Mjadala wa Mafuta na Suala la Muungano

[CAMARADERIE]

Mafuta ya nazi au karafuu?

 

[khayanda]

LorJustice unataka tuweke na picha ya Captain Komba, Wasirra mwenye hasira na wengine wengi ambao mara nyingi hushituliwa na mapigo ya kugonga meza kuashiria mapokeo fulani ya hoja hata kama siyo hoja za maana na hasa vyama vinapolumbana.
Hwa wazanzibari pamoja na wazanzibara wote hawana cha kutuambia tena. wAJITENGE TU WAONE MOTOWAKE
wATAGAWANA HATA VISIWA VITUPU VILE VISIVYOKALIWA NA MTU KWA UGOMVI KATI YAO
Hivi tunawabembelelezea nini hawa, waachwe tuone, wakizidiwa tuwatawale sasa siyo kungana nao

 

[Chimunguru]

Mafuta ya nazi au karafuu?

swadaktaa mkuu wewe ndo umukita penyewe. mijinazi na karafuu yakhee na ule wimbo wa ndala kasheba Siku nitafika pemba itembeze hadi mwisho. marashi ya pemba zanzibar visiwa vya kwetu. nasikia ni kuzuri eti kuna upepo upepo unanukiaa marashi ya KARAFUU....marashi nipokee pemba oooh pemba hahaaaa .....MDEBWEDO!!!!!!

 

[Chimunguru]

Kwani Wazanzibari waliulizwa kwanza kama wanataka Mapinduzi au la, watu walipindua utawala wa Sultani uliokuwepo kwa zaidi ya karne moja? Mbona hata EAC wananchi hawajaulizwa kuwa tuingie au la? Unapokuja Muungano watu hukimbilia hoja ya kushirikishwa wananchi ili mradi tu wapinzani wa Muungano wana lao jambo, ie ulevi wa madaraka!

hivi vijamaa vya visiwani vinaota ndoto za alinacha! wanahamu sana ya kumrudisha mwarabu. mtaolewa jamani aaaaargh hebu mtutokee tunawalea km NYUMBA NDOGO lkn hamna shukrani!

 

[Lunyungu]

Na Mwinyi Sadallah

Mwenyekiti wa Kigoda cha Mwalimu Nyerere, Profesa Issa Shivji

Mwenyekiti wa Kigoda cha Mwalimu Nyerere, Profesa Issa Shivji, amesema suala la mafuta na gesi asilia liliingizwa katika orodha ya mambo ya Muungano na Rais wa Kwanza wa Zanzibar marehemu Abeid Amani Karume Mwaka 1968.

Alisema hayo katika maadhimisho ya mkutano wa siku ya Demokrasia Duniani uliotayarishwa na Baraza la wawakilishi Zanzibar (BLW) na kuhudhuriwa na wananfunzi wa vyuo vikuu na asasi za kiraia Zanzibar jana.

Profesa Shivji alisema suala la mafuta na gesi ya asilia lilingizwa katika orodha ya Muungano kwa kufuatwa taratibu zote za kisheria baada ya kupitishwa na wabunge kutoka Tanzania Bara na Zanzibar.

Hata hivyo, alisema kwamba baada ya wabunge kupitisha sheria hiyo rais wa Jamhuri ya Muungano wakati huo, Mwalimu Julius Kambarage Nyerere hakuwepo nchini na kaimu rais alikuwa ni Rais wa Zanzibar.

Alisema kwa msingi huo sheria hiyo ilisainiwa na Rais Karume baada ya sheria kupitishwa na Bunge la Muungano akiwa kaimu rais wa Muungano mwaka 1968 na ndipo suala hilo la mafuta na gesi asilia likaingizwa rasmi katika orodha ya mambo ya Muungano.

Hata hivyo, alisema kwamba wakati huu si wa kushindana kwa mambo yasiyokuwa na manufaa jambo la msingi mjadala wa katiba mpya ufanyike kwa uwazi na wananchi washirikishwe.

Alisema kwamba ni kweli mambo ya Muungano yalikuwa 11 lakini sasa yameongezeka na kufikia 23 lakini alisema kwamba mambo hayo yalikuwa yakiongezwa kwa kufuata taratibu za kisheria na makubaliano ya pande mbili za viongozi Zanzibar na Muungano.

Hata hivyo, alisema kwamba suala la mafuta linahitaji hekima na busara katika kulitafutia ufumbuzi wake na kutoa mfano yapo mataifa yaliingia kwenye matatizo chimbuko likiwa mafuta kama vile Angola, Nigeria na Ghana.

Alisema kwamba mambo mengine ambayo yaliingizwa kwa makubaliano ya pande zote mbili ambayo hayakuwemo katika orodha ya mambo ya Muungano ni pamoja na suala la sarafu na benki, mambo ambayo yaliingizwa mwaka 1965.

