MAMA LAO, WAPI MZEE MATATA!!!!
 
SEHEMU YA THELATHINI
.SIMULIZI: ANTI EZEKIEL
MTUNZI: George Iron Mosenya

SEHEMU YA THELATHINI

“Dar es salaam Mlimani City. Nimewahi kukutana naye….” Alinijibu Anitha na kuzidi kunichanganya. Sasa ikawa zamu yangu kuamini kuwa Anitha ndiye anayeota. Atakutana vipi na bosi wa Michigani ambaye anayo ofisi kubwa kabisa chini ya ardhi, anadai amekutana naye Dar, hapana huyu anaota.
“Anitha unaota wewe…” nilimweleza na kutoa tabasamu kwa mara ya kwanza…..
“Sam, nimewahi kukutana naye, niamini!!!” alisisitiza Anitha.
Nikabaki katika viulizo kadha wa kadha!!!

***JIFUNZE: HARAKATI huwa hazifi bali mwanaharakati anaweza kufa na kuziacha hai harakati, harakati huyumba na kuanguka lakini husimama tena imara na kuendelea mbele. Huwezi kuwa mwanaharakati kama muna moyo mwepesi wa kukata tamaa, mwanaharakati ni jasiri na anayetegemea mafanikio na vikwazo vilevile.

****

Anitha hakutaka tuendeleaa kuzungumza zaidi eneo lile halikuwa na amani sana na hakuna aliyejua wapi kusini wala ipi ni mashariki.
Jukumu la Masawe likawa kunikokota mimi, kwa sababu sikuwa naweza tena kusimama imara kutokana na kuwa nimeumia mguu wangu maeneo ya paja ambapo nilipigwa risasi. Kabla ya kuninyanyua Masawe alifanya jitihada za kulichana shati lake ili aweze kulihifadhi vyema jeraha nililokuwanalo mguuni!!!

