Mabadiliko 7 ya Mtazamo Yanayoweza Kubadilisha Maisha Yako

[Amba Samedi]

Mafanikio yako yanategemea sana mtazamo wako. Wazo hili nililipata katika uzoefu wa Richard Yu. Alikimbia China ya Kikomunisti, akaanza maisha upya Marekani (yeye na wazazi wake), na baadaye akajenga biashara kadhaa zenye mafanikio—ikiwemo online school (shule ya kidigitali).

Safari yake inatufundisha jambo moja kuu:
Hakuna anayekuja kukufanyia sehemu yako. Mafanikio yako yanategemea maamuzi yako, vitendo vyako, na uvumilivu wako.

Huenda unasoma maneno haya na unahisi kukwama. Zingatia mabadiliko 7 ya mtazamo yatakayosaidia kuondokana na imani potofu na kuanza kujenga maisha unayoyatafuta.

Badiliko #1: Tambua "Kwa Nini" Yako​

Tafiti zinaonyesha kuwa watu huhamasiswa na mambo mawili:

1. Kukimbia maumivu (mwanadamu kawaida ana uwezekano mara mbili wa kukimbia maumivu kuliko kuitafuta raha).
2. Kusaka furaha.

Jibu lako la "Kwa nini" itakushikilia katika nyakati ambapo mambo yanakuwa magumu.

• Ukipata kalamu na karatasi (na dak 2 tu za ziada), hebu jaribu zoezi lifuatalo:
  • Andika vitu 5 ambavyo ungevifanya endapo ungepata kipato kinachoendana na ndoto zako.
  • Andika vitu 5 ambavyo kamwe hutaki familia yako wavipitie.
• Tafuta mtu mmoja ambaye utapambana kwa ajili yake(mwenzi, mtoto, mzazi, au hata wewe mwenyewe - kwa mujibu wa maisha unayoyatafuta ya baadaye).

Kumbuka: Bila kujua "kwa nini", utagota kabla hujaanza kwenda.

Badiliko #2: Dhamiria kuwa Mtendaji​

Njozi/ndoto zako hazitakufaa bila vitendo.

• Unaweza kusoma vitabu vyote, ukapata ushauri wote (kama huu nnaotoa), ukatazama video za motiveshno wote unaowajia (Nanauka and the team), na kuhudhuria semina zote za nguvu—lakini kama hutaweka ulichojifunza kwenye matendo, hakuna kitakachobadilika.
• Wewe ndiye unayepaswa kuchukua hatua ya kwanza, kisha ya pili, kisha ya tatu. Na kuendelea hivyo.

Acha kusubiri. Anza kufanya. Sasa hivi (kama sio hivi sasa).

Badiliko #3: Hakuna "Faza" Anayekuja Kukunusuru​

• Hakuna mshauri, kozi, au bahati njema itakayorekebisha maisha yako kwa maajabu ya ghafla (na sikatai kuwa miujiza na maajabu yapo).
• Mafanikio yanatokana kwa kujikubali kikamilifu—kukubali kuwa kuna wakati maishani umefeli, na kukubali kuinuka tena, kujaribu tena, na kupigana tena ili kufikia mafanikio unayoyatafuta.
• Kulaumu wengine kunakufanya ukwame. Hata kama maisha ya hapo awali yalikuwa ya kawaida sana, au wazazi hawakukubeba kama ulivyotarajia, ni wakati wa kujitegemea. Lawama haitasaidia chochote.

Ikiwa unataka mabadiliko, WEWE ndiye utakayefanya yatokee.

Badiliko #4: Kