Ndugu wanajamvi napenda kuwasalimu kama ishara ya upendo kwenu. Baada ya salamu naomba nilirudi kwenye suala la msingi lililonifanya niandike uzi huu.
Mimi ni mwalimu kwa taaluma na nafundisha katika shule moja hapa wila ya Mwanga mkoani Kilimanjaro. Nisingependa kuitaja shule hiyo siyo kwa sababu ya woga bali kwa sababu zangu binafsi ambazo nazo ni za Msingi sana.
Msingi wa hoja yangu ni haya mauza uza ninayofanyiwa hapa shuleni wakati mwengine hata nje ya shule. Ambayo kwangu mimi kuna kila sababu ya kuamini watu wa usalama wapo nyuma ya hili.
Kwa muda mrefu nimekuwa nikihusishwa kutumiwa na CHADEMA katika masuala mbalimbali hapa shule na hata katika jamii ninapoishi kitu ambacho nitakitolea ufafanuzi hapo mwisho.
Miongoni mwa mambo ambayo nahusishwa nayo ni pamoja na kushawishi wanafunzi katika kufanikisha malengo ya CHADEMA ya mabadiliko katika taifa hili. Kutoa hotuba za chuki kwa wanafunzi ninapokuwa nafundisha darasani zenye lengo la kuiharibia CCM na kuipa mtaji CHADEMA (Katika hili siwezi kukanusha wala kukubali kutokana na somo ninalofundisha). Ila ninachopinga ni kuhusianisha ninachofundisha na kuinadi CHADEMA na kuikandamiza CCM. Mimi sifanyi siasa shuleni ila ninayofundisha yanahusisha siasa pia ambayo msingi wake ni Past events, present and their results on future respectively ambayo yanahusu all aspects of life including siasa.
Nafundisha somo la Historia ambalo about 70% percent ya somo la historia ni world's politics. Lakini pamoja na hivyo sifundishi siasa nafundisha matukio ya kihistoria ambayo yanahusisha pia matukio ya kisiasa kama ambavyp yameelekezwa kwenye syllabus.
Lakini pamoja na yote hayo mimi ni mwanachama wa CHADEMA, nilijiunga na CHADEMA mwaka 2011 nikiwa chuo. Kwa wakati wote nikiwa chuo niliweza kufanya kazi kwa karibu na katibu mwenezi wa tawi la CHADEMA lililofunguliwa karibu na chuo chetu. Niliweza pia kuwa katibu mwenezi katika ngazi ya msingi mtaani kwetu mara tu baada ya kuhitimu chuo.
Sio lengu langu kuzungumzia uanachama wangu au kuzungumzia kazi zangu za ufundishaji ninapokuwa shule, ambazo nimeshakili hapo juu sizifanyi kisiasa bali nazifanya kwa uhalisi kama tunavyoelekezwa katika mikataba ya utumishi.
Lengo langu ni kuzungumzia mauza uza ninayokutana nayo katika maeneo yangu ya kazi hata nje ya kazi.
Baada ya kuhusishwa kwa muda mrefu kutumika na CHADEMA nikaanza kufuatiliwa kwa namna ya kuhalibiwa na kuchafuliwa ili nionekane ni mtovu wa maadili.
Kwa mfano: Mnamo mwezi September mwaka 2013, kuna mwalimu ambaye ni rafiki yangu mkubwa sana alinipa taarifa ambayo ilinishtua sana.
Mwalimu huyo alinialika kwenda kufanya starehe na wanafunzi wa kike wa kidato cha sita mjini Moshi. Kwa mujibu wake ni kwamba, wanafunzi hao walimwomba mwalimu juu ya mwaliko huo. Hivyo mwalimu nae akaniomba niungane nae katika tukio hilo kwani wanafunzi waliomwomba kufanya tukio hilo walikuwa wawili na hivyo ingekuwa busara walimu nao tukiwa wawili.
