Simulizi ya kijasusi - Nilimdhania kahaba kumbe bikra

[Gidabed]

Ngoja niisome hii story

 

[spy code]

Hi

 

[006-pro]

Umetisha sana

 

[006-pro]

SEHEMU YA 54

Kutoka Osaka mpaka ilipokuwa kambi iliokuwa ikifahamika kwa jina la Hastiti hapakuwa mbali na chopa ilitumia dakika kumi na tano tu kua angani.

Muda wote ambao Sophie na Shira kuwa angani , walikuwa wakimshangaa Roma ,hawakuwa wakielewa kwanini mtu aliekuwa uchi mbele yao dakika kadhaa nyuma alionekana kuheshimika sana mbele ya Meja Suzuki , lakini pia hawakuwa wakielewa kwanini Meja Suzuki alikuwa akimwita mwanaume aliekuwa mbele yao Hades, walikuwa na maswali mengi yaliokuwa yamewajaa kwenye vichwa vyao , kwao Roma alikuwa akionekana kawaida sana kwenye macho yao na kitu pekee ambacho hakikua cha kawaida kuhusu Roma ni ukubwa wa dudu lake tu, lakini pia hawakuwa wakiamini kama Roma ndio aliowaokoa,Laiti wangeshuhudia mziki alioufanya Roma wakati wakiwa kwenye maboksi wasingekuwa na maswali ya aina hio.

Licha ya Sophie kuwa katika hali mbaya kimavazi , urembo wake haukua umejificha , alionekana kuwa mrembo kweli kiasi kwamba hata kwa Dorisi hakuwa akimfikia , na kwa kumwangalia tu Sophia ni dhahiri kwamba utagundua mmoja ya mzazi wa Sophie ni mwarabu kutokana na nywele zake.

“Kanaonekana kuwa karembo , kwanini muda ule sikuwa nimekaangalia vizuri”Aliwaza Roma wakati wakiwa wanakaribia ilipo kambi ya Hastiti nje kidogo na jiji hili la Osaka.

Chopa ilitua kwa ustadi katika uwanja mdogo wa Hastiti , licha ya uwanja huu kuonekana mdogoi lakini ulikuwa ukitosha kabisa kwa ndege kubwa kutua , ilikuwa yapata saa nane za usiku lakini ndani ya eneo hili ni kama mchana kutokana na taa aina ya ‘Spotlight’ zilizokuwa zimefungwa kwa kuzungushwa eneo zima la kambi kumulika.

Kitendo cha Roma kukanyaga Ardhini tu , alimuona mwanamke akimkimbilia , alikuwa ni Dorisi, aliekuwa kwenye mavazi yake yale yale , licha ya kwamba Roma alikuwa amemuacha akiwa amechomwa sindano ya sumu na Kisu Mvunjiko , lakini hapa alionekana kuwa katika hali ya uzima wa afya.

Roma alijikuta akitabasamu mara baada ya kumuona mrembo Dorisi ,Mrembo huyu alionekana alikuwa na wasiwasi kweli , walikumbatiana na kufanya watu waliokuwa eneo hili wawaangalie kwa macho ya tofauti , huku Shira na Sophia wakiwa ni wenye kushangazwa na uzuri wa Dorisi , licha ya kwamba Sophia alikuwa mzuri lakini alikiri Dorisi alikuwa mzuri.

“Wanaonekana wanapendana sana”Aliwaza Sophie.

“Bebii Dorisi naona umepona”Aliongea Roma huku akiwa na tabasamu kama kawaida yake.

“Nilikuwa na wasiwasi sana , roho ilitaka kunitoka , nilikuwa nikiwaza kama jambo baya likikutokea nitamwambia nini Edna, na mimi nitaishi vipi”

Aliongea Dorisi na kumfanya Roma amkumbuke mke wake Edna , kwani tokea afike Japani hawakuwa ni wenye kuwasiliana hata kwa ujumbe wa meseji , hawakupigiana simu kujuliana hali wanandoa hawa wa mkataba.

