Dr. Mwakyembe na Dr. Slaa watishiwa kuuawa

Nchi ipo kwenye hatua mbaya,inaonekana mafisadi wameshika nyanja zote muhimu za serikali..sidhani kama hili litapewa uzito unaostahili..
 
Taarifa ya Mwakyembe kutaka kuuawa iliyoandikwa kwenye gazeti la mtanzania imeficha mambo mengine ambayo tungetaka kuyajua kama alivyoandika. Hivyo naomba mwenye un edited taarifa kama ilivyotumwa kwa polisi atupatie hapa mtandaoni please.

Natanguliza shukrani
 
Kwenye headline kuna maneno 'Wasomi wamshangaa, wambeza'. Ni wasomi gani hao? Mbona hawatajwi? Hakuna msomi atakayesimuliwa kisa hiki halafu akaanza kumbeza mtu anayewindwa kuuawa. Haya ni maoni yanayoficha kitu fulani. Kwa nini gazeti la Rostam Aziz liwe la kwanza kuandika habari hii? Walipataje barua iliyoandikwa na Dr Mwakyembe kwenda kwa IGP. Nina hofu kwamba umafia sasa umeingia rasmi hapa nchini na ni lazima tuchukue tahadhari. Tusiendelee kuwachekea watu wa aina ya Rostam mbao wako tayari kufanya lolote ili kujisafishia njia ya 2015 ili waendelee kuinyonya nchi yetu. Na nyie wahariri wa magazeti ya fisadi papa huyu lazima muwe mnatumia akili, sio kulishwa kila kitu. It really gets on my nerves nisikiapo vituko vya aina hii.
 
Mimi nimechoshwa na usanii wa Mwakyembe, kuna wanafunzi wake leo wanasema wanaona aibu kwamba walifundishwa na Mwakyembe, he is a shame to the profession. Halfu na sisi tunaingia kwenye mkumbo wa kila kitu kusema ni mafisadi. Tukumbuke tu juzi kwenye ajali yake iringa, maelezo yake yalipishana na upelelezi wa polisi, wakati yeye akidai aliona ajali yote, uchunguzi wa kitaalamu ukasema alikuwa amelala. Mimi nimechoka na Mwakyembe, sasa hivi anataka kusema JESHI LA POLISI linataka kumuua kwa nguvu za giza??? Hivi ni msomi huyu kweli?? Kwanini wasimpige risasi wakamtungua?? And why now?? Kuna sababu gani ya mtu yoyote kutaka kumuua Mwakyembe leo?? Siasa yake ndiyo imefika mwisho hapo, hata atudanganye vipi tena, hatudangayiki.
 
Me muislam na naabudu bt cjaona ubaya ya hao wa2 coz hawajasema wameufanya nini uislam alafu wasitusingizie wa waislam upumbavu wao wa kisiasa km wanataka kuuna wauane 2 muono wangu hao al shabab ni EL na RA
 
RealMan said:
New Habari wanajifunza kutoka kwa mmiliki wao maana kwenye nyaraka tata anajiita Rustam, Rostamu, Rastam n.k Hakya nani humfikishi mahakama yoyote wala huwezi kutaifisha mali zake maana Rostam hamiliki kitu lakini ndio "Rais"
Click to expand...

Huyu jamaa ana roho ya kiuaji, hivi angejua watanzania wanamtazama vipi angemrudia Mungu wake
 
Tumejenga taifa la watu wazushi. Daktari wa PhD anazusha. Alizusha mambo mengi akiwa mwenyekiti wa kamati teule ya bunge na uzushi wake unatugharimu hadi leo. Akatuaminisha kwamba Richmond na Dowans ni moja na kwamba zote zina mikono ya RA na EL. leo hii haya yote yamethibitika kuwa ni uongo na anafanya hivi ili kujiepusha na kitanzi cha uzushi wake.

