Uwezo Wako: Baraka au Laana?

[Zack Abdul]

Dunia ina idadi kubwa ya watu wasio na shida na wewe, na wala hawana mpango wa kugombana na wewe, ikiwa utawahakikishia kuwa wewe ni wa kawaida, mnyonge, huna mbele wala nyuma na mwenendo wa mambo unaonesha kuwa utaendelea kuwa chini.

Katika biblia, kwa mfano, tunasoma habari za Yusufu mwana wa Yakobo, kijana wa tofauti aliyesimulia ndoto zake zilizoonesha kuwa ana kitu kinachomtofautisha na ndugu zake. Ingawa Yusufu hakusimulia kwa nia ya kujionesha, matatizo yake na ndugu zake yalianzania hapo ndoto zake zilipowatia unyonge ndugu zake.

Kosa kubwa unaloweza kufanya na likakugombanisha na watu usiowatarajia ni kuonesha kuna kitu Mungu ameweka ndani yako kinachokutofautisha na wengi, na kwamba upo uwezekano wa kufanya yale ambayo wengi wanatamani kuyafanya lakini, kwa sababu mbalimbali, hawawezi kuyafanya.

Ikiwa hujajiandaa vizuri kupambana na chuki, saa nyingine kutoka kwa watu wa karibu, kuonekana ni mtu usiye na mbele wala nyuma inaweza kukuepusha na mengi. Ikiwa ni lazima simulizi la kazi unazofanya lisikike ukifanikiwa kuonesha kuwa huna mahali unaenda, uwezekano wa kujiepusha na mengi unakuwa mkubwa. Halaiki, kwa kawaida, haipendi kuona kuna mahali unasogea.

 

[Psalm_27]

Sawa mkuu...

 

[Mwizukulu mgikuru]

mkuu hata nisipojionyesha kuwa nina pesa au nimesoma sana...bado haiba yangu, muonekano wangu hata uvaaji wangu utawaumiza watesi wangu na wenye chuki na mimi kwa hiyo sidhani vita inakwepeka kwa njia ulizozitoa hapo juu......vinginevyo tuvae marapurapu, tusijipake mafuta mazuri, tusiishe kwenye nyumba nzuri, na ikiwezekana tusipendwe kabisa na wanawake wazuri..............lakini naomba nikuulize mkuu kwa muonekano wangu unahisi wanawake wazuri wataacha kunipenda? vinginevyo basi nichomeni kwa tindikali ili rangi yangu ipotee😁😁👎 au nivunjeni miguu niwe mlemavu, au nitoboeni macho niwe chongo😜😜😜😜😜

 

[MCHEBETE]

kumbuka msemo usemao hasidi hakosi sababu,kuna boss alikuwa anazungusha gari ya zaidi ya 250m,lakini akawa anahoji na kutaka kujua mtu mwenye IST used ya 6m kaipataje

 

[stephot]

Kukaa kimya na kutokuonesha uwezo au karama ulionayo kwa watu wengine,ni kweli inaweza kukusaidia sana kujiepusha na matatizo yasio ya lazima,ingawa watu wengi huwa hawawezi kuficha,maana anaona watajuaje kama yeye ni somebody...

 

[ManchoG]

Uzi ulikuwa na maana kabla hujaweka mifano ya kidini kwa sana

Dini ni kichefuchefu cha mda mrefu kinachosubiri kutapikwa

Kuwa na maana au kukosa maana ni uwekezaji wa mda mrefu wa viwango Vya kijamii walivyojiwekea

Mimi kuwa jf hata kwa kipindi hiki cha maisha kwangu ni baraka tosha