Wapi AshaDii?

Status
Not open for further replies.
Hii jee X-paster unaijua ya Bi fatma Binti Issa

(inasemwa aliimba kwa kuwa watu walimsema ana 'uso wa basi' na anakunywa pombe)


Haya maumbile yangu

Chuki binafsi na choyo, nyoyoni za wasumbua
Kutwa kazi yenu hiyo, zimewajaa shakawa
Kwangu yepi muonayo, mageni msoyajua?
Kufanya niyapendayo, kwenu kosa limekuwa.

Hilo haliwezikani, na wala halitokuwa
Leo nakuelezeni, muache kunichungua
Msijitie shidani, haya nimejaaliwa
Kwani hasa jambo gani? Mie la kulaumiwa?

Nami ni mja mwenzenu, hata mkinichukia
Aibu yangu ndo yenu, kama mtafikiria


Kama baya kwenu nyie, kwangu nna ona sawa
Nawambia msikie, msio fahamikiwa
tena hadi msikie, kukaa kujizuzuwa
Lilobaki mniachie, sitaki kudhulumiwa

Wengi wamenihasimu, na thamani kunitoa
Mwapita kumwaga sumu, kila ovu kutupiwa
Bure mnanituhumu, ya fitina kuyagawa
Nami ni mwanadamu, si vyema kunibagua

 
Last edited by a moderator:
Reactions: 3D.
X-PASTER said:
Ukipata audio yake tutafutie na hii:
Click to expand...

Mbona hiyo siijui...mie naijua "Bahati ikenda kombo" tu (@_@)

Bahati ikenda kombo, mwerevu huwa mjinga
huwa mjinga wa mambo, bahati ikikutenga
Japo mzuri wa umbo, wabaya humsimanga
 
Hii nyimbo inanikumbusha vile vijembe vya enzi hizo za wakongwe wa Taarab. Enzi ya Kina Siti Binti Saad.

Mama Siti Bint Saad alipigwa vijembe vingi na hizi beti mbili kutoka kwa waimbaji tofauti nadhani ndizo zimeingizwa kwenye kumbukumbu:

Siti Binti Saad,ulikuwa mtu lini?
Ulitoka shamba,
na kaniki mbili chini
Kama si sauti ungekula nini?

Na nyingine hii:

Jakazi jeusi Halina maana
Mchache wa nyusi Hata kope hana
Hakika nuhusi Kasuhubiana
Ukilichukua Halichukuliki
Japo lipakata Halipakatiki

Naye akawajibu Kijembe ambacho wapinzani wake hawakuthubutu tena kumchezea:

Si hoja uzuri Na sura jamali,
Kuwa mtukufu Na jadi kubeli,
Hasara ya mtu Kukosa akili
 
Gaijin said:
Mbona hiyo siijui...mie naijua "Bahati ikenda kombo" tu (@_@)

Bahati ikenda kombo, mwerevu huwa mjinga
huwa mjinga wa mambo, bahati ikikutenga
Jambo mzuri wa umbo, wabaya humsimanga
Click to expand...
Hata hiyo si mbaya, ivo nilikwambia hizi nyimbo zote ninazo?

Nadhani zinafika mia na zaidi.
 
Du!
Mimi sina asili na aina hii ya mashairi, lakini ukiyasoma kwa utulivu yana mvuto wa pekee sana, na yanagusa hisia moja kwa moja!
Hakika watu wa pwani walikuwa na namna ya ajabu sana ya kuwasilisha ujumbe na kuwatunuku wawapendao!

X-Paster, FF, na Gaijin, endeleeni kutupa haya mahaba ya pwani!
Je siku hizi hakuna watunzi wa jinsi hii?
 