Ni bahati tu kwamba watanzania ni wavivu wa kukumbuka, tumeshasahau na bado tunamuona Mwakyembe shujaa. Mtu huyo huyo kwa sababu ya uzushi wake huo aliposikia Tanesco wanataka kuinunua mitambo ya Dowans akafanya press conference na kuliambia taifa ni bora nchi iwe gizani kuliko kuinunua mitambo hiyo, sasa hivi tuko gizani na kazi iliyofanywa na kamati yake imeligharimu taifa karibu shilingi bilioni 100, mitambo ipo haiwashwi kisa ni uchochezi dhidi ya nishati ya umeme uliojengwa na mwakyembe na wahuni wenzake.

Mzushi huyu akaja tena na uongo mwingine alipopata ajali ambayo hakuna shaka ilitokana na uzembe wa dereva wake, akadai kulikuwa na lori lililokuwa likitaka kuwagonga na dereva wake alipokwepa ndipo gari likaacha njia na yeye akapata ajali. Uchunguzi wa polisi ulipofanyika ikabainika kwamba wakati ajali ikitokea alikuwa amelala na wala hakuliona lori alilokuwa akilisema...hakika huyu ana PhD ya uzushi.

Sasa kazusha jipya eti anataka kuuawa na akaandika barua kutoa ushahidi wa kutunga wa kuunga unga mambo na kuwataja watu na namba za magari mengi akijifanya ana mtandao unaompa taarifa za kila kinachotokea. Ana bahati tu kwamba tuna jeshi la polisi la wasanii ambalo linashindwa kumbana atoe ushahidi wa kina wa maelezo yake ambayo hakuna shaka yatathibitisha kuwa ni ya uzushi.

Anafanya hivi lili EL na RA waonekane ni wauaji...ajenda yake ile ile ya kuwazushia na kuwachafua wengine kwa malengo machafu ambayo ufadhili wake unatambulika kuwa ni wa wahuni wachache walio ndani ya idara moja nyeti. Ni aibu kuwa na naibu waziri tena mwenye PhD wa kiwango duni kama Mwakyembe.

Uzushi wake umelifanya taifa kupiga maktaimu na kujadili hoja moja kwa miaka minne sasa, uzushi wake umeliingiza taifa gizani na sasa anatengeneza uzushi mwingine unaoweza kuligharimu jeshi la polisi, idara ya usalama wa taifa, serikali, chama chake na watanzania kwa ujumla. Mwakyembe ni mtu hatari, ni mtu wa kuogopwa kama ukoma. Huyu mtu ana pepo baya, anapaswa kuangaliwa na kuchungwa sana
 
Insu hapa sio uislamu,hiyo imetumiwa tu km propaganda ya kuwashawishi wale wasomali,insu ni mapambano ya kisiasa ndan ya ccm na mtandao wa kugombea urais 2015,watu wote ambao wametajwa hapo wanatakiwa kuuwawa ni tishio kwa nafasi ya mafisad kuchukua nch 2015,huu mtandao umeona lazima 2wapoteze watu wote wanaoonekana kuwa na ushawish,ndio maana ktk hiyo list dr slaa naye yupo,yaan wanajua km slaa atakuwa 015 hata wakipita ndani ya ccm bas slaa atawamwaga ndio maana wametengeneza mtandao wa kuwaangamiza wote.ukichek hata membe anahofiwa kugombea urais na hayupo kwenye mtandao wao ndio maana wanataka kummaliza.na kunasababu ya mashambuliz haya kuanzia songea kwa Nchimbi emanuel mbunge wa jimbo hilo,huyu jamaa yuko kwenye mtandao wa akina Rostam aziz,lowasa na jk,na jana kuna m2 muhimu nilikuwa naongea naye akaniambia jamaa wakiona wameshindwa kujisafisha bas watamuweka bwana Nchimbi et ndio awe mgomea urais kwa maslahi ya mafisad 2015.
 