Lakini licha ya maumivu ya risasi bado nilikuwa nahisi maumivu mengine makali mgongoni ambayo sikujua yanasababishwa na nini. Nilijikaza na kuushika mgongo wangu. Nikakutana na kitu kigumu.
“Anitha… sijui naegemea kitu gani, naumia sana … naumia haswa!!” nilimweleza Anitha ambaye nilimuamini zaidi kuliko Masawe katika jambo la msaada.
Anitha aliinama na kuufuatilia mkono wangu, na yeye akakutana na kile chuma.
“Kuna chuma hapa… Masawe njoo tumhamishe hapa….” Alimwita Masawe, yeye akanishika mikono na Masawe miguu wakaninyanyua na kunisogeza pembeni.
Anitha na Masawe hawakujali sana juu ya chuma nilichokuwa nimelalia. Lakini mimi nilifanikiwa kugeuka na kutazama ni kitu gani kilichokuwa kikiuumiza mgongo wangu.
Mungu wangu!!! Nikakutanisha macho na kitu ambacho nakijua, nikajirusha pembeni na kujaribu kusimama, maumivu ya paja yakazidi nikasimama kwa mguu mmoja ambao ulichunwa na risasi hapo awali na nikagoma kupokea huduma ya kwanza. Huu nao ukazidiwa nguvu nikaanguka chini kama mzigo Masawe asiwahi kunidaka!!
“Una nini Sam, acha huwezi bado kutembea huwezi Sam, Masawe atakubeba tukaitafute huduma kwanza.
Sikujibu chochote, japo sikuyaona macho yangu vyema lakini hakika yalikuwa yametumbuka haswa!!
Anitha na Masawe wakafuatisha ninapotazama, wote tukajikuta tukitazama kile chuma.
Nikaanza kusogea nyuma kwa kujiburuta nisijue nini hatma yangu, Anitha akazidi kunishangaa, lakini hawakujua nawaza nini.
Nilikuwa naifikiria ile ndoto iliyomwonyesha mwanangu akiuwawa Michigani, cheupe dawa akimuua kwa bunduki.
Na pale nilikuwa nikitazamana na kile kifuniko cha kutokea Michigan ambacho nilikifunua na kufanikiwa kuingia uraiani.
“Michigan….Michigan Anitha..” nilisema kwa sauti iliyojawa hofu.
“Sam… unachanganyikiwa, unachanganyikiwa Sam tuliza akili yako. Tulia tutoweke hapa Sam.” Anitha alinipinga huku akisikitika kutokana na wakati niliokuwanao.
“Anitha, njia ya kuingia Michigani hii hapa Anitha…..” nilimwonyesha hatimaye. Akakifuata kile chuma, wakasaidiana na Masawe wakakivuta, kikavutika.
Hakika, sikuwa nimekosea chochote!!
Ulikuwa uleule mlango, nikajikaza na kusimama tena, nikapepesuka lakini nikajikaza, mguu mmoja ukiwa umekunjwa nikafika walipokuwa Anitha na Masawe.
Ikawa zamu ya anitha kushangaa. Kuna jambo aliliona baada ya kuchungulia ndani.
“Geti namba sita …… pembeni yake ni geti namba saba..” alisema kwa kunong’ona, geti ambalo Anti Ezekiel alilisema nd’o hilo alilisema pia Anitha.
Ile Anitha anataka kuingiza kichwa tena achungulie, ikasikika sauti kali ya amri nyuma yetu.
“Tulieni kama mlivyo, ukijaribu kutikisika tu tunafyatua hivyo vichwa vyenu vibovu!!” ilikuwa sauti ya kiume haikuwa na masihara ndani yake.
Nilitulia kama nilivyo, nikapata fursa ya kupepesa macho kidogo, Anitha alikuwa anatetemeka na Masawe vilevile.
Vishindo vikaanza kujongea na kutufikia karibu zaidi, tukaamrishwa kuchuchumaa chini, Anitha na Masawe wakabonyea upesi lakini mimi nilikuwa na maumivu makali katika paja na mchubuko katika mguu wangu. Nilijaribu nikashindwa, nikaisikia sauti ikitukana nyuma yangu.
“Amepigwa risasi jamani…. Mwoneeni huruma ..” Anitha alisihi. Na hapo nikajikuta nimekamatwa tena mikono yangu nikageuzwa kwa nguvu zote.
Nikakutana na mitutu takribani sita ya bunduki kutoka katika sura zilizozibwa vyema kwa vibandko vyeusi.
Nilinyanyua mikono yangu juu kumaanisha kuwa sina silaha yoyote ambayo ni tishio kwao. Lakini hiyo haikutosha kumshawishi yule bwana ambaye alinifyatua teke moja palepale pajani, nikatokwa na yowe kubwa huku nikitua chini. Nilimsikia Anitha akilia pamoja nami!!
“Nyinyi ni akina nani?” sauti nyingine iliuliza.
“Sisi ni wasaamaria wema tuna… tunajiokoa kutoka hapa… ni mahali ambapo si salama….” Alijibu Anitha.
“Ua mmoja… huyo huyo kiwete halafu atajibu vizuri huyo Malaya… nhawahawa watatupeleka.” Sauti iliasa.
“Shoot him!!” nyingine ikakazia.
Yule bwana akaikoki bunduki yake. Akainyoosha kuelekea katika fuvu la kichwa changu.
Nikakumbuka kuisali sala yangu ya mwisho.
“Anitha nakupenda… nakufa nikiwa nakupenda… go and tell the world!!...” nilitokwa na maneno huku kihoro cha kukata roho kikizidi kuniandama. Mikono ikaufunika uso kama utetezi wa kuizuia risasi isipenye!!! Jambo ambalo haliwezekani.
“Acha kwanza…acha hebu kidogo….” Sauti ilisikika kwa mbali.
“Kigulu we nawe…..tunapoteza muda bwana…”
“Acheni kwanza bwana….” Sauti hii ilikuwa imefika nilipokuwa.
“Toa mikono usoni bwege wewe.”
Nilitoa mikono yangu na kukutana na mtu ambaye alikuwa bado ameiziba sura yake, alikuwa amechuchumaaq.
“Sam…… Samson……..” aliita jina langu sijui ni kwa chuki ama ni kwa furaha. Lakini hakuweza kuuficha mshangao wake. Niliduwaa sana, kusikia jina langu mahali pale.
Ni kweli jina langu lilikuwa limetangazwa sana katika vyombo vya habari lakini kulisikia wakati ule haijalishi kwa uzuri ama ubaya, linatia matumaini makubwa. Nilijaribu kuitika lakini sauti haikutoka, koo lililokuwa likingoja umauti lilikuwa limekauka haswa.
Taratibu yule bwana akatoa kinyago chake usoni.
Nikajikuta natazamana ana kwa ana na mzee Sendeu, yule bwana mtaalamu wa kuunda makufuli. Ambaye alitendwa kutokana na kuunda ufunguo unaoifungua Michigani, akaokolewa na majambazi ambao walimtunza na kumfanya kuwa mtaalamu wao wa kutengeneza makufuli.
“Sam…..” aliniita huku akiwa ametulia katika mshangao uleule wa awali.
“Ndo nani huyo mzee kigulu..” bwana mmoja alimuuliza Sendeu. Akamjibu kwa ufupi sana, wakaelewa zaidi baada ya yeye kusema kuwa nitawafaa sana katika zoezi lao.
“Sam, wenzangu wanataka kuingia huko ambapo ulikuwa unataka kuingia na wewe. Wanasaka pesa na wanaamini kuna madini huko chini.” Mzee Kigulu alinieleza.
Nikawaeleza pia kwa ufupi sana juu ya nini ambacho tulikuwa tunafutailia katika tundu lile.
Sisi na wao tukajikuta letu ni moja.
Mitutu ya bunduki ikashushwa chini. Amani ikatawala. Muuguzi wa dharula wa yale majambazi akanishughulikia kwa taqkribani nusu saa akiiondoa risasi katika paja langu na kunifunga bandeji katika jeraha.
Nikaanza kwa kuchechemea, huku nikizidi kuipata nafuu, hatimaye tukazama wote katika ngome ya Michigani. Tukipitia mlango wa nyuma.
Mimi nikielezea niwezavyo na anitha akielezea awezavyo. Tukawatahadharisha juu ya askari feki wanaovaa mikanda isiyokuwa sahihi, majambazi wakajiweka vyema.
Msako mpyya!!!
Jeshi kubwa kabisa!!!
Msako wa adui namba moja!!
Sote tukalitafuta geti namba saba tujue kulikoni!!
Hakuna ambaye alijua nini kimehifadhiwa kule chini, majambazi walikuwa wakizisaka pesa wakati sisi wqatatu tulikuwa katika ukombozi.
Jeshi moja vita mbili tofauti!!

