Kisa cha Waziri Ngeleja na Mlinzi kwenye ATM

Ochu

JF-Expert Member
Joined
May 13, 2008
Messages
974
Likes
11
Points
35

Ochu

JF-Expert Member
Joined May 13, 2008
974 11 35
Ngeleja azua tafrani ATM

  • NI BAADA YA KUTAKIWA AWAPISHE WATEJA
Sadick Mtulya

WAZIRI wa Nishati na Madini, William Ngeleja, juzi alizua tafrani kwenye mashine ya kuchukulia fedha (ATM) ya benki ya Standard Chartered, jijini Dar es Salaam baada ya kutaka kumchapa makonde mlinzi wa mashine hiyo, Pascal Mnaku.

Habari zilizolifikia gazeti hili jana na kuthibitishwa na mlinzi huyo wa kampuni ya Ultimate Security, zimeeleza kuwa tukio hilo lilitokea juzi saa 3:00 asubuhi kwenye jengo la Habour View, maarufu kama JMall.

Mnaku aliliambia gazeti hili kuwa alinusurika kupigwa na waziri huyo kijana aliyekuwa akizungumza na simu ndani ya kibanda hicho, baada ya kumtaka atoke kuwapisha wateja wengine kupata huduma hiyo.

Mnaku alisema waziri huyo alikuwa anatumia muda mwingi kuzungumza na simu ndani ya mashine hiyo badala ya kuchukua fedha wakati msururu mrefu wa watu ukiwa unamsubiri atoke.

"Kwanza mimi sikujua kwamba mtu niliyemwambia awapishe wateja wengine ni waziri. Ni kweli nilimfuata na kumwambia awapishe kwa sababu alikuwa anatumia muda mwingi kuzungumza na simu, wala sikuwa na nia nyingine yoyote mbaya dhidi yake," alisema Mnaku na kuongeza:

"Lakini, waziri huyo ghafla aligeuka na kuanza kunifokea akiniambia wewe unanijua mimi nani?... hunijui mimi! na kunitusi, (matusi yasiyoweza kuandikika)."

Mnaku aliendelea kueleza kuwa; "Kutokana na hali hiyo nilipomjibu kwamba, mimi sikuwa na nia mbaya na nilifanya vile ili wateja wengine wapate huduma".

Aliongeza: "Baada ya kumwambia hivyo akazidisha ukali, lakini watu walipoanza kukusanyika, huku wengine wakimwomba radhi kwa kumtaja jina, alianza kupunguza hasira na kuondoka".

Kwa mujibu wa mlinzi huyo, baada ya tafrani hiyo iliyodumu kwa takribani dakika nane, Waziri Ngeleja aliondoka na baadaye kunako majira ya saa 7:00 mchana uongozi wa kampuni yake ya ulinzi ulimwondoa katika kituo hicho cha kazi na kurudishwa makao makuu.

Alisema saa 9:30 jioni, alichukuliwa na uongozi wa kampuni hiyo na kupelekwa ofisini kwa Ngeleja kwa ajili ya mazungumzo zaidi.

"Baada ya kutokea kwa tukio saa 9:30 jioni wakuu wangu walinipeleka ofisini kwa Ngeleja na kisha akazungumza mengi ambayo siwezi kukuambia na baada ya hapo wakuu wangu wakamuomba msamaha kwa niaba ya kampuni," alisema Mnaku.

"Na kwa sasa maelekezo niliyopata kutoka kwa waajiri wangu ni kwamba, wanalifanyia upelelezi suala hili hivyo hatima ya kibarua changu kinategemeana na majibu ya upelelezi huo," alisema Mnaku

Mashuhuda wa tukio hilo walilieleza gazeti hili kuwa hali hiyo ilijitokeza baada ya Mnaku kuwahamishia wateja kutoka katika mashine ya ATM ya Barclays iliyoko katika jengo hilo ambayo wakati huo ilikuwa imeishiwa fedha.