sulphadoxine said:
Asema wamekodi Al Shabaab kummaliza
*Ahusisha mganga wa kienyeji, Sheikh maarufu
*Amwandikia IGP Mwema barua kurasa saba
*Wasomi, wanasiasa wamshangaa, wambeza
Na Waandishi Wetu
JESHI la Polisi limejipanga kumhoji Naibu Waziri wa Ujenzi, Dk. Harrison Mwakyembe, baada ya ameibua tuhuma nzito dhidi ya Polisi, Usalama wa Taifa, wanasiasa, wafanyabiashara na waganga wa kinyeji, akidai kwamba wamepanga kumuua.
Katika orodha hiyo, pia amewahusisha watu kadhaa anaodai kuwa ni Wasomali kutoka katika kundi la Al Shabaab.
Kuhojiwa kwa mwanasiasa huyo kunatokana na taarifa yake ya maandishi aliyoipeleka kwa Mkuu wa Jeshi la Polisi, Inspekta Jenerali Said Mwema, Februari 9, mwaka huu.
Mwanasiasa huyo ameeleza mlolongo mrefu wa kishirikina ambao anadai kwamba umefanywa ili “kuwapumbaza Watanzania wote” baada ya yeye kuuawa ili wasiwe na akili ya kuhoji mauaji hayo.
Uchunguzi wa MTANZANIA umebaini kuwa Februari 8, mwaka huu, Dk. Mwakyembe alizungumza na baadhi ya viongozi waandamizi wa Jeshi la Polisi katika Makao Makuu ya Jeshi hilo jijini Dar es Salaam. Hata hivyo, Polisi walimtaka aweke madai yake kwenye maandishi.
Siku moja baadaye, Dk. Mwakyembe aliwasilisha taarifa yake ya maandishi. MTANZANIA imefanikiwa kuipata taarifa hiyo kutoka kwa baadhi ya wasaidizi wake wizarani ambako iliandaliwa. Ina nembo ya Serikali na anuani ya Wizara ya Ujenzi. Baadhi ya watu wanaotajwa kwenye taarifa hiyo tumehifadhi majina yao kwa sababu za kitaalum kwa kuwa bado MTANZANIA inaendelea kuwasiliana nao ili kupata ukweli.
Dk. Mwakyembe amesema kwenye barua hiyo, “Pamoja na kwamba taarifa hii ni mpya yenye matukio ya takriban mwezi moja tu, naamini kwa dhati kuwa msingi wake (kwa maana ya wahusika na maudhui) hautofautiani na ule wa matukio mengine ya awali ambayo baadhi yake yalisharipotiwa Polisi na vyombo vingine vya usalama kwa lengo la kuchunguzwa.
Maelezo ya Barua ya Mwakiembe
“Bado nina imani kubwa na Jeshi letu la Polisi kwamba litaifanyia kazi taarifa hii bila kujali nguvu ya ukwasi na ya kisiasa ya watuhumiwa na kwa kuzingatia misingi ya haki na ukweli.
“Msingi wa mimi kushtuka na kuamua kulivalia njuga suala hili kwa kuwataarifu watu mbalimbali wenye uelewa na kuvitaarifu vyombo vya dola, ni taarifa nilizozipata kutoka Songea tarehe 22/01/2011 kuhusu kundi la watu saba lililoingia mjini humo usiku wa tarehe 21/01/2011 kwa gari iliyodaiwa kuwa ya Wizara yangu (Ujenzi) aina ya Land Cruiser yenye usajili nambari STK 686… (ambayo kipindi fulani katika safari hiyo ilibadilishwa namba yake kuwa STK 6869). Gari hiyo iliwateremsha “abiria” hao saba sehemu iitwayo Madaba na baadaye kuchukuliwa na gari nyingine (Hardtop Land Cruiser yenye namba za usajili T76…BDU) hadi Top Inn ya mjini Songea.