Aidha aliwataka wanafunzi wa vyuo vikuu kufanya utafiti kuhusu mambo ya Muungano kabla ya kuzungumza kwa sababu hatuahiyo itasaidia wananchi wengi kupokea taarifa zilizo sahihi na kufahamu mambo ya msingi ya Muungano.

Kuhusu uhalali wa Muungano alisema kumbukumbu zinaonyesha muungano huo umekuja kwa makubaliano ya pande zote mbili zamuungano akiwemo Rais wa kwanza wa Zanzibar marehemu Abeid Amani Karume na Rais wa kwanza wa Tanganyika Hayati Mwalimu Nyerere.
Alisema kwamba baada ya kufikiwa muungano huo, nyaraka zilipelekwa Umoja wa Mataifa na picha za viongozi hao zipo wakisaini nyaraka za Muungano na kuchanganya udongo wa Zanzibar na Tanganyika kabla ya kutangazwa kuwa taifa moja la Tanzania.

Hata hivyo, alisema kwamba wananchi watumie mjadala mpya wa katiba kushauri Serikali mambo ambayo yanaonekana kuwa ni kerokatika muungano ili yaweze kupatiwa ufumbuzi.

Akiwasilisha mada kuhusu demokrasia Profesa Shivji alisema kiongozi bora ni yule ambaye hataki kuwa kiongozi asiyekua na tama ya uongozi .Hata hivyo, alisema bahati mbaya hivi sasa nafasi za uongozi watu wanazitafuta kwa malengo ya kuchuma badala ya kutumikia wananchi na taifa.
Profesa Shivji alisema hivi sasa wafanyabiashara wengi wanazitafuta nafasi za kwenda bungeni kwa malengo ya kulinda maslahi yao binafsi na kutafuta njia ya kufanikisha miradi yao jambo ambalo alisema halina maslahi kwa wananchi na Taifa.

Aidha, alisema kwamba pamoja na Zanzibar kufikia kuwa na Serikali ya Umoja wa Kitaifa (SUK), bado kambi ya upinzani ina umuhimu mkubwa katika mabaraza ya kutunga sheria kwa vile ndio chombo chenye uwezo wa kuikosoa Serikali na kutetea kero za wananchi kwa nguvu moja.

Profesa Shivji alisema kwamba wakati umefika vijana kuwa na ajenda wanapokabiliana na tatizo la umasikini kuvunja ukimya na badala yake kuunganisha hoja na kujadili matatizo yanayowakabili kwa uwazi. "Huwezi kupata uhuru wa kujadili bila ya kupigania uhuru huo," alisema Profesa Shivji.

Alisema wakati Tanzania inaadhimisha miaka 50 ya uhuru vijana wengi wapo mitaani wakiwa hawana ajira, wamekuwa machinga na wapiga debe, mambo ambayo alisema yanahitaji kujadiliwa na vijana wenyewe katika kujitafutia maendeleo yao.

Alisema kwamba miaka 50 ya uhuru elimu ya chuo kikuu inatakiwa iwe ya lazima kwa vijana ili kuweza kukabiliana na matatizo ya umasikini na hatua hiyo ingesaidia vyema kuondokana nao.

Awali wanafunzi hao walishangazwa na orodha ya mambo ya Muungano kuongezeka kutoka 11 hadi 23 na kuhoji kwa nini suala la muafaka na gesi asilia halijaondolewa katika orodha ya Muungano licha ya SMZ kuondoa suala hilo mwaka 2009.

Akiwasilisha mada kuhusu Serikali ya Umoja wa Kitaifa Zanzibar na demokrasia kwenye Baraza la wawakilishi, Katibu wa Baraza hilo, Ibrahim Mzee Ibrahim, alisema kuwa muundo huo umewapa uhuru wajumbe katika kukosoa Serikali na kuweka kando misimammo ya vyama vyao.

Alisema kwamba tangu kuanza baraza lenye mawaziri kutoka CCM na CUF wajumbe wamekuwa wakijadili hoja zaidi kinyume na miaka ya nyuma ambapo walionekana kushikamana zaidi ya vyama badala ya kuweka mbele maslahi yao.

"Vyama vya siasa vilidhibiti uhuru wa wajumbe kwa utaratibu wa nidhamu ya vyama, muundo wa Serikali ya Umoja wa Kitaifa umepunguza makali ya udhibiti huo," alisema Katibu huyo.

Alisema wajumbe wa Baraza la Wawakilishi wamepewa uhuru kupitia kifungu cha 86 na sheria namba nne ya mwaka 2007. lakini wanatakiwa kuzingatia maoni binafsi ya mjumbe, maslahi ya jimbo lake na maslahi ya taifa wanapotekeleza majukumu yao.