"Baada ya Mnaku kuona mashine ya ATM ya Barclays kuwa haina fedha, ndipo akalazimika kuwaambia wateja wakatumie ATM ya Standard Chartered ambayo wakati huo Waziri Ngeleja alikuwa anaitumia na huku akizungumza na simu," alisema shuhuda mmoja ambaye hakutaka jina lake liandikwe.

Shuhuda huyo alisema baada ya Mnaku kumtaka waziri kuwapisha wengine, ghafla na huku akiwa na hasira, Waziri Ngeleja alisema: "Ina maana hunijui mimi, hujui nafasi yangu, halafu...tusi," alisema shuhuda huyo.

Shuhuda huyo aliongeza: "Kutokana na maneno hayo, Mnaku akamjibu kwa kujitetea kwamba, mimi nimekuomba uwapishe wateja wengine, sikuwa na lingine".

Habari zaidi zinadai kwamba, katika kikao na waajiri wa Mnaku, Ngeleja alisema: "Siwezi kumsamehe (Mnaku) mpaka atakapopewe adhabu kali."


kazi ipo
 

Attachments:

Pdidy

JF-Expert Member
Joined
Nov 22, 2007
Messages
37,285
Likes
6,729
Points
280

Pdidy

JF-Expert Member
Joined Nov 22, 2007
37,285 6,729 280
huyu waziri ana mapepo sana;anatumia madaraka yake vibaya
Siku moja nikiwa mwanza usiku wa manane na ATCL tumeshapanda muda
umefika wa kuondoka;ndege aiondoki ukiuliza wafanyakazi awajibu
akatokea dada mmoja wa airco akaingia ndani nikamuuliza nini tatizo
akadai ngeleja alipiga simu nusu saa sasa ndege imsubirir anakuja
ikabidi tuwaabarishe wenzetu ndipo kelele zikaanza rubani akaona haya
akaamua kuondoka;
tulipofika dar nikapiga kwa mmoja wa marafikizangu mfanyakazi wa ATC
kwa nini wametutenda vile tunakaa nusu saa na mwisho hata huyo ngeleja akuonekana???akaanza kaka we acha kwanza nina msala nimepigiwa hapa simu na Bosi wangu nitoe maelezo;jamaa kachelewa kajaa kaanza kutoa maneno ya dharau;mara anantutishia tutajuta kumwacha;akaanza kuwapigia wAKUBWA WA atc ovyo;...alipandisha zaidi alipoambiwa na mmoja wa wafanyakazi airport aliachwa edward lowassa akiwa waziri mkuu ije kuwa wewe;so
ni katabia fulani anaitajika kukabadilisha ama kukiondoa kabisa kama anaweza;else ataishi na watu kwa matatizo;hawa wakubwa wa ultimate awatakiwi kumwadhibu kabisa waulize hali halisi wajibiwe;
 

Mponjoli

JF-Expert Member
Joined
Feb 29, 2008
Messages
667
Likes
13
Points
35

Mponjoli

JF-Expert Member
Joined Feb 29, 2008
667 13 35
Jamaa atafukuzwa kazi bila kosa,alikuwa akitekeleza majukumu yake lakini itaonekana kama alimkosea waziri heshima.
 

TIMING

JF-Expert Member
Joined
Apr 12, 2008
Messages
21,829
Likes
137
Points
160

TIMING

JF-Expert Member
Joined Apr 12, 2008
21,829 137 160
Tunalalamika nini si ndio wawakilishi wetu tuliwachagua huko majimboni na kuchinja ng'ombe walipopata uwaziri??? Leo ndio tunaumia? na kura tutampa kedekede mwezi october

Kikwete is right...
 

Fugwe

JF-Expert Member
Joined
Aug 21, 2008
Messages
1,681
Likes
238
Points
160

Fugwe

JF-Expert Member
Joined Aug 21, 2008
1,681 238 160
Wengi tunadhani mawaziri wazee ndio wenye matatizo, sasa kama na vijana kama ngereja anafanya aliyoyafanaya basi kuna kazi nchi hii. Kwa ufupi Ngeleja hana nidhamu, amekidhalilisha cheo na madaraka aliyokabidhiwa kuwahudumia hao anaowaita kwamba 'hawajui nafasi yake'. Sasa wakiijua so what???????????????????????????
 