“Majina ya baadhi ya watu hao saba ni: Wasomali wawili Hafidh na Faraj; kijana wa Kichagga kwa jina Mustafa a.k.a “Master”, Mkusa, jamaa ambaye wenzake wanaamini kuwa yuko Usalama wa Taifa; na (jina tunalo) kutoka Tanga anayedaiwa kuwa na utaalamu mkubwa wa kukaba watu.
“Mwenyeji aliyewapokea Songea watu hao saba ni Mwenyekiti wa Halmashauri ya Wilaya ya … akiongozana na mtu aitwaye Manya. Kilichowafanya baadhi ya watu waanze kulidadisi kundi hili, ni dhamira ya safari yao. Tetesi zilisema walikuwa wanaelekea Mbunde, kwa mganga maarufu wa kienyeji kwa jina Majungu. Hivyo, udadisi ukaongezeka kujua nani anakwenda “kulogwa” safari hii. Tetesi zikarejea na jina langu na msululu wa majina mengine: Dk. Slaa (Wilbrod), Anne Kilango- Malecela, Reginald Mengi, Profesa Mwandosya na Benard Membe.
Akana kuamini ushirikina huku akiuhofia
“Pamoja na kwamba sina imani na ushirikina au nguvu za giza, kutajwa kwa jina langu na fursa ya pekee niliyokuwa nayo ya kujua kilichokuwa kinafanyka, kukanipa ari, nguvu na shauku ya aina yake kutaka kulielewa zaidi suala hili ili ikibidi, niwataarifu wenzangu nao waelewe.
“Usiku wa Jumamosi tarehe 22/01/11 kundi hilo lilielekea Mbunde, wilayani Namtumbo (kwa gari aina ya Defender STK 265…, likiendeshwa na (jina tunalo) kukutana na ‘mganga’ Majungu …ambaye anaishi ndani ya Selous Game Reserve with impunity. Defender hiyo iligeuza kurejea Songea siku mbili baadaye na kuwaacha ‘wageni’ hao kwa mganga ambako walikaa siku saba ‘wakitengenezwa’. Walirejea Songea tarehe 29/01/11 na kesho yake tarehe 30/01/11 wakaanza safari ya kurejea Dar es Salaam.
“Kutoka Songea hadi Mafinga walitumia ile Hard Top iliyowatoa Madaba hadi Top Inn ya Songea (T76… BDU). Walifika Mafinga milango ya saa mbili usiku na kukuta gari mbili zikiwasubiri: Hilux Mayai ya (kampuni moja) na Defender iliyowaongoza hadi Morogoro. Walipokewa Morogoro na askari (jina tunalo). Hapo kundi likagawanyika: watu wanne wakiwemo wale Wasomali wawili wakaingia kwenye Nissan Patrol (T84… ADH) mali ya (kampuni jina tunalo) na wengine wakabaki Morogoro.
“Kufuatana na ‘mganga’ Majungu mwenyewe, ambaye wapelelezi wako wanaweza kuongea naye kama walivyofanya walionipa taarifa hizi, aliwapa masharti ya kutotumia silaha za moto ila njia nyingine kumuua kwanza Mwakyembe, baadaye Slaa, n.k., n.k, n.k. kwa zamu; alitengeneza dawa ya kuwapooza wale wengine (wanaosubiri) kwenye orodha ya kuuawa (Dk. Slaa, Anne Kilango, Mengi, Mwandosya na Membe) wasitaharuki na kupiga kelele za nguvu hata kuamsha hasira za wananchi mauaji yakitokea; aliwazindika vilivyo wasiweze kudhuriwa na tendo la kuua na alitengeneza dawa ya kuwapumbaza “waliohukumiwa kifo” (wawe mfano wa mbwa mbele ya chatu).
“Jijini Dar es Salaam ‘wahitimu’ hao wa Profesa Majungu walifikia Kiwalani karibu na kiwanda cha Mohamed Enterprises. Jirani na kiwanda hicho kuna jengo la ghorofa: chini ni msikiti wa Waarabu unaoitwa Malkaz na juu ni sehemu ya kuishi. Tarehe 05/02/11, wageni wawili zaidi waliwasili kwa ndege kutoka Uganda; mwanaume mmoja (aliyechanganya rangi) na mwanamke mmoja (mweusi vilivyo). Walipokewa na gari mbili; moja ya Polisi (PT 028…) na ya pili yenye namba za kibalozi (aina ya RAV 4).
