Wewe ulijuaje habari za Mungu bila dini?
Sio lazima kujua habari za Mungu kupitia dini.
I can tell you about myself. Mimi nimezaliwa kwenye familia ya dini lakini nilikua siamini hizo mambo kabisa.
Imani yangu ilikua ni kupata utajiri kwa njia yoyote ile. Nimekaa miaka saba sijawahi kuingia kanisani.
Nilikua ni mlevi, mvuta bangi na wale vijana wa makundi namimi nilikua ndio kundi lenyewe, thanks God alinipa akili ya kujitambua tuu.
Nikiwa chuo mwaka wa kwanza mimi nimeuza bangi sana, na hiyo ndio ilikua plan ya kuutafuta utajiri. Club zote maarufu Dar kwa miaka ya 2010-2014 ndio vilikua viwanja vyangu. Nimeshinda sana club sansiro, bilcanas na pale sinza africasana pamoja na ambiance.
Mungu aliingilia kati nikajikuta nimeokoka pasipo mtu yoyote kuniambia okoka. Hapa ndipo nilimjua Mungu.
Baada ya kuokoka nilipata amani ambayo sijawahi kuiona maishani mwangu, Yaani amani ambayo siwezi kumsimulia mtu akaelewa. Hicho ndicho kitu pekee Cha tofauti nilikigundua baada ya kuokoka.
Ukijifunza wapi habari za Mungu?
Niliokoka kanisani na hiyo ndio ilikua njia ya kujifunza habari za Mungu.
Baada ya kuokoka nilikua nakwenda kanisani vizuri tuu na pia nilikua najifunza mahubiri ya mchungaji wangu. Lakini sio Kila alichokuwa anahubiri mchungaji nilikipokea kama kilivyo. Na hapa ndipo ilianza safari nyingine mpya ya Mimi kumjua Mungu zaidi.
Nilianza kusoma biblia Mimi binafsi na pia nilianza kuyachunguza maandiko.
Wachungaji wengi wanafundisha watu habari za mbinguni tuu kitu ambacho sio kweli. Mungu angekua anataka twende mbinguni basi angetuua wote ili twende mbinguni tukapumzike na kukuthibitishia hili wewe nenda kasome biblia Kuna mahali katika kitabu Cha Yohana Mtakatifu YESU anatoa ripoti kwa baba yake ambaye ni Mungu anamwambia "SISEMI KWAMBA UWATOE DUNIANI LAKINI WAPE USAIDIZI" hivyo tunapookoka ni kwamba tunafanyika watoto wa Mungu na kwa hilo tunapewa usaidizi wa kutenda jambo lolote hapa duniani, Sawa sawa na neno katika Wakorinto linasema "NAYAWEZA MAMBO YOTE KATIKA YEYE ANITIAYE NGUVU".
Kuhitimisha naweza kusema kwamba dini ni msingi wa kumjua Mungu lakini sio lazima ujifunze kupitia dini, wewe soma biblia na Roho Mtakatifu akuongoze bhasi.
Nasema soma biblia kwasababu hapa katika maisha ya kawaida ni Kuna watu wanajua vitu vingi na shule hawajaenda Wala Nini.
Nimalizie kwa kukuuliza swali kwani alieandika mitaala ya shuleni na vitabu yeye alifundishwa na nani? Ukipata jibu hapa bhasi jua kwamba hata Mungu unaweza kumjua pasipo kupitia hiyo njia ya dini.
Imagine watu wanaojinasibu na Mungu wana tabia kama hizo
Mkuu ni lazima uelewe kwamba dini ni Mpango wa mwanadamu kumtafuta Mungu. Lakini pia katika dini yamejaa maslahi ya mwanadamu kwa kutumia jina la Mungu. Nitakupa na mifano yake
Mosi: Wakoloni walitawala Africa pamoja na America kwa kutumia njia ya dini. Kasome historia ya Marekani na ukoloni.
