Operation Sangara: Chadema yajipanga Upya

[Kakulwa]

Kuwa na kundi/makundi yatakayompinga JK 2010 ni neema na wala si dhambi.
1.Katiba yao CCM haisemi kuwa Rais wao aachwe aviongoze vipindi vyote viwili vya miaka mitano mitano bila kupingwa isipokuwa ni kautamaduni tu walikojijengea kuwa Mgombea wao aachwe amalize vipindi vyote.
2.JK mwenyewe anachofanya ni nini?Mimi nilikuwa shabiki namba moja wa JK na siku alipopitishwa na mkutano mkuu nilikuwa wa kwanza kupiga kelele za furaha mtaani.Kuwa sasa tumeletewa masihi atakayetutoa jangwani.Lakini hapa ninavyoandika,leo kesho akitokea mtu wa kumpinga nitafurahi sana.
Sina hamu naye tena na nafurahi kusikia huo mkakati wa kumfanya awe Rais wa kipindi kimoja.
Ikiwezekana lipitishwe jina la Dr.Salim na siyo Lowasa,Mwandosya au Sumaye.

 

[Fidel80]

Na Robnson Wangoso, Mara

BAADA ya kuibuka na ushindi wa kishindo katika uchaguzi mdogo jimboni Tarime hivi karibuni, Chama cha Demokrasia na Maendeleo (CHADEMA) kimezidi kujiimarisha katika mikoa ya Kanda ya Ziwa huku wapenzi na wanachama wake 'wakipagawa' na kuahidi kumwaga misaada ya hali na mali kwa viongozi wao ili kufikia malengo.

Wakati viongozi wakuu wa chama hicho wakiendesha mkakati kabambe walioupa jina na 'Operesheni Sangara' kwa lengo la kuleta mabadiliko ya mfumo wa utawala, wananchi hao wametangaza kuwaunga mkono kwa kuchangisha fedha, ili kusaidia mkakati huo.

Akizungumza kwenye mkutano wa hadhara mjini Musoma, juzi Mwenyekiti wa chama hicho, Freeman Mbowe aliwaambia maelfu ya wanachama wake kuwa yuko tayari kulala majumbani mwao na si hotelini ili kuhakikisha operesheni hiyo inafanikiwa.

Mbowe alisema ukombozi wa kweli kamwe hautokani na viongozi kulala mahoteli ya kifahari na kuahidi kuwa yeye na viongozi wenzake watalala na kula kwa wanachama wao ili kutimiza azma yao kuleta mabadiliko ya kweli.

Mkakati huo wa CHADEMA umepata mwitikio mkubwa kwa wakazi wa mji wa Musoma na vitongoji vyake na wamehidi kuwa bega kwa bega na viongozi wao ili kutimiza lengo hilo.

Alipozindua operesheni hiyo Jumamosi iliyopita, Mbowe alisema imelenga kutoa elimu sahihi kuhusu haki na wajibu wa wananchi na haihitaji itikadi za vyama bali lengo lake ni kuhamasisha wananchi kujua haki zao pindi wanapofanya maamuzi.

Alisema 'Operesheni Sangara' itafanyika nchi nzima lakini kwa sasa inaanzia Mara alikozaliwa Baba wa Taifa Mwalimu Julius Nyerere ambaye alikuwa mstari wa mbele kupiga vita rushwa na kujali maisha ya wananchi wake tofauti na watawala wengi wa sasa wanaoangukia kwenye ufisadi.

Katika kile kinachodhihirisha kuungwa mkono operesheni hiyo wananchi wengi mjini Musoma wameendelea kujitokeza mitaani kushangilia hata gari la matangazo la CHADEMA linapopita na kulinyooshea vidole kuonesha alama ya 'V' ikimaanisha ushindi.

Kwenye matukio hayo, jana saa 4 asubuhi, msafara wa Naibu Katibu Mkuu wa chama hicho Zitto Kabwe ulizuiwa na wanachama eneo la Kampuni ya Simu Tanzania (TTCL) jirani na kituo cha daladala za Makoko na kumlazimisha ashuke ili awasalimie

Katika kile kinacholezwa 'Sangara kuanza kuimeza CCM Kanda ya Ziwa' kwenye mkutano wa juzi, aliyewahi kuwa Mwenyekiti wa Umoja wa Vijana wa CCM wilaya ya Musoma, Charles Kayele alitangaza kujiunga na CHADEMA sambamba na wanachama wengine wanaorudisha kadi zao na kujiunga na chama hicho.