BabaDesi

JF-Expert Member
Joined
Jun 30, 2007
Messages
2,804
Likes
40
Points
145

BabaDesi

JF-Expert Member
Joined Jun 30, 2007
2,804 40 145
Ndio itakavyokua mkuu,matatizo ya nchi zetu haya......
...Kibaya zaidi ni kuwa Vyombo vyetu havina utamaduni wa kufuatilia story kama hii, kwa mfano miezi mitatu baadaye, kujua kilichoendelea kuhusu huyo askari. ndio maana tutaendelea kunyanyaswa tu.
 

SMU

JF-Expert Member
Joined
Feb 14, 2008
Messages
8,142
Likes
2,500
Points
280

SMU

JF-Expert Member
Joined Feb 14, 2008
8,142 2,500 280
Mnaku aliliambia gazeti hili kuwa alinusurika kupigwa na waziri huyo kijana aliyekuwa akizungumza na simu ndani ya kibanda hicho, baada ya kumtaka atoke kuwapisha wateja wengine kupata huduma hiyo.

Mnaku alisema waziri huyo alikuwa anatumia muda mwingi kuzungumza na simu ndani ya mashine hiyo badala ya kuchukua fedha wakati msururu mrefu wa watu ukiwa unamsubiri atoke.

"Kwanza mimi sikujua kwamba mtu niliyemwambia awapishe wateja wengine ni waziri. Ni kweli nilimfuata na kumwambia awapishe kwa sababu alikuwa anatumia muda mwingi kuzungumza na simu, wala sikuwa na nia nyingine yoyote mbaya dhidi yake," alisema Mnaku na kuongeza:

"Lakini, waziri huyo ghafla aligeuka na kuanza kunifokea akiniambia wewe unanijua mimi nani?... hunijui mimi! na kunitusi, (matusi yasiyoweza kuandikika)."
Huyu ndie waziri, kiwango cha busara kidogo kuliko bawabu! Kikwete an kazi kubwa sana ya kufanya! Yaani ni 'hovyo hovyo' tu!
 

Safari_ni_Safari

JF-Expert Member
Joined
Oct 5, 2007
Messages
23,201
Likes
6,948
Points
280

Safari_ni_Safari

JF-Expert Member
Joined Oct 5, 2007
23,201 6,948 280
Kifupi huyu askari kibarua hana.Kitendo cha mabosi wake kumburuza mpaka kwa Ngeleja sio sahihi hata kidogo kiutawala.Mbaya zaidi viongozi wetu ni kama Miungu...hawakosei hata siku moja.All they do must be accepted by all as correct.Hao waliokuwa kwenye hiyo queue nao wana matatizo kwa vile walimjua yeye ni waziri basi wakatulia...hata askari yule angalijua huyu ni waziri angetulia vilevile....naona mabebenki yawawekee wakubwa wetu ATMs majumbani kwao ili tuwe mabli nao
 

Chupaku

JF-Expert Member
Joined
Oct 15, 2008
Messages
1,074
Likes
177
Points
160

Chupaku

JF-Expert Member
Joined Oct 15, 2008
1,074 177 160
Aaah, kaboa kweli mheshimiwa, unaongeaje na simu ATM machine? Halafu hawa watu hawajui kuwa kesho tu wanaweza kuwa barabarani. Akifukuzwa kazi huyo mlinzi vilio vyote vya wanawe watakaokosa ada na chakula vitamfuata. Halafu why would a Minister argue with a guard? he went too low...
 

