Utamu wa Dodo Kunyonya.. | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Utamu wa Dodo Kunyonya..

Discussion in 'Jukwaa la Lugha' started by Mzee Mwanakijiji, Apr 9, 2008.

  1. Mzee Mwanakijiji

    Mzee Mwanakijiji Platinum Member

    #1
    Apr 9, 2008
    Joined: Mar 10, 2006
    Messages: 31,069
    Likes Received: 5,194
    Trophy Points: 280
    Utamu wa embe dodo, nawaambia vijana,
    Ni embe lisilo nyodo, mfano wake hakuna,
    Hamuye ninayo bado, kwa mengine mimi sina,
    Nimekula embe dodo, bolibo sitaki tena!

    Nilipoona bolibo, nilidhani nimepata,
    Nikalipigia chabo, tamaa ikanikuta,
    Sikutaka embe robo, lilo zima nikangÂ’ata,
    Nimekula embe dodo, bolibo sitaki tena!

    Mdomo nikajilamba, bolibo nikisifiya,
    Na wimbo nikauimba, utamu nikisikiya,
    Na mguno kama komba, mtini akirukiya,
    Nimekula embe dodo, bolibo sitaki tena!

    Harufu nikanusiya, embe dodo li mtini
    Hamu ikaniingiya, bolibo sikutamani,
    Haraka nikakimbiya, nisiingizwe mjini,
    Nimekula embe dodo, bolibo sitaki tena!

    Mwili ukinitetema, nikashika mkononi,
    Huku miye ninahema, dodo embe la thamani,
    Nikaliminya kupima, jinsi lilivyo laini,
    Nimekula embe dodo, bolibo sitaki tena!

    Kwa upole nikamenya, dodo nililotungua,
    Na kidole kikapenya, nikaanza kutumbua,
    Bolibo sikuyasanya, madodo nikachukua,
    Nimekula embe dodo, bolibo sitaki tena!

    Kufurahia utamu, ni kufyonza kokwa lake,
    Dodo litakupa hamu, mengine usiyatake,
    Mimi leo ni mwalimu, mengine yana makeke,
    Nimekula embe dodo, bolibo sitaki tena!

    Beti zangu nazifunga, embe langu najinoma,
    Madodo hasa ya Tanga, hakika hayana noma,
    Mdudu hatanivunga, na wala sitamtema,
    Nimekula embe dodo, bolibo sitaki tena!!

    Na. M. M. Mwanakijiji (Sauti ya Shamba)
     
  2. mbarikiwa

    mbarikiwa JF-Expert Member

    #2
    Apr 9, 2008
    Joined: Mar 8, 2008
    Messages: 507
    Likes Received: 4
    Trophy Points: 35
    Hongera Mzee Mwanakijiji.
    Ama kweli Utamu wa Dodo kunyonya.
     
  3. Kapinga

    Kapinga JF-Expert Member

    #3
    Apr 9, 2008
    Joined: Nov 20, 2007
    Messages: 728
    Likes Received: 3
    Trophy Points: 0
    mwanakijiji hope u wont mind me copyin this..ni noma!!
     
  4. Pundit

    Pundit JF-Expert Member

    #4
    Apr 9, 2008
    Joined: Feb 4, 2007
    Messages: 3,741
    Likes Received: 21
    Trophy Points: 0
    Mahenga wa kaskazi, umerudi kujitia
    Kundini kuweka wazi, mambo yakuburudia
    Ila mimi nina kazi, ya wewe kufaidia
    Dodo hilo limeoshwa, au walifakamia?

    Ashakum si matusi, bora ni kuhabarisha
    Dodo ukinyonya kusi, kaskazi waharisha
    Domo kufanya chunusi, jaribu kama wabisha
    Dodo hilo limeoshwa, au walifakamia?

    Ama walifakamia, dodo hilo limeoshwa?
    Kulitoa kwa gunia, gengeni halitatoswa
    Nyani wangejivunia, mwembeni wasingekosa
    Dodo hilo limeoshwa, au walifakamia?

    Kula dodo lina yule, mdudu kifaurongo
    Ukimnyonya tawire, takufa hata ubongo
    Hutofika hata Bwire, tutakuweka udongo
    Dodo hilo limeoshwa, au walifakamia?