CHANZO: NIPASHE JUMAPILI

 

[Kakke]

Written by amini | 08/01/2012


Katibu Mkuu wa Chama Cha Wananchi CUF Maalim Seif Sharif Hamad amezungumzia tena baadhi ya mambo muhimu yanayopaswa kuzingatiwa wakati wa kutoa maoni ya katiba mpya ya Jamhuri ya Muungano wa Tanzania na kuwataka viongozi na wananchi kuungana katika kutetea maslahi ya Zanzibar ndani ya Muungano.

Amesema iwapo Wazanzibari wataungana na kuwa na sauti moja juu ya jambo hilo, kauli yao itakuwa na nguvu na upande wa pili wa Muungano utalazimika kuheshimu maamuzi hayo ya wazanzibari.

"Viongozi na wananchi wote tushikamane na tuweni na kauli moja juu ya jambo hili, na kamwe tusikubali kugawanywa kwa maslahi ya nchi yetu", alisema Maalim Seif.

Maalim Seif ambaye pia ni Makamu wa Kwanza wa Rais wa Zanzibar ameeleza hayo katika viwanja vya demokrasia Kibandamaiti mjini Zanzibar wakati akiwahutubia maelfu ya wanachama na wananchi waliohudhuria mkutano wa hadhara uliotishwa na CUF.

Amebainisha baadhi ya mambo yanayopaswa kuzingatiwa na kuingizwa katika katiba mpya kuwa ni haja ya Zanzibar kuwa na benki kuu yake ikiwa ni nia moja wapo ya kudhibiti uchumi wake.

Mambo mengine ni pamoja na Zanzibar kuweza kuwa na sauti huru juu ya sera zake za fedha na uchumi ikizingatiwa kuwa suala la uchumi si katika mambo ya Muungano,sambamba na serikali kuendelea kushikilia msimamo wake wa kutaka suala la mafuta liondolewe katika orodha ya mambo ya Muungano.

Maalim Seif amefahamisha kuwa Zanzibar inastahiki pia kuwa na uwezo wa kuweka viwango vyake vya kodi, pamoja na kuwa na mitaala yake ya elimu inayoendana na mazingira ya Zanzibar kwa maslahi ya Wazanzibari.

Wiki iliyopita Maalim Seif alielezea umuhimu wa kuwepo utaratibu maalum wa kikatiba utakaoruhusu nafasi ya Urais wa Muungano kutumikiwa kwa awamu kati ya Tanzania bara na Zanzibar, tofauti na utaratibu uliopo sasa ambao hautoi fursa kwa Wazanzibari kuitumikia nafasi hiyo kubwa kabisa ya uongozi nchini.

Aidha Makamu wa Kwanza wa Rais alitumia fursa hiyo kutoa mkono wa pole kwa Serikali ya Jamhuri ya Muungano wa Tanzania kutokana na baadhi ya wananchi hasa wa mkoa wa Dar es Salaam kupoteza maisha yao, hali iliyosababishwa na mafuriko yaliyotokana na mvua kubwa.

Amesema mwisho mwa mwezi huu chama chake kimepanga kuzitembelea kambi wanazoishi watu walioathirika na kupoteza makaazi kutokana na mafuriko hayo kwa lengo la kutoa pole na mchango wake kwa waathirika hao.

Wakati huo huo Naibu Katibu mkuu wa CUF Zanzibar Mheshimiwa Ismail Jussa Ladhu amewataka wanachama wa chama hicho kupuuza uvumi juu ya mgogoro ndani ya Chama hicho, na kwamba chama hakina mgogoro na kiko imara wala hakitumbi.

Amesema uvumi huo unaosambazwa kupitia vyombo vya habari umekuwa ukitolewa kwa malengo maalum ya kukivuruga chama, malengo ambayo amesema hayatofanikiwa.

Nae mkurugenzi wa haki za binadamu, habari na mawasiliano ya umma wa chama hicho Bwana Salim Bimani amesema bado serikali ya Muungano haijatoa fursa zinazostahiki kwa Zanzibar katika masuala ya kimataifa ikiwa ni pamoja na kuinyima nafasi za kibalozi nchi za nje.

 

[Triple A]

zanzibar inanyemelewa na mataifa ya magharibi.......!

 

[simplemind]

zanzibar inanyemelewa na mataifa ya magharibi.......!

Zanzibar the 51 st state of USA? Is it?

 

[dudus]

Mimi nashindwa kuilewa sura ya CUF - ni ya Muungano au Uzanzibari zaidi? Wakiwa Zanzibar: "Pingeni mafuta kuingizwa kwenye Muungano", wakiwa Manzese au maeneo mengine ya Bara hutakaa usikie kauli za aina hiyo.

Kwa kuwa ni chama cha kitaifa (Muungano) kwa nini wasizungumzie mambo kitaifa pia. Kwa nini kuwe na baadhi ya hoja ambazo wananong'onezana huko Zanzibar pekee lakini hazizungumzwi kwenye majukwaa ya Bara?

