Uholela wa maegesho na biashara ndogo unavyosababisha foleni kubwa Dar es salaam jioni – Bunju, Gongolamboto na Mbagala Rangi 3

[N'yadikwa]

📍 – Bunju “B”

Kwa wanaopita barabara ya Bagamoyo jioni, hasa eneo la Bunju ‘B’, hali ya foleni imekuwa ya kawaida kila siku.

Tatizo kubwa ni:

• Daladala kuegesha kiholela barabarani badala ya kuingia kituoni
• Kusubiri abiria kwa muda mrefu (kupakia taratibu)
• Wafanyabiashara wadogo (machinga) kuvamia hadi barabarani
• Abiria kupanda na kushuka katikati ya barabara

Matokeo yake:👉 Njia mbili zinageuka njia moja
👉 Msongamano mkubwa wa magari
👉 Safari ya dakika 5 inageuka dakika 30–40

📍 Gongo la Mboto​

Hapa nako hali si tofauti.
Changamoto zinazoonekana:

• Daladala kusimama popote kupakia abiria
• Madereva kushindania abiria kwa kusimama katikati ya barabara
• Biashara ndogo kuzunguka kituo hadi kuzuia njia za watembea kwa miguu

Foleni huanzia kituoni hadi kufika mbali kabisa na kituo.

Wakati wa saa 11–2 jioni:👉 Magari hayasogei
👉 Pikipiki na bajaji kupita pembeni hovyo
👉 Hatari ya ajali kuongezeka

📍 Rangi Tatu​

Rangi 3 ni moja ya maeneo yenye msongamano mkubwa zaidi kusini mwa jiji.

Sababu kuu:

• Kituo kidogo ukilinganisha na idadi ya daladala
• Daladala kusimama nje ya kituo
• Wajasiriamali kueneza biashara hadi barabarani
• Abiria kuvuka ovyo bila mpangilio.

Hali hii husababisha:👉 Gridlock (barabara kufunga kabisa)
👉 Muda mwingi kupotea
👉 Uchafuzi wa hewa kutokana na magari kuwaka muda mrefu.

🔍 Tatizo Kuu ni Nini?​

Kwa mtazamo wangu, tatizo si uhaba wa barabara pekee bali:

1. Ukosefu wa nidhamu kwa madereva
2. Uzembe wa usimamizi wa vituo
3. Uvamizi wa maeneo ya barabara kwa biashara
4. Utekelezaji dhaifu wa sheria ndogo na maelekezo ya askari.

💡 Mapendekezo​

• Daladala zote zipakie ndani ya vituo tu. Enzi za Mwaibula using usingeona Daladala kukaidi au kutanua au kupakia nje ya kituo kiasi kwamba enzi zile huwezi ona abiria anasubiri daladala nje ya kituo maana ukikutwa ni ndani mojakwamoja.
• Machinga wapangiwe maeneo rasmi pembeni.
• Askari wa usalama barabarani wasimamie muda wa kupakia (max dakika 2–3).
• Uwekwe alama na vizuizi vya kuzuia maegesho barabarani
• Adhabu kali kwa wanaokiuka.

❓ Swali kwa wadau:​

Je, nyie mnaonaje?
Tatizo ni miundombinu au nidhamu ya watumiaji wa barabara?
Nani awajibike – madereva, machinga au mamlaka?


Karibuni mjadala.

 

[Smart911]

Hatari sana...



Cc: Mahondaw