Ubishani wa hasira mkuu hatutafika mahala, toa hoja yako tu inatosha ukali haujengi hoja isipokuwa kuishusha nguvu. Swala la kujaza wanawake bungeni ili kuweka uuwiano halitoi tafsiri halisi ya wanasiasa maana mnashirikisha watu katika utunzi wa sheria wakati hawapo kwa lengo hilo na ndio maana imekuwa kimbilio la kila mtu uanasiasa.
Halafu ni aibu kubwa kumshirikisha marehemu Regia Mtema na hali yake kwa sababu Regia angekuwa bungeni mwakilishi wa Chadema hata kama asingekuwa kilema. Huyu alikuwa jembe la Chadema kama yeye na sio kwa sababu alikuwa kilema. Regia hakupelekwa na Chadema bungeni kuwakilisha vilema.
Swala la Waziri, kulingana na katiba yetu Waziri ni nafasi ya kisiasa lakini huoni ajabu yetu kuwa wapo watu wamechaguliwa nafasi hizo hata kama sio wanasiasa? Kuna swala la Ubalozi ambalo ni la kitaalam lakini wapo walochaguliwa balozi lakini hawana taaluma hiyo. Kuna mengi ambayo utayakuta Tanzania tu na sio jambo la ajabu kabisa...Kama hivyo Muhongo kupewa tuzo.
Kuwa na kadi nchini ni swala la kutafuta kura tu watu hawaelewi maana ya uanachama wala vyama haviwatumii watu kama wanasiasa ndio maana mnafukuzana uanachama.