Aelezea ushiriki wa Al Shabaab
“Jioni wakawa na mazungumzo ya kina na Wasomali wawili niliowaelezea awali ambao inadaiwa ni wapiganaji wa Harakat al-Shabaab al-Mujahideen (kwa kifupi Al-Shabaab).
Aelezea
“Niliweza kupata picha pana zaidi kwa nini wapiganaji wa kikundi hicho (kinachopambana na wanaodhaniwa kuwa maadui wa Uislamu) wameingizwa nchini. Nimeweza kukusanya taarifa zinazodai kuwa awali walifikiriwa kuletwa wapiganaji kutoka Rwanda, lakini wazo hili lilikataliwa na wafadhili wa mpango huu ambao walitaka ‘wanaharakati’ wa aina hiyo watoke Somalia. Ndipo kikundi hicho kikashawishiwa kwamba Tanzania kuna tatizo la udini, la Uislamu kutishiwa. Mimi na wenzangu hao watano tumejengewa hoja kuwa maadui wa Uislamu tunaotumiwa na makanisa, hivyo hatuna budi kukatishwa maisha yetu.
“Niliweza vile vile kupata picha kuwa wafadhili wa kundi hili, wana mahusiano ya karibu na Sheikh …(jina tunalo) ambaye baadhi ya utabiri wake unatokana na agenda za wafadhili hao. Inadaiwa kuwa utabiri wa sheikh … mwaka jana ulimlenga Dk. Slaa ambaye alidaiwa kubebwa na makanisa. “Utabiri” huo haukutimia kwa kuogopa kuiingiza nchi kwenye machafuko makubwa ya kisiasa/kidini ambayo yangewaweka pabaya hata wafadhili wa mpango huo.
“Inadaiwa kuwa Sheikh … ameombwa tena kutoa utabiri wa mwanasiasa na kiongozi mmoja kupoteza maisha mwezi huu (Fabruari). Inadaiwa kuwa mwanasiasa huyo anayetembea na kifo ni mimi na tayari maandalizi ya ‘hukumu yangu’ yamefanywa:
“(a) Kijana mmoja kwa jina la Hassan alitumwa kutoka Dar es Salaam kwenda Dodoma siku ya Jumamosi tarehe 05/02/11 kwa “maandalizi” hayo (mahali pa kufikia kikosi hicho cha mauaji, utambuzi wa nyumba ya kuishi niliyopangiwa na kumtafuta mhudumu mmoja wa Bunge ili ile portion ya Mganga Majungu ya kunipumbaza kabla ya hukumu, iweze kunyunyizwa kwenye kiti changu Bungeni);
“(b) Kesho yake (Jumapili) tarehe 6 Februari, mnamo saa nne usiku, kikosi hicho cha mauaji kikiwa na watu watano kiliondoka Dar es Salaam kwenda Dodoma kwa gari aina ya Land Cruiser nyeupe ya mkongo (T36… AKU) na kimejichimbia Dodoma mpaka leo (Februari 9).
“Waliomo kwenye kikosi hicho ni: Wasomali wale wawili, mgeni moja (wa kiume) kutoka Uganda, Mustafa a.k.a “Master” na kijana mmoja ambaye tarehe 19/01/11 aliwabeba Wasomali hao kutoka Morogoro hadi Ununio kupitia Kibaha na Baobab kwa gari aina ya VX Land Cruiser (T65…APF). Kijana huyo ana shepu ya Kitutsi na anaongea Kifaransa.
“Utabiri atakaoufanya Sheikh … (pengine aamue kuachana nao sasa baada ya kubaini kuwa tunaujua) utakuwa na lengo la kuwapumbaza wananchi waelekeze macho na masikio yao zaidi kwenye utabiri wake kuliko kwenye njama za kundi hilo za muda mrefu za mauaji.
