Unakumbuka nini ukiona hii

[SURUMA]

Me nakumbuka kipindi cha mama na mwana kilikuwa mchana mara nyingi wakati huo nilikuwa nawait chakula, na mother yuko jikon anapika.

Kipindi cha Klabu Raha Leo siku za Jumamosi, jioni Wakati huo radio ni RTD pekee na idhaa zake.

 

[Ndibalema]

huo wimbo sio wa ntombi marumbini ni wa mwanadada Pamela Mkuta.

Ni Nkuta kama sikosei. Ila mzee upo deep sana.

 

[dkirenga]

Hiyo ndo ngoma bwana nilikuwa nikigusa tu nalambwa 5 eti ntaharibu redio do sasa cd mabroo na wajomba bwana

 

[hacena]

Nakumbuka radio hiyo ilikuwa getho ya braza mmoja ambaye alikuwa anatupa ufunguo na ss tunaenda kuwaadhibu wanafunzi wenzetu tukiwa sekondari.

 

[Mani H]

Wimbo huo wa Ntombi ulinifanya niwe mlevi kupita kiasi, ukitoka huo anakuja Mzee wa ende inde, inde moniii-Kanda Bongoman, halafu Arlus Mabele; ila sasa nakunywa kidogo tu

Hahahahahhh inde by kandabongomani nilikuwa naucheza wote kama wanavyocheza wenyewe

 

[Mani H]

Pia nimekumbuka nyimbo ya M mshehe wa jogoo la shamba aliwik mjini.nilikuwa na jamaa mtaani kwetu anajifanya mbabe sana na kupiga watu ndio akiimbia hiyo nyimbo mapaka mwisho akapewa jina la jogoo wa shamba.

 

[andate]

last but not least 1980 ndipo mzee aliponunua hiyo radio ilikuwa na vitaa taa vinawaka, sumbawanga huko ndipo nilipo fall in love na DDC mlimani park orch, ile saa kumi na moja kipindi cha jioni njema wanapiga wimbo wa ddc duniani kuna mambo bitchuka na stereo sauti yake inapanda mpaka mawinguni ..nyimbo km selina, mamaaa nimesahau masantula ngoma ya mpwita arrgh jamani maisha yalikuwa matamu sana, kubasi aka makatambuga ndo fasheni, wajanja wanazamia meli kwenda ugiriki, ulaya kunaitwa mtoni nna mengi mno ngoja niishie hapo

enzi hizo kulikua na vitu vya kina Nguashi Ntimbo na orchestra vestival du zaire: Shauri yako.

Shauri Yako by Nguashi Ntimbo, orch Festival du Zaire / original - YouTube

Sam mangwana: maria tebo:

Sam Mangwana_ Maria Tebbo - YouTube

Tabu Ley: Maze:

Rochereau Tabu ley - Maze. - YouTube

 

[kingfish]

Nakumbuka redio hii niliinunua kwa mara ya kwanza mwaka 1992,mwaka 2001 iliunguzwa kwa radi lakini nikanunua nyingine kama hii mwaka huohuo na bado ninayo.

 

[sabasita]

yekeyeke

 

[Kana-Ka-Nsungu]

Nadina yoo nadina mama, rudisha mwili na roho nyuma mamaaa
Mimi pasi nipooo, roho inadundaaa,
Heee yoo nadiina yeyeee, unipe mapenzi yako yoteee eee

Ngoma imenoga hapo ghafla unaskia kwichikichikwichiiii, ukifungua kanda ishasokotwa kitamboo. Inabidi uitoe pole pole utafute ki screw driver kiduchuu uifungue, urudishie na wakati mwingine kama imetafunwa sana unakata kile kipande na kukitoa kabisa, unafunga na kurudisha utumbo ndani kwa kutumia pen ya BIC, unaendelea kula ngoma....

 

[Zinedine]

Ni Nkuta kama sikosei. Ila mzee upo deep sana.

Ohoo! Nahisi kama Nkutha, but ol n ol bongofleva imekuja kuharibu 'sense' ya muziki kbsa.

