Makapuku Forum

[Shunie]

 

[park don]

#makapuku uzi wetu

 

[Shunie]

Duncan Nyoni, amenifanya ni ukumbuke ule mguu wa Pirlo ukiwa chini ya himaya yake. Jamaa ana matumizi mazuri sana katika mguu wake wa kushoto, unaweza kusema amekuja pacha wa Rally Bwalya.

Nyie njoeni muone huku kifaa chetu kipya

 

[Shunie]

Raundi ya 32 - CAF Champions League 2021/22
.
Mabingwa watetezi, Al-Ahly watakutana na mshindi kati ya Union Sportif Gendramari (bingwa wa Niger) dhidi ya Le Messanger (bingwa Burundi)
.
Zamalek inakabiliwa na mshindi kati ya Tusker ya Kenya na Arta Solar Dj ya Djibouti.

 

[Nigendako]

hahahaha mimi padre....

Hahahah na bado

 

[Lee]

Hahahah na bado

mjomba kwema lakini ?

 

[Shunie]

Miji mitano mikubwa katika jimbo la katikati mwa China, Hubei, imetangaza hali ya hatari baada ya mvua kubwa kukatiza huduma ya umeme na kubomoa nyumba kadhaa na kupelekea Watu wapatao 6,000 kuhamishwa.

Kwa mujibu wa Wizara ya Usimamizi wa Hali ya Dharura ya China, baadhi ya Miji kwenye Jimbo hilo ilikumbwa na mvua yenye ujazo wa hadi milimita 400 jana Alhamisi.

Shirika la Habari la China News Service linasema zaidi ya Mabwawa 770 ya kuhifadhia maji yalipindukia ujazo wake wa kawaida.

Hali mbaya ya hewa kwenye Jimbo hilo imeshabomoa zaidi ya nyumba 3,600 na hekta 8,110 za mazao ya chakula na biashara.

Katika jimbo jengine la kusini magharibi la Sichuan, Watu wapatao 80,000 wamehamishwa, huku mvua kubwa ikisababisha Watu 300 kupoteza maisha katika Jimbo la Henan mwezi uliopita.

 

[Shunie]

Mahakama ya Juu nchini Brazil imeanzisha uchunguzi dhidi ya Rais wa Nchi hiyo kwa kutuma kwenye mitandao ya kijamii nyaraka za uchunguzi wa siri wa Polisi.

Jaji Alexandre Moraes ameamuru kuwa Rais Jair Bolsonaro achunguzwe kwa kuziweka hadharani nyaraka ambazo zilikuwa zinahusiana na uchunguzi wa Polisi juu ya kudukuliwa kwa Mahakama ya uchaguzi.

Udukuzi huo ulifanyika miezi kadhaa kabla ya uchaguzi wa mwaka 2018, ambapo Bolsonaro anasema alizituma mtandaoni kuthibitisha hoja yake kuwa mfumo wa uchaguzi unaweza kufanyiwa ubabaishaji.

Jaji Moraes amemuamuru Rais Bolsonaro kuzifuta nyaraka hizo mtandaoni na pia kuondolewa kwa Polisi aliyeongoza uchunguzi huo.

Kupitia matangazo yake ya kila wiki mtandaoni, Bolsonaro amesema kuwa nyaraka hizo zinapaswa kuwapo hadharani kwa kuwa ni jambo lenye maslahi ya umma.

 

[Shunie]

PART I:

Aliyekuwa DC Hai Lengai Ole Sabaya anayetuhumiwa kwa kosa la unyang’anyi wakutumia silaha akiwa na wenzake wawili ameanza kujitetea na kusema bado yeye ni Mtumishi wa Serikali na kwamba aliagizwa na aliyemteua (Hayati Magufuli) kwenda kwenye duka lililopo Mtaa wa Soko Kuu Arusha.

Akiongozwa na Wakili wa utetezi Moses Mahina mbele ya Hakimu Orira Amworo amesema aliteuliwa na aliyekuwa Rais wa Tanzania Hayati John Magufuli ambapo alikuwa chini ya kiapo cha utii wa katiba kutotoa siri yeyote anayoifahamu katika majukumu yake ila tu idhini ya Rais aliyemteua pekee.