Wachunguzi wa mambo ya siasa wanasema ushindi wa CHADEMA Tarime umehuisha upya nguvu ya kisiasa ya Mbowe na chama hicho ambaye baada ya kifo cha aliyekuwa Mbunge wa Tarime, marehemu Chacha Wangwe walipata majeraha makubwa ya 'mishale' ya kisiasa baada ya chama hicho kuhusishwa na kifo hicho.

Wachunguzi hao wanasema operesheni hiyo inayotarajiwa kupita majimbo yote mkoani Mara likiwemo Rorya, Tarime, Serengeti na Mwaibara kabla ya kuhamia Mwanza na mikoa mingine, itakuwa imekiimarisha chama hicho kwa kiasi kikubwa.

Katika mkakati huo, CHADEMA pia imelenga kujiimarisha kuanzia ngazi za matawi hadi Taifa katika kujiandaa na uchaguzi mkuu ujao mwaka 2010.
Dar Leo

 

[Kaa la Moto]

Sisi kama Watanzania wenye 'muamko' tunafurahi kuona kwamba CHADEMA japo wanajitahidi 'kuwakosoa' CCM. Lakini je? Ingekuwa wao wangefanya nini juu ya matatizo yanayokabili nchi? na kwamba wakija kushika nchi hawatakuwa na 'njaa' kama viongozi wetu wa sasa? Ningependa viongozi wa CHADEMA wawe wanatupa analysis na solutions juu ya matatizo yanayotukabili Watanzania kwa ujumla na sio kukaa tu na kuikosoa CCM....mnaonekana kama vile ni 'washika mkia' wa CCM, acheni kushika mkia na pandeni farasi wenu ili mshindane nao....kwa njia ya kuwaeleza Watanzania juu ya mbinu zenu za kuendeleza nchi!

Nadhani jibu la nini wangefanya ungalipata kama ungewapa angalau miaka mi 5 tu kwanza.

 

[Kaa la Moto]

Dr. Slaa anaelekea kwenye siasa za Mtikila za kulipua mabomu hata pale pasipo na hayo mabomu.

Ushahidi alio nao ni wa aina gani, kideo, audio record, barua au ni wa aina gani? Natumaini hatasema kuwa mke wake ndiye aliyemtonya.

Hivi ni kweli kwamba we ni kubwa jinga?😀

 

[Ngekewa]

Hivi ni kwelikwamba we ni kubwa jinga?😀

Tee hee! Maswali mengine Bwana......!

 

[Tuandamane]

Chadema wanapata wapi pesa za kukodisha Helicopter for the whole Sangara Project?

Why other Opposition Parties fail?

naamini kabisa humo humo CCM kunawanaoiungamkono chadema wanawape ufadhili wa pesa na habari vile vile... ukiachia wananchiwengine wa kawaida na hela zao wenye kiutakia mema tz

 

[Mavanza]

Katika historia ya dunia kamwe ukombozi wa kweli hauletwi na watu wa vijijini, watu wa mijini ndiyo chachu ya mapinduzi yoyote yale. Na watu wa mijini wakianza automatically watu wa vijijini wanadakia. Mimi nasema wanaozuia mapinduzi ya nchi hii ni watu wa mijini kwa kuwa waoga wa kukabiliana na nguvu za dola na mafisadi. Mapinduzi ya kweli hayaanzii katika sanduku la kura, pale ni mahali pa kuhitimisha tu (mfano wa karibu ni Tarime) usidhani kuwa waliiondoa CCM kwenye kura hapana, walishaiondoa kabla ya kura.

Kama kweli tunataka mabadiliko ni lazima pawe na maandamano ya kudai haki, si kuishia kulumbana tuu kwenye hili jamvi. Lazima pawe na migomo isiyoisha pale ambapo haki haitendeki. Na hili litawezekana tu iwapo kila mtu atafanya sehemu yake kwa ujasiri na bila woga. Katika mapambano yoyote ni lazima watokee watu wa kujitoa kafara kwa ajili ya taifa bora la baadaye. Watu hao hawajapatikana kwani watu wa mijini wakiona tu Defender inakuja wanatimka.

Waache CHADEMA waendelee na move yao nzuri ambayo mimi ninaoina ni ya kisiasa na kuwaelimisha watu, lakini wana jamii ni lazima waamke na kuishinikiza serikali katika kila kona, hiyo ita-create awareness kwa watu mnaowaita mbumbumbu mzungu wa reli. Na mwaka 2010 ni kuhitimisha tu kazi iliyokwisha fanywa.