KAMA ilivyokuwa awali ndivyo na wakati huu ilivyokuwa, kimya kikuu kilitanda. Ni kama hakukuwa na mtu tena.
“Hivi anaishi mtu huku ama ndoto zenu tu!!” aliuliza kiongozi wao, Mzee Sendeu pekee ndiye alibaki nje kutokana na ulemavu wake. Na pia kutohitajika sana.
Geti namba saba hatimaye likatupokea kwa mbali, majambazi wakajiweka katika mkao wa kimapambano.
Ghafla!!!
Tukaanza kudidimia!!
Michigani ilikuwa inazama!!
“Judgement day!!!......” alipiga kelele Anitha…. Alirudia mara kwa mara akiwaasa majambazi ambao sasa walikuwa wametaharuki.
“Ndo nini….”
“Wanahukumiwa wote walioenda kinyume na taratibu, mkuu anashuka leo.” Alizidi kuongea mambo ya kutatanisha.
“Sasa tunafanya nini….” Alilalamika jambazi mmoja huku bunduki ikimponyoka na kuanguka.
“Geti la dharula…” alipiga kelele tena, na hatimaye akaketi mbele kabisa. Na hapo ukapita mlango mwingine taratibu, ulikuwa ukiteleza kama unaofunguliwa!!!
“Shoot!!” akaamuru Anitha. Wanaume hawakukawia, bunduki zao zikakohoa, ule mlango ukasambaratika. Tukaingia katika chumba kile.
Sasa tukaiona madhari ya chini kabisa ya Michigani. Anitha akaelezea juu ya hali ile, akadai kuwa ni siku ya watu kunyongwa na wengine kusafirishwa kuelekea pasipojulikana.
“Umeyajuaje yote haya…” nilimuuliza hatimaye.
“Kuna bwana nilimuagiza akuletee barua, ndo huyo alinieleza kila kitu juu ya Michigani, akanisemelea juu ya geti namba saba pia. Niliwahi pia kuletwa huku, na huu mlango wa dharula ni kwa ajili ya walinzi japo huwa hautumiki mara kwa mara mpaka hatari kubwa ikiwepo…..” alisema kwa ufupi na hapo wakaanza kusukumwa watu kuingia katika uwazi mkubwa.
Asilimia kubwa walikuwa ni wale waliokuwa nje tayari wamekombolewa, mzee Matata alikuwa amelegea, Mama lao alikuwa amefungwa kamba mikono yote. Nikajisikia hasira kali sana.
Vikashushwa vitanzi upesi na hapo baadhi ya askari feki wakaanza kuwasukuma raia katika vitanzi.
Na hapa ndipo ikafuata VITA YA MWISHO CHINI YA ARDHI MICHIGANI………Ni aidha kufa ama kupona lakini siri lazima ifichuke.

**JIFUNZE kuwa hakuna marefu yasiyokuwa na ncha!!! Usikate tamaa!!
USIKOSE SEHEMU YA MWISHO…. Kesho jioni ujue nini kipo chini ya utata huu……..
 
SEHEMU YA MWISHO
SIMULIZI: ANTI EZEKIEL
MTUNZI: George Iron Mosenya

SEHEMU YA MWISHO

“Umeyajuaje yote haya…” nilimuuliza hatimaye.
“Kuna bwana nilimuagiza akuletee barua, ndo huyo alinieleza kila kitu juu ya Michigani, akanisemelea juu ya geti namba saba pia. Niliwahi pia kuletwa huku, na huu mlango wa dharula ni kwa ajili ya walinzi japo huwa hautumiki mara kwa mara mpaka hatari kubwa ikiwepo…..” alisema kwa ufupi na hapo wakaanza kusukumwa watu kuingia katika uwazi mkubwa.
Asilimia kubwa walikuwa ni wale waliokuwa nje tayari wamekombolewa, mzee Matata alikuwa amelegea, Mama lao alikuwa amefungwa kamba mikono yote. Nikajisikia hasira kali sana.
Vikashushwa vitanzi upesi na hapo baadhi ya askari feki wakaanza kuwasukuma raia katika vitanzi.
Na hapa ndipo ikafuata VITA YA MWISHO CHINI YA ARDHI MICHIGANI………Ni aidha kufa ama kupona lakini siri lazima ifichuke.

