RIWAYA: Sauti ya Mtutu (mtazika kila ikisikika)

RIWAYA: Sauti ya Mtutu (mtazika kila ikisikika)

****
Nilikuwa ndani ya basi na tulikuwa tuanaikaribia kasulu na kichwa changu kilikuwa kinawaza maisha mapya ndani ya ardhi ngeni.
Ilikuwa ni usiku wa saa saba hivi ndo tuliwasili kigoma na ilitakiwa niripoti kambi ya kibondo ahsubuh ya siku inayofuata,nikalala na kulipopambazuka nikapata usafiri hadi kibondo kambi ya jeshi na nilipofika huko nikapokelewa na kupewa makazi ndani ya kambi maana sikuwa na mizigo na umri wangu ulikuwa bado wa kuruhusiwa kujitegemea.
Jioni nikatambulishwa kwa mkuu wa kambi kanali S Maugo,kwanza nikashangaa kumuona lakini pia nikashindwa kujua ni nini hasa kusudio la mambo haya,mtu nilietajiwa na ndie ninaekutana nae lakini pia nimeambiwa anafuata kufa doh hakika nilistaajabu.
Nilikuwa nashiriki kazi pamoja na wenzangu na kila mara nilikuwa najaribu kuona mienendo ya kanali hasa awapo kambini lakini pia nilijaribu kutizama kila mgeni aliekuwa akija pale kambini lakini sikuwa nimeona Shaka.
Ilikuwa imepita Wiki moja tangu niwe pale kibondo na na tayari mazingira ya nilianza kuyazoea.
Nilikuwa nimetoka na mwenyeji wa kibondo ambae alikuwa ni askari mwenzangu na tulikuwa tupo kibondo mjini.
Niwakati tukipitapita nilipopata kuiona tena pikipiki ya BMW yenye nembo ya burundi ikiwa imepaki nje ya nyumba moja ya kupanga wageni.
Mara moja nikasitisha mizunguko yangu na kumuomba mwenzangu turudi kambini na hata tulipofika nikatamani kumwambia kanali lakini sikujua nianze vipi ili anielewe ikabidi nikae kimya na jambo langu moyoni japo niliiona hatari mbele yangu ama Kanali Malugo.

Ilikuwa yapata saa sita kasoro hivi usiku,nikawa nimebanwa mkojo na nikaamua kutoka,kulikuwa na kigiza giza hivi.
Wakati naingia maliwatoni masikio yangu yakanasa nyayo za miguu mtu akitembea kwa tuo nami nikaamua kusikilizia.
Nyayo zile zikazidi kusikika na zikazidi kusogea hadi usawa wa choo nilichokuwapo na kisha zikapita na kusonga mbele lakini uelekeo wa nyayo zile zilikuwa zikielekea usawa wa nyumba ya Kanali Malugo ambayo ilikuwa pembeni kidogo ya kambi huku ikiwa imezungukwa na nyumba kadhaa za makepteni na pia kama ulipita karibu na kota zetu maprivate basi ulikuwa ukitokea nyuma ya nyumba ya Kanali moja kwa moja.
Nikatoka maliwatoni kisha nikalala chini na kutizama kuelekea kwenye nyumba za watumishi wa daraja la kwanza na hapo nikapata kuona kivuli kikipepea kwa staili ya weledi wa hali ya juu,hapo mashaka yakawa nami na nikasimama na kuanza kufuata kivuli kile kwa uangalifu wa hali ya juu.
Walinzi wote eneo lile walikuwa kwa mbele hivyo nikajua hesabu za kivuli kile zilikuwa ni kuwakwepa walinzi.
Tulizidi kuongozana hadi nilipoona kivuli kile kikiwa kipo karibu kabisa na nyumba ya Kanali na kisha kikatulia hapo.
Nilistaajabu kuona hakifanyi chochote lakini kumbe nilikuwa nakosea kuna kitu kivuli kile kilikuwa kinafanya ukutani na kilipomaliza nikaona kinatoka haraka na kurudia njia kiliopitia Lakini sikutaka kukubali kiliponisogelea tu karibu na nilipokuwa nikasimama mbele yake,hakika lilikuwa jitu na nilipolitathimini mwili ulikuwa kama Tyson na nikakumbuka pia jitu hili ndilo tulipambana siku kadhaa nyuma kisha likakimbia kupanda pikipiki.
