ManiTek TV
JF-Expert Member
- Jun 3, 2011
- 410
- 159
Samsung wameitangualia Apple kutoa saa ya mkononi, ni wazi kuwa 2013 ni mwaka wa gajeti za kuvaa (wearable tech), wakati iWatch imebaki kuwa ni mnongono Samsung wameshusha Galaxy Gear, saa ambayo imetoka na apps 70. Ni saa ya kwanza maarufu Duniani ambayo ina kamera. Hii si saa ya kwanza ya kiteknolojia ukizingatia uwepo wa saa ya Pebble, Nike Fuelband na Sony SmartWatch 2, lakini hatuna shaka kuwa Galaxy gear itabadili mwelekeo wa kampuni mbali mbali zinazotengeneza saa kwa sasa.
Ubora:
- Ina apps 70, ikiwemo pedometa
- Kamera ni kivutio kikubwa cha saa hii
- Chaji inayodumu masaa 24
- Kioo ni aina ya Amoled yenye skrini mguso
- £ 300 (TSh.782,600) ni ghali mno
- Inarekodi Video ya Sekunde 10 tu
- Memory bado ni ndogo (4GB)
- Infanya kazi na Note 3 na tablet ya Note 10.1 (toleo la 2013) tu kwa sasa
- Haina NFC
Hata hivyo saa hii ina mengi mazuri Smart Relay ni moja kati ya jambo zuri la saa hii, Smart Relay humuweza mtumiaji kuendeleza analolifanya kwenye saa hii kwenye simu, yaani unapotoa simu baada ya kuanza kusoma meseji, simu huwa moja kwa moja inafungua meseji unayoisoma, hivyo huna haja ya kufungua app ya meseji kwenye simu.
Kibwagizo kikubwa katika saa hii ni ule uwezo wa kupokea simu na kuongea kwa saa, yaani simu inapoingia unaweza kuiwacha mfukoni na ukapokea na kuanza kuongea kwa saa, unachotakiwa kufanya ni kunyanyua mkono na kuuweka kwenye sikio tu. Kwa maana hiyo basi saa hii ina microfone na spika. Saa hii pia humuwezesha mtumiaji kucheza muziki ulioko kwenye simu yake.
Saa hii kwa upande wa kimaumbile ni kivutio kwa vile sio tu utaweza kujua saa ngapi lakini pia unaweza kubadili muonekano wa saa ya kwa mitindo na rangi mbali mbali, pia unweza kujua hali ya hewa ya mahala ulipo. Ili kubadili sura au muonekano wa saa hivyo inakubidi kutumia ama simu (galaxy Note 3) au tableti (Galaxy Note 10.1 Toleo na 2013). Samsung wameahidi kuwa saa hii baadae itafanya kazi na simu bali mbali za kampuni hiyo kama vile Note II, S3 na S4 mara baada ya simu hizo kufanyiwa auboreshaji wa software (Android 4.3 Jelly bean)
Wafanya mazoezi watafurahishwa sana na pedometa ya Galaxy Gear; pedometa hiyo ambayo inatumia sensa za Gyroscope na akselerometa hivyo pedometa hiyo hutoa taarifa kama vile umbali uliokimibia na kalori ulizounguza katika mazoezi, taarifa hizi zinaweza kuhamishwa kwenye simu au tableti na kuhifadhiwa, Galaxy Gear huunganishwa na simu au tableti kwa teknolojia ya bluetooth. App nyingine ya wana mazoezi katika saa hii ni my fitness pal.
Galaxy Gear pia ina voice memo ambapo mtumiaji huweza kurekodi mazungumzo yanayoendelea kwa urahisi sana, au kutumia voice memo mabadala ya memo za maandishi. Saa hii pia ina muonekano mzuri, imetoka ikiwa na rangi sita mbali mbali ikiwemo nyeusi, nyeupe na manjano.
Kinacho vunja moyo zaidi katika saa hii ya aina yake ni bei, nchini Uingereza Samsung Galaxy Gear inauzwa £300.00 ambazo ni sawa na TSh. 782,600. Ili kupata picha halisi toleo jipya la Saa ya Sony yaani Sony Smartwatch 2 inauzwa nusu ya bei ya Galaxy Gear yaani £150.00, ila ni matarajio ya wadau wengi katika fani ya teknolojia na mauzo yake kuwa saa hii itapata mauzo mazuri mno.
Source: gajetek habari