Amesema Utumishi wake wa Ukuu wa Wilaya ulikoma May 12, 2021 baada ya Rais wa Tanzania Samia Suluhu Hassan kutoa taarifa hiyo ya kumsimamisha ili kupisha uchunguzi wa tuhuma zilizokuwa zikimkabili lakini kwa mujibu wa sheria za Utumishi wa umma bado ni yeye Mtumishi wa serikali

Sabaya anasema February 2, 2021 akiwa DC ya Hai aliongoza kikao cha kamati ya ulinzi na usalama katika Wilaya ya Hai, Sabaya amesema hawezi kueleza mahakamani hapo kilichokuwa kinajadiliwa kwenye kikao hicho kwa kuwaa ni siri, sehemu ya pili, ya tatu, ya nne, ya 5 na ya 6 ya habari hii zipo kwenye post zinazofata.

 

[Shunie]

PART II:

Aliyekuwa DC wa Hai, Lengai Ole Sabaya ameendelea kusimulia Mahakamani kwamba majira ya saa tisa kasorobo (akiwa DC Hai) alipokea simu kutoka kwenye mamlaka iliyomteua nakumpa maelekezo kuna watu wameshuka uwanja wa KIA uliopo wilaya ya Hai Mkoani Kilimanjaro na kwamba wanapaswa kwenda nao Arusha.

Sabaya anasema baada yakuwachukua Watu hao walipanda kwenye gari lake nakuongozana nao wakiwa na magari mawili kuelekea mkoani Arusha kwakuwa walikuwa tayari wameshapatiwa taarifa zote na kwamba walikuwa na Watu wanne.

Baada ya kufika Arusha walienda eneo husika la soko kuu walilokuwa wamepangiwa na walipofika hawakumkuta waliokuwa wakimtafuta ambapo walifanya mawasiliano na mamlaka iliyowapa maelekezo ambapo baadaye mamlaka ikamuambia wameshawasiliana na aliyekuwa DC Arusha Kenan Kihongosi nakutakiwa kuwachukua Watu hao kuwapeleka kituo cha polisi ili kuwezesha upatikanaji wa Mtu huyo waliyekuwa wakimtafuta anayefahamika kwa jina la Mohamed Saadi Hajirin

Sabaya anasema aliwachukua Watu hao baada yakufunga duka lao huku mali zao zikiwa salama nakuhakikisha nakuwapeleka kituo cha Polisi na kuwakabidhi na kuwaambia maelekezo mengine tayari ameshapewa aliyekuwa DC Arusha Kenan Kihongosi.

 

[Shunie]

PART III:

Sabaya ameendelea kusimulia Mahakamani leo kuwa hawezi kuwakumbuka kwa majina aliowapeleka Polisi na hawakuwa wamiliki wa duka hilo bali ana fahamu kuwa wana mahusiano na aliyekuwa akitafutwa, Sabaya amesema hawezi kuwataja Watu aliokuwa nao kwa sababu ilikuwa kazi maalumu na ndio maana wengine hawapo kwenye shtaka hilo.

Sabaya amesema anapopewa kazi ya namna hiyo huwa anashirikiana na Vyombo vyote vya dola vya Jamhuri ya Muungano wa Tanzania.

Sabaya amesema anayeweza kufahamu kwa nini alitumwa Arusha na Mamlaka iliyomteua ili hali kuna Polisi, TAKUKURU na uongozi ni Mamlaka iliyomtuma kwa kuwa si mara ya kwanza kwani miezi michache iliyopita alitumwa kufanya operesheni ya kukamata mitambo.

Anasema walifanikiwa kukamata mtambo wakutengeneza noti bandia eneo la Chanika Dar na Gavana wa Benki Kuu anafahamu na Waziri wa Fedha kwa kipindi hicho ambaye ni Makamu wa Rais wa sasa Dr. Mpango anafahamu suala hilo.

 

[Shunie]

PART IV:

Sabaya amesema asingeweza kuibishia Mamlaka iliyomteua ambayo ilimpa kazi (kufanya operesheni Arusha na Dar) kwakuwa Mamlaka hiyo ilimpa kazi nyingine ya kufuatilia kampuni ya Q Net mkoani Mwanza ambayo ilikuwa inachukua fedha za Walimu kwa madai ya kupanda mbegu.

Sabaya amesema shtaka la unyang’anyi wakutumia silaha inayomkabili katika mtaa wa bondeni sio la kweli kwa kuwa tarehe February 09,2021 hakufika eneo hilo na hakuwa na mshtakiwa wa pili na watatu ambao wanashtakiwa nao kwenye kesi hiyo.

Sabaya amesema hawafahamu kabisa mshtakiwa wa tatu Daniel Mbura na hajawahi kuwaona kabisa na fedha hizo milion mbili laki saba na elfu sitini na saba elfu zilizoandikwa kwenye shataka hazifahamu na wala hajawahi kuziiba na hakuna shahidi yeyote kati ya 11 aliyesema alimuona akiwa anaiba fedha.

