Mada maalum ya ndege toka FB

Mada maalum ya ndege toka FB

𝗖𝗔𝗜𝗥𝗢, 𝗘𝗚𝗬𝗣𝗧 - Shirika la ndege la EgyptAir linatarajia kuzindua safari mpya za moja kwa moja kati ya Cairo na Zanzibar kuanzia Septemba 4, 2026, ikiwa ni hatua ya kupanua mtandao wake katika ukanda wa Afrika Mashariki.

Safari hizo zitafanyika mara mbili kwa wiki, kila siku ya Ijumaa na Jumapili, kwa kutumia ndege aina ya Boeing 737-800.

Safari hizo zitatoa unganisho la moja kwa moja na kurahisisha usafiri kwa watalii na wafanyabiashara wanaosafiri kati ya Misri na Zanzibar.

Zanzibar inaendelea kuvutia idadi kubwa ya watalii wa kimataifa kutokana na fukwe zake, urithi wa kitamaduni, na sekta ya utalii inayokua kwa kasi.

Hatua hii ni sehemu ya mkakati mpana wa EgyptAir wa kuimarisha uhusiano na masoko makuu ya utalii na biashara kote Afrika na Ulaya.
1781544814278.jpg
 
Ndege ya kijeshi ya Marekani aina ya B-52 Stratofortress imeanguka muda mfupi baada ya kupaa katika Kituo cha Jeshi la Anga cha Edwards huko California siku ya Jumatatu asubuhi, Juni 15, 2026.

Ajali hiyo ilitokea mwendo wa saa tano na dakika ishirini asubuhi kwa saa za huko, na kusababisha moshi mkubwa mweusi kuonekana angani kwenye eneo hilo la jangwa la Mojave.

Hadi sasa, maafisa wa jeshi hawajathibitisha idadi au hali ya majeraha kwa wafanyakazi waliokuwemo, ingawa ndege hizo kawaida hubeba jumla ya watu watano.

Vikosi vya uokoaji vilifika eneo la tukio mara moja na uchunguzi wa kubaini chanzo cha ajali hiyo unaendelea huku mamlaka ikiahidi kutoa taarifa zaidi baadae.
1781580985544.jpg
 
Mwimbaji maarufu wa Marekani, Oliver Tree, ametajwa miongoni mwa watu waliopoteza maisha baada ya helikopta mbili kugongana eneo la Recreio dos Bandeirantes, Rio de Janeiro.

Oliver Tree alikuwa na wafuasi takriban milioni 20 kwenye mitandao ya kijamii na alikuwa Rio de Janeiro katikati ya ziara yake ya dunia ambapo Juni 6, 2026 alifanya onyesho São Paulo, na alikuwa anatarajia kuanza awamu yake ya Ulaya kwa onyesho la kwanza Lisbon, Ureno, Julai 1.

Miongoni mwa wengine waliopoteza maisha ni Gaspar Prim, youtuber maarufu kutoka Argentina mwenye wafuasi karibu milioni 7.5 kwenye mitandao ya kijamii.
1781583571645.jpg
 
Ndege ya kivita ya kimkakati aina ya B-52 Stratofortress ya Jeshi la Anga la Marekani ilianguka muda mfupi baada ya kupaa siku ya jana kutoka kituo cha kijeshi cha Edwards Air Force Base, kilichopo California nchini Marekani.

Kwa mujibu wa Jeshi la Anga oa nchi hiyo, watu wanane waliokuwa ndani ya ndege hiyo wanaaminika kupoteza maisha.

Edwards Air Force Base, iliyopo kaskazini mwa Los Angeles, imesema kupitia mitandao ya kijamii kuwa dalili za awali zinaonyesha hakuna aliyenusurika kwenye ajali hiyo.
1781618863781.jpg
 
www.facebook.com

BBC Swahili

Nchi mbili za Afrika zenye ndege za kisasa za kivita za F-16 https://bbc.in/4vfbOkz
www.facebook.com www.facebook.com
 
𝗗𝗔𝗟𝗟𝗔𝗦, 𝗠𝗮𝗿𝗲𝗸𝗮𝗻𝗶 - Abiria wa shirika la ndege la American Airlines walipata ucheleweshaji wa aina yake katika Uwanja wa Ndege wa Kimataifa wa Dallas-Fort Worth (DFW) siku ya Jumapili, baada ya marubani kufungiwa nje ya chumba cha rubani cha ndege aina ya Boeing 737 MAX 8.

Ndege hiyo, iliyokuwa ikijiandaa kwa safari namba 2140 kuelekea Monterey, California, ilipata hitilafu ya mfumo wa usalama wa mlango ulioruhusu mlango huo kujifunga wenyewe kabla ya wafanyakazi wa ndani kuingia.

Kutokana na changamoto hiyo ya kiufundi, mafundi wa uwanja wa ndege walilazimika kutafuta njia mbadala ya kuingia ndani ya chumba hicho kilichokuwa tupu.

Fundi mmoja alilazimika kutumia ngazi maalum kupanda hadi upande wa nje wa madirisha ya mbele ya ndege hiyo, ambapo alifungua dirisha la upande wa rubani msaidizi na kuingia ndani ili kufungua mlango mkuu kutoka ndani.

Baada ya uchunguzi, mafundi walibaini kuwa mfumo wa kufunga mlango ulikuwa umekauka na unanata, ambapo waliupaka mafuta maalum ili urejee katika hali ya kawaida na kuruhusu abiria kuanza kuingia.

Tukio hilo lilisababisha ndege hiyo kuchelewa kwa takriban dakika 90 kabla ya kuruhusiwa kuondoka salama kuelekea inakokwenda.
1781675460112.jpg
 
Have you seen the famous “aircraft graveyard” at Benin City Airport, Edo State which housed the famous Okada Air owned by Chief Gabriel Igbinedion, the Esama of Benin?

