1000 digits
JF-Expert Member
- Oct 16, 2012
- 7,802
- 10,306
Kwa nini unasema huko nyuma.
Unajua maendeleo ya nchi sio vitu vichache vya serikali wakati watu wana maisha duni! Kwa hiyo binadamu anahitaji hivyo vitu vichache tu ulivyotaja na vikikamilika basi kila kitu kitakua safi kabisa.
Unajua hivyo ulivyotaja vinafanyika wakati kuna watu wanadai pesa zao halali kabisa na hawajalipwa.
Kuna wafanyakazi mishahara yao ni midogo na sheria imewekwa wawe wanaongezwa kidogo kidogo na kupandishwa madaraja ili waweze kujikimu na kuendana na dunia yenye maendeleo ambayo kama huna hela unapata tabu sana na sio serikali.
Unajua MTU akipata msiba ndugu na marafiki ndio wanaomsaidia kuchangia pesa za kununua mpaka sanda na sio serikali?
Mtu akizaa mtoto anawajibika kumnunulia pumpas yeye mwenyewe kwa pesa zake .
Wazazi wetu kule kijijini wanategemea mahitaji kutoka kwa watoto wao wanaojishughulisha kwenye ajira au shughuli za kuwaingizia kipato na kama hawana kipato basi maisha yanakua magumu.
Ndio maana viongozi wote wa chama na serikali wana mishahara na marupurupu mazuri ulilinganisha na wafanyakazi wa chini. Kwa nini kwa sababu wanajua wakistaafu sio treni wala ndege itakao watinza Bali ni mafao yao na miradi waliojiwekea wao binafsi.
Unajua kila anachofanya mtu au binadamu kwa asilimia zaidi ya 90 kinategemea kipato alichonacho na sio kipato wala gari wala ndege wala treni ya serikali.
Somalia hakuna serikali lakini watu wanaendelea na shughuli zao kama kawaida wanachokosa ni amani inayotokana na ulinzi wa uhakika. Kinachowafanya waishi ni vipato vyao.
Nadhani wasomalia ni kati ya watu wanaosafiri sana kila mahali japo hawana hivyo ulivyotaja. Kinachowafanya wasafiri na kufanya biashara popote ni vipato vyao.
Wasomali ndani ya nchi yao Wanachokosa ni huduma muhimu za jamii na za uhakika kama elimu ,afya na maji na mfumo rasmi wa kifedha ndani ya nchi yao.
Siwasifii Wasomalia bali nataka uone umuhimu wa kuwapa wananchi uwezo wa kumiliki Mali kwanza ili waweze kuwekeza baadae .
Hakuna mtu anayepinga ndege lakini pia isiwe sababu ya kuona kuwa wanaoikosoa hawana haki. Yani ndege isionekane kuwa ni bora kuliko kila kitu.Isije ikawa kama Sanamu ya kuabudu enzi za mfalme Nebukadreza kwamba kila mtu ainame na kusujudu mbele ya sanam na anayepinga anatupwe kwenye tanuru la moto.
Binadamu tumeamriwa na Mungu kuwapenda wengine kama tunavyojipenda wenyewe.
Sio kupenda vitu na kuwachukia wengine.
Nakuuliza ,Hivi umewahi kukaa ukafanya tafiti za miradi iliyoanzishwa na awamu ya Tatu na ya NNE ambayo iliongeza mzunguko wa fedha na fursa kwa wananchi wote kuanzia wa chini mpaka wa juu ?
Unajua awamu zilizo tangulia kuna miradi mingi ilikua inazinduliwa tu na mawaziri na wakimbiza mwenge tu hivyo watu wengi walikua hawafuatilii.
Kazi nzuri na mafanikio ya awamu zilizopita zimesababisha Leo hii karibu kila familia kuna angalau mtu mmoja anamiliki gari.
Ukitoka Dar es salaam mpaka Kagera au Mwanza maeneo yote hayo yana lami na watu mpaka vijijini wana nyumba bora za bati na matofali na nje kuna gari imepakiwa. Walimu walijenga ,madaktari ,manesi,mapolisi ,wanajeshi,wafanyabiashara mpaka wamachinga walikua wananunua viwanja wanajenga nyumba zao za kuishi.