**JIFUNZE kuwa hakuna marefu yasiyokuwa na ncha!!! Usikate tamaa!!

Risasi zilimiminika kuwaendea wale mahayawani takribani watano wa kiafrika ambao walitaka kuwaweka katika kitanzi waafrika wenzao.
Kambi yetu ilikuwa imara haswa!!
Kuangushwa kwa watu wale wabaya kukazua tafrani mpya, mateka wao wakaanza kukimbia huku na kule. Wao wakabaki katika sintofahamu. Wakiwa katika taharuki kali zaidi.
Walijaribu kuwazuia huku wakikishambulia kwa risasi kile kibanda cha dharula ambacho tulijihifadhi ndani yake. Lakini hawakuwa na shabaha murua.
“Adui katika kambi hii… adui katika kambi hii, bomu la mkono linatupwa katika maficho yenu ndani ya dakika moja. Kwa usalama wenu na wenzenu jisalimisheni, la sivyo ninyi pamoja na wenzenu wote mtapoteza uhai. Angalizo ni kwamba hakuna njia yoyote ya kutoka Michigan ukiwa hai, njia zote zimefungwa.” Ilikuwa ni sauti kubwa ikielezea kwa ufasaha juu ya usalama wetu na wenzetu. Sauti hii ilirudia mara ya pili na wakati ikirudia haya mara Michigani ilianza kupanda juu tena. Kambi yetu iliingiwa na kiwewe baada ya tangazo lile ambalo mtangazaji wake hakuonekana na wala kinasa sauti na kipaza sauti vyote havikuonekana. Majambazi yakiwa na silaha mkononi yalishindwa kufyatua.
Hatimaye Michigani iliyokuwa imezama chini ikarejea usawa wa kile kibanda chetu cha dharula!!!
Na wakati huu yule mtangazaji alikuwa akihesabu namba kadhaa kwa ajili yetu kujisalimisha.
Tulikuwa tumepatikana!!
Heka heka za kule chini za mateka ziliendelea huku wakikosa mahali sahihi pa kukimbilia, kwani kila mahali palikuwa pamefungwa!!
Kambi yetu ilikuwa na bunduki mkononi bado kwa lolote litakalotokea mbele yao. Mimi, Masawe na Anitha tukiwa tumepigwa butwaa tu.
Na mara kikatokea kisa cha kushangaza. Ukaanza kuvuma upepo mdogo kiasi na mara majambazi wakaanza kuhamanika, wakionekana kuvutana na kitu kisichoonekana, na hata walipozidiwa nguvu wakaziachia bunduki zikivutwa kwa kasi na kutokomea na upepo ule.
“Shit! Magnetic wind…..” alilalamika Anitha akionekana kujua nini kinatokea pale.
Sasa wakatokea watu wanne!!
Cheupe dawa na yule mwafrika mwenzake wakiwa katika jopo. Walikuwa wanacheka kwa dharau na namna fulani ya kuridhika sana.
Cheupe alikuwa amebeba faili mkononi.
“Unaanza vipi kutoka Michigan ukiwa hai… we bwege wewe ulibahatika kutoka umejileta tena eeh..” aliongea huku akinitazama, nikakwepesha macho nisimtazame.
“Salim!! Hakuna kupoteza muda tena….” Alikaripia yule mzungu. Na hapo akatokea bwana mmoja mwenye ndevu ndefu haswa.
Akapiga miluzi wakatokea wengine wawili. Wakawakwida mashati raia wawili wakiwa uchi na dhaifu, wakawaingiza katika kitanzi kisha wakabonyeza mahali, ardhi yao ikafunguka.
Wakawanyonga wale watu wasiokuwa na hatia.
Ilisikitisha kuwatazama. Nilifumba macho kwa uchungu na uoga ukanitawala nikiyafikiria maisha mafupi katika kitanzi kile.
“Bonge waiti amesema kuwa wao wameua watano sijui sita, sisi tunaanza na sitini na sita kama mfano tu… na wale vichwa ngumu kama Sam na baba yake huyu Matata ni adhabu takatifu kabla ya kifo..” cheupe dawa alimweleza mwenzake kimadaha na majigambo.
“Sam… Sam….” Anitha aliniita huku akitazama mbele asijulikane kama anasema nami.
“Wanamuua baba Sam…..” Anitha alinieleza kana kwamba nilikuwa sijasikia lolote. Niliuma meno yangu kwa uchungu nisijue nafanya nini.
Wakati huo raia wengine sita walikuwa katika kitanzi.
Na hawa wakauwawa katika namna ileile.
Mbona watoto hawauwawi ama!! Nilijiuliza baada ya kuona kuwa ni watu wazima pekee waliokuwa wananyongwa.
Awamu ya tatu ya kunyonga haikwenda kama ilivyopangwa badala yake ikaingia doa.
Cheupe dawa aliyekuwa mwenye tabasamu muda wote, akiwa na tabasamu lake vilevile ghafla alirushwa nyuma kimyakimya akitua katika umati mkubwa wa mateka, na doa jekundu likaonekana katikati ya kifua chake kimyakimya.
Yule muafrika kibaraka wa yule mzungu akafanya kosa kugeuka upesi kutazama nini kinamtokea mwenzake.
Akauachia mgongo wake wazi, ghafla akarushwa mbali akifunuka kifua chake na kutokwa na yowe kubwa kabisa.
Akaungana na mzungu katika safari ya milele.
Kimya kikatanda asijulikane ni nani anayeshambulia, majambazi hawakusogea mbele kwa sababu hawakujua ni nani aliyefanya shambulio hilo, na wenyeji wa humo wakapigwa na bumbuwazi.
Mluzi ukasikika katika namna ya kuvutia masikioni, majambazi kwa pamoja wakasema.
“Kigulu……” nikalikumbuka jina hilo kuwa ni la mzee Sendeu. Yule fundi makufuli.
“Hakuna bunduki, vamia…. Hakuna bunduki magnetic wind imepita….” Anitha aliyasema hayo huku akiongoza mbio kumkabili yule bwana aliyekuwa anawanyonga mateka. Lakini kabla hajamfikia alijikuta katika mikono yenye nguvu sana.
Alikuwa ni mzee Matata!!!
“Baba…..” Anitha akamuita lakini hakujibiwa na badala yake mzee Matata akamrukia yule mnyongaji na kumkaba koo yake huku akipiga mayowe hadi pale alipotulia tuli.
Alikuwa ameua!!
Niliendelea kuwa shuhuda na miguu yangu mibovu, majambazi wakipambana ana kwa ana na maadui.
Mzee Matata akazifungua kamba zilizomfunga afisa wa jeshi la serikali. Akiwa kama mbogo na yeye akafanya mashambulizi makubwa tena ya upesi upesi. Makabiliano ya ana kwa ana maana upepo uliokuwa umewashwa haukuruhusu bunduki wala chuma yoyote kuwa pale, ilisafisha kila kitu pale.
Afisa aliambatana na mama lao. Kipigo alichokuwa anatoa mama huyu sikuwahi kukidhania lakini kilinifanya nitabasamu, nilitabasamu kwa sababu niliwahi kuwa pembeni ya shujaa huyo.
“Michigani mini office Geti namba saba, yupo huko…. Yupo na faili..” sauti ikaniambia kwa shida sana, nikageuka na kukutana tena na ule mzimu wa maajabu.
Ezekiel!!!
Alikuwa anatabasamu tena.
Nikaanza kupiga kelele nikitafuta wa kumwelewesha juu ya hili!!
Afisa akanisikiliza, akawatambua baadhi ya vijana wake wa kazi ambao walikuwa na nguvu bado. Wakaunda jeshi la dharula, msako wa geti namba saba ukafuata…..
Niliungana na msako huu nikiwa nachechemea, hatimaye tukalifikia geti hilo la vioo.
Amri ikatoka na kundi lote la ukombozi na mateka wetu kutoka kwa wapinzani wakazingira geti namba saba.
Kisha ufumbuzi wa kufungua pale ukafanyika, kwa sababu palifungwa kwa utaalamu, basi ni nguvu pekee ingeweza kufungua, kila kitu kizito kisichokuwa chuma kilitumika kuponda vile vioo. Hadi vilipovunjika vipande vipande.
“Bosiiiiiiii…” alipiga kelele mzee Matata. Huku akiiziba midomo yake. Watu hawakugeuka kumtazama bali walimkazia macho kiumbe aliyekuwa ananing’inia katika mkono wa koti la kuvalia suti, ulimi ukiwa umemtoka nje.
Mzee Matata anamuitaje bosi wake sasa? Nilijiuliza!!
“Sam…… ni huyu…. Ni huyu Kenton!!!” Anitha naye alipiga kelele.
Sikumsikiliza tena baada ya kuliona faili mezani!!
Nikatimua mbio kwa kusuasua hadi nikaifikia meza na kulikwapua faili lile. Faili lenye siri nzito.
Afisa alitoa wazo kuwa tutafute namna ya kutoka nje ya Michigan lakini Ezekiel, yule mwanadamu wa ajabu alininong’oneza kuwa anahitaji kusedma neno kabla hajaaga dunia kwani hali aliyonayo anaijua mwenyewe tu na si vyema akifa huku ameacha utata. Kubwa zaidi aliongezea kuwa kufikia hatua ya bosi yule kuuwawa basi hakuna hofu tena katika chimbo hilo la Michigan.
Upesi nikaisambaza ile taarifa, na nilikuwa nasikilizwa sana. Mimi, Mama lao pamoja na Anitha tulisikilizwa zaidi. Na tuliheshimiwa kama mashujaa hata kabla hatujaimaliza vita hiyo.
Umati ukamzunguka Ezekiel ukimya ukairuhusu sauti yake kupenya. Askari watiifu wakiwa makini kutulinda.