This was Nigeria’s biggest private airline in the 80s and 90s which was also known as “The Airline of the Nation” because tickets were cheap and flights were frequent.

Most of his jets are BAC-1-11s, British Aircraft Corporation 1-11.

That’s the twin-engine jet with engines mounted at the back and T-tail.

1997 shutdown: NCAA grounded Okada Air in 1997 over safety/maintenance issues.

According to reports, the airline never recovered after it was grounded. Chief Igbinedion couldn’t afford maintenance, insurance, or parking fees. The planes just sat there.

Today, Benin Airport still has a few of these rusting frames. FAAN tried to clear some in 2018, but many remain. It’s a symbol of Nigeria’s 90s aviation boom-and-bust.

NIGERIANS DO BIG THINGS. NO BE TODAY E START.
1781706804989.jpg
1781706808206.jpg
1781706811420.jpg
 
Shirika ambalo limeanzishwa na mjasiriamali na mwanamitindo Mkenya anayeishi nchini Singapore, Sheila Mutundi, limebainisha kuwa maandalizi yanaendelea vyema kuelekea uzinduzi rasmi wa safari zake uliopangwa kufanyika mwaka huu wa 2026.

Kwa mujibu wa usimamizi wa kampuni hiyo, tayari wamefanikiwa kupata ndege yao ya kwanza itakayozindua safari hizo za masafa marefu.

Katika mkakati wake wa kibiashara, Raila Airways imepanga kuruka moja kwa moja hadi mataifa ya nje bila kufanya safari za ndani ya Kenya.

Mpango wa sasa unalenga kuanzisha safari za mara mbili kwa wiki kati ya jiji la Nairobi na nchi ya Malaysia, hatua inayotazamiwa kufungua fursa mpya za kibiashara na utalii kati ya ukanda wa Afrika Mashariki na Asia ya Kusini-Mashariki.

Akizungumzia asili ya jina la shirika hilo, Mutundi alieleza kuwa uamuzi huo ulifikiwa baada ya mashauriano ya kina na wawekezaji, walioona umuhimu wa kutumia jina lenye ushawishi mkubwa na linalotambulika kwa urahisi kote barani Afrika.

Tangazo hilo limeamsha hisia tofauti na ushindani mpya katika sekta ya usafiri wa anga, huku wadau wengi wakifuatilia kwa karibu jinsi shirika hilo litakavyokamilisha taratibu za mwisho za kisheria kabla ya kuanza kuruka.
1781710370351.jpg
 
Philip Everton McPherson II, aliyekuwa Mwalimu wa Urubani, amehukumiwa kifungo cha miaka sita na nusu jela kufuatia ajali mbaya ya ndege ya mwaka 2022 iliyosababisha kifo cha mwanafunzi wake, Keith Kozel.

Ajali hiyo ilitokea katika eneo la Salisbury Township huko Pennsylvania baada ya ndege yao kupoteza nguvu ya injini muda mfupi baada ya kuruka.

Uchunguzi ulionyesha kuwa McPherson alikuwa akirusha ndege hiyo kwa uzembe kwani leseni yake ya urubani ilikuwa imefutwa na Mamlaka ya Anga ya Marekani (FAA) mwaka 2021 baada ya kufeli mtihani wa urubani na kuhusika katika ajali mbili zilizopita.

Licha ya kufungiwa, alishirikiana na mmiliki wa shule ya urubani kuwadanganya wanafunzi na kufundisha kinyume cha sheria kwa zaidi ya saa 500 huku akijipatia maelfu ya dola.

Kando na kifungo hicho cha jela, jaji alimwamuru kutumikia miaka mitatu ya uangalizi baada ya kutoka gerezani, kulipa faini na fidia, pamoja na kupigwa marufuku ya kudumu ya kufanya kazi yoyote katika sekta ya usafiri wa anga.
1781715150146.jpg
 
Picha mpya zilizosambaa mitandaoni zinaonyesha mabaki ya ndege ya binafsi ya NetJets, aina ya Cessna 680A Citation Latitude yenye usajili N523QS, yaliyotokomea kando ya barabara kuu ya Loop 20 huko Laredo, Texas.

Ndege hiyo ilianguka mwendo wa saa nne usiku wa kuamkia jana wakati ikijaribu kutua kwa dharura qakati ikitoka Uwanja wa Ndege wa Kimataifa wa Los Cabos nchini Meksiko na kuelekea Austin, Texas, kabla marubani hawajaripoti hitilafu ya kimitambo na kuelekeza ndege kuelekea Laredo.

Takriban maili mbili kabla ya kufika uwanja wa ndege, ndege hiyo iligonga nguzo ya taa na kizuizi cha barabara kisha ikashika moto.

Kati ya watu sita waliokuwa ndani, mtu mmoja amepoteza maisha na wengine watano wamejeruhiwa na wanalazwa hospitalini. Mashuhuda pamoja na maafisa wa polisi wa Laredo walisema walilazimika kuvunja kioo cha mbele cha chumba cha marubani ili kuwaokoa abiria baada ya milango ya dharura kushindwa kufunguka.

Katika zoezi hilo la uokoaji, maafisa watano wa polisi walilazwa hospitalini baada ya kuvuta moshi mkali, ingawa hakuna dereva yeyote wa barabara hiyo aliyejeruhiwa.

Mashirika ya anga ya FAA na NTSB tayari yameanza uchunguzi rasmi ili kubaini sababu kamili ya hitilafu hiyo.
1781787323981.jpg
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register