Paka Jimmy



Mwenzenu kanilemaza na kunivaa moyoni
Mengi yamenipendeza, msiulize kwa nini
Mengine ni miujiza, ameshushiwa mwandani

Ukweli haufichiki, kajaaliwa imani
Undani yeye hataki, penye kosa hubaini
Umbile hamithiliki, bashasha za kila fani

Mkweli kakamilia, anafahamu hisani
Mpole zake twabia, si mtu wa ushidani
Mzuri katimilia, hilo wazi muamini


Anajua nampenda, moyoni ameamini
Ameridhi kuniganda, katu hatubandikani
Popote nnapokwenda, yumo mwangu mawazoni

Mwenye roho ya imani, hakuna kuliko yeye
Ni kweli hatuachani, twapendana mimi naye

 
Last edited by a moderator:

Gaijin,
Kwa aina hii ya sifa ilikuwa ngumu sana watu kuachana kirahisi!
Je fedha na kipato vikuwa na nafasi gani enzi hizo?...Mbona yaonyesha havikuwa na nafasi kabisa kwenye sifa za mwandani in controversy to today's situation?
 
Last edited by a moderator:

Ichukue hii siri, iwe kwako ni wasiya
Huwi katika wazuri, ila kwa njema tabiya
Uwe mwenye kusubiri, siivamie duniya

Tabia kitu azizi, kiumbe akiwa nayo
Si hoja sura nzuri, na watu kukusifiya
Au umbo la fakhari, mwenyewe kujivuniya
Huwi na nyingi jeuri, hayo yakasaidiya

Hata watu wa bara pia walikuwa na namna yao ya kufikishiana ujumbe, labda tu kwa udhaifu wa wataalam wetu wameshindwa kutuwekea kumbukumbu.

Hivi unamjuwa au kumkumbuka Marehemu Mzee Mwinamila, alikuwa ni kiongozi wa kikundi cha ngoma, kilichojulikana kwa jina la 'Hiari ya Moyo'? au Mzee mwingine ni Mzee Makongoro na nyimbo zake...

Nimekumbuka beti moja ya wimbo wa Mrehemu Mzee Mwinamila:

Upo hivi... “...Twaimba nyimbo…! Twaimba nyimbo mwisho wake tutakufwa lofwa...!

Sikumbuki tena muendelezo wake.

(hapa alikuwa na maana wanaimba nyimbo lakini matokeo yake mwisho watakufa masikini/lofa).

Na ni kweli, waimbaji wengi wa zamani na hata wa siku hizi mwisho wake wana sahaulika na wanakuja kuwa omba omba.

Kuna na huu mwingine nakumbuka beti zake chache... unaitwa "Madereva",

Unaanza hivi...
"Mtikisiko wa Wimbi, Maji Ya Kipwa Kimbia, Ukimsifu Mgema Tembo ulitia Maji... Madereva wenye fujo yafaa kuwakimbia.

Kibwagizo: Dereva kalewa pombe! haa! Sawa hiyo!?
Waitikiaji: Haataa, hiyo si sawa dereva wacha vituko!

Nyingine:
Kuleni kuku, mayai, mboga, samaki, maziwa, Na kujenga nyumba safi pa kulala pawe bora!
 
nimempenda kwa mengi, leo nna yatangaza
mbali ya sura na rangi, na umbo la kupendeza
mzuri tena haringi, sifa njema katimiza
nisemalo halipingi, mwepesi kutekeleza

nini nilopenda kwake, watu wananiuliza
nayapenda macho yake, ni kweli yanipumbaza
mpole twabia yake, na roho kaituliza
kupendwa ni haki yake, wala hatonichukiza

Nimeupenda na mwendo, apitapo huteleza
Mpole hana vishindo, ni mtu wa kujitunza
Ni mkweli wa vitendo, nia hutomgeuza
Ndipo nikampa pendo, wajuzi kuwatangaza

 
Last edited by a moderator:
PakaJimmy said:
Gaijin,
Kwa aina hii ya sifa ilikuwa ngumu sana watu kuachana kirahisi!
Je fedha na kipato vikuwa na nafasi gani enzi hizo?...Mbona yaonyesha havikuwa na nafasi kabisa kwenye sifa za mwandani in controversy to today's situation?
Click to expand...