    Pundit (Mjini Shule)
     
  5. Steve Dii

    Steve Dii JF-Expert Member

    #5
    Apr 10, 2008
    Joined: Jun 25, 2007
    Messages: 6,417
    Likes Received: 54
    Trophy Points: 145
    Embe dodo embe dodo, wanivutia miye dogo,
    Zangu toka soko, narudi nimejawa mikoko,
    Tele ni majigambo, yangu leo uhondo,
    Menya yajipe mambo, napigwa ganda la kisogo,
    Langu embe dodo, limejawa nyodo.​

    Nyodo zimejaa, kwenye langu dodo,
    Utashi si masikhara, nikalimbembeleza kidogo,
    Ukubwa ni jalala, nikaushitukia unoko,
    Langu embe dodo, limejawa nyodo.​

    Nyodo zaliandama, langu embe dodo,
    Uwele si mtama, kulichambulia ubongo,
    Bariadi mpaka Kahama, kujirudi miye usongo,
    Langu embe dodo, limejawa nyodo.​

    Nyodo zitaliponza, sifa bado kemkem,
    Mwanga si Mwanza, libishi kama Sisiem,
    Kuangamia nikakuwaza, ahueni kulitosa sehemu,
    Langu embe dodo, tele limejawa nyodo.​

    Kokwa sitanyonya, mchangani nimelidondosha,
    Siupendi umatonya, mkakamavu ng'wanangosha,
    Baadhi walinitonya, yangu majuto kuepusha,
    Langu embe dodo, tele limejaa nyodo.​

    SteveD. (Mwangwi wa Handaki)​
     
  6. Mzee Mwanakijiji

    Mzee Mwanakijiji Platinum Member

    #6
    Apr 10, 2008
    Joined: Mar 10, 2006
    Messages: 31,069
    Likes Received: 5,194
    Trophy Points: 280
    duh... naona embe "limezua" mambo... kapinga ushindwe mwenyewe, Pundit once again..you amazes me.. Steve... I like the free style!! keep up..
     
  7. Albedo

    Albedo JF-Expert Member

    #7
    Apr 10, 2008
    Joined: Feb 24, 2008
    Messages: 5,566
    Likes Received: 17
    Trophy Points: 135
    Embe dodo lasifiwa, shairi likitungiwa
    Kwa mbwembwe likiimbiwa,na malenga wenye kujua
    Kwa wengine lasifiwa, kwa wengine limevundwa
    Malenga naomba juvwa, Ni nini hili embe dodo?

    Malenga naomba juvwa, embe dodo hili ni nini
    Ni lile lililovundikwa, au liloiva mtini
    Mwanakijiji hebu fumbuwa, umesifia kwa yanini
    Malenga naomba juvwa, Ni nini hili embe dodo?

    Pundit watia shaka, juu usafi wa embe dodo
    Mwanakijiji kafamika, na uchafu wa embe dodo?
    Steve D achefuka, na embe dodo lenye nyodo
    Malenga naomba juvwa, Ni nini hili embe dodo?
     
  8. Kinyau

    Kinyau JF-Expert Member

    #8
    Apr 10, 2008
    Joined: Nov 24, 2006
    Messages: 788
    Likes Received: 92
    Trophy Points: 45
    Si lazima liwe tamu hilo unalosifia
    Ulikuwa tu na hamu na njaa ilovilia
    Maembe ni mengi humu tena yalo asilia
    Si lazima liwe dodo laweza kuwa ng'ong'o

    Utamu hutegemea ni vipi unalilamba
    Jinsi ganii wahemea embe lako kulikomba
    Vile we utavyokemea jirani wakikuomba
    Si lazima liwe dodo laweza kuwa ng'ong'o

    Kula embe ni ujuzi ili upate utamu
    Kunahitaji miluzi kuzidisha yako hamu
    Ukifanya upuuzi hutopata yake tamu
    Si lazima liwe dodo laweza kuwa ng'ong'o

    Waweza pia kuruka kuimba au kucheka
    Waweza kulipapasa kabla hata hujalishika
    Hauhitaja haraka kwani laweza kasirika
    Si lazima liwe dodo laweza kuwa ng'ong'o

    Embe likate kwa ufundi katu usiwe na haraka
    Lisiliwe kwa makundi peke yako we hangaika
    Uwe ni wako ushindi wa kulipata kwa hakika
    Si lazima liwe dodo laweza kuwa ng'ong'o

