THT
Sikiliza hisia zako, sikiliza kile kilichomo ndani ya moyo wako na kisha fanya maamuzi. Usijali wengine wanasema nini, heshimu maoni ya wengine lakini mwisho wa siku fanya maamuzi ambayo yametokana na wewe, na sio kwa sababu wengine wamesema hivi au vile. Wewe umekuja hapa kuomba ushauri, cha ajabu badala ya watu kukupatia ushauri, wao wanakuhukumu, wanakukejeli, wanakukasirikia, hii sio sahihi. Ukiona unawaomba watu ushauri na kisha wanahama kwenye mada na wanakutolea sana povu wewe, tambua hapo mwenye tatizo sio wewe, bali tatizo liko kwa hao watoa ushauri.
Ndoa au mahusiano ya kimapenzi hujengwa kwa misingi kwa UPENDO, na kama moyo wako umejaa upendo kwa huyo mwenza wako, na unadhani utapata furaha na amani ya moyoni, nadhani jibu unalo tayari, usiiachie nafasi hiyo inayokupatia upendo, furaha na amani.
Wanaokutisha kwamba ETI ndoa au mahusiano yatavunjika waambie kwamba dini SIO kigezo cha ndoa kuvunjika, waulize ndoa ngapi za watu wa dini moja (Wakristo na Waislamu) zimevunjika? Ndoa ngapi za wanandoa wa dini moja (Wakristo na Waislamu)zimejaa udanganyifu, ugomvi na mifarakano isiyokwisha?! Kuvunjika kwa ndoa au mahusiano ni jambo linaloweza kutokea kwa yeyote bila kujali dini yake, na hata likija kutokea huwezi kulizuia kwasababu halijalishi dini za wana ndoa, kama limepangwa kutokea, litatokea kwa sababu zingine, lakini SIO eti kwasababu ya kutofautiana kidini.
Hongera kwa ujasiri wa kuomba ushauri, natumaini utatumia vizuri ushauri unaopewa hapa ili kufanya maamuzi sahihi.