Heko NMB, CWT, Wanafunzi wa Vyuo vya elimu ya juu, wanafunzi wa Seconadry na msingi, wafanyakazi wa serikali na wengineo wengi ninyi ndio wa kuleta ukombozi na sio CHADEMA, hao ni wamasishaji tu, lakini nguvu ya umma ndiyo inayoleta mapinduzi.

Najua karibu kunapambazuka na Tanzania itakombolewa.

Mungu ibariki Tanzania, Mungu ibariki Afrika.

 

[Masatu]

Akizungumza kwenye mkutano wa hadhara mjini Musoma, juzi Mwenyekiti wa chama hicho, Freeman Mbowe aliwaambia maelfu ya wanachama wake kuwa yuko tayari kulala majumbani mwao na si hotelini ili kuhakikisha operesheni hiyo inafanikiwa.

Mbowe alisema ukombozi wa kweli kamwe hautokani na viongozi kulala mahoteli ya kifahari na kuahidi kuwa yeye na viongozi wenzake watalala na kula kwa wanachama wao ili kutimiza azma yao kuleta mabadiliko ya kweli.

Aiiaayaaah! wameumia! Paka kukabidhiwa kitoweo alinde!

 

[Lighondi]

Sisi kama Watanzania wenye 'muamko' tunafurahi kuona kwamba CHADEMA japo wanajitahidi 'kuwakosoa' CCM. Lakini je? Ingekuwa wao wangefanya nini juu ya matatizo yanayokabili nchi? na kwamba wakija kushika nchi hawatakuwa na 'njaa' kama viongozi wetu wa sasa? Ningependa viongozi wa CHADEMA wawe wanatupa analysis na solutions juu ya matatizo yanayotukabili Watanzania kwa ujumla na sio kukaa tu na kuikosoa CCM....mnaonekana kama vile ni 'washika mkia' wa CCM, acheni kushika mkia na pandeni farasi wenu ili mshindane nao....kwa njia ya kuwaeleza Watanzania juu ya mbinu zenu za kuendeleza nchi![/QUOTE]

Bwana AbdulKensington, inaonekana umerukia gari kwa mbele. Kwa kukusaidia tu, kutaka kufahamu nini hawa watu wanafikiri nchi hii inaweza kufika kwenye mito ya maziwa na asali, nenda kasome katiba na ilani yao ya uchaguzi, nenda kwenye mikutano yao, kisha nenda kaone kule kwa majimbo waliyoshinda kama wanatimiza yalio kwenye ilani zao au la, kwa jinsi na nafasi walizo nazo katika utumishi wa watu. Mwisho wa siku linganisha na ufanisi wa chama cha KIJANI. Hapo utajua kwanini wananchi wenye akili timamu wako nyuma yao. [Though we admit that they are also human being like you and me].

 

[Kaa la Moto]

Operation sangara oyeeeeeeeeeeeeeeeeeeeeeeeee 😉😉😉:lol:

 

[Lighondi]

Katika historia ya dunia kamwe ukombozi wa kweli hauletwi na watu wa vijijini, watu wa mijini ndiyo chachu ya mapinduzi yoyote yale. Na watu wa mijini wakianza automatically watu wa vijijini wanadakia. Mimi nasema wanaozuia mapinduzi ya nchi hii ni watu wa mijini kwa kuwa waoga wa kukabiliana na nguvu za dola na mafisadi.

Kama kweli tunataka mabadiliko ni lazima pawe na maandamano ya kudai haki, si kuishia kulumbana tuu kwenye hili jamvi. Lazima pawe na migomo isiyoisha pale ambapo haki haitendeki. Na hili litawezekana tu iwapo kila mtu atafanya sehemu yake kwa ujasiri na bila woga. Katika mapambano yoyote ni lazima watokee watu wa kujitoa kafara kwa ajili ya taifa bora la baadaye. Watu hao hawajapatikana kwani watu wa mijini wakiona tu Defender inakuja wanatimka.
.

Najua karibu kunapambazuka na Tanzania itakombolewa.

Mungu ibariki Tanzania, Mungu ibariki Afrika.

I second you ndugu MAVANZA. Kwa hali yoyote ile watu wa vijijini wanaamini sana vitu toka mjini. Angalia mfumo wao wa maisha, wanachokula, wanachovaa, wanachoongea, wanavyoona [mitazamo] ukikaa nao dakika 20 tu utagundua kuwa wanahusudu sana mambo ya mjini.

Kwa maana hiyo basi mabadiliko ya watu wa vijijini yapo mikononi mwa watu wa mjini.

Simpo analisisi ni wabunge wangapi wa upinzani wametokea mijini?
Majibu tunayo sisi wenyewe.

Mabadiliko yaanzie na sisi wa mjini, tuache kuwasingizia wa vijijini.