ALVIN….

Niliishi na kufanya kazi michigani kabla haijawaka moto na kuteketea na nikiwa kama mfanyakazi mtiifu sana nililazimika kuyafumbia macho mabaya ili niendane na sera za mkuu wangu wa kazi, ambaye kwa wakati ule nilimtambua kama cheupe (akamwonyeshea mkono yule mzungu mwenye upara niliyemzoea kama cheupe dawa)… lakini baada ya kugundua mambo kadha wa kadha ndani ya jumba la Michigani hasahasa suala la kukamata watoto wasiokuwa na hatia. Nikajisikia nipo hatiani na kuamua kupingana kabisa na mfumo huo, nilijaribu kuwahamasisha wenzangu lakini baadhi walinisaliti na mwisho kunichomea utambi. Bahati nzuri kuna mkuu mmoja alinishtua kuwa nilikuwa hatarini. Nd’o nikatimua mbio mapema kabla ya dhahama. Siku nne baada ya mimi kutoka Michigani, ilichomwa moto na kupotea kabisa huku watanzania wasiokuwa na makosa wakitupwa jela na serikali ikiendelea kumkumbatia mmiliki wa Michigani kisa tu anaongeza pato la taifa kwa sana.
Niliishi kama digidigi ndani ya mji niliozaliwa. Baada ya Michigani kuchomwa ndipo kwa usiri ikaanzishwa Michigani nyingine miezi kadhaa baadaye, niliamini kuwa nimesahaulika tayari hivyo nikaendelea na harakati zangu za kusanua mpango kabambe wa mmiliki wa Michigani. Bwana aliyekuwa muuzaji katika duka la Michigani alikuwa ni jamaa yangu wa karibu na niliwahi kufanyanaye kazi Michigani ya zamani huyu anaitwa Kindo, ni yeye aliyekuwa akinieleza kila kilichokuwa kinaendelea katika duka dogo la Michigani. Alifanikiwa kunipatia picha kadha wa kadha ambazo aliamini kuwa zinaweza kunisaidia, mimi pia nilikuwa na picha zangu zinazoionyesha Michigani. Masawe alikuwa muuzaji mwenzake na Kindo japo yeye hakuwa akifuatilia mambo yetu, kama ilivyo kwamba Ng’ombe wa masikini hazai wakati tunakaribia kufanikiwa kuingia katika himaya ya chini kwa chini ya Michigani ndipo mkuu akashtukia na nikaanza kusakwa huku kindo akitiwa uchizi. Nilifanikiwa kuchukua nyaraka kadhaa muhimu pia funguo chakavu. Funguo ambao niligundua kuwa unaingia karibia kila kitasa. Na ni huu funguo ambao ulifungua jumba hili.
Maisha ya udigidigi yalivyonishinda nikaamua kuelekea Dar es salaam nikiwa na nyaraka zangu.
Ili nisiishi kama digidigi nikaamua kuishi kama Alvin mwingine kabisa, nikalikuta neno Anti likitumika kuwaita mashoga jijini Dar es salaam, na huku nikijua mashoga wanachukiwa sana na mimi nikahitaji kuchukiwa na jamii ili nifanye mambo yangu kimya kimya!!
Na hapo nikajitambulisha rasmi kama Anti Ezekiel, wao wakidhani jina la anti kwangu linasimama kama shoga, kumbe ninamaanisha Mpinga Ezekiel (ANTI-EZEKIEL kwa kiingereza)
Akanyamaza kidogo akivuta pumzi!!