Roma alijikuta akijisikia vibaya , licha ya kwamba yeye hakuwa amempigia mke wake simu lakini aliona Edna alipaswa kumpigia yeye , kwani Edna alikuwa na taarifa zote za kile kilichokuwa kikiendelea Japani.

“Hakuna jambo linaweza kunipata Dorisi , hupaswi kuwa na wasiwasi mimi hakuna kiumbe kinachoweza kunidhuru kwenye hii dunia”Aliongea Roma na kumfanya Dorisi atabasamu , kwa namna ambavyo Roma alikuwa akiongea usingedhania kama ni yule aliekuwa akifanya mambo ya kutisha masaa kadhaa nyuma , huyu alikuwa Roma wa kawaida ambaye mtu yoyote angemuangalia asingeyumbishwa na uwepo wake, kwani alikuwa wa kawaida sana.

“Dadii..” Aliita Sophine mara baada ya kumuona baba yake aliekuwa akiingia ndani ya sehemu hii ya uwanja wa ndege na akamkimbilia na wakakumbatiana huku Sophie akianza kulia kwa kwikwi .

“My Daughter ,I am so Sorry I Could’nt Protect you”Aliongea mzee huyu huku akionekana kujutia kwa kuruhusu tukio la kutekwa kwa mtoto wake , aliona yeye ndio msababishi kwani hakuwa makini na usalama na mtoto wake.

Balozi Ramadhani Shabani alikuwa ni Balozi wa Tanzania nchini Japani , alikuwa ni mwanaume ambaye ukimwangalia tu utajua alikuwa na umri usiokuwa ukipungua miaka arobaini hivi , alikuwa ni mwanaume mweusi tii jambo ambalo lilimshangaza Roma , inakuwaje Baba yake Sophia kuwa mweusi sana halafu Sophia kuwa mzuri kiasi hiko , kwani Rangi ya Sophia na ya baba yake havikuwa vikiendana ila Roma alijiambia moyoni huenda Mama yake Sophia ni mweupe , hivyo hakutaka sana kujisumbua na mawazo hayo kwanza ni maswala ambayo hayakuwa yakimhusu.

“Hades naomba nitoe shukrani zangu za dhati kwa kumuokoa mwanangu , sijui ni zawadi gani nikupatie , kwani kama Sophia angepelekwa Korea Kaskazini sijui ningemuangalia vipi mke wangu”

Roma alimwangalia mzee huyu na kwa maneno yake tu alijua huyu mzee watakuwa ni wale wanaoendeshwa na wake zao , wale wanaume wanaopenda kupitiliza ,kiasi kwamba hata wakosee wao mara nyingi ndio wanapiga magoti kuomba msamaha.

“Mzee kama unanishukuru kwa kumuokoa mwanao unaonaje,ukiwa mkwe wangu kabisa” Aliongea Roma na kumfanya Sophia aone aibu na hapohapo akili yake ikakumbuka dudu ya Roma .

“Kuhusu hilo Hades nitalifikiria”.

“Karibu sana Hades , kwenye kambi yetu , na ninafuraha ya kukutana na wewe , naitwa kanali Sotoko”Aliongea bwana mmoja kijana, baada ya kuwasogelea Roma ,Dorisi na Balozi waliokuwa wakisalimiana.

“Ooh!Kanali nafurahi kukufahamu pia na ni vyema umekuja kunipokea , kabla ya mambo mengine kuendelea Kanali nina njaa sio ya kawaida , unaonaje ukitoa amri nifanyiwe mpango wa chakula , kabla hamjanipeleka kuonana na Kapteni Kisu Mvunjiko”

Kanali alitabasamu na kuwapa ishara vijana wake waliokuwa mita kadhaa kutoka alipo yeye na kisha wakaondoka na walionekana walienda kuandaa chakula kama alivyokuwa ameongea Roma , kwani Roma alikuwa akiongea na Afande Sotoko kwa lugha ya kijapani.