 

[Selous]

.....Ingekuwa wao wangefanya nini juu ya matatizo yanayokabili nchi? .........Ningependa viongozi wa CHADEMA wawe wanatupa analysis na solutions juu ya matatizo yanayotukabili Watanzania kwa ujumla ..............

Sounds good

 

[Ladslaus Modest]

Ama kweli sisiemu safari hii mna kazi kweli kweli.
Angalia mwisho wenu hauko mbali. Endeleeni kuota ndoto za mchana.

Mwisho wa CCM ukifika ujue ni chama kingine kimeanzishwa; mfano ASP na TANU mwisho wao ulifika kikaanzishwa CCM.

 

[Ladslaus Modest]

Chadema wanapata wapi pesa za kukodisha Helicopter for the whole Sangara Project?

Why other Opposition Parties fail?

Hili Swali anaweza akatujibu Mh. Zitto au Mh. Dr. W. Slaa maana wao ni 'member' wa JF.

Kwa maoni yangu:
Inawezekana wemekopeshwa ili wakiingia madarakani walipe (kwa kuuza Nchi) au ni Ufisadi kama Fisadi nyingine.

 

[Jasusi]

Hili Swali anaweza akatujibu Mh. Zitto au Mh. Dr. W. Slaa maana wao ni 'member' wa JF.

Kwa maoni yangu:
Inawezekana wemekopeshwa ili wakiingia madarakani walipe (kwa kuuza Nchi) au ni Ufisadi kama Fisadi nyingine.

Kwa kuwa ninyi mmeuza nchi mnafikiria kila atakayeingia mamlakani atafuata mkondo wenu? Aibu!

 

[Ladslaus Modest]

Kwa kuwa ninyi mmeuza nchi mnafikiria kila atakayeingia mamlakani atafuata mkondo wenu? Aibu!

Mkuu Jasusi; tupe basi habari za wapi wanapata fedha zao? Je ni kutokana na wanachama (kadi) tu?

 

[Jasusi]

LM,
Umesikia wenyewe wakisema huko Musoma watalala nyumbani kwa wanachama wao badala ya hotelini na pia wameitisha harambee za mchango wa wapenda mabadiliko. Pia wanazo fedha za ruzuku pamoja na michango ya wanachama.

 

[Ladslaus Modest]

Sisi kama Watanzania wenye 'muamko' tunafurahi kuona kwamba CHADEMA japo wanajitahidi 'kuwakosoa' CCM. Lakini je? Ingekuwa wao wangefanya nini juu ya matatizo yanayokabili nchi? na kwamba wakija kushika nchi hawatakuwa na 'njaa' kama viongozi wetu wa sasa? Ningependa viongozi wa CHADEMA wawe wanatupa analysis na solutions juu ya matatizo yanayotukabili Watanzania kwa ujumla na sio kukaa tu na kuikosoa CCM.... mnaonekana kama vile ni 'washika mkia' wa CCM, acheni kushika mkia na pandeni farasi wenu ili mshindane nao....kwa njia ya kuwaeleza Watanzania juu ya mbinu zenu za kuendeleza nchi!

Wapendwa Mh. Dr. W. Slaa na Mh. Zitto Kabwe,
Kama itawapendeza na kuwezekana tunaomba majibu ya maswali yaliyoulizwa na Ndugu Abdul Kensington hapa jamvini (JF).
Asanteni.

 

[Ladslaus Modest]

LM,
Umesikia wenyewe wakisema huko Musoma watalala nyumbani kwa wanachama wao badala ya hotelini na pia wameitisha harambee za mchango wa wapenda mabadiliko. Pia wanazo fedha za ruzuku pamoja na michango ya wanachama.

Mkuu Jasusi,
Ina maana ruzuku pamoja na michango ya wanachama ndio tu iliyokuwa inawawezesha kutumia Helkopta Nchini kote katika kampeni za uchaguzi mwaka 2005?

 

[Jasusi]

Mkuu Jasusi,
Ina maana ruzuku pamoja na michango ya wanachama ndio tu iliyokuwa inawawezesha kutumia Helkopta Nchini kote katika kampeni za uchaguzi mwaka 2005?

Hii ya Helikopta nadhani CHADEMA walishaelezea fedha za matumizi yake.
Mimi nilikuwa nazungumzia Operesheni Sangara. Unakumbuka hata enzi za Mwalimu Nyerere alipokuwa anapigania uhuru alitegemea michango na misaada ya raia. Hakulala hotelini alipokuwa anatembelea Watanganyika. Viongozi wa CHADEMA naona wameamua kuiga ukurasa huo.