Michael Amon
JF-Expert Member
- Dec 22, 2008
- 8,769
- 3,649
UCHAGUZI wa pafyum kwa kawaida huzingatia mambo mengi ambayo si wengi wanaoyafahamu. Mara nyingi watu huchagua pafyumu kwa kusikia harufu kutoka kwa watu wengine ama kuvutiwa na chupa za manukato hayo.
Lakini je, unafahamu kuwa unatakiwa kuchagua pafyum kutokana na kuridhishwa na harufu yake na si vinginevyo? Suala la kupata harufu halisi ya pafyum imekuwa ni tatizo kwa watumiaji wengi, kwani wengi wao hawaelewi mambo ya kuzingatia wakati wa kuchagua.
Yapo mambo ya kuzingatia kabla ya kununua pafyum, ambayo endapo yakifuatwa ipasavyo, yatakuweka katika nafasi ya kufanya uchaguzi ulio sahihi. Kwanza kabisa, usinunue pafyum kwa sababu tu ya kujulikana kwa nembo ya bidhaa hiyo au umaarufu wa mbunifu wake. Ili uwe na chaguo bora unashauriwa kwenda kwenye duka la pafyum wakati wa asubuhi. Inaamika kuwa, wakati huo pua yako itakuwa na uwezo mkubwa wa kupata harufu halisi. Ikiwa kwa wakati huo utakuwa na mafua ama utakuwa umechoka, si vibaya ukahairisha na kwenda siku nyingine.
Jaribu pafyum kwenye ngozi safi ambayo haina manukato. Katika majaribio hayo unaweza kujaribu zaidi ya pafyum tatu, kwani kwa wakati huo pua yako itakuwa na uwezo mkubwa wa kupata harufu na kutofautisha. Usinuse juu ya kizibo cha chupa kwa sababu harufu utakayoipata haitakuwa halisi. Unaweza kupata harufu ya nyingine badala ya ile ya manukato unayokusudia. Usijaribishe pafyum kwa kupaka katika kipande cha karatasi. Unapojipulizia pafyum kwa mara ya kwanza ukiwa na lengo la kupata harufu yake, hakikisha unakaa kwa dakika 30.
Hapo ndipo utakapopata harufu halisi ya pafyume hiyo. Ikiwa tayari umeamua kununua, hakikisha unachagua chupa ndogo. Kwani kwa kawaida pafyum huisha muda wake miaka mitatu baada ya kutengenezwa. Hata kama huitumii mara kwa mara, inaweza kubadilika na kupoteza harufu yake halisi. Kwa kawaida pafyum hupakwa kulingana na jinsia na umri. Kwani siku zote pafyum za wanawake ni tofauti na zile za wanaume.
E-mail: meezy@youngmaster.co.tz
