Binti wa zamani
Platinum Member
- Nov 19, 2011
- 11,853
- 27,413
Ila wewe dada, sijui kwanini bada ya kusoma haya yote, nimejikuta nacheka tu 🤣🤣!Sina dhambi. Nilitubu dhambi zangu siku nyingi zilizopita.
Jamani, Binti wa zamani umenisikitisha sana kuongea hivyo. Maneno yako yanadhihirisha vita vya kiroho vinavyoendelea ndani yako. Yesu hakufa kwa ajili ya wenye haki, bali kwa ajili ya wenye dhambi kama wewe (Warumi 5:8). Zawadi anayokupa Mungu ni zawadi ya uzima wa milele, na inawezekana ukaipokea zawadi hiyo leo kabla hujachelewa.
Kusema kuwa una 'seat' kwa shetani ni kama kujisainia hukumu ya kifo mwenyewe. Mkatae shetani, hakufai — ni mwongo na muuaji. Badala yake, amua kukaa kwa Yesu. Yesu ndiye aliyetufia, akashinda kaburi, na anatupa tumaini la kweli.
Bado unayo nafasi ya kubadilisha uamuzi wako. Maadam hujafa, mlango wa rehema bado uko wazi.
Mada yako ya hivi majuzi umezungumzia "raha" uliyopata maishani. Raha uliyopata ni ya muda mfupi tu. Sasa kwanini unakataa raha ya milele aliyotuandalia Yesu? Kwanini uchague kukaa na shetani jehanamu kwenye mateso ya milele? Mkatae shetani, ni mwongo. Yeye mbingu anaijua. Alikuwa malaika huko mbinguni. Alipoingiwa na kiburi akafukuzwa huko; ndio sababu anatuonea wivu. Anatudanganya tumkatae Yesu ili tusiende mbinguni. Mkatae shetani kwa Jina la Yesu, sasa.
“Leo, ikiwa mtaisikia sauti yake[Yesu], msifanye migumu mioyo yenu.” — Waebrania 3:15
Asante Binti wa zamani kwa kujizuia kusema yasiyofaa. Mungu akubariki na akupe moyo wa toba.
Sasa kama umekubaliana na hayo niliyokuambia, omba sala ifuatayo, Mungu atakusamehe na kukuokoa; na Yesu akirudi utakuwa miongoni mwao watakaonyakuliwa kwenda mbinguni kwenye furaha na raha ya milele.
Fuatisha sala hii ya toba kwa moyo wako wa dhati, utaona mabadiliko ndani ya moyo wako sasa hivi, na kiu ya dhambi itakatika ghafla. Omba hivi:
"Ee Mungu Baba, nimetambua mimi ni mwenye dhambi. Leo nakuja mbele zako nikiomba msamaha wako. Natubu dhambi zangu zote. Nimeamua kuziacha kabisa. Nakiri kuwa Yesu Kristo ni Bwana, na Yeye ndiye Mwokozi wa ulimwengu. Yesu karibu moyoni mwangu utawale maisha yangu kuanzia leo. Naomba unipe nguvu ya kushinda dhambi na kuishi maisha matakatifu. Namkataa shetani na uongo wake wote. Asante Yesu kwa kuniokoa. Katika Jina la Yesu Kristo, ninaomba na kushukuru. Amen.”
Kama umeomba sala hiyo kwa moyo wako wa dhati, tayari umeokoka. Anza kusoma Biblia kila siku na kumuomba Mungu akusaidie kuishi maisha ya utakatifu. Tafuta pia Kanisa lolote linalohubiri wokovu na kufundisha utakatifu, ujiunge nalo, watakupa msaada zaidi wa jinsi ya kuendelea kiroho.
Mungu akutunze, akufunike kwa ulinzi wake, sasa na hata milele. Amen.
Kumbe na wewe unasomaga mada za raha 😅
Basi, na Mungu wako unayemuamini akubariki uendelee kuifanya kazi yake kwa uaminifu 🙏🏽