 

[afrodenzi]

Mi inanikumbusha like kipindi cha

Keyiii keyii shangaziiii.

 

[King’asti]

Dah, sad memory. Nikiwa std 1 niliugua malaria muda mrefu. Nikawa napewa klorokwini. Aisee, kutwa nzima najilaza nasikiliza redio. Saa ya malenga watu nadhani ilikuwa saa ya dawa. Basi wakiimba mashairi kile kisauti chao naona kama wanashare huzuni zangu. Jumapili ilikuwa kipindi cha wagonjwa, lol. Last year nilijikuta kijijini na safari ya muda mrefu, na the only station ilipatikana ya tbccm na kipindi cha wagonjwa. It was a walk on the memory lane!

 

[arafat ara]

Haha duh..
Miaka ya 95 huko ndio ilikuwa inavuma.

 

[babuwaloliondo]

1987 braza angu alileta kanda ya alpha blondy enzi hizo nyimbo km idjidja, afrique, intepranetary revolution, brigadier sabare kwa kweli mimi kwangu alpha blondy ni zaidi ya lucky dube! Nyimbo zake zinanipa raha mno! Ile afrique bd inaleta burudani. Mbili miaka ya mwanzo ya tisini yaani kuanzia 1989 nikuwa Iringa nilipenda sana kusikiliza idhaa ya kingereza ya kenya, walikuwa wana vipindi vizuri sana na miziki ya kizungu waliipiga sana. Namkumbuka mtangazaji wa reggae time kbc nairobi akiitwa jeff mwangeni aka crucial jeff jamaa alinifanya nisikikose hicho kipindi kila alhamis saa mbili kamili asubuhi mpaka saa tatu. Tatu miaka hiyo family yetu hatukuwa vizuri sana mzee wangu alipenda sana kusikiliza redio kenya ya kiswahili siku za jmosi na jpili akiwa home, wakati huo tulikuwa tunakamua ndondoz daily, kenya ni wataalam sana wa kutangaza bidhaa zao, lile tangazo la roiko mchuzi mix lilituokoa ndondoz zetu zikatafutiwa mchuzi mix sasa tukawa tunatafuna ndondoz kwa flavor tofauti. Nne ilikuwa ikifika saa tatu kasorobo mzee anazima radio yake anaichuku room kwakee utasikia tu tatu kamili kale ka mziki ka majira enzi hizo radio Tanzania.

Baada ya kipindi cha majira, kinafuata chubuku hongera hongera hongera, then inakuja mzee jangala, na kina mzee mundu.
By the way unakumbuka jumapili mchana KBC, kipindi cha jee huu ni uungwana, cha leonard mambombotela?

 

[Dr.zero]

Me nakumbuka kipindi cha mama na mwana kilikuwa mchana mara nyingi wakati huo nilikuwa nawait chakula, na mother yuko jikon anapika.

Asikwambie mtu kitu cha ARTECH, kule kwetu wakati tunatafuta maisha tulikuwa tunasafiri toka Mbeya kwenda kufanya vibarua vya kukata miwa kilombero, mwisho wa msimu unarudi na Hiyo makitu au baiskeli za Shang zheng, ukifika home lazima mchumba ajilete kuolewa, dah! those old good days, Unatumia battery ya gari as source of power

 

[Rosweeter]

Kipindi baba kanunua ya aina hiyo, kanda ya kwanza kununuliwa na kaka yangu mkubwa ilikuwa na nyimbo za 1. kajituliza kasuku 2. Dunia duara 3. Sisiri na nyinginezo. Umenikumbusha mbali sana mkuu na redio ilikuwa inawashwa baba akiwapo tu, akienda kazini anategesha namba

 

[The Pen]

Pwagu na Pwaguzi.

 

[The Pen]

Mi inanikumbusha like kipindi cha

Keyiii keyii shangaziiii.

Hivi sio cheiii cheiii?

 

[The Pen]

Hahahahahhh inde by kandabongomani nilikuwa naucheza wote kama wanavyocheza wenyewe

Enzi za kikaragosi cha Joyce Wowowo.