Mada Maalum ya Madereva: Changamoto, Uzoefu, Vituko na Connections

Mada Maalum ya Madereva: Changamoto, Uzoefu, Vituko na Connections

1790742031305.jpg
 
Kampuni ya usafiri ya Mofat imetangaza nafasi 360 za ajira, zikiwemo nafasi 200 za madereva wa Mabasi Yaendayo Kasi (BRT) na nafasi 160 za Maafisa wa Huduma kwa Abiria.

Kwa nafasi za udereva, waombaji wanatakiwa kuwa na elimu ya msingi, kidato cha nne au kidato cha sita, pamoja na leseni ya udereva Daraja C iliyothibitishwa na Jeshi la Polisi. Aidha, wanapaswa kuwa na cheti cha PSV kutoka VETA au NIT, cheti cha BRT kutoka NIT, na uzoefu wa angalau miaka mitatu katika udereva wa mabasi au magari ya abiria.

Kwa upande wa Maafisa wa Huduma kwa Abiria, waombaji wanatakiwa kuwa na cheti, stashahada au shahada ya kwanza katika fani husika kutoka taasisi inayotambulika. Fani zinazokubalika ni pamoja na huduma kwa wateja, usafirishaji na usimamizi wa ugavi (Transport and Logistics), utawala wa biashara, uhusiano wa umma na fani nyingine zinazohusiana.

Kampuni hiyo imeeleza kuwa tarehe ya mwisho ya kupokea maombi kwa nafasi za udereva ni Oktoba 9, 2026, na kwa maafisa wa huduma kwa abiria ni Oktoba 5, mwaka huu.
 
 
Swali la ufahamu!
Kwanini LATRA wanatoa mitihani kwa madereva wa mabasi na malori?

LATRA ni mamlaka ya usimamizi wa usafiri wa nchi kavu (Land Transport Regulatory Authority). Ilianzishwa mwaka 2019.

Huku nyuma kulikuwa na mamlaka ya usimamizi wa usafiri wa majini na nchi kavu (SUMATRA) ambayo iliundwa wakati wa serikali ya awamu ya tatu ya Benjamin Mkapa. Mwaka 2019, SUMATRA ikagawanywa na kuzaa LATRA inayosimamia usafiri wa nchi kavu na TASAC inayosimamia usafiri wa majini.

LATRA sio taasisi ya elimu. Hata kwenye majukumu yake yaliooanishwa kwenye sheria ya usimamizi wa usafiri wa nchi kavu hakuna jukumu linalofanana na kutoa elimu ya kitaaluma.

Sasa kwanini LATRA wanatoa mitihani kwa madereva?
Je! LATRA wana chuo cha udereva?

Dereva anasoma VETA, kisha anapatiwa cheti cha kuhitimu. VETA nayo ni taasisi ya umma (inaendeshwa na serikali). Baada ya kuhitimu VETA au kwengineko, Dereva anakwenda NIT kuthibitisha uwezo wake ili apewe Leseni ya daraja analostahili.
NIT ni taasisi ya umma inayoendeshwa na serikali. NIT taasisi ya kitaaluma, pale kuna miundombinu ya kitaaluma na wakufunzi wa taaluma ya udereva. Dereva akifika NIT anafanya mtihani wa vitendo na kuthibitishwa, kisha anapatiwa leseni.

Swali! Kwanini LATRA wanatoa mitihani kwa madereva? Ndio kusema VETA na NIT hawaaminiki kwahiyo kwenda VETA na NIT hakuna maana?
Kama VETA na NIT ambazo ni taasisi za elimu haziaminiki, kwa LATRA ambayo sio taasisi ya elimu iaminike?

Kwakuwa hii mitihani inalipiwa; Je! Ni sawa kuitazama kama mbinu ya kutanua vyanzo vya mapato?
Mbaya zaidi, maderava wanadai mitihani hii haina viwango vya kitaaluma kutokana na baadhi ya maswali yanayoulizwa!

Nauliza!
Dr. Chris Cyrilo.
1791515223889.jpg
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register