Awali taarifa hizo alinitumia kwa njia ya sms, ambazo zilinishangaza kidogo. Lakini kwa sababu nilikuwa na hisia za muda mrefu kuwa kuna watu wananifuatilia nikaamua kumkubalia mwalimu ambaye ni rafiki yangu: Malengo ya kukubali yalikuwa kama ifuatavyo:-
1. Kwanza nilielewa ni mtego ambao unapangwa ili mwisho wa siku wanikamate kama mtovu wa maadili ya kazi kwa kutembea na wanafunzi. Nilifahamu tangu siku ya kwanza tu nilipopokea taarifa ile. Lakini niliamini zaidi pale mwalimu alieniomba nishiriki nae katika hili aliponionyesha business card ya Lodge ambayo alishaiandaa kwa ajili ya kwenda kufanya starehe na wanafunzi.
2. Niliamua kukubali ili mwisho wa siku waliopanga mipango ile nije niwachezee Turn Around Game. Nije niwageuzie kibao ambapo mwisho wa siku ukweli ungejulikana. Katika hili kuna mipango ambayo niliiandaa binafsi, ikiwemo kuwasiliana na waandishi wa habari na kuwapa picha ya tukio zima pamoja na kuwaeleza siku ya tukio jenyewe. Lengo hapa lilikuwa siku ya tukio mwalimu yule ambae aliandaa mpango ule atiwe nguvuni katika mazingira yale ya starehe akiwa na wanafunzi ili mwisho wa siku angekamatwa na ukweli ungefahamika (Niliamini angesema aliyemtuma kwani asingekubali kuadhilika). Tulipanga kuanda askali polisi na waandishi wa habari, na mipango yote nilishaanza kuifanya kwa kushirikiana na waandishi wa habari. Tulijadili mikakati ya kuifanya ili siku ya tukio mimi niwapige chenga wale wanafunzi pamoja na mwalimu ili wao pekee wabaki na wanafunzi then mtego wetu uwakamate.
Ikumbukwe kwamba wanafunzi wale hawakishirikishwa kwa namna yoyote juu ya huo mchezo, mwalimu aliwadanganya kama kwenda kuwapa ofa mjini Moshi. Kwahiyo hawakuwa wanajua chochote lile juu ya mpango huo. Kutokana na hilo mimi nika take advantage ya kuwashirikisha wanafunzi wale na kuwaeleza nia nzima ya yule mwalimu. Lengo ilikuwa ni kuwapanga wawe upande wangu na tushirikiane katika mipango niliyokuwa naipanga. Ilikuwa ngumu kunielewa lakini mwisho walikubali na wakaniahidi kuwa upande wangu hivyo nikataka wakubaliane na kila jambo ambalo yule mwalimu aliwataka wafanya kuelekea siku ya tukio.
3. Kwakuwa nilifahamu mchezo mchafu unaopangwa kufanyika na kwa kuwa niliamini njia bora ya kumshinda adui yako ni kumfahamu yeye pamoja na mbinu anazotumia nikana ni bora niingie kwenye kile nilichokiona mtego wa adui ninaoufahamu. Niliamua kukubali nikiamini kuwa kupitia mtego huo nitafichua huo uovu, na kama ningejifanya kuufahamu na hivyo kuutupilia mbali kwa maana ya kukataa ofa ile ya mwalimu basi maana yake kungeandaliwa mtego mwengine ambapo pengine nisingeufahamu hivyo ningenasa. Hivyo ningenasa na wangefurahi kutimiza malengo yao. Niliamua kukubali ili niwaumbue kwenye mtego wao wa mwanzao kabisa.
Kwa bahati mbaya tukio hilo halikuweza kutokea, wanafunzi niliokuwa nafanya nao ile mipango, katika tukio ambalo lilikuwa lifanyike siku ya kufanga shule. Wanafunzi wale ilikuwa wafuatwe na wazazi wao kwa ajili ya kwenda majumbani hivyo kukosa nafasi ya kwenda Moshi. Waliniambia juu ya hilo namimi sikuwa na ubishi nikawaelewa hivyo mipango yote kukwama.