“Kila siku ya Mungu napata taarifa za ziada kutoka kwa raia wema kuhusu suala hili. Naziingiza kwenye taarifa hii ili ziwasaidie katika upelelezi:
“Inadaiwa kuwa Wasomali hao waliingia nchini kutokea Kenya na wakaja kwa barabara hadi Dodoma. Walitumia gari aina ya RAV4 (new model – T81… AQS) tarehe 08/01/11 na kusafirishwa hadi Morogoro ambako walipokewa na askari niliyemtaja awali… wa Polisi Morogoro.
“Mjini Morogoro, walikaa hoteli mbili tofauti: Hilux Hotel Morogoro na Top Life. Aliyewafanyia Wasomali hao booking hapo Top Life ni mmiliki wa hoteli (jina la hoteli na mmiliki tunalo).
“Magari waliyotumia wakiwa Morogoro ni RAV4 T81… AQS, VX Land Cruiser STK 128…, Mercedes Benz (Station Wagon) T87… BDT, Toyota Mark II GX100 nyeupe T21… BKR na wakiwa Dar es Salaam wametumia magari VX Land Cruiser T65… APF, Nissan Patrol T84… ADH.”
Dk. Mwakyembe anaongeza, “Naomba nihitimishe maelezo haya kuwa nimekuwa muwazi kwa asimilia 100 na hata sources zangu ni miongoni mwa watu hao niliowataja katika taarifa hii ambao naamini utachukua hatua ya kuwahoji kulipatia ufumbuzi suala hili.
“Suala la msingi hapa, si uhai wangu, kwani ipo siku lazima nitakufa kama ambavyo hao mafisadi wanaodhani wanaweza kufadhili vifo vya wenzao watakavyokufa hata wao hatimaye, watake sasitake, It is simply a question of time. Suala la msingi hapa ni mustakabali wa Taifa letu, Taifa aliloliasisi Mwalimu Nyerere na kulilea kwa misingi ya usawa, haki, umoja, amani na utulivu.
“Nimejieleza awali kuwa nina imani kubwa na Jeshi letu la Polisi kwamba litaifanyiakazi taarifa hii bila kujali nguvu ya ukwasi na ya kisiasa ya watuhumiwa na kwa kuzingatia misingi ya haki na ukweli.
“Hata hivyo nalazimika kusema nitasikitika sana ikiwa taswira ya ‘ukorofi’ niliyopewa kwenye kesi moja ya awali (2009) itapewa nafasi kwenye suala hili, hivyo kuninyima fursa ya kusikilizwa vizuri na ulinzi ninaostahili kama raia kikatiba na kisheria. Niko tayari wakati wowote na mahali popote kutoa ushirikiano kwa Jeshi la Polisi litakaponihitaji.”
Maoni ya wanasiasa na wasomi
Baadhi ya wasomi na wanasiasa mbalimbali waliohojiwa na MTANZANIA wameshangazwa na taarifa hii ya Dk. Mwakyembe, hasa kwa msomi kama yeye kuamini masuala ya uchawi.
“Ninachoweza kumshauri kaka yangu (Mwakyembe) ni kuchapa kazi zake alizopewa za ubunge na uwaziri, akiingiza masuala ya kuamini ushirikina atakuwa anapoteza sifa yake ya usomi,” alisema mmoja wa wahadhiri.
Dk. Mwakyembe anatambulika katika Jeshi la Polisi kama mmoja wa viongozi wanaotoa maelezo yenye utata kuhusu usalama wao.
Ameibua suala hili huku kukiwa bado na kumbukumbu za yeye kupata ajali mkoani Iringa na kudai kwamba lori lililohusika lilikuwa limepangwa kumtoa uhai.
Hata hivyo, Polisi walifanya uchunguzi na kubaini kuwa chanzo cha ajali hiyo kilikuwa ni uzembe na mwendo kasi wa dereva wa Dk. Mwakyembe.
Click to expand...