Baada ya kama nusu saa kupita ,Roma alikuwa ameshikilia bakuli lake la Tambi. Huku pembeni yake akiwa amesimama mpishi aliekuwa na hotpoti kubwa ambalo lilionekana dakika chache zilizopita lilikuwa limejaa.

Mpishi huyu muda wote aliikuwa ni mwenye kutoa macho ya mshangao kutoka na uwezo wa Roma kula , hakuamini kama hotipoti zima la tambi ambalo amekuwa akizoea kuwekea watu watano lilikuwa linaisha.

Roma baada ya kumaliza bakuli la nne alimwambia mpishi amalizie tambi zilizokuwa kwenye hotpoti , na mpishi alifanya kama alivyoagizwa na baada ya Roma kukabidhiwa bakuli lake , alimwangalia Kanali Sotoko aliekuwa ameketi pembeni kwenye masofa alionekana na yeye ni mwenyekushangazwa na uwezo wa Roma kula chakula kingi halafu anaonekana kawaida , alijiuliza bwana huyu ni mtu au ngombe , ila hakutaka kuonesha kama alikuwa akimfikiria vibaya Hades , kwani alikuwa amepewa maelekezo kutoka uongozi wa juu kumpa heshima.

“Kanali nadhani ni muda wa kunipeleka kwa Kapteni Kisu Mvunjiko nina machache ya kumuuliza”.

“Sir pluto vijana washaandaa utaratibu tayari nasubiria umalizie”

“Nitaenda nakula taratibu Kanali tunaweza kuelekea maana sitaki kupoteza muda , kesho nina safari ya kurudi Tanzania nimemmisi mke wangu”

Aliongea Roma na kumfanya Kanali ashangae , ndio alishangaa kwasababu muda mfupi uliopita Roma alikuwa amekumbatia na kuonyeshana mapenzi kama yote na Dorisi , inakuwaje sasa anamwambia amemmisi mke wake , ila hakutaka kuongea chochote , walinyanyuka na kuelekea nje huku Roma akiwa na Bakuli lake akitembea huku anakula , jambo ambalo liliwafanya wanajeshi waliokuwa kwenye Korido hizi za kambi kumshangaa Roma kwa tabia yake , mshangao wao kwa Roma ni kama heshima..

Wanajeshi waliokuwa na vyeo mbalimbali walikuwa wamejipanga kwa mstari kumuangalia Hades wakati akipita , walikuwa na taarifa zote za ujio wa Hades ndani ya kambi yao na wakaona hio ndio nafasi yao ya kumuona mtu ambaye ana umaarufu mkubwa sana duniani ndani ya majeshi yote , Pluto , Mrithi wa kiti cha mfalme wa Kuzimu na mmiliki wa pete ya Hades.

Ni ndani ya gereza ndani ya kambi hii , Mlango ulifunguliwa na mwanajeshi aliekuwa akihusika na ulinzi na kumruhusu Roma na Kanali Sotoko waingie ,

Kapteni Kisu mvunjiko alionekana katika hali ya majeraha mengi mno , alionekana alikuwa amepitia mateso makali sana ndani ya saa chache zilizopita na hata Roma alipoingia hapo ndani , licha ya kwamba alikuwa ni mwenye kuonyesha wasiwasi baada ya kutambua mtu aliekuwa mbele yake alikuwa ni Hades, lakini hakuweza hata kunyanyuka wala kusogea mahali alipokuwa amekaa.

Roma alikaa kwenye kiti kilichokuwa hapo ndani na kuendelea kula Tambi zake bila habari na ndani ya dakika kama tano hivi alikuwa amemaliza na sasa aligeuza shingo yake na kumwangalia Kapteni Kisu Mvunjiko.