Waswahili wanakwambia Akheri zamani hiii...dunia ya mwisho, watu pesa mbele mauti nyuma.
 
Mkuu X-Paster,
Nimefurahia zaid hiyo sehemu ya kwanza ya ushairi!
Hakika huwezi kulinganisha na mambo ya "kuleni kuku mayai mboga samaki maziwa"...Utavipata wapi vitu hivyo maisha yenyewe haya?
Kwanza akina Makongoro na Mwinamila waliimba kwa miongozo ya siasa za wakati huo zaidi, na ni kama vile waliongozwa na wanasiasa!
Lakini kwa shairi kama za hapo juu ni tafsir ya hisia za mtu zimtokazo kunako moyo!
Aksante mkuu!
 
Nampenda mpenzi wangu katu simwachi, mtasema mtachoka hatoki
Mnataka kututia mshawasha, fitina zenu hazipandi wala hazishuki

Kwa mimi simbanduki, ni radhi nilaumiwe
wala sitotaharuki, vizingiti niwekewe
Nampenda kwa vyovyote simchoki, naeleza nyote muelewe

Raha na raha ni hizi, si raha za kuigiza
raha mimi na mpenzi, yote tushayatimiza
Kubalini mtupe zote pongezi, tumeshinda na bado twaongeza

mapenzi yetu ni moto, hisia zetu ni sawa
tukiwa mbali ni joto, na karibu twaungua
............................




Kukupenda sana, ndilo kosa langu
Sitofanya tena, naapa kwa Mungu
Niliyoyaona, yanatosha kwangu

Nikikumbukia, naona uchungu
Nimekupokea, kwa khiari yangu
Kumenichongea, kukupenda kwangu

Umeidharau, ihsani yangu
Unanidharau, kama si mwenzangu!
Basi angalau, ungedumu kwangu

Nakupenda sana, kama roho yangu
Nawe ulinena, wangu peke yangu
kumbe ni khiyana, wenda kwa wenzangu

 
Last edited by a moderator:
Mkuu, ahsante nami nafurahi kwa kufurahi kwako.

Nimeweka hizo za kina Mwinamila kwa sababu nimekosa hadudi za rejea kutoka kwa waimbaji wa bara, na hii ndio udhaifu wetu sisi kukosa kumbukumbu muhimu sana za kisanii.

Mimi naamini kabisa kuwa kule bara kulikuwa na waimbaji ambao nyimbo zilikuwa ni hisia halisi za maisha ya kila siku... lakini Ah! Tutazipata wapi maana nazo hazipo kwenye kumbukumbu.
 
Khaaaa sikutegemea siku ya leo kusikiliza taarab zilizoniliwaz kama leo, thanks gaijin
 

Thats the spirit My dear, true love has no limits
Amenipiga kibuti but subra huvuta kheri na mie nipo tayari kusubiri, FF is the most resilient lady of JF, i like that strength and I am sure i will be a good man for her, and I am old too so together we can twist and turn the world, its gonna be a lethal combination, full of life and laughters

I am sure she will accept me as I am and you will be there as our chief of protocol

I am very optimistic and full of love
 



Nothing gives me pride than seeing a man in lurve... for it is rare nowadays...
imagine my elation in knowing it is being directed at my twin FF... Dah!
En ways mtu akikupiga kibuti kwa mkwara wa 'am too old' me as a woman
takes it as she is trying to say "i love you too but don't you mind the age?"
With my help of coz we will eventually conquer her.... for love conquers all!!
And YES i do agree she is the mosr resilient lady of JF... For wengi wetu
upenda kufanya vile guys around us approve, instead of what we really believe in...
 
Reactions: 3D.
Gaijin
kuna ile nyimbo inaimbwa hivi..

tulia mpenzi,tullia mpenzi...
tulia mpenzi nipate tulia.....
 

You have made my day!!

Mucho gracias.....
 
Status
Not open for further replies.

Similar Discussions

Menu
Log in
Register
Cookies are required to use this site. You must accept them to continue using the site. Learn more…