Dash

Member
Joined
Jan 10, 2008
Messages
24
Likes
0
Points
3

Dash

Member
Joined Jan 10, 2008
24 0 3
Duh japokuwa sijui upande wa pili, yaani Mh Ngeleja hadithi yake ni vipi, lakini kama hii habari jinsi ilivyoandikwa ni sawa basi huyo Waziri kwa kweli hafai kuwa hata mjumbe wa nyumba kumi. Hivi hawa watu huwa wanasahau kuwa wao wanatakiwa kuwatumikia wananchi na sio wao kuwa wafalme na sisi kuwa ni watumwa wao. Hao waliomwomba msamaha nao ndio wanaowapa kichwa hao mabwanyenye. Kazi ipo nashukuru hili gazeti kuandika hili kwani linatufungua macho wengi.
 

Chakaza

JF-Expert Member
Joined
Mar 10, 2007
Messages
25,893
Likes
27,151
Points
280

Chakaza

JF-Expert Member
Joined Mar 10, 2007
25,893 27,151 280
Humu jamvini kuna waandishi wengi,kwa nini wasifuatilie tukio hili na likatoka magazetini ili wananchi wa kawaida ambao hawana muda wa kusoma mtandaoni wakawajua viongozi wao waliowachagua wakoje? Kisa cha Meya wa Moshi kumpiga mlinzi makofi kama kisingetoka magazetini kingeisha kimya kimya lakini kusambaa kwa habari ile kumefanya haki itendeke. Wajibikeni waandishi.
 

ELNIN0

JF-Expert Member
Joined
Nov 26, 2009
Messages
3,837
Likes
288
Points
180

ELNIN0

JF-Expert Member
Joined Nov 26, 2009
3,837 288 180
hi kali - ila nachojua mimi ukiwa waziri unakuwa exempted kwenye public services kwamba hutatakiwa kupanga foleni na unatakiwa kupata huduma muda uleule na kuondoka ili uwahi majukumu ya kiserikali ya kufanya.

Kwa hiyo hata kama Ngereja angekaa mule saa nzima anaongea na simu hakuna ubaya, may be alikuwa anaongea na Bosi wake (Rais) kwa hiyo hawezi kum hold bosi wake na lazima akae sehemu kuna privacy. (Hii inafanya kazi kama simu ilikuwa muhimu sana na asingeweza kui hold)

Kingine yule mlinzi kutomjua huyu ni ngereja kama ni waziri si kosa, kwa hiyo cha msingi Ngereja asipeleke mambo haya yawe makubwa, amsamehe ili jamaa aendelee kutafuta mkate wa watoto wake.

Lakini na we Ngereja kama call haikuwa ni emergency kwa nini usimwambie yule mtu aliyekupigia kwamba huko kwenye postion ya kupokea simu yake then umpigie baadaye?
 

Sajenti

JF-Expert Member
Joined
Apr 24, 2008
Messages
3,673
Likes
30
Points
0

Sajenti

JF-Expert Member
Joined Apr 24, 2008
3,673 30 0
Jamaa atafukuzwa kazi bila kosa,alikuwa akitekeleza majukumu yake lakini itaonekana kama alimkosea waziri heshima.
..Ni kweli na kama jamaa atafukuzwa kazi lawama zote kwa Ngeleja, kwani kwa jinsi nilivyoielewa hii story mlinzi alimshauri kitu cha maana sana na sioni kosa lake hata kama anadai kuwa hatamsamehe.Huwezi kuingia kwenye ATM ukaendelea kuongea na simu as if uko kwenye telephone booth badala ya kuchua pesa utoke na kupisha wengine. Hata huyo Ngeleja ana ulimbukeni fulani na kwa nini akimbilie kumuuliza mlinza mlinzi kuwa kwani yeye hamjui ni nani? Mambo mengine ni kutumia akili na busara tu. Angejaribu kunitusi mimi nisingejali ni waziri au nini Ningemuangushia kosovo tu habari nyingine tutajuana mbele ya safari. Haya mambo ndio Nyerere alikuwa anakemea viongozi kuishi kihuni huni...
 

Forum statistics

Threads 1,191,647
Members 451,726
Posts 27,716,446