“Okey! Kapteni kisu tusipoteze muda , sitaki kuondoka kwenye hili taifa na nikaacha deni nyuma , utaniambia kila kitu na nikishamaliza nisikufiche nitakuua”

“Hades niombe Radhi kwa kuingilia lakini huyu ni mtuhumiwa wetu na mpaka sasa yupo chini ya Jeshi tunakuruhusu kumuhoji lakini sio kumuua”.

“Afande kama mnamjali sana Kapteni Kisu hapa mimi sina shida , ila mimi bila ya kuua ndani ya taifa hili siondoki , sitaki kudaiwa na sitaki kumdai mtu , mimi nchi yenu nawadai kifo cha Kapteni kisu , ila kama kwenu Kapteni kisu ni muhimu nitafutieni mwanajeshi yoyote hapa kambini nimuue na deni langu litakuwa limeisha” Afande Sotoko alijikuta akitoa jasho .

“Hades sio kwamba tunaumuhimu sana na Kapteni Kisu , ila tokea tulipoanza kumuhoji hakuna ukweli wowote ambao ameongea mpaka sasa”

“Sasa kama shida ni hio kwanini uwe na wasiwasi , nitamfanya atapike kila kitu hapa kama unachukua kalamu na karatasi andaa kabisa na nikimaliza nitamuua”

Kanali Sotoko aliona hakuwa na maamuzi ya mwisho juu ya swala hilo , aliona kwanza awasiliane na wakuu wake na alifanya hivyo kwa kutoka nje , huku Roma akibakia na Kapteni kisu Mvunjiko.

“Kapteni kisu usiwe na wasiwasi nitahakikisha kifo chako kutokuwa cha maumivu kama utaniambia mwenyewe kila kitu na usije ukafikiria kunidanganya maana nina mbinu nyingi za kujua ukweli sawa”Aliongea Roma huku akimgusagusa nywele Kapteni Kisu kama mtoto ambaye anabembelezwa alale .

Kapteni kisu alimwangalia Roma kwa wasiwasi mkubwa sana, lakini licha ya kuwa na woga alijiambia katika nafsi yake hatoongea ukweli wowote na yupo radhi kufa.

Baada ya dakika tatu Afande Sotoko alirudi.

“Nipe ripoti Afande mnaniruhusu nimuue au mtanipatia mwanajeshi yoyote cheo cha kapteni nitulize kiu yangu na tumalizane nirudi zangu kwa mke wangu?”Aliuliza Roma.

“Hades Mkuu wa majeshi kakupa nafasi ya kufanya kile unachotaka kufanya ilimradi Kapteni kusu mvunjiko atapike siri zote”.Roma alitabasamu.

“Okey! Kapteni kisu nadhani ushasikia mwenywe kutoka kwa Kapteni , sasa hivi mimi ni kama Mungu kwako , ninaweza kukuweka hai na ninaweza pia kuruhusu kifo chako , lakini pia ninaweza kukupa kifo cha maumivu lakini pia ninaweza kukupatia kifo kisichokuwa na maumivu katika chaguzi unatakiwa kuchagua vitu viwili tu kifo cha maumivu au kifo ambacho sio cha maumivu”

“Naomba uniue tu siwezi kuongea chochote”.

“Nina asilimia mia moja wewe ni shushu kutoka Korea Kaskazinina huenda wewe ni sehemu ya jeshi lao na sifa ya kipuuzi ambayo wanaaminishwa dunia ni kwamba , wanajeshi wa Korea Kaskazini mnajua kuvumilia mateso ya aina yoyote, hio sifa kwangu ni ya kipuuzi na nikwambie tu huwezi kuvumilia mateso ambayo nitakupatia”Aliongea Roma na Kisu mvunjiko licha ya maneno hayo hakuonekana kuyumba kwa aina yoyote ile alijiambia kwenye nafsi yake hizo Zote ni tambo za Hades na haongei chochote......ni moootooooo!!!

 

[006-pro]

big-up sana kk umetisha knoma noma