Jaji mstaafu Joseph Warioba, ameonesha wasiwasi wake juu ya uwezekano wa nchi kupata Katiba Mpya kabla ya kuingia kwenye mchakato wa uchaguzi wa mwaka 2029.
Akizungumza leo Agosti 28, 2026, katika mkutano wa wadau wa masuala ya kidemokrasia uliofanyika katika makao makuu ya Chama cha Wanasheria Tanganyika (TLS), Jaji Warioba amesisitiza kuwa kutopatikana kwa katiba hiyo kutasababisha changamoto kubwa katika masuala ya uchaguzi ujao 2030
Jaji Warioba ameonya kuwa ikiwa nchi itaingia kwenye uchaguzi mkuu wa 2030 kwa kutumia mfumo na Tume ya Uchaguzi iliyopo sasa bila kupata Katiba Mpya, taifa litakabiliwa na madhara makubwa. Ameeleza kuwa muundo na utaratibu wa sasa wa uchaguzi haukidhi matarajio ya kuleta uwazi na haki inayotakiwa katika kuendesha mambo ya kidemokrasia.
Aidha, amegusia hali ya majeraha na maombolezo yanayoendelea miongoni mwa wananchi kutokana na matukio ya Oktoba 29 2025, huku akiikosoa Serikali kwa kuchukulia hali hiyo kama jambo la kawaida.