    Namaliza kwa kusema sichague aina ya tunda
    Mengi ni matamu hima kama tu utayapenda
    Ulipe wako mtima sithubutu kulitenda
    Utamu wa embe ni wewe, jinsi gani walitenda



    Kinyau original​
     
  9. Kinyau

    Kinyau JF-Expert Member

    #9
    Apr 10, 2008
    Joined: Nov 24, 2006
    Messages: 788
    Likes Received: 92
    Trophy Points: 45
    pundit, you made my day. Nice work, nice challenge to all those wanting to eat embe unwashed.
    SteveD, Mwanakijiji, ndege ya uchumi,kapinga and mbarikiwa Good work and keep it up.
     
  10. Albedo

    Albedo JF-Expert Member

    #10
    Apr 10, 2008
    Joined: Feb 24, 2008
    Messages: 5,566
    Likes Received: 17
    Trophy Points: 135
    Hii inanikumbusha akia mzee Andanenga, mnamkumbuka huyu mzee? Yuko wapi sasa hivi
     
  11. Tanzania 1

    Tanzania 1 Senior Member

    #11
    Apr 10, 2008
    Joined: Oct 4, 2007
    Messages: 197
    Likes Received: 6
    Trophy Points: 0
    Bolibo tena hutaki, bayana umeyanena,
    Dodo umelimiliki, hutaki tena ya jana,
    Kwa dodo huambiliki, mengine hujayaona,
    Dodo na yule samaki, kipi kitamu sana.

    Samaki ulimleta, JF uwanjani,
    Na sifaze ukateta, harufu iso kifani,
    Hatimaye ukajuta, ulimleta kwanini,
    Dodo na yule samaki, kipi kitamu sana.

    Ulisema humtaki, kumbe ajenda ya siri,
    Ukatutia mikiki, vishindo kikiri kikiri,
    Oooh, huyu samaki, kwa harufu kakithiri,
    Dodo na yule samaki, kipi kitamu sana.

    Pamoja na uvundowe, umesema utamla,
    Jibu tena usipewe, umefunga mjadala,
    Umeshikwa na kiwewe, umeishiwa na hila,
    Dodo na yule samaki, kipi kitamu sana.

    Sasa ni zamu ya dodo, yu wapi yule samaki,
    Umeuacha mpodo, umeshika msuaki,
    Ana ana anado, utakosa tahamaki,
    Dodo na yule samaki, kipi kitamu sana.

    Mzee sinichukie, najifunza hapa hapa,
    Mazuri uyachukue, mabaya waachie papa,
    Nami usiniachie, pale nilokwenda kapa,
    Dodo na yule samaki, kipi kitamu sana.
     
  12. Mzee Mwanakijiji

    Mzee Mwanakijiji Platinum Member

    #12
    Apr 10, 2008
    Joined: Mar 10, 2006
    Messages: 31,069
    Likes Received: 5,194
    Trophy Points: 280
    Dodo limezidi hamu, samaki sitaki tena,
    Dodo hili tamutamu, vya bahari hamu sina,
    Dodo nalikiri humu, ngisi pweza nawakana,
    Dodo la leo adhimu, vilosusa ni vya jana,
    Dodoe langu ni tamu, ni tamu kama sukari!

    Dodo langu nalimenya, vidoleni nalishika,
    Dodo hilo nalipenya, kwa kisu cha uhakika,
    Dodo ninalimumunya, ulimini lalambika,
    Dodo linanitekenya, akili zimeniruka,
    Dodoe langu ni tamu, ni tamu kama sukari!

    Dodo nimelisafisha, silili lililo chafu,
    Dodo natanaibisha, ndilo embe maarufu,
    Dodo msitake bisha, napenda yake harufu,
    Dodo roho lanikosha, hapa nawataarifu,
    Dodoe langu ni tamu, ni tamu kama sukari!

    Dodo si kama bolibo, si ng'ong'o nakuambia!
    Dodo siite ni bibo, ni onyo nakuusia,
    Dodo silili kwa robo, jizima nafakamia,
    Dodo hatui ndorobo, tunda langu nalindia,
    Dodoe langu ni tamu, ni tamu kama sukari!