Amesema Mashahidi waliofika Mahakamani hapo wamesema tarehe 12, 2, 2021 waligundua wizi wa mashine za EFDS na nyaraka nyingine na hakuna sehemu waliposema tarehe 2 February.

 

[Shunie]

PART V:

Sabaya ameendelea kusimulia Mahakamani kuwa hamfahamu Mohamed Saadi Hajirin aliyetajwa Mahakamani hapo na hajawahi kumuona akisema aliibiwa fedha ila anayefahamika kwa jina la Mohamed Saadi ambaye ametajwa kwenye hati ya mashtaka hajawahi kumsikia akisema aliibiwa fedha hizo na hakuna shahidi yeyote aliyeleta kielelezo mahakamani kikionyesha fedha hizo ziliibiwa

Sabaya amesema Mashahidi walioletwa na Jamhuri Noman saadi na wengine waliodai kutishiwa na silaha ili watoe fedha amesema hakuna sehemu aliyosema alimuona Mtu kama yeye akiiba fedha.

Sabaya amesema maelezo ya Mkuu wa Upelelezi wa Wilaya ya Arusha Venance Bakwisa yana mashaka kwa kuwa alisema alitoa p3 mbili ile hali p3 iliyoletwa Mahakamani ni moja ya diwani wa Sombetoni Bakari Msangi.

Sabaya amesema hajawahi kukutana na Msangi popote na wala hajawahi kumpiga lakini anamfahamu kwa kuwa mwaka 2017 Februari aligombea nae nafasi ya Mwenyekiti wa UVCCM mkoa wa Arusha ambapo alimshinda yeye na wenzake na baada ya hapo alimteua kuwa Mjumbe wa Baraza hilo la Vijana kwenye mkoa wa Arusha.

 

[Shunie]

PART VI:

Sabaya ameendelea kusimulia Mahakamani kwamba Bakari Msangi waliungana na kundi lililokiwa na uchu na mali ya CCM na kutengeneza mgogoro wa kisiaasa nakupelekea kupelekwa Mahakamani na baadaye Rais kuunda Tume na kesi hiyo kufutwa na DPP.

Amesema siku ya tukio tarehe 9 February hakuwa kumpiga wala kukutana nae popote na maelezo ya Mke wa Msangi yanatofautiana na ya Msangi kwa kuwa Msangi anadai alikuwa na laki nne akanunua mapapai ya shilingi elfu 10 akabakiwa na laki tatu na tisini lakin Mkewe anadai alikuta mapapai mawili tu nakubakisha laki tatu na tisini na tano tu

Sabaya amesema ana miliki silaha na siku ya tukio aliacha boma ngombe na hajawahi kuitwa kuhojiwa Polisi kuhusu silaha anayomiliki na wala hajawahi kupekuliwa nyumbani.

Sabaya amesema kwenye hati ya mashtaka anashatakiwa kwenda mtaa wa bondeni kuibia Watu lakini mashahidi wanazungumzia tukio hilo limefanyika kwenye duka

Kesi hiyo imeahirishwa hadi August 16, 2021 ambapo Shahada huyo ambaye ni mshtakiwa namba moja ataendelea kutoa ushahid wake.

 

[Shunie]

Maandalizi mazuri ya msimu yanaanzia hapa.

Simba Nguvu Moja

 

[Shunie]

Shirikisho Afrika: Azam FC wapelekwa Mogadishu
.
Azam FC wamepangiwa kukutana na klabu ya Horseed ya Mogadishu, Somalia
.
Balaa lilipo ni mshindi wa mechi hiyo atakutana na wababe Pyramids FC ya Misri

 

[Shunie]

CAF CHAMPIONS LEAGUE 21/22
.
YANGA VS RIVERS UNITED
.
Wananchi mikononi mwa Wanigeria

 

[Shunie]

Shirikisho Afrika: Biashara United wapelekwa Djibouti
.
Wanajeshi wa mpakani, Biashara United wamepangwa kukutana na FC Dikhil ya nchini Djibouti.

 

[Shunie]

CAF CL|

Kwenye timu kumi ambazo hazitoshiriki hatua za awali kwenye Ligi ya mabingwa ni timu moja tu ambayo haijawahi kutwaa kombe, nayo ni Simba

Mafanikio makubwa ndani ya muda mfupi sana kwa klabu ya Simba

 

[Shunie]

KOMBE LA SHIRIKISHO AFRIKA|

BIASHARA VS FC DIKHIL

AZAM VS HORSEED SPORTS CLUB