Hayo aliyozungumnza ingekuwa yamezungumzwa kwenye Baraza la Wawakilishi angalau ingeeleweka lakini CUF tena kutoka kinywani mwa Katibu Mkuu - Taifa? Inashangaza.

 

[cartura]

kwa huu mlolongo wa madai ya CUF kuna haja gani ya kuwa na muungano? yaani kila siku tunataka hiki, tunataka kile - what's is this damn shit?

 

[FJM]

zanzibar inanyemelewa na mataifa ya magharibi.......!

Juzi, Dr Shein alizinduwa ujenzi wa nyumba ya madaktari wa Norway! Na kama haitoshi vile Norway wamefungua ubalozi mdogo Zanzibar. Hapa ndio nakubaliana na usemi kuwa wazungu wanapenda kutuchezea kwa kutumia 'devide & rule'. Wazungu hawa wakiwa Bara wanasema moja, wakienda Zanzibar wanasema lingine!

nb: Marekani nao wana balozo mdogo huko Zanzibar!

 

[FJM]

zanzibar inanyemelewa na mataifa ya magharibi.......!

Juzi, Dr Shein alizinduwa ujenzi wa nyumba ya madaktari wa Norway! Na kama haitoshi vile Norway wamefungua ubalozi mdogo Zanzibar. Hapa ndio nakubaliana na usemi kuwa wazungu wanapenda kutuchezea kwa kutumia 'devide & rule'. Wazungu hawa wakiwa Bara wanasema moja, wakienda Zanzibar wanasema lingine!

nb: Marekani nao wana balozi mdogo huko Zanzibar!

 

[Mtoboasiri]

Juzi, Dr Shein alizinduwa ujenzi wa nyumba ya madaktari wa Norway! Na kama haitoshi vile Norway wamefungua ubalozi mdogo Zanzibar. Hapa ndio nakubaliana na usemi kuwa wazungu wanapenda kutuchezea kwa kutumia 'devide & rule'. Wazungu hawa wakiwa Bara wanasema moja, wakienda Zanzibar wanasema lingine!

nb: Marekani nao wana balozi mdogo huko Zanzibar!

Uingereza ina ubalozi mdogo mji unaoitwa Bergen Norway. European Union, Uingereza na USA wanapanga kujenga balozi ndogo Arusha. Unaweza kuyaelezea haya?

 

[Ritz]

Maalim Seif, yupo right kwani migodi yetu ya Dhahabu na Almas, Tanzanite, uwa tunawapa fungu?

 

[namimih]

Mimi nasema CUF hawajui wanachokitaka na ni bora CUF iwe ni chama cha zanzibar tu, nashangaa kuona wanaomba kura mpaka bara, wakati kauli zao zinajichanganya na kuonyesha kuwa wapo ki zanzibari zaidi kuliko kimuungano. Narudia CUF toeni kauli moja mueleweke, kama nyie ni CCM au CUF, au hamjui mpo wapi. Kila mtu amekalia kuganga njaa zaidi kuliko maendeleo ya Tanzania. Pole Tanzania yangu.

 

[Nyakageni]

vya bara ni vya wote ila vyao ni vyao

 

[Sumba-Wanga]

zanzibar inanyemelewa na mataifa ya magharibi.......!

Kwa lipi hasa?

 

[Moses msisia]

sio muda mrefu sana mafuta yatakuwa sio deal waache kupiga kelele hao.

 

[Saint Ivuga]

• Kila upande wa Muungano uchimbe Mafuta na Gesi Asili yake na Mapato yawe ya Serikali ya upande husika
• Shughuli za Utafutaji kwenye vitalu vyenye mgogoro ziendelee mara moja
• Zanzibar ianzishe Shirika lake la Mafuta (PetroZan)
• Katiba mpya itofautishe utafutaji (upstream) na Biashara (uchimbaji, midstream na downstream)

Moja ya suala linalosubiriwa kwa hamu kubwa katika mjadala na hatimaye uandishi wa Katiba mpya ni suala la Mafuta na Gesi Asilia kuwa jambo la Muungano au liondolewe katika orodha ya mambo ya Muungano. Suala hili limezusha mjadala mkubwa sana mara kwa mara nchini Tanzania kiasi cha lenyewe kuwa ni hoja ya wale wasiotaka tuwe na Dola ya Jamhuri ya Muungano Tanzania.

Wakati Muungano unaanzishwa mwaka 1964 Mafuta na Gesi hayakuwa masuala ya Muungano. Nimeangalia katika Hati ya Muungano ambayo ilikuwa ni sehemu ya Katiba ya Muda ya Jamhuri ya Muungano ya mwaka 1965, suala hili halikuwamo katika orodha ya mambo Kumi na Moja ya Muungano. Nyaraka nilizoziona zinaonyesha kwamba suala la Mafuta na Gesi Asilia liliongezwa katika orodha ya Mambo ya Muungano mwaka 1968. Kuna watu wanahoji kihalali kabisa kwamba nyongeza ya jambo hili ilifanywa bila kufuata taratibu na hivyo kufanywa kinyemela na kuna wengine wanasema jambo hili lilifuata taratibu zote za kisheria ikiwemo kupigiwa kura na Bunge la Muungano na kuungwa mkono na theluthi mbili ya Wabunge kutoka pande zote za Muungano.