Akaelezea namna tulivyokutana mara ya kwanza na ya pili kisha akaendelea

“Sikuwa na mtu mwingine wa kumuamini basi ule funguo nikamkabidhi yeye, nilitaka kumkabidhi Sam funguo huo usiku mmoja baada ya kutumiwa ujumbe wa kurejea Michigan lakini nikamkuta katika faragha na mkewe, nikasikia kuwa atasafiri siku inayofuata, nikaamua kwenda kuonana naye Ubungo, na nikafanikiwa japo nilikuwa chini ya uangalizi mkali, nilitumia mbinu ya yeye kuupata tu funguo na kwa kuwa ni mwandishi wa hadithi za kipelelezi nikajua lazima atapeleleza tu na sasa yu hapa. amefanikisha” alizungumza haya huku akitokwa na machozi ndani ya tabasamu.
Machozi ya furaha

“Na ni kwa nini unachanganya majina, mara Alvin mara Anti Ezekiel…” afisa alimuuliza swali ambalo alikuwa amelijibu tayari….
“Mimi naitwa Alvin, Anti Ezekiel, hili sio jina bali neno Anti ni la lugha ya kigeni na linamaanisha Mpinga ama kuwa kinyume, yaani mpinga Ezekiel ama mkataa Ezekiel, hivyo mimi namkataa na kumpinga Ezekiel na maisha aliyotaka kuyaleta Tanzania hasahasa Iringa.” Alijibu swali hilo nikastaajabu. Yaani siku zote namtafuta Anti Ezekiel kumbe hata mimi mwenyewe ni Anti Ezekiel!!
Jojina naye akacheka kidogo!! Na yeye alikuwa akimchukia Anti Ezekiel kumbe alikuwa akijichukia?
Na hapo nikatambua kuwa lile jina E.F.Kenton, ile E inasimama badala ya Ezekiel!!
Kufikia hapo sasa nikaamua kulitoa lila faili, mbele ya umati haya yote yalifanyika maana yalikuwa mambo muhimu kwa ajili ya watanzania.

“E.F.Kenton kumbe ndo bosi wa haya yote!!” Mzee Matata alitahamaki, masikio yakageukia kwake wakati akimuelezea Ezekiel Kenton kama mmiliki wa gazeti ambalo alikuwa anafanyia kazi huko!!
Aliezea zaidi hatua ya yeye kufukuzwa kazi na kufungiwa kazi baada ya kuandika makala kuwa Sam ameonekana mjini!!
“Kumbe nilikuwa namtumikia shetani!!!” alimalizia mzee Matata kwa masikitiko.

Nami sikungoja tutoke nje ya ngome ile, nikaamua kulifunua lile faili na kuumakinisha umma ukatulia na kunisikiliza nikielezea

MKAKATI WA KUDUMU KUIFANYA TANZANIA NCHI TEGEMEZI.

Hicho kilikuwa kichwa cha habari kikubwa zaidi.
Ndani ukaelezewa ule mkakati kwa urefu!