Kama kawaida ya lile jitu lilikuwa jepesi sijapata ona likanipitia bila kutarajia nami nikaenda chini kisha nikalishuhudia likitaka kusepa tena nikawahi kusimama na nikaruka na kutua mbele yake huku nikiwa makini lisije likaniptia tena na kweli niliona likija kwa kasi nami nikahepa kidogo na kulitandika ngumi ya mbavu,hapo nikaona linanigeukia haraka na kuanza kurusha makonde mazito kwa ufundi wa hali ya juu na nikaanza kupangua lakini uzito ukanizidia nikalemewa nikaenda chini mazima .
Lilipoona nipo chini likaenda juu na kushuka chini huku likiwa limetanua msamba yaani lile likuwa pigo la kifo na lilikuwa likiunguruma kama fisi alieona mzoga.
Sikutaka kulikwepa niliochokifanya nikaiunuka na kukaa kisha nikaipeleka ngumi yangu ambayo niliamini itakutana na korodani za jitu lile na kweli ikawa hivyo na hapo nikawa nimelipotezea hesabu zake na kwa uchungu likaainama huku mikono yake likiwa limepeleka kunako na mimi nikapata nafasi nikaanza kulichapa kama litoto kwa makonde safi ya kupoteza nguvu,nikalichakaza kwenye mbavu huku mara chache nikishambulia shingo na sikio ,punde likaenda chini kama zigo la viazi vibichi.
Niliendelea kulisurubu na punde nikasikia filimbi za tahadhari zikipigwa huku nikisikia miguu ya askari ikikimbia kuja tulipokuwa.
Lile jitu likakurupuka na kutaka kukimbia lakini nikaliwa kulipa mtama safi kabisa likadondoka na liliponyanyuka likajikuta likitizamana na mitutu ya wanajeshi halikuwa na cha kufanya,askari wenzangu wakaanza kunikagua kama nimeumia lakini sikuhitaji hilo nikawaomba waangalie ukutani kwa Kanali ambae nae alikuwa amejiunga nasi huku akihoji kulikoni mtu mgeni usiku kambini.
Walioenda kutizama ukutani wakarudi na kibomu kidogo Lakini kilikuwa na nguvu sana.
Simu zilipigwa kila kona na wote waliokuwa wamelala wakaamushwa huku mbwa wa kunusa milipuko wakiwa wamefunguliwa,usiku ukageuka mchana
Lile jitu likatiwa kamba ngumu na kuanza kupelekwa sero ya Ma MP,lakini hawakufika nae mbali lile jitu likaanguka kama mzigo na walipoona kulikoni wakakuta amejingata ulimi na kupindisha shingo ama hakika lilikuwa ni hatari jasusi lile.
Nilipelekwa kuandika maelezo na nilipomaliza kuandika wengi wakanipongeza kwa ujasiri hasa nilivyoweza kulidhibiti dubwana lile.
****
Ahsubuh kulipokuchwa si tena habari njema kwangu,ofisi kwa kanali kulikuwa na barua ya kuniachisha kazi bila sababu na hata kanali alikuwa akitoa chozi kwa kutokuamini kama kweli wakuu wake walipopewa tarifa badala ya kupongeza wao wameamua kunifuta kabisa kazi na hakutakiwa kuhoji chochote zaidi ya kutimiza wajibu wake kwa kuniandikia barua ya kufutwa kazi na mara moja kuiacha kambi.
Sikuwa na jipya mtaani na hapo ndipo nikapata wazo la kuanza safari ya kuelekea burundi kumtafuta kamanda Malebo ambae ilikuwa imepita miaka mitatu bila kumuona na sikujua alipo japo taarifa zisizokuwa kamili zilidai yupo Burundi lakini pia nilitakiwa sasa kuijua asili yangu kubaki Tanzania sikuhitaji tena.
************

Nilitoka kwenye tafakuri ile na tayari kumbe Kefa alikuwa amerejea kutoka chuoni,nikashusha pumzi na kujisemea
“lile jitu ndio hilo wanasema laitwa Frankoo bila Shaka”
Nikayaunganisha matukio yote ya nyuma nikahisi ni kisa kimoja bado nacheza nacho na hapo nikajiambia kama ndivyo basi kule Tanzania kusingetosha kutegua fumbo lile la mauji ya wastaafu wale lakini jambo jipya likaja,kwanini wastaafu wote waliishi Dodoma na kwa nini hawakuwa na familia na kama zipo zipo wapi na kweli hata kamanda malebo hakuwa na familia zaidI yangu mimi.
Lakini pia nilikumbuka maneno ya Haji Bideko ,hasa aliposema”UFUNGUO NI MAJANI MATATU”
Nikatabasamu kisha nikayakumbuka hayo majani matatu ambayo tayari nilikuwa nimekwisha kuyaona kwenye karatasi kadhaa wakati nilipokuwa kwenye kikundi cha Wamoro au wavaa skafu lakini sikuwa na hakika kama michoro ile ya majani inauhusiano wowote .
Kefa alikuwa yupo bize na komputa na kila mara alionekana kuandika kitu na kusoma,sikutaka kumsumbua kwa lolote,ila nilichokifanya ni kwenda upande wa pili wa chumba kile kulikokuwa na maliwato nikaenda kujiswafi huku nikiwa na mpango wa kuzitoa bandeji kwenye kwapa zangu maana nilihitaji kufanya jambo,kuugulia maumivu nikiwa ndani hakutanitatulia maswali yangu.
Nilikoga huku mawazo yangu sasa yakiwa yamehamia kwa Kisuti na Defa,ambao sikujua wanaendeleaje huko na watachukuliaje kupotea kwangu,lakini kikubwa nilijiuliza nitawezaje kupata kile kimkoba cha Jeba ambacho Wamoro walikihitaji,lakini hata mimi nilikuwa nakihaitaji sana kimkoba kile ili nitatuliwe kitendawili chang..
Nikajiuliza tena,kuhusu serikali ya Tanzania kuingilia jambo hili lina manufaa gani kwao? Sikuwa na wa kunijibu wala wa kunipa japo mwanga wa haya yote lakini nilijiuliza pia vipi nikigundua ukweli wa michezo ile kamanda malebo anahusika! Nikachoka akili na mwili kwa wakati huo.
Nilimuomba Kefa anipe dawa ya ganzi au kuondoa maumivu ndani ya muda wa masaa kama sita hivi,hakuwa mbishi akanipa na sindano nikajichoma na hapo nikawa tayari kwa kazi nyingine ndani ya jioni ile.
Kefa alikuwa amenidokeza ya kuwa jioni hiyo Jeba alikuwa anautaratibu wa kuwapa misaada waathirika wa madawa ya kulevya au mateja,oneni unafiki wa mtu huyu ambae ndie muuzaji mkubwa kisha anarudi kujitolea kuwapa msaada wa chakula ama pesa kidogo huku akiwa yeye ndie chanzo cha matatizo yao .
****
Ilikuwa imesalia nusu saa tu ili aingie mtaani kwa ajili ya kutoa msaada na tayari walinzi wake walikuwa ni miongoni mwa watu wa mwanzo kabisa kuingia pale ili kumhakikishia usalama wake .
Nilikuwa ni miongoni mwa watu waliokuwa wamepanga msatari wa kungojea msaada na hakika roho yangu ilikuwa imemchukia Sana mtu huyu hasa baada ya kuona watu wanavyopitia mateso,wengi hata kwenye msatari tuliokuwa tumepangwa hawakuweza kusimama kutokana na kuwa wamekolea na ulevi wa dawa zile.
Mbali na mateso yote hayo lakini watu wale wakisikika wakimsifu Jeba kwa roho yake njema huku wakimuombea kwa mungu ambae hata wao kimsingi hawakuwa wakijua anatenda vipi mipango yake.
“Yupo njia nusu kilomita kufika hapo” sauti ya kefa ilikuwa ikisikika masikioni mwangu kupitia kifaa kidogo nilichokuwa nimekipachika masikioni.
Kefa alikuwa yupo kwenye moja ya jengo refu liliokuwa linaendelea kujengwa na alikuwa na bunduki ya kudungulia,nilikuwa nimevaa nguo chafu huku na mimi nikiigiza kama mateja wale na kichwa changu nilikuwa nimekifunga kwa kutumia skafu nyeupe huku koti kubwa likiwa limeustiri mwili wangu.
Kila alipokuwa akikaribia kufika eneo lile ndivyo ulinzi ulizidi kuwa imara na tayari walinzi wa kike walikuwa wamekwisha kufika ili kuhakikisha usalama wa bosi wao .
“akibakiza watu wawili kabla ya kukifikia namtungua hivyo uwahi mkoba” alinipa maelezo ya mwisho Kefa.
Hatimae Jeba aliingia akiwa amevaa suti nyeupe na hapo nikapata kuona mateja wakianza kupiga magoti huku wakilitaja jina la Jeba na mikono wakiwa wameinyanyua juu na vichwa wakiwa wameshusha chini nami sikuwa na budi kufuata walichokuwa walichokuwa wanakifanya wengine.
Jeba alishuka kwenye gari huku akiwa amezungukwa na walinzi kama saba hivi wakike na mmoja kati yao alikuwa na mkoba akiwa ameuweka kupita shingoni huku wenyewe ukininginia.
Jeba alianza kwa kupiga picha na baadhi ya mateja wale na alipokwisha kumaliza akaletewa begi dogo na akalifungua na kuingiza mkono na alipoutoa ulikuwa na dola mia na akaanza kugawa huku nyuma yake kukiwa na mpambe wake akiwa amelishika lile begi la pesa.
Wakati akiwa anamalizia kumpa mtu wa tano kwenye mstari,nikapata kushuhudia mlinzi mmoja akipita kwa kasi na kwenda kusema na mpambe wake,mpambe nae akasema na Boss wake na hapo nikaona haraka mabinti walinzi wakimzunguka Jeba huku wakitizama kushoto na kulia na kitendo bila kusubiri wakaanza kurudi ilipokuwa gari yake na baadhi ya walinzi wakaatoa silaha zao za moto na wakaanza kuwasiliana kwa Radio za upepo na hapo nikajua ulinzi aliokuwa nao Jeba ni zaidi hata ya ulinzi wa Rais na inavyoonekana anakitengo chake cha Intelejensia kinachompa habari za kiusalama .
“mission failed”alisema Kefa nami nikamjibu
“plan B”
“out of time Boy kuna kikundi kinakuja hapo kwa kasi sepa” alisema Kefa nami haraka nikasimama na kitendo cha mimi kusimama tu mateja wengine nao wakaanza kusimama na kukimbia hovyo.
Risasi zikaanza kurindima eneo lile,kulikuwa na kikundi cha watu Kama sita waliojifunika sura zao walikuwa wakishambuliana na kikundi cha Jeba.
Kefa alinipa uelekeo salama wa kupita nami nikafanya jitihada nikafika huko huku nyuma nikawa nazisikia risasi zikirindima na tayari walinzi wa Jeba walikuwa wamefanikiwa kuondoka eneo lile na boss wao japo walinzi wengine walikuwa bado wanapambana na watu wale sita waliokuwa wanaonekana wameiva kwenye uwanja wa kivita na walizidi kuwaangusha walinzi wa Jeba waliokuwa wanaweka kava kwa msafara wa Jeba.
Niliamua kuwaachia ile ngoma waicheze wenyewe maana hakukuwa na maana ya mimi kuingilia wakati mzigo niliokuwa nikiutaka ulikuwa upo salama bado.
Nilizidi kukata vichochoro vya mtaa ule uli kufika kwenye makutano yetu na Kefa,lakini kabla sijafika nikapata kuona kwa mbele kukiwa na gari iliokuwa imesimama na pembeni ya gari nilipata kuona watu wawili wakiwa wamesimama na wote niliwafahamu alikuwa ni Defa na Disuza wakiwa wamevaa skafu shingoni mwao.
Haraka nikabadili uelekeo lakini nikabaki najiuliza kuhusu Disuza,ambae ni ndugu yangu lakini kwa nini yuko hapa Brazil wakati nilimwacha Burundi akiwa hoi tabani,ina maana ni kweli Disuza nae ni mmoja wao kwenye hiki kikundi cha wamoro,hakika hii ni ligi ya wakubwa na anaonekana hana wasiwasi kabisa mbele ya Defa na bila shaka vijana wao ndio waliovamia msaada wa Jeba.
****
Kefa alikuwa ndie dereva wa gari iliokuwa imetupeleka kule na mimi nilikaa pembeni yake na tayari tulikuwa tumesha jadili ya kuwa hakutaweza kukuchwa bila kufanya jambo.
“kila siku lazima gari liende kule Sapo kutupa miili ya watu waliokufa na miili ile ilitoka kwenye ngome ya Jeba na kilicjotokea dakika chache zilizopita basi ni lazima kuna watu watawajibika kwa kutolewa uhai”alisema kefa
“una maana gani”nilimuuliza baada ya kuhisi anataka tuweke mikakati flani
“Hivi sasa inabidi turudi nyumbani tubebe silaha za kutosha kisha twende kule dampo tusubiri lile gari maana tukisubiri kukuche basi Wamoro wataweza kutuwahi na hazina ikawa si salama tena.”
Tulikubaliana na tukafika nyumbani na kila mmoja alibeba silaha alioona inamfaa kwa usiku ule ambao ulikuwa ni wa kufa na kupona.
Nilimchorea Kefa ramani nzima ya jumba lile la kifahari la Jeba maana nilikuwa bado naikumbuka kichwani nae alipokwisha kuiweka akilini safari ikaanza kuelekea dampo la Sapo.