Katika moja ya vikao vya Bunge katika Bunge la Tisa, aliyekuwa Naibu wa Waziri wa Nishati na Madini Ndugu Adam Malima alileta kumbukumbu za mjadala Bungeni (Hansard) za mjadala wa suala la Mafuta na Gesi ili kuthibitisha kwamba jambo hili halikuuingizwa kwenye Katiba kinyemela.

Wakati umefika kwa Watafiti wa Masuala ya Muungano wakapekua nyaraka hizi na kutwambia ukweli ulio ukweli mtupu wa namna suala la Mafuta na Gesi lilivyoingizwa katika orodha ya mambo ya Muungano. Hata hivyo, jambo hili sasa ni jambo la Muungano kwa mujibu wa Katiba na ni dhahiri kuwa WaTanzania wa Zanzibar hawafurahiswhi nalo na hivyo kuazimia kupitia Azimio la Baraza la Wawakilishi kwamba jambo hili liondolewe kwenye orodha ya masuala ya Muungano. Kwa vyovote vile Katiba mpya ya Jamhuri ya Muungano wa Tanzania inapaswa kutoa uamuzi wa mwisho utakaomaliza mjadala huu.

Jambo la kusikitisha ni kwamba licha ya Bunge la Muungano kuamua kuongeza suala la Mafuta na Gesi asilia katika masuala ya Muungano, mwaka mmoja baada ya uamuzi huo likaundwa Shirika la Maendeleo ya Mafuta Tanzania (TPDC) kwa amri ya Rais wa Jamhuri ya Muungano (establishment order). Shirika hili halikuanzishwa kwa Sheria ya Bunge au kwa Sheria ya Makampuni kama yalivyo Mashirika mengi ya Umma hapa nchini bali kwa amri ya Rais ya mwaka 1960. Katika amri hii ya Rais, Shirika la TPDC halikupewa ‘mandate' ya kimuungano. Shirika hili mipaka yake ilianishwa kuwa ni Tanzania bara peke yake. Hivyo suala la Muungano likawekewa Shirika la Tanganyika kulisimamia!

Kama ilikuwa ni bahati mbaya au makusudi au kupitiwa kwa viongozi wetu wa wakati huo ni vigumu kujua lakini huu ni mkanganyiko mkubwa ambao ulipaswa kurekebishwa mapema sana.

Shirika la TPDC limekuwa likifanya kazi ya kusimamia Sekta ya Mafuta na Gesi ikiwemo kutoa vibali vya kutafuta mafuta, kuingia mikataba na Makampuni ya kimataifa na kuisimamia mikataba hiyo. Miongoni mwa mikataba hiyo ni kwenye maeneo ambayo kama isingekuwa Muungano yangekuwa ni Maeneo ya Jamhuri ya Watu wa Zanzibar. Mbaya zaidi Mikataba yote ya utafutaji na uchimbaji Mafuta inafanywa inaingiwa na Waziri wa Nishati na Madini Wizara ambayo sio ya Muungano. Hakuna hata eneo moja ambalo taratibu zimewekwa kwamba pale ambapo eneo hilo ni eneo lilikuwa chini ya himaya ya Jamhuri ya Watu wa Zanzibar basi mikataba isainiwe na Mawaziri wawili wa sekta hiyo kutoka kila upande wa Muungano.

Ni dhahiri kwamba kama ni kusahau hapa kulikuwa na kusahau kukubwa ambako hakustahmiliki kwa mtu yeyote mwenye upeo achilia mbali mwananchi wa kawaida wa Zanzibar ambaye anaona anaonewa na kugandamizwa na Bara.

Mnamo miaka ya mwanzo ya 2000, Shirika la TPDC liliingia mikataba ya Vitalu kadhaa vya Mafuta miongoni vya vitalu hivyo ni vitalu nambari 9, 10, 11 na 12 mashariki ya visiwa vya Pemba na Unguja. Vile vile Shirika na Wizara ya Nishati waliingia mkataba mwingine katika Kitalu kilichopo kati ya Pemba na Tanga (mahala ambapo kumekuwa na dalili za wazi za kuwapo Mafuta kutokana na kuonekana kwa ‘Oil sips' mara kwa mara.