Nchi zilizoendelea ama nchi za dunia ya kwanza zilikuwa katika mkakati wa kuua nguvu kazi ya taifa kwa kuwapunguza vijana na kiasi cha kuzaana.
Mkakati huu ulikuwa na dhima ya kuzifanya nchi masikini kuwa masikini zaidi ili kuwezesha uhuru linapokuja suala la uwekezaji. Kama wakishindwa kujizalishia mali zao wenyewe basi kwa namna yoyote watakuwa tayari kuruhusu nchi za kigeni kuwekeza kwa kadri ziwezavyo jambo ambalo litaongeza pato kwa nchi zilizoendelea. Na kuongeza tatizo la umasikini katika mataifa masikini, Tanzania ikiwa mojawapo.
Mkakati nambari wani waliouanzisha ulikuwa ni kuongeza idadi ya ndoa za jinsia moja hasahasa wanaume kwa wanaume.
Mkakati ambao waliamini utazaa matunda sana, maana kwa wanaume kuoana basi vijana watapungua na si kupungua tu, ndoa zaj insia moja hazizai mtoto hivyo, idadi ya watu ingepungua pia. Kupitia mkakati huu ilimaanisha kuwa mwanaume aliyeolewa nd’o mwisho wa utendaji kazi wake!!
Mkakati huu ukaenda mbali zaidi na kuhamasisha maandamano ya kuomba haki kwa wanaume wanaotetea ndoa za jinsia moja. Maandamano haya yasingewezekana ikiwa idadi ya wanaounga mkono ndoa hizi ikiwa ndogo!!
Mkakati huo ukaanzia kwa watoto, yaani wanakamatwa wakiwa wadogo kisha wanafunzwa vitendo vya kishoga na wakishakomaa wanaachiwa huru wakachafue hali ya hewa mtaani. Hii ingewasaidia kuwa na idadi kubwa sana ya wanaounga mokono upuuzi huo.
Na iwapo yangetokea maandamano basi nchi zenye sauti duniani ambazo tayari zimeyaruhusu mambo haya zingeingilia kati na kufanya ziara za kuhoji juu ya maandamano hayo yanayohatarisha amani.
Kwa sababu nchi hizo zina sauti kubwa sana na pia zikiwa zimewekeza mamilioni katika ardhi ya Tanzania basi mkuu wa nchi hatakuwa na sauti na badala yake atasikiliza ni kitu gani wao wanataka!!
Na hapo ndoa za jinsia moja zitaanzishwa rasmi na kuruhusiwa!!
Huu unakuwa mwisho wa mkakati huu thabiti!! Katika namna ya mafanikio makubwa!!
Mwanzo wa mkakati huu ukawa kuanzisha kambi ya kwanza ambayo itaanzishwa kama hoteli kubwa ya kifahari lakini lengo kuu likiwa kuwa kambi ya kuanzia mkakati.
Na hapo ikaanzishwa MICHIGANI ya juu ambayo ilitoa ajira kwa wananchi wengi hasahasa wakazi wa Iringa!!
Hoteli ilivyokamilika, likaanza tatizo la watoto kupotea kimyakimya!! Ili lengo lisijulikane wakawa wanawachukua watoto wa kike na wa kiume!!
Vilio vikasikika na kupotea bila msaada wowote ule kutoka serikalini.
Akina mama wakasahau juu ya watoto wao!! Hawakujua kama wanapelekwa Michigani kuandaliwa kuwa mashoga!
Wazee wa kimila na wakongwe wa mji wakalitilia mkazo tatizo la watoto kupotea mara kwa mara tena kwa wingi na wasionekane tena.
Mzee mmoja akatilia mashaka Michigani, mwanzoni akapingwa lakini mwishowe akakubaliwa, malalamiko yakapelekwa kituo cha polisi, polisi wakaenda kufanya upelelezi bila mafanikio.
Kikafuata kipengele cha mkakati wa kuitokomeza Michigani. Nakala ile ikaelezea vikao kadhaa vilivyokaa na hatimaye kuamua Michigani iteketezwe!
Kambi ya juu ikateketezwa makusudi, wale wazee walioleta malalamiko wakashukiwa kuhusika katika uteketezaji. Sheria ikachukua mkondo wake!
Wengi wao wakafia jela! akiwemo baba yake Anitha.
Kambi ya chini kwa chini ikaanzishwa kwa siri baada ya ile ya Michigan juu kuonekana ipo wazi sana na muda wowote itafichuka.
Baada ya vipengele vingi ambavyo vilihitaji umakini sana kuvielewa hatimaye nikakifikia kipengele cha muhimu ambacho tuliwahi kukitafsiri kama UKIMJUA UNAPOTEZWA.
“Yeyote atakayepingana na sera za Ezekiel lazima aidha auwawe ama kuteswa hadi afe….(For any Anti- Ezekiel side .…..)” ilijieleza hivyo! Nilijikuta najiuliza kama niliewahi kukubaliana na sera yake!
La! Sijawahi hata siku moja kukubaliana na sera ile kwa hiyo nikajitambua rasmi kama Anti Ezekiel. Kumbe wakati wote huo nahangaisha akili yangu kumtafuta Anti ezekiel nilikuwa najitafuta mimi mwenyewe, kumbe hata mama lao ni Anti Ezekiel pia na Anitha vilevile ni Anti Ezekiel. LABDA HAYA WEWE!!
Ilistaajabisha.
Kumtafuta mtu asiyekuwepo na baadaye kugundua kuwa unajitafuta mwenyewe!!

WATOTO wadogo walielezea walichokuwa wanafundishwa ndani ya jengo lile kubwa!! Walikuwa wanafundishwa uchafu tupu lakini ilikuwa bahati kubwa sana walikuwa hawajabobea katika mambo hayo. Ilisikitisha sana kumsikiliza mtoto mmoja kwa jinsi alivyoweza kujieleza vyema jinsi alivyokamatwa kwa kulaghaiwa kisha kuingizwa katika ngome ile. Akaelezea namna walivyoanza kufundishwa kuishi kama wanawake!!..... aliongea sana na waliomsikia walitokwa machozi.
Akiwa bado anaendelea kuongea nilimwona mwanamke akimkimbilia na kumkumbatia. Na hapo nikabaini kuwa alikuwa ni Jojina!! Akamtoa yule mtoto pale alipokuwa amesimama na kusogea naye kando.
“Justin….” Niliita, yule mtoto akanitazama.
Naam! Alifanania vyema kabisa na Jojina!!
Alikuwa ni mtoto wake wa pekee ambaye alitekwa miezi kadhaa nyuma na kuhisiwa kuwa alipotea katika mambo ya kishirikina.