Pili: Dini zinatumika kwa maslahi ya watu ili kuuza silaha, Zingatia wale watu walioaminishwa kwamba wakifa wanapigania dini wataenda peponi.
Tatu: Dini ni chanzo Cha mapato hasa hasa nchi za Africa, angalia wachungaji wanavyomiliki Mali za ajabu huku waumini wao wakikosa nauli na wengine wanalala njaa. Waumini wanajenga shule, mahospitali lakini wanashindwa kusomesha watoto wao wala kutibiwa katika hospital walizozijenga wao wenyewe.
Nne: Dini zinatumika kama chanzo Cha taarifa za kijasusi. Zamani wakati wa utawala wa Roma ilikua ngumu sana kupata taarifa za mauaji na hasa hasa mauaji ya Siri hivyo wakaja na mbinu inaitwa kitubio. Kwamba waumini wa Roman Catholic wanatakiwa kwenda mbele ya padri na kukiri dhambi zake zote na huu utaratibu Hadi Leo unaendelea katika kanisa la Roman. Hii ilikua ni mbinu ya kupata taarifa za uhalifu pasipo watu kujua. Zingatia zamani hizo dini ilikua ni Moja tuu ambayo ndio Roman Catholic church
Tano: Serikali za Dunia nzima zinafaidika sana na uwepo wa dini kwasababu dini zinawapa watu matumaini hivyo kupunguza mzigo wa mashinikizo kwa serikali na pia wanasiasa wanapata unafuu. Ndio maana hapa bongo utaona wanasiasa wetu hawaishi kwenda makanisani na Kuna muda unasikia serikali imewapa kanisa Fulani fedha au Kuna wachungaji Fulani Fulani wamepata milungula. Zingatia fedha za Escrow mpaka wachungaji na mapadri walipata gawio😂😂😂🤗
Yapo mengi sana ya kuandika lakini naomba niishie hapa, huku nilipo mvua inanyesha sana Leo na shughuli zangu zinasuasua.
Sasa mkuu vitabu vitakatifu si vimetokana na dini?
Hapana dini ndio zimetumia vitabu vitakatifu kujianzisha. Binafsi sijawahi kuisoma kuruani ila nikisikiaga baadhi ya mahubiri ya masheikh huwa naona kuruani na biblia tofauti yake ni ndogo sana.
Kwenye biblia anaitwa YESU kwenye kuruani wanamwita Issa bin Mariam.
Manabii wengine wote pia waliopo kwenye biblia wanatambulika katika kuruani pia.
Ukitaka kujua historia ya dini inabidi ukasome historia ya Roma Empire. Roma empire imetawala Dunia muda mrefu sana na Roman Empire ndio chanzo Cha dini na dini ya kwanza kabisa ni Roman Catholic Church.
Achana na Uyahudi, uyahudi ilikua ni tamaduni za watu wa Israel na ndio maana hata Pilato alikataa kumuhukumu Bwana YESU.
Kwa kifupi dini ya kwanza ni Roman Catholic church, ikafuatia dini ya Lutheran, Martin Luther alianzisha Lutheran church baada ya kuona Roman inatumika kukandamiza watu. Yaan Roman ilitumia biblia kuwatumikisha watu na ndio maana waumini wa Roman Catholic hadi Leo hawana utamaduni wa kusoma biblia. Yaani wao biblia anaisoma padri tuu bhasi.
Baada ya Martin Luther dini iliofuatia ni Anglican na hii dini alikuja baada ya Mfalme wa Uingereza kutaka kuoa mke mwingine na Roman Catholic church wakamkatalia hivyo Mfalme wa Uingereza aliamua kuanzisha kanisa lake na kuwaamuru waingereza wote kusali katika kanisa lake. Anglican church ndio kanisa la kwanza duniani kuruhusu ndoa za jinsia moja binafsi hata sikushangazwa kutokana na historia yake.
Hivyo dini hazikuleta vitabu vitakatifu Bali dini zinatumia vitabu vitakatifu.