***
Tulikuwa tumetulia tuli kwenye magofu yaliokuwa yakilizunguka dampo lile na japo harufu kali ya uozo ilikuwa ikizifikia pua zetu lakini tulivumilia na tulikuwa tukisikia mijibwa ikipigana kugombea mizoga ya watu waliokufa.
Kefa alinigusa kisha bila kusema neno akanionesha kwa ishara nami nilipotizama nikaona kuna gari inakuja eneo lile huku ikiwa imewasha taa moja.
Ilizidi kusogea pale na ilipofika ikakata kona na tukamshudia dereva akishuka kuja nyuma ya gari lake na huko akakutana na mtu mwingine akiwa nae ametokea upande mwingine mwa gari ile Rand rova kama za askari polisi wa kitanzania .
Bwana mmoja akapanda kwenye gari na kutoa kifurushi na kumpa aliechini kisha kikatupwa chini.
Haraka tukatoka na kwa shabaha ya ajabu kabisa nikashuhidia kefa akiwacharaza risasi watu wale waliokuwa wamevalia suti nyeusi.
Baada ya kuhakikisha walikuwa peke yao haraka tukawahi kuingia ndani ya gari ile na Kefa akaindoa kwa kasi eneo lile huku mimi na yeye mavazi yetu yakiwa ni suti japo nilikuwa na wasiwasi hasa kwa kefa ambae alikuwa ni mweusi lakini ujasiri ukachukua nafasi yake.
Safari yetu ilitufikisha hadi langoni kwa ngome ya Jeba,
 
Mimi ninasoma Riwaya ya mtutu wa Bunduki mpaka iishe ndio niingie Riwaya nyingine!
 
Jackal said:
Mimi ninasoma Riwaya ya mtutu wa Bunduki mpaka iishe ndio niingie Riwaya nyingine!
Click to expand...

Imebaki sehemu chache tu,na nitamaliza maana UKURASA WA GAIDI imeisha we soma kwa aman hakuna arosto chief
 
Upande wa geti kuu kulikuwa na kulisikika kishindo kikubwa na punde zikafuatia risasi mfululizo
kuingia ndani huku sasa na mabomu ya mkono yakianza kutupwa.
Walinzi wengine wakikimbia kuelekea kule getinI ili kuongeza nguvu na wengine watatu wakakimbia
kuingia ndani nami nikajitosa kuingia nao.
Huku ndani nilikutana na walinzi wa kike wakiwa wapo kila kona na bunduki zao na kwa kuwa ramani
ya nyumba ile niliifahamu hivyo nikajua kabisa huko juu kwenye gorofa atakuwepo Jeba.
Walinzi walikuwa kama nane hivi waliokuwa chini ama ground na bila kuwauliza haraka nikapita
kuzipanda ngazi lakini nikakutana na pingamizi walikataa nielekee huko na bila kujiuliza nikaanzisha
mapigano kwa kila alieoonekana kunikwamisha huku visu vidogo vikinipa msaada mkubwa
kuwadhibiti wadada wale waliionekana wajuvi wa mambo yale ya mapigano .
Nilikuwa nikielekea juu gorofani nikakutana na mdada alieshiba kwa kimazoezi kama mwanaume
akanipa teke murua kifuani na kunirudisha chini kisha kabla sijasimama nikakutana na teke la mbavu
na wakati akiunguruma ili anishindilie tena nikawahi kusimamia magoti na kisha nikakinga mikono na
teke lake likaishiwa kasi ya kunidhuru.
Yule Dada akiwa anaendelea kuunguruma kama kasa jike akiliwa uroda na dume,akaruka juu kwa
mtindo wa Tailand kiki,lakini kabla hajatua chini nikamshudia akipaa zaidi hewani huku akitoa yowe
la uchungu na aliprudi chini hakuwa mtu tena bali alikuwa ni marehemu.
Nikatizama mlangoni sikuona mtu ila kulikuwa na vishindo vya watu waliokuwa wakija pale ndani
haraka nikasimama na kuokota bastola yangu nikakimbia kuelekea kule juu nilikoamini ndiko aliko
Jeba.nilipofika huko nikakutana na korido tupu na ukimya wa hali ya juu nikajua tayari Jeba
ameshatoroka na walinzi wake.
“Jitahidi uiwahi chemba b mzigo waelekea huko”nilimtarifu Kefa kupitia kifaa kilichokuwa
kimepachikwa vyema sikioni kwangu naeakanijibu kisha akanitaarifu niwahi kutoka nilipo maana
kuna kundi kubwa la Wamoro linaingia ndani na nje wameua walinzi wote.