Mh makubwa haya tena!
 
I'm now becoming rather curious about what the Makyembe Parliamentary Investigative Committee chose not to disclose on the Richmond/Dowans saga (hence them being sole custodians of the awful secrets). Mwakembe could be a real nuisance to the Rich/Do mafia club. But the inclusion of the likes of Membe, Mwandosya and the seemingly nowadays cautious Kilango in the hit list, challenges my discerning abilities.

By the way, doesn't hiding "crucial" info on such a never-ending nightmare as well as staying put in such a seriously discredited political party ending up becoming a serial "cry-wolf" guy, call to question not only the credibility but also the "sanity" of Hon. Mwakyembe?
 
Libasket b said:
Insu hapa sio uislamu,hiyo imetumiwa tu km propaganda ya kuwashawishi wale wasomali,.
Click to expand...
Nimekugongea thenkyu kwa ajili hiii hapo. Mijitu mingine huwa haisomi habari kwa makini then wanaharimu mada. Pse dudes someni vizuri mpate kinachoelezwa si kurukia rukia tu.
 
Usalama wa taifa wote wapo chini ya rostam aziz,mnategemea nini kitatokea katika nchi hiii,Rostam kashika funguo ya kila kona,hadi IGP MWEMA anaripoti kwa Rostam aziz,ndio maaana hata hiyo barua ya mwakyembe kwenda kwa IGP,wameipata watu wa New habari tu kwa msaaada wa rostam aziz.
 
Hii hali ilijulikana kwamba itakuja kufikia kiasi hiki Unapokuwa na Genge la wanachi wachache ambao wao wameweza kujipenyeza katika system ya nchi,usitegemee usalama wa wananchi ukiangalia kauli za majivuno kwa watu kama akina Rostamu,Ridhiwani,UVCCM unatambua kwamba hakuna anayeogopa wananchi tena wamegeuka ni miungu watu Kama kubenea walitaka Kumpofusha macho kwa Tindikali,watawezaje kushindwa kuwakatisha maisha hao waliotajwa kwenye hiyo taarifa ya Mwakyembe,Ukweli ni Kwamba KIkwete amepandikiza mbegu mbaya sana ya udini,nadhani watanzania wataelewa ni kwa nini Mwalimu Nyerere alimkataa huyu bwana,ni mbaya sana ana roho ya kaa la kishetani amevuruga nchi kwa tamaa zake na bado anguko kubwa litakalo leta vita ya wenyewe kwa wenyewe
 
najua mwakyembe alifanya taarifa hii kwausiri mkubwa sana lkn jamaa wameweza kuzipata, hii ni sawasawa kabisa na ambavyo dowans walikuwa wanapata taarifa za siri kutoka vikao vya tanesco na serikali. walijuaje kwamba mara ya kwanza mwakyembe aliongea na polisi na kuambiwa apeleke ushahidi wa maandishi????!!!! JESHI LA POLISI ndio wamezitoa hizi nyaraka kwa mkuu.

USHAURI: mwakyembe ondoka sisiemu haraka acha ubishi
 
Wana jamvi, mchana huu nimejikuta nasoma gazeti la Mtanzania na nikakumbana na Kichwa cha habari kisemacho: Mwakyembe: Usalama wa Taifa, polisi wataka kuniua.
inasemekana kuna kundi limelipwa kwa ajili ya kumuua Dr. Mwakyembe, Dr. Slaa, Reginald Mengi na wengine. kundi linajumuisha kundi la Al Shabaab, Mganga wa kienyeji na ma killer wengine, niliposoma kwa makini nikakuta na magari ya serikali yamehusika kwenye implementation ya mpango huo. mganga kazi yake ni kuwapumbaza watanzania wasihamaki wakati mauaji hayo yatakapo kua implemented. na kwa kuanza wameplan kuanza na mwakyembe. mwakyembe pia anasema yuko tayari kushirikiana na polisi katika upelelezi. mimi nilivyoelewa naona mwakyembe anajiamini sana katika maelezo yake.
naomba kama kuna watu wanafahamu kitu hiki wakianike.
source: MTANZANIA Toleo Na. 5408 tarehe 8/03/2011. page 1&2.
naomba kuwasilisha
 
venance aidan said:
Tumejenga taifa la watu wazushi. Daktari wa PhD anazusha. Alizusha mambo mengi akiwa mwenyekiti wa kamati teule ya bunge na uzushi wake unatugharimu hadi leo. Akatuaminisha kwamba Richmond na Dowans ni moja na kwamba zote zina mikono ya RA na EL. leo hii haya yote yamethibitika kuwa ni uongo na anafanya hivi ili kujiepusha na kitanzi cha uzushi wake.