Hayo ndiyo maendeleo ya kwanza kabisa yanayomuhusu binadamu moja kwa moja ili aishi aishi maisha bora. Binadamu ni kiumbe hai kinachoishi kwa kula chakula na kunywa maji na kuvaa nguo kwa gharama. Ni lazima apate uwezo wa namna ya kupata mahitaji yake kabla ya yale yanayopatikana kwa wale wa madaraja ya juu kama ndege na treni ya umeme.
Siipingi ndege wala Treni lakini hivi vitu tusivifanye kuwa ni vitu vya kutweza na kuumiza watu wengine kwa sababu tu ya siasa.
Anayeisifia aisifie mana ni kodi yake lakini pia anayeikosoa akosoe mana ni Kodi yake pia.
Watu wanakosoa kwa sababu ya gharama kubwa zilizoingiwa kwa wakati mmoja na kwa muda mfupi.
Mnyonge mnyongeni lakini haki yake
Mpeni ; Awamu ya Tatu iliwawezesha wananchi wengi kuishi maisha bora . Hospitali zilijengwa kwa kiwango kizuri, maabara mashuleni, majengo hasa shule za kata,Vituo vya afya kila kata. Madaraja Makubwa kama la Kigamboni, hata ukipita mijini palikua na muonekano wa miji kukua kwa kasi na shughuli za kiuchumi zilishamiri. Kariakoo ilikaribia kuwa Soko LA Afrika mashariki na kati.
Ukipita barabarani palikua na vituo vya mafuta barabara zote na vijana waliajiriwa na kuendesha maisha yao.
Awamu ya NNE ilikuta kima cha chini cha mshahara kikiwa kidogo sana.
Marupu rupu mbalimbali yakiwemo ya wabunge na hao hao ambao Leo wanawatukana watangulizi wa awamu hii yalikuwa chini sana.
Wakubwa unaowaona leo walipewa maisha bora na awamu zilizopita kuanzia mishahara yao na marupu yao.
Kila awamu ilianza mambo yake kwa speed yake.
Hivi utasemaje waliotangulia hawakufanya kitu wakati tuna amani iliyolindwa kwa uwezo mkubwa wa vyombo vya ulinzi na usalama vyenye vifaa na zana za kiwango kizuri kabisa.?
Ukipita kwenye makambi ya jeshi hauoni nyumba za kisasa au ndio kujaribu kuwashushia heshima viongozi wa awamu zilizopita ?
Unajua ni zana kiasi gani za vyombo vyetu vya ulinzi na usalama zimenunulia na awamu ya tatu na ya NNE?
Kwa nini tunawazarau watangulizi wa awamu hii ambayo ni mapema kabisa . Kwa nini tunawadharau wakati wote wametoka na Chama Cha Mapinduzi?
Viongozi wote unaowaona ni matokeo ya mipango ya kujenga uwezo wa watu tangu awamu zilizopita! Wangepatikana vipi hao wa Leo kama nchi haikua na mwelekeo wowote.
Musiwavunjie heshima viongozi wetu wa awamu zilizotangulia .
Hebu angalia pia diplomasia ya taifa letu iko vizuri kwa sababu nchi ilikua ina viongozi mahiri walioitangaza dunia nzima.
Hivi unafikiri urafiki wa China na Tanzania ulianza leo?
Kwa Taarifa yako miradi yote unayoiona isipokua uwanja wa ndege wa Chato yote ilikua kwenye Ilani ya CCM kuelekea 2025 ili kuingia kwenye uchumi wa kati.
Na kila awamu ilikua na na ilani yake na kila mmoja alifanya mambo take .
Acheni kupotosha ; Watu wanapingana namna ya kutekeleza mipango ya uchumi na miradi ya maendeleo lakini hawapingi kwamba isiwepo.
Ni dhambi kubwa kusema kuwa kiongozi wa awamu Fulani hajafanya kitu.
Kila mmoja amefanya yake na akamaliza ngwe yake akawaachia wengine. Hakuna aliyaacha kwa sababu ya kushindwa kufanya kitu Bali walitimiza muda wao na kustaafu kwa heshma.
Sasa hii ya kusema Fulani tu ndio kafanya haifai. Tutamtathimini vizuri akimaliza muda wake 2025.
Kwa sasa tumpe muda afanye kazi.
Kazi ambayo itakutana na vikwazo ikiwemo kukosea na kukosolewa .