Baada ya kupata taarifa ile haraka nikaanza kuangaza kila kona ya korido za kule gorofani maana
katika kumbukumbu zangu niliamini kabisa moja ya korido kuna sehemu ya kupita na kutokea nje
kwa kupitia hiyo chemba ni sehemu utakayao dodondokea ndiko kwenye sehemu ya kuingilia
kwenye chemba itakayokupeleka mlango b au mlango wa dharura.
Risasi moja ililia kwenye ground,hivyo nikajua tayari Wamoro wameshaingia pale ndani hivyo nifanye
haraka kabla hawajanikuta kule juu.
Nikazipitia korido mbili bila mafanikio na katika korido ya tatu nikakuta mlango wa dharura upo wazi
haraka nikajitosa huko na nilipokwisha kuingia tu nikaufunga mlango ule kisha nikabaki peke yangu
ndani ya kikorido kile chenye mlango,ajabu sikuona sehemu ya kupitia japo niliamini kabisa hapa ndo
penyewe lakini sikujua ni wapi nastahili kupitia.
Wakati nikizunguka zunguka kwenye kile kikorido nikapata kuona kitu kama ufunguo umedondoka
naikaufikia na kuokota na nikipokwisha kuokota nikautizama lakini sikuwa na maana nao nikautupa
chini,wakati unatua chini nikasikia tofauti ya mtuo ule hivyo haraka nikainama ulipoanguka na
kufunua zulia zito lilioluwa Pale.
Kulikuwa na mlango wa chini na haukuwa umefungwa,haraka nikaufungua na kuufuata kwelekea
chini na hatimae nikajikuta natokea nyuma ya jengo lile,lakini wakati nafika chini tu nikakuta kuna
watu wengine wawili waliokuwa wamejivika skafu wakijaribu kufungua mlango ulionesha unapitisha
kitu.
Bila kujiuliza nikawanyeshea risasi na wakati wanaenda chini tayari nilikuwa nimefika kwenye kilango
kile cha chemba,nikaangaza kwenye kiua kimoja kilichokuwa kimewekwa pale mahususi kwa ajili ya
dharura na katika kukumbuka kwangu kutoka kwenye chemba ile hadi kwenye kiua kile kuna hatua
kumi.
Kutoka pale nilipo nikazipiga hatua kumi kwenda kushoto na kweli nikakifikia kiua hicho na
nilipokipekeua nilikuta kuna kitu mfano wa switch lakini ilikuwa imeharibiwa hivyo haikuwa na kazi
tena.
Ku…..nikajikuta natukana tusi zito la nguoni na kurudi tena kwenye kichemba kile lakini hakukua na
pahali pa kufungulia maana kulikuwa na mlango wa aina ya kuhama na si milango ya kupachika.
Akili yangu ikakumbuka kitu haraka nikarudi tena kwenye kiua kile na kitendo bila kusita nikakifikia
kiswichi kile nikatizma kwa makini,nikapata nilichokuwa nakihitaji.
Nikazichuna waya mbili zilizokuwa zinapeleka umeme kwenye switch ile na kisha nikazigusanisha
waya zile, sikutaka kusubiri majibu ya kuona shoti pale nikakimbia tena kurudi kwenye chemba ile na
hapo nikakuta akili yangu imefanya kazi,uwazi ulikuwa umepatikana na sikuwa na namna zaidi ya
kujitosa huko ndani kabla kimlango kile hakijajifunga tena.
*****
Kama ungelibahatika kuingia mle ndani usingeweza kujua kama ile ni njia ya dharura,kulikuwa na taa
zinawaka na pia kulikuwa na upana wa kutosha tu palitengenezwa safi na kupambwa kwa nakishi
nyingi kama vile ni sehemu ya kuishi watu.
Nikazidi kusonga mbele huku nikijitahidi kuwa ndani ya muda ili Jeba asinitoroke.
Ni wakati nikiwa katikati ya njia ile nikapata kusikia kishindo kwa mbele,lakini kishindo kile kilikuwa si
kishindo kidogo kilikuwa ni kishindo kikubwa mithili ya kudondoka kwa ukuta.
Nikaichukua bastola yangu na kuindoa usalama huku sasa nikijaribu kuwa makini na njia ile.
Hatua zangu zilianza kuwa nzito na kishindo kile nikawa sikisikii tena.
Nikiwa naamini kabisa nipo karibu na mlango wa nje nikapata kukutana na jambo la kushangaza
,kulikuwa kuna njia mbili mbele yangu,huku njia zote zikionekana si njia tena bali ni eneo kubwa
lililogawanya vyumba vingi.