Ni bahati tu kwamba watanzania ni wavivu wa kukumbuka, tumeshasahau na bado tunamuona Mwakyembe shujaa. Mtu huyo huyo kwa sababu ya uzushi wake huo aliposikia Tanesco wanataka kuinunua mitambo ya Dowans akafanya press conference na kuliambia taifa ni bora nchi iwe gizani kuliko kuinunua mitambo hiyo, sasa hivi tuko gizani na kazi iliyofanywa na kamati yake imeligharimu taifa karibu shilingi bilioni 100, mitambo ipo haiwashwi kisa ni uchochezi dhidi ya nishati ya umeme uliojengwa na mwakyembe na wahuni wenzake.

Mzushi huyu akaja tena na uongo mwingine alipopata ajali ambayo hakuna shaka ilitokana na uzembe wa dereva wake, akadai kulikuwa na lori lililokuwa likitaka kuwagonga na dereva wake alipokwepa ndipo gari likaacha njia na yeye akapata ajali. Uchunguzi wa polisi ulipofanyika ikabainika kwamba wakati ajali ikitokea alikuwa amelala na wala hakuliona lori alilokuwa akilisema...hakika huyu ana PhD ya uzushi.

Sasa kazusha jipya eti anataka kuuawa na akaandika barua kutoa ushahidi wa kutunga wa kuunga unga mambo na kuwataja watu na namba za magari mengi akijifanya ana mtandao unaompa taarifa za kila kinachotokea. Ana bahati tu kwamba tuna jeshi la polisi la wasanii ambalo linashindwa kumbana atoe ushahidi wa kina wa maelezo yake ambayo hakuna shaka yatathibitisha kuwa ni ya uzushi.

Anafanya hivi lili EL na RA waonekane ni wauaji...ajenda yake ile ile ya kuwazushia na kuwachafua wengine kwa malengo machafu ambayo ufadhili wake unatambulika kuwa ni wa wahuni wachache walio ndani ya idara moja nyeti. Ni aibu kuwa na naibu waziri tena mwenye PhD wa kiwango duni kama Mwakyembe.

Uzushi wake umelifanya taifa kupiga maktaimu na kujadili hoja moja kwa miaka minne sasa, uzushi wake umeliingiza taifa gizani na sasa anatengeneza uzushi mwingine unaoweza kuligharimu jeshi la polisi, idara ya usalama wa taifa, serikali, chama chake na watanzania kwa ujumla. Mwakyembe ni mtu hatari, ni mtu wa kuogopwa kama ukoma. Huyu mtu ana pepo baya, anapaswa kuangaliwa na kuchungwa sana
Click to expand...

Dawa yako wewe ni kukuchunia. Umetumwa kabisaaaa. Hufikirii hata kidogo. Yaani ni sawa na dogi aliyeambiwa Shikaaaaaaaaaaaaaaa, unakimbia na kushika, ulipoenda kwa mganga Songea kakwambia hapana? Hotelini pale morogoro walipolala umeambiwaje? wewe upoupo tuuuu, wala hatukuongekei tena, maana aliyevujisha siri ni mmoja wa wahusika sasa wewe unabisha nini? Hii ni sawa na wewe kumchagulia dada ako mpenzi na kumkatalia anyempenda. Wewe hutaki mtu asemeee nafsi yake. Unasema mzushi, mbona kauli hiyo imetolewa na Mrema mara kibao siku za nyuma . Naye alikuwa mzushi? Wewe itakuwa unakunywa viroba vile viitwavyo ZED
 
You must log in or register to reply here.

Similar Discussions

Back
Top Bottom
Forums
New posts
Post thread
Back