    Dodo peke sitamani, mawili nashikilia,
    Dodo moja li kinywani, jingine nakumbatia,
    Dodo hilo ulimini, kiufundi nang'atia,
    Dodo naapa yamini, kamwe siyaachia,
    Dodoe langu ni tamu, ni tamu kama sukari!

    Dodo nimelisifia, mwenzenu sasa nayeya,
    Dodo nalifurahia, silili tena kwa puya,
    Dodo nimeliwazia, kama awazavyo yaya,
    Dodo nawatangazia, nakwenda kama napweya,
    Dodoe langu ni tamu, ni tamu kama sukari!
     
  13. Pundit

    Pundit JF-Expert Member

    #13
    Apr 10, 2008
    Joined: Feb 4, 2007
    Messages: 3,741
    Likes Received: 21
    Trophy Points: 0
    Ustaadh Amiri Sudi Andanenga "Sauti Ya Kiza" Mzee wa Kinondoni Shamba ameandika kitabu "Diwani ya Ustadh Andanenga".Yuko involved katika shughuli za the visually impaired na mambo ya jumuiya ya wazazi CCM.
     
  14. Mzee Mwanakijiji

    Mzee Mwanakijiji Platinum Member

    #14
    Apr 10, 2008
    Joined: Mar 10, 2006
    Messages: 31,069
    Likes Received: 5,194
    Trophy Points: 280
    Mzee huyu kwa kweli ni kioo cha ushairi na ushauri... mojawapo ya mashairi yake niyapendayo sana ni lile lisemalo "Nyege ni kunyegezana".. watu walidhani anatukana!
     
  15. Allah's Slave

    Allah's Slave JF-Expert Member

    #15
    Apr 10, 2008
    Joined: Mar 14, 2008
    Messages: 564
    Likes Received: 3
    Trophy Points: 0
    Naona wazee hamvumi tu lakini mmo. Kunavipaji hapa JF, Balaa
     
  16. Mzee Mwanakijiji

    Mzee Mwanakijiji Platinum Member

    #16
    Apr 10, 2008
    Joined: Mar 10, 2006
    Messages: 31,069
    Likes Received: 5,194
    Trophy Points: 280
    hata mimi watu wamenigusa maana mistari inashushwa hadi unasikia raha..
     
  17. zomba

    zomba JF-Expert Member

    #17
    Feb 5, 2013
    Joined: Nov 27, 2007
    Messages: 17,082
    Likes Received: 38
    Trophy Points: 0
    Dodo halinyonywi, dodo linaliwa. Zinyonywazo ni boribo na sindano.
     
  18. Arushaone

    Arushaone JF-Expert Member

    #18
    Feb 5, 2013
    Joined: Mar 31, 2012
    Messages: 14,155
    Likes Received: 356
    Trophy Points: 180

    zomba shairi hujibiwa kwa shairi bhana! Mzee Mwanakijiji angeelewa zaidi endapo ungejibu kwa shairi lenye vina. Mzima wewe?
     
    Last edited by a moderator: Jan 4, 2016
  19. zomba

    zomba JF-Expert Member

    #19
    Feb 5, 2013
    Joined: Nov 27, 2007
    Messages: 17,082
    Likes Received: 38
    Trophy Points: 0
    Tatizo unafikiri mashairi ni lazima yawe na beti. Tazama kina na mzani wa mstari niliouweka.
     
  20. Mkubwa Jalala

    Mkubwa Jalala Senior Member

    #20
    Apr 4, 2013
    Joined: Mar 21, 2012
    Messages: 113
    Likes Received: 1
    Trophy Points: 0
    Nautambua uwepo, wenu wanamalenga.
    Mimi kwenye embe sipo, haswa yakutoka Tanga.
    Mwenzenu napenda epo, ninalila kwa kuringa.
    Embe hata liwe zuri, ndaniye kunamdudu.

    Siwezi fata upepo, kusifu bila kupinga.
    Tena epo likiwepo, kwangu dodo huwa chunga.
    Nasema nitamanipo, epo ndio yangu kinga.
    Embe hata liwe zuri, ndaniye kunamdudu.

    Nimesha kula kiapo, kwa epo nimejifunga.
    Kwenye trei mahalipo, dodo ni lakwenye tenga.
    Sitaki kuwa popompo, vyamaradhi kuvimanga.
    Embe hata liwe zuri, ndaniye kuna mdudu.
     
Loading...