Njia moja ilikuwa inapita kulia na nyingine kushoto,nikapiga hesabu za kuotea ni wapi hasa
patanifikisha nje,nikaona inaeza kuwa ni njia ya kulia nikaifuata.
Nilikuwa natembelea ncha ya kiatu changu,huku sasa nikiwa nashudia milango mingi ya vioo ikiwa
upande ule na haraka nikakumbuka milango hii yaeza kuwa ni ya maabara za chini ya ardhi
Nikazidi kusonga lakini sikuwa nimefanikiwa walau kukutana na pahali pa kutokea zaidi nikajikuta
nikianza kuzunguka ndani ya maabara ile na sikuona wapi pa kutokea.
Ndani ya majokofua makubwa nilipata kusuhudia viumbe wengi wa ajabu wakiwa wamehifadhiwa
mle,kulikuwa na nyoka,nge,nyegere na wengineo.
 
Kudo900 said:
Upande wa geti kuu kulikuwa na kulisikika kishindo kikubwa na punde zikafuatia risasi mfululizo
kuingia ndani huku sasa na mabomu ya mkono yakianza kutupwa.
Walinzi wengine wakikimbia kuelekea kule getinI ili kuongeza nguvu na wengine watatu wakakimbia
kuingia ndani nami nikajitosa kuingia nao.
Huku ndani nilikutana na walinzi wa kike wakiwa wapo kila kona na bunduki zao na kwa kuwa ramani
ya nyumba ile niliifahamu hivyo nikajua kabisa huko juu kwenye gorofa atakuwepo Jeba.
Walinzi walikuwa kama nane hivi waliokuwa chini ama ground na bila kuwauliza haraka nikapita
kuzipanda ngazi lakini nikakutana na pingamizi walikataa nielekee huko na bila kujiuliza nikaanzisha
mapigano kwa kila alieoonekana kunikwamisha huku visu vidogo vikinipa msaada mkubwa
kuwadhibiti wadada wale waliionekana wajuvi wa mambo yale ya mapigano .
Nilikuwa nikielekea juu gorofani nikakutana na mdada alieshiba kwa kimazoezi kama mwanaume
akanipa teke murua kifuani na kunirudisha chini kisha kabla sijasimama nikakutana na teke la mbavu
na wakati akiunguruma ili anishindilie tena nikawahi kusimamia magoti na kisha nikakinga mikono na
teke lake likaishiwa kasi ya kunidhuru.
Yule Dada akiwa anaendelea kuunguruma kama kasa jike akiliwa uroda na dume,akaruka juu kwa
mtindo wa Tailand kiki,lakini kabla hajatua chini nikamshudia akipaa zaidi hewani huku akitoa yowe
la uchungu na aliprudi chini hakuwa mtu tena bali alikuwa ni marehemu.
Nikatizama mlangoni sikuona mtu ila kulikuwa na vishindo vya watu waliokuwa wakija pale ndani
haraka nikasimama na kuokota bastola yangu nikakimbia kuelekea kule juu nilikoamini ndiko aliko
Jeba.nilipofika huko nikakutana na korido tupu na ukimya wa hali ya juu nikajua tayari Jeba
ameshatoroka na walinzi wake.
“Jitahidi uiwahi chemba b mzigo waelekea huko”nilimtarifu Kefa kupitia kifaa kilichokuwa
kimepachikwa vyema sikioni kwangu naeakanijibu kisha akanitaarifu niwahi kutoka nilipo maana
kuna kundi kubwa la Wamoro linaingia ndani na nje wameua walinzi wote.
Baada ya kupata taarifa ile haraka nikaanza kuangaza kila kona ya korido za kule gorofani maana
katika kumbukumbu zangu niliamini kabisa moja ya korido kuna sehemu ya kupita na kutokea nje
kwa kupitia hiyo chemba ni sehemu utakayao dodondokea ndiko kwenye sehemu ya kuingilia
kwenye chemba itakayokupeleka mlango b au mlango wa dharura.
Risasi moja ililia kwenye ground,hivyo nikajua tayari Wamoro wameshaingia pale ndani hivyo nifanye
haraka kabla hawajanikuta kule juu.
Nikazipitia korido mbili bila mafanikio na katika korido ya tatu nikakuta mlango wa dharura upo wazi
haraka nikajitosa huko na nilipokwisha kuingia tu nikaufunga mlango ule kisha nikabaki peke yangu
ndani ya kikorido kile chenye mlango,ajabu sikuona sehemu ya kupitia japo niliamini kabisa hapa ndo
penyewe lakini sikujua ni wapi nastahili kupitia.
