peno hasegawa
JF-Expert Member
- Feb 24, 2016
- 12,827
- 21,443
Hakimu wa Mahakama ya Mwanzo, Wilaya ya Same mkoani Kilimanjaro, David Abel amekamatwa na Taasisi ya Kuzuia na Kupambana na Rushwa (Takukuru) kwa tuhuma za kuomba na kupokea Rushwa ya Sh100,000.
Akizungumza leo Alhamisi Aprili 6, 2023, Mkuu wa Takukuru Mkoa wa Kilimanjaro, Frida Wikes amesema hakimu huyo alikamatwa Aprili 3, 2023, mahakamani hapo.
Wikes amesema hakimu huyo anatuhumiwa kuomba na kupokea rushwa ya Sh100,000 tukio ambalo lilifanyika mahakamani hapo, huku akitambua kuwa ni kosa kisheria kufanya hivyo.
"Ni kweli Hakimu wa Mahakama ya Mwanzo Same, alikamatwa Aprili 3, mahakamani hapo kwa kuomba na kupokea rushwa," amesema Wikes.
Aidha Wikes amesema uchunguzi wa tukio hilo umekamilika na kwamba mtuhumiwa atafikishwa mahakamani wakati wowote kujibu shtaka linalomkabili.
Akizungumzia tukio hilo Mkuu wa Mkoa wa Kilimanjaro, Nurdin Babu amewaonya viongozi, watendaji na wadau wa mahakama kujiepusha na vitendo vya rushwa na kuhakikisha wanatenda haki kwa wananchi.
"Mimi Mkuu wa Mkoa wa Kilimanjaro, napinga vita vitendo vya rushwa, nahitaji wananchi wapewe haki bila rushwa. Niwatake viongozi wote wa Serikali na mahakama, wasipokee Rushwa, wawahudumie wananchi na wahakikishe wanatenda haki," amesema Babu na kuongeza.
"Watambue wakipokea Rushwa vipo vyombo vitawaona na watachukuliwa hatua, hivyo kila mmoja atimize wajibu wake bila kuomba na kupokea Rushwa," amesema.
Chanzo: Mwananchi
Akizungumza leo Alhamisi Aprili 6, 2023, Mkuu wa Takukuru Mkoa wa Kilimanjaro, Frida Wikes amesema hakimu huyo alikamatwa Aprili 3, 2023, mahakamani hapo.
Wikes amesema hakimu huyo anatuhumiwa kuomba na kupokea rushwa ya Sh100,000 tukio ambalo lilifanyika mahakamani hapo, huku akitambua kuwa ni kosa kisheria kufanya hivyo.
"Ni kweli Hakimu wa Mahakama ya Mwanzo Same, alikamatwa Aprili 3, mahakamani hapo kwa kuomba na kupokea rushwa," amesema Wikes.
Aidha Wikes amesema uchunguzi wa tukio hilo umekamilika na kwamba mtuhumiwa atafikishwa mahakamani wakati wowote kujibu shtaka linalomkabili.
Akizungumzia tukio hilo Mkuu wa Mkoa wa Kilimanjaro, Nurdin Babu amewaonya viongozi, watendaji na wadau wa mahakama kujiepusha na vitendo vya rushwa na kuhakikisha wanatenda haki kwa wananchi.
"Mimi Mkuu wa Mkoa wa Kilimanjaro, napinga vita vitendo vya rushwa, nahitaji wananchi wapewe haki bila rushwa. Niwatake viongozi wote wa Serikali na mahakama, wasipokee Rushwa, wawahudumie wananchi na wahakikishe wanatenda haki," amesema Babu na kuongeza.
"Watambue wakipokea Rushwa vipo vyombo vitawaona na watachukuliwa hatua, hivyo kila mmoja atimize wajibu wake bila kuomba na kupokea Rushwa," amesema.
Chanzo: Mwananchi