Tayari askari watiifu walikuwa wameongezeka kwa wingi na eneo lote lilikuwa katika ulinzi wa hali ya juu.
Mwisho tukatoweka bila kipingamizi chochote, Michigani ilikuwa wazi hapakuwa na wa kutuzuia, tukawatoa majeruhi wetu wote, simu zikapigwa na kupata msaada wa haraka kutoka serikalini.
Afisa aliamuru watuhumiwa wote waingizwe katika karandika na baada ya hapo mashahidi tulioonekana kuwa tuna ulazima wa kuhudhuria katika mlolongo wa kesi hiyo tuliambatana nao pia!


KIHITIMISHO!


MAKABURI ya Morogoro mjini yalinipokea kwa simanzi kubwa sana, mama lao na Anitha walinisindikiza. Anitha akiwa amembeba Eva ambaye alikabidhiwa kwangu kutoka katika hifadhi ya serikali muda wote ambao nilikuwa natafutwa… Nilipiga hatua za kinyonge sana hadi nikalifikia kaburi la kwanza.
Hili lilikuwa la mama yangu! Nikazungumza naye kwa kina.
“Mama mwenye upendo na msimamo, mama uliyekuwa radhi kunipigania mwanao, mama ambaye umeniamini hadi nukta ya mwisho, mama ambaye umeteswa mpaka kifo chako huku neno lako la mwisho likiwa ‘nakupenda Sam’.. ulazwe pema peponi mama. ” machozi yalikuwa yakinichuruzika, nikamgeukia Anitha naye alikuwa analia kwa uchungu, Jojina alikuwa anaonekana dhahiri kuwa anajikaza tu lakini alikuwa kwenye uchungu mkubwa sana!!
Nikahama kutoka pale na kujumuika na familia ya mama Eva, tukasogea hadi katika kaburi alilopumzika mke wangu mpenzi. Niliyebahatika kumwona akiwa hai lakini hoi sana akitolewa katika chimbo la Michigani, jitihada zikazidiwa na uwezo wa Mungu. Akaamua kumtwaa.
“Wewe mwanamke ambaye ulinibadilisha mitazamo yangu, ukautwaa utoto na ujana wangu na kunifanya mtu mzima. Hukufaidi sana matunda ya harakati hizi lakini amini kuwa bila wewe huenda hata nisingefanikisha zoezi hili gumu, asante sana kwa mtoto uliyeniachia, najua atalia sana lakini hatuwezi kubadili ukweli huo kuwa haupo nasi tena.
Ulazwe pema peponi mama Eva!!
Nikatoweka pale, sasa Jojina na anitha wakiwa wamenishilia mikono yangu, tukarejea garini alipokuwa amelala Eva, nikaingia na kumpakata. Jojina akashika usukani, safari ya kuelekea Dar es salaam.
Huko tukakutana na taarifa katika vyombo vya habarai!!

Watumishi wa marehemu Ezekiel ambao wote waliutumikia mkakati wa kudumu walihukumiwa vifungo vya maisha jela. Hili lilikuwa jema sana kwa kila mpenda amani na mzalendo katika nchi yake.
Bwana Masawe aliachiwa huru baada ya kukosa hatia!!
Hilo lilinifurahisha pia.
Na mwisho majina kadhaa likiwemo jina langu yalitajwa kwa ajili ya kwenda ikulu kuonana na mheshimiwa raisi.

Baada ya siku kadhaa!!
Anitha akarejea chuoni huku akipewa heshima kubwa ya kuwa mwanaharakati, heshima hiyo pia ilituzwa kwa Jojina, na mimi pia! Si tu kwa nishani alizotuvika raisi la!!
Nilimsamehe mzee Matata na mkewe kwa imani waliyopoteza kwangu, Enock na mkewe pia waliupata msamaha wangu pasi na kinyongo!!
Kwa jiji la Dar es salaam, mama lao akiwa amerejea Tanga, Anitha akabaki kuwa mtu wangu wa karibu zaidi.
Mazoea yakazaa tabia, tukawasiliana kwa ukaribu zaidi hadi Eva akalitambua hilo. Akampenda Anitha naye Anitha akampenda haswa.
Mzee Matata na mkewe ni kama walitarajia kuwa itakuwa hivyo. Walisema kiutani wamkidai kuwa tunaendana sana….
Naam kweli ikawa!! Na wao wakabariki.
ANITHA AKAGEUKA KUWA MAMA EVA!!!


JIFUNZE: DUNIA ina mapito mengi, ukijikwaa na kuanguka amini kuwa haujaanguka moja kwa moja, zipo njia zaidi ya milioni moja za kusimama tena. Usijaribu njia moja tu na kusema nimeshindwa kusimama nami nitakuwa wa kulala milele. Jaribu njia zote.
Amini hazitafika njia kumi bila ya wewe kusimama tena!!
Mungu anaziona jitihada zetu kwa jicho la huruma, jaribu kufanya ukishindwa yeye yupo kusaidia!! Yapinge yale yasiyopendeza kwa taifa na usoni mwake pia……
Naupinga USHOGA na tabia zote za zinazofanania hivyo.
Mimi ni ANTI - EZEKIEL…. WEWE JE?

MWISHO!
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register