Wakati nikizunguka zunguka kwenye kile kikorido nikapata kuona kitu kama ufunguo umedondoka
naikaufikia na kuokota na nikipokwisha kuokota nikautizama lakini sikuwa na maana nao nikautupa
chini,wakati unatua chini nikasikia tofauti ya mtuo ule hivyo haraka nikainama ulipoanguka na
kufunua zulia zito lilioluwa Pale.
Kulikuwa na mlango wa chini na haukuwa umefungwa,haraka nikaufungua na kuufuata kwelekea
chini na hatimae nikajikuta natokea nyuma ya jengo lile,lakini wakati nafika chini tu nikakuta kuna
watu wengine wawili waliokuwa wamejivika skafu wakijaribu kufungua mlango ulionesha unapitisha
kitu.
Bila kujiuliza nikawanyeshea risasi na wakati wanaenda chini tayari nilikuwa nimefika kwenye kilango
kile cha chemba,nikaangaza kwenye kiua kimoja kilichokuwa kimewekwa pale mahususi kwa ajili ya
dharura na katika kukumbuka kwangu kutoka kwenye chemba ile hadi kwenye kiua kile kuna hatua
kumi.
Kutoka pale nilipo nikazipiga hatua kumi kwenda kushoto na kweli nikakifikia kiua hicho na
nilipokipekeua nilikuta kuna kitu mfano wa switch lakini ilikuwa imeharibiwa hivyo haikuwa na kazi
tena.
Ku…..nikajikuta natukana tusi zito la nguoni na kurudi tena kwenye kichemba kile lakini hakukua na
pahali pa kufungulia maana kulikuwa na mlango wa aina ya kuhama na si milango ya kupachika.
Akili yangu ikakumbuka kitu haraka nikarudi tena kwenye kiua kile na kitendo bila kusita nikakifikia
kiswichi kile nikatizma kwa makini,nikapata nilichokuwa nakihitaji.
Nikazichuna waya mbili zilizokuwa zinapeleka umeme kwenye switch ile na kisha nikazigusanisha
waya zile, sikutaka kusubiri majibu ya kuona shoti pale nikakimbia tena kurudi kwenye chemba ile na
hapo nikakuta akili yangu imefanya kazi,uwazi ulikuwa umepatikana na sikuwa na namna zaidi ya
kujitosa huko ndani kabla kimlango kile hakijajifunga tena.
*****
Kama ungelibahatika kuingia mle ndani usingeweza kujua kama ile ni njia ya dharura,kulikuwa na taa
zinawaka na pia kulikuwa na upana wa kutosha tu palitengenezwa safi na kupambwa kwa nakishi
nyingi kama vile ni sehemu ya kuishi watu.
Nikazidi kusonga mbele huku nikijitahidi kuwa ndani ya muda ili Jeba asinitoroke.
Ni wakati nikiwa katikati ya njia ile nikapata kusikia kishindo kwa mbele,lakini kishindo kile kilikuwa si
kishindo kidogo kilikuwa ni kishindo kikubwa mithili ya kudondoka kwa ukuta.
Nikaichukua bastola yangu na kuindoa usalama huku sasa nikijaribu kuwa makini na njia ile.
Hatua zangu zilianza kuwa nzito na kishindo kile nikawa sikisikii tena.
Nikiwa naamini kabisa nipo karibu na mlango wa nje nikapata kukutana na jambo la kushangaza
,kulikuwa kuna njia mbili mbele yangu,huku njia zote zikionekana si njia tena bali ni eneo kubwa
lililogawanya vyumba vingi.
Njia moja ilikuwa inapita kulia na nyingine kushoto,nikapiga hesabu za kuotea ni wapi hasa
patanifikisha nje,nikaona inaeza kuwa ni njia ya kulia nikaifuata.
Nilikuwa natembelea ncha ya kiatu changu,huku sasa nikiwa nashudia milango mingi ya vioo ikiwa
upande ule na haraka nikakumbuka milango hii yaeza kuwa ni ya maabara za chini ya ardhi
Nikazidi kusonga lakini sikuwa nimefanikiwa walau kukutana na pahali pa kutokea zaidi nikajikuta
nikianza kuzunguka ndani ya maabara ile na sikuona wapi pa kutokea.
Ndani ya majokofua makubwa nilipata kusuhudia viumbe wengi wa ajabu wakiwa wamehifadhiwa
mle,kulikuwa na nyoka,nge,nyegere na wengineo.
Click to expand...
Asnte mkuu
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register