Pamoja na yote hayo nimekuwa nikifuatwa sana. Kwa mfano mnano tarehe 26 na 27 mwezi Oktoba mwaka 2013 nilienda Arusha kubudhulia kongamano la CHADEMA na wadau wa kanda ya kaskazini lililofanyika Corido Spring hotel. Kwa hakika sikumuaga mtu juu ya kwenda huko lakini cha kushangaza kuna watu wanataarifa kuwa nilikuwa kwenye kongamano.
Nilihudhuria pia mkutano wa Kiongozi kamanda mpambanaji Henry Kilewo uliofanyika Oktoba 12 2013 mjini Mwanga. Pamoja na kwamba sikukutana na mtu anaenifahamu pale lakini taarifa zangu pia zilisambaa kuwa nilikuwa kwenye mkutano.
Siku ile niliongozana na Henry Kilewa mpaka maeneo ya Angela Inn Hotel ambapo ndipo alipofikia kisha tulirudi wote maeneo ya stendi ya Mwanga tukiwa kwenye gari aina ya Jeep nyeusi. Henry Kilewo hakuwa ananifahamu, lakini wakati wa kuagana niliomba namba yake ya simu na alinipatia.
Siku ile niliweza kuwasiliana nae usiku nikamueleza mengi tu juu yangu na mazingira halisi ya ninapofanya kazi na jinsi ninavyoandamwa.
Kilewo hakuonekana kujali sana pengine kwasababu hakuwa ananiamini sana labda alidhani mimi ni Spy. Kubwa zaidi aliniambia hapendi kujadili siasa kwa njia ya simu hasa kwa mtu ambae hamfahamu. Nilimpongeza kwa hilo na nikaamua kuachana nae.
Kuna tukio jingine ambalo naona linapikwa na bado nalifanyia kazi, nikilipatia uthibitisho nitarudi tena hapa kuliweka.
Lakini leo tarehe 24/01/2014 kuna rafiki yangu ambae nae ni mwalimu amenipa taarifa fulani. Aliniambia kuwa amepokea simu kutoka kwa mtu aliejitambulisha kuwa ni mwenyekiti wa walimu CCM kwa upande wa vijana kutoka moshi akimtaka ampe taarifa zangu. Alinitaja kwa majina yote na kwamba akamueleza kuwa eti mimi natumika na CHADEMA. Mwalimu huyo alinifuata leo na kunipa taarifa ile, nikamshukuru kwa taarifa lakini nilichomwambia ni kuwa kazi hii ya ualimu ninayoifanya siiogopi bali naiheshimu hivyo nipo tayari kwa chochote. Lakini kubwa zaidi nikamwambia mimi sifanyi siasa shule kwani ni kinyume na mkataba wangu wa ajira, ila hiko wanachokitafsiri siasa ni mwendelezo wa majukumu yangu ya kawaida ya kufundisha somo la historia kama mwalimu.
Ninachotaka kutolea ufafanuzi juu ya kutumika na CHADEMA ni kwamba, mimi situmwi na yoyete CHADEMA, sifahamiki na yeyote CHADEMA kuanzia mwwnyekiti mpaka viongozi wa kanda, mimi hawanifahamu hivyo kuniambia kama natumika ni kuweweseka na vuguvugu la mabadiliko.
Ninachotaka kuwaeleza ni kwamba uahiriki wangu kwenye makongamano au mikutano ya hadhala ya CHADEMA ni shauku ya kutaka kufahamu mikakati ya kiukombozi ya taifa letu, na hii ni kwa sababu I love Tanzania deeply, I love CHADEMA and I care so strongly about its future.
Mizengwe yoyote ambayo ninafanyiwa inaniongezea ujasili.
Naomba kuwasilisha.
