"Nimeongea Mkurugenzi Mkuu wa TCRA, Prof. John Nkoma, kumuagiza azungumze na makampuni ya simu juu ya mabadiliko ya bei za bundles: ukubwa, ughafla na upamoja (mitandao yote).
Nimewaagiza pia watoe majibu kwa umma haraka iwezekanavyo. Makampuni ya simu hayapaswi kupanga au kuratibu kwa pamoja bei; tukigundua hilo limetokea ni ukiukwaji wa kanuni za ushindani wa soko.
Sheria ya udhibiti wa Mawasiliano haitupi nguvu (Serikali) ya kupanga bei, isipokuwa interconnection fees. Inawezekana gharama za uendeshaji, ikiwemo umeme, zinapanda, lakini hakuna kodi mpya ya Serikali tangu baada ya bajeti.
Huko nyuma ushindani ulishusha bei kwasababu hakukuwa na bei elekezi. Bado niko nje ya nchi kwa safari ya Kiserikali, lakini nimekuwa nalifuatilia suala hili kwa karibu.
Pia nimeongea na Mkurugenzi Mkuu wa Vodacom, Rene Meza, kuhusu suala hili leo asubuhi."
mwisho wa kunukuu..