Vitalu 9, 10, 11 na 12 vilipewa kampuni ya Shell ya Uholanzi na kitalu cha kati ya Tanga na Pemba walipewa Kampuni ya Antrim ya Canada ambayo baadaye waliuza sehemu ya Kampuni yao kwa Kampuni ya RAK Gas kutoka Ras Al Khaimah huko United Aarab Emirates. Kwa kuwa Vitalu hivi vipo katika eneo la iliyokuwa Jamhuri ya Watu wa Zanzibar kabla ya Muungano, Serikali ya Mapinduzi Zanzibar ilikataa shughuli zozote kufanyika mpaka suala la Mafuta na Gesi kuondolewa katika orodha ya Mambo ya Muungano lipatiwe ufumbuzi.

Uamuzi huu wa Serikali ya Zanzibar ni uamuzi ambao ungechukuliwa na Serikali yeyote ile yenye mapenzi ya dhati na watu wake. Uamuzi huu ulileta mjadala mpana sana katika masuala ya Muungano na ambao hawana taarifa waliubeza sana. Hata hivyo suala hili likafanywa ajenda katika vikao vya masuala ya Muungano vinavyoitwa Vikao vya Kero za Muungano. Miaka kumi suala hili linajadiliwa na Maamuzi hayafanyiki! Hivi sasa kila suala lenye kuangukia kwenye Katiba husukumwa huko na hivyo kutoa ahueni kwa wanaogopa kufanya maamuzi.

Katika medani za uchumi kila suala lina muda wake. Masuala ya utafutaji wa Mafuta ni masuala yanayoongozwa na msimu na kuendelea kuchelewa kufanya maamuzi juu ya suala hili kunalitia hasara Taifa, Hasara ya Mabilioni ya Fedha na hasara kubwa zaidi ya kufahamu utajiri uliojificha chini ya Maji ya Bahari inayozunguka Jamhuri ya Muungano wa Tanzania.

Hivi sasa Pwani ya Afrika Mashariki inarindima (trending) katika utafutaji wa Mafuta na Gesi asilia. Huko Msumbiji Makampuni mbalimbali yamegundua Gesi asilia nyingi inayofikia zaidi ya futi za ujazo trillion 107 (107TCF) kwa makadirio ya chini. Hapa Tanzania utajiri wa Gesi asilia uliogunduliwa hadi hivi sasa na kutangazwa umefikia futi za ujazo trillion 20 (20TCF) ambazo ni sawa na utajiri wa thamani ya dola za kimarekani trillion 6. Makadirio yanakisiwa kuwa Tanzania kuna futi za ujazo trillioni 85 (85TCF) za Gesi Asilia katika eneo la Kusini kuanzia vitalu namba 1 mpaka namba 5 ikiwemo vitalu vya nchi kavu na vile vya Songosongo.

Iwapo kasi ya utafutaji mafuta itaendelea kama sasa katika kipindi cha miaka 2 ijayo Tanzania itaweza kuwa kati ya nchi mbili za Afrika zenye Utajiri mwingi zaidi wa Gesi Asilia. Hivi sasa Nigeria ndio inaongoza kwa kuwa na futi za ujazo trillion 189 (189TCF) ikifuatiwa na Algeria na Angola ambazo zote zina utajiri wa juu kidogo ya 100TCF kwa Algeria na chini ya 100TCF kwa Angola. Msumbiji sasa imeifikia Algeria na kushika nafasi ya pili.

Katika masuala ya Mafuta na Gesi hatua ya kwanza ni kujua kama utajiri huu ambayo kitaalamu inaitwa gas exploration. Shughuli za utafutaji zinapandisha sana thamani ya nchi na eneo la nchi. Kwa mfano hivi sasa kitendo cha Kampuni ya Uingereza ya BG/Ophir na ile ya Norway ya StatOil kupata mafanikio makubwa katika utafutaji wa Gesi asilia kumeongeza thamani ya Pwani ya kusini ya Tanzania katika medani za utafutaji (Exploration Activities).

Hata hivyo kama ilivyogusiwa hapo juu, shughuli za Utafutaji ni shughuli za msimu. Pia huchukua muda mrefu wa kati ya miaka 5 mpaka 10 kati ya kutafuta, kupata na kuanza kuchimba. Hivi sasa ni muda wa pwani ya Afrika Mashariki. Ni lazima kuhakikisha kwamba vitalu vyote vilivyogawiwa hivi sasa vinafanyiwa kazi. Hata hivyo vitalu vingine vyovyote visigawiwe kwanza mpaka hapo matunda ya vitalu vya sasa yaonekane. Kamati ya Bunge ya Nishati na Madini imependekeza kusimamisha kugawa vitalu vipya. Matokeo ya utafutaji katika vitalu vya sasa yakiwa mazuri kama ilivyo sasa, thamani ya vitalu vipya itapanda sana na nchi itakuwa na nguvu ya majadiliano (strong negotiation position) dhidi ya makampuni makubwa ya mafuta.

Tufanyaje kuhusu vitalu vilivyogawiwa katika eneo ambalo lina mgogoro kuhusu suala la Muungano? Sio kazi rahisi lakini imefikia wakati tuamue. Kwa kadri nionavyo, Itabidi kuwe na maamuzi ya mpito (interim decisions) na maamuzi ya muda mrefu.

Kwanza, ni lazima kukiri tulipokosea. Hata kama ilikuwa ni sahihi kiutaratibu kuweka suala la mafuta na Gesi katika orodha ya mambo ya Muungano, haikuwa halali Shirika la TPDC lenye mipaka ndani ya Tanzania bara kuingilia ugawaji wa vitalu na kuingia mikataba katika maeneo ambayo ni ya Muungano. Ni Taasisi ya Muungano tu ndio inaweza kushughulikia suala la Muungano na sio vinginevyo.

Ilikuwa ni dharau kubwa sana kwa Waziri wa Nishati ambayo sio Wizara ya Muungano kuingia Mikataba katika eneo la Zanzibar (ambapo kikatiba tumelifanya eneo la Muungano) bila kushauriana na kukubaliana na Waziri wa Nishati wa Zanzibar. Kukiri kosa sio unyonge, ni uungwana. Hata tukifanya vikao milioni moja chini ya Makamu wa Rais, bila kukiri kosa hili tatizo hili na mengine ya aina hii hayataisha.

Pili, ni vema kukubali kwamba shughuli za utafutaji katika vitalu vyenye mgogoro ziendelee kwenye hatua ya utafutaji tu. Kama mafuta au Gesi ikipatikana, uchimbaji usianze mpaka uamuzi wa mwisho kuhusu suala hili uwe umepatikana. Pia ninapendekeza ufumbuzi wa mwisho hapa chini. Kuchelewesha utafutaji ni hasara kwa pande zote za Muungano kutokana na taarifa za kijiolojia zitakazopatikana na hivyo kupandisha thamani ya nchi hizi mbili kijiolojia.

Hata hivyo, utafutaji huu katika eneo lenye mgogoro kati ya pande mbili za Muungano ufanyike baada ya mkataba wa PSA kufanyiwa marekebisho makubwa. Marekebisho hayo ni pamoja na Mkataba kusema wazi kwamba shughuli za uchimbaji zitafanyika iwapo tu makubaliano ya kugawana mapato ya Mafuta na Gesi kati ya Serikali ya Muungano na Serikali ya Zanzibar yamefikiwa. Pia Mkataba uzingatie maendeleo ya sasa ya kusini mwa Tanzania na hivyo mkataba uboreshwe kwa faida ya nchi ikiwemo kutolewa kwa ‘signature bonus'. Hii ni Fedha inayotolewa na Kampuni za utafutaji Mafuta kwa Serikali kabla ya utafutaji kuanza. Kiwango hutokana na majadiliano na kukubaliana. Nchi zenye jiolojia iliyopevuka hutumia njia hii kuongeza mapato ya Serikali.

Mkataba pia useme kinaga ubaga kwamba utasainiwa na Mawaziri wa pande mbili za Muungano na kwamba Kampuni inayofanya utafiti itatoa taarifa zake za Utafiti sawia kwa Mawaziri wote kwa mujibu wa vipengele vya mkataba.

Kwa upande wa maamuzi ya muda mrefu, ushauri wangu ni kwamba; kwa maana ya kuandikwa kwenye Katiba mpya ni kwamba Suala la Mafuta na Gesi Asilia liendelee kuwa suala la Muungano kwenye eneo la usimamizi wa Tasnia na leseni za utafutaji (Upstream Regulatory mechanism). Hili ni eneo linalohitaji usimamizi wa dhati kabisa na kwa pamoja pande mbili za Muungano zinaweza kufanya vizuri zaidi.

Eneo la Uchimbaji na hasa kugawana mapato ya mafuta na Gesi (Profit Oil) lisimamiwe na kila upande wa Muungano kivyake. Biashara ya Mafuta isiwe jambo la Muungano na hivyo kila Upande wa Muungano uwe na Shirika lake la Mafuta na Gesi ambalo litashiriki kama mbia wa Mashirika ya Kimataifa katika uchimbaji, usafirishaji na uuzaji wa Mafuta na Gesi Asilia. Mapato yanayotokana na Mafuta (Profit Oil) na kodi nyingine zote isipokuwa mrahaba (royalty) yawe ni masuala yanayoshughulikiwa na Serikali ya kila upande wa Muungano kwa mujibu wa Sheria ambayo Serikali hizo zimejiwekea.

Kamati ya Bunge ya Hesabu za Mashirika ya Umma ilipendekeza Bungeni kwamba kuwepo na Mamlaka ya Mafuta na Gesi Asilia Tanzania (Tanzania Petroleum Authority) ambayo itakuwa ni msimamizi (upstream regulator) kama suala la Muungano. Mrahaba wa Mafuta na Gesi ambao sasa ni asilimia 12 ya Mapato ya Mafuta itakusanywa na Msimamizi huyu na ndio mapato pekee katika tasnia ya Mafuta na Gesi yanapaswa kuwa mapato ya Serikali ya Muungano.

Kamati pia ilipendekeza kuanzishwa kwa Shirika la Mafuta na Gesi (Petroleum Tanzania – PetroTan) ambalo litakuwa mbia kwenye Makampuni ya utafutaji na uchimbaji wa Mafuta na Gesi kwenye Vitalu vya Tanzania bara. Mapato yote ya vitalu vya Tanzania bara na kodi zote isipokuwa Mrahaba zitakwenda kwa Mamlaka za bara tutakazo kuwa tumeamua baada ya Katiba mpya kuanza kazi. Hivi sasa TPDC inafanya kazi hii mpaka Zanzibar jambo ambalo hata kwa akili ya kawaida halipaswi kukubalika.

Aidha, napendekeza kwamba Zanzibar ianzishe Shirika lake la Mafuta sasa. Jambo hili halina haja ya kusubiri vikao vya kero za Muungano kwani ni dhahiri TPDC haina mamlaka,ushawishi na uthubutu kusema uhalali wa kusimamia vitalu vya Mafuta vilivyopo Zanzibar.

Serikali ya Mapinduzi ya Zanzibar ipeleke muswada katika Baraza la Wawakilishi kuanzisha Shirika la Mafuta na Gesi la Zanzibar (Petroleum Corporation of Zanzibar – PetroZan) ili liweze kushiriki katika utafutaji na uchimbaji wa Mafuta Zanzibar. Lakini Pia PetroZan ilinde maslahi ya Zanzibar katika tasnia hii kwa kujijengea uwezo wa kusimamia ugawaji bora wa Mapato kutoka katika Mafuta na Gesi Asilia.

Kama Serikali ya Mapinduzi Zanzibar inachelea kuanzishwa kwa Shirika hili, Wawakilishi wa pande zote (CCM na CUF) wapeleke muswada binafsi kuunda Shirika la Mafuta la Wazanzibari. Hawatakuwa wamevunja Katiba ya Muungano kwani hivi sasa hakuna Taasisi yenye mamlaka ya kusimamia Tasnia hii kwa Upande wa Zanzibar.

Wakati haya yote yanafanyika, shughuli za utafutaji Mafuta na Gesi katika vitalu vilivyopo katika eneo la Zanzibar na hasa vitalu namba 9,10,11 na 12 na katika kitalu cha kati ya Pemba na Tanga ziendelee kufuatia marekebisho ya Mkataba wa Utafutaji. Utafutaji wa Mafuta una faida zaidi kwa Nchi hizi mbili kuliko kwa Kampuni za Mafuta kwani uwekezaji wa Kampuni pekee na nchi zitapata taarifa za kijiolojia zitakazosaidia mikataba ya baadaye kuwa bora zaidi.

Wakati nasisitiza kwamba tuendelee na utafutaji katika vitalu tajwa, katika Katiba mpya, utafutaji wa mafuta usimamiwe na Taasisi ya Muungano. Uchimbaji na biashara ya Mafuta ufanywe na kila Serikali ya kila upande wa Muungano. Mafuta kuwa jambo la Muungano halafu kusimamiwa na Shirika la Tanganyika na Wizara ya Upande mmoja ya Muungano ndio chanzo cha mgogoro. Suluhisho sio kuifanya TPDC kuwa Shirika la Muungano, bali kila upande upewe uhuru wa kusimamia uchimbaji, Biashara na mlolongo mzima wa tasnia ya Mafuta (value chain from midstream to downstream) isipokuwa utafutaji (upstream). Hili ndio suluhisho la kudumu ninaloona linafaa.

Uwazi (declaration):
Zitto Kabwe ni Mbunge wa Kigoma Kaskazini na mfuatiliaji wa karibu wa Tasnia ya Mafuta na Gesi Asilia akiwa amesomea mfumo wa uchumi wa katika tasnia ya madini na mafuta (fiscal regime in Mineral and Petroleum sector). Zitto pia ni Mwenyekiti wa Kamati ya Bunge ya Hesabu za Mashirika ya Umma ambayo inasimamia mahesabu na utendaji wa Shirika la TPDC. Makala hii imeandikwa baada ya ziara ya Mafunzo ya Wabunge kutembelea nchi ya Uholanzi kwa ufadhili wa Wizara ya Mambo ya Nje ya nchi hiyo. Katika ziara hiyo Wabunge hao walikutana na Wakuu wa Shirika la Mafuta la Shell ambapo walizungumzia pia suala la vitalu namba 9, 10, 11 na 12.

source:Mafuta kuwa suala la Muungano tulikosea « Zitto na Demokrasia

 

[Havizya]

Heko Zitto.