JamiiForums Usiku wa manane

[Poker]

23:08

Siku tatu baadaye, Daud akiwa nyumbani kwake Laela, hali ya hewa ilikuwa shwari kabisa. Jua la saa saba mchana lilikuwa likiwaka kwa ukali na hakukuwa na hata wingu moja angani. Ghafla, sauti nzito kama ya fisi wengi wanaolia kwa pamoja ilisikika ikitokea upande wa milima ya Msitu wa Mbizi, ikifuatiwa na upepo mkali wa kimbunga uliotimua vumbi jekundu na kufunika nyumba ya udongo na bati ya Daud pekee.
Wanakijiji walitoka nje wakiwa wamepigwa na butwaa kuona wingu dogo jeusi kama sufuria likiwa limetanda juu ya paa la nyumba ya Daud huku maeneo mengine yote yakiwa na jua kali. Sekunde chache baadaye, radi ya kutisha yenye mwanga wa rangi ya zambarau ilipiga moja kwa moja kwenye nyumba hiyo. Mshindo wake ulikuwa mkubwa kiasi cha kuangusha miti ya miparachichi iliyokuwa karibu na kuwatupa watu chini.

 

[Seran]

00:10

nilale sasa 😵

usiku wa manane

 

[Poker]

23:12
Watu walipokimbia kwenda kuokoa, walikuta bati za nyumba zimekunja kama karatasi, lakini hakukuwa na moto uliowaka. Ndani ya chumba cha Daud, walimkuta Daud akiwa amelala chini akiwa amepoteza fahamu, huku pembeni yake kukiwa na fisi mkubwa mweusi aliyekuwa amekufa akiwa amevaa shanga nyekundu shingoni na hirizi ndogo ya ngozi ya nyoka.
Habari zilisambaa kwa kasi hadi Sumbawanga Mjini kupitia wasafiri wa mabasi ya siku hiyo. Wazee wa kimila walipofika kukagua tukio hilo, waligundua kuwa radi hiyo ilikuwa imetumwa kumwangamiza Daud, lakini ilirudi kwa aliyoituma baada ya kugonga kinga ya asili aliyokuwa ameiweka babu yake Daud kwenye msingi wa nyumba hiyo miaka mingi iliyopita. Saa chache baadaye, taarifa zilifika kutoka kijiji cha jirani kuwa Mzee Kamwela alikuwa amekutwa amefariki dunia ghafla sebuleni kwake akiwa na alama za kuungua kifuani, licha ya kutokuwepo na moto wala mvua yoyote katika eneo lake.
Tangu mwaka huo wa 1994, wakazi wa Laela na Sumbawanga wamekuwa wakisimulia kisa hiki kama onyo kwa yeyote anayejaribu kutumia nguvu za giza kudhulumu haki za wengine.

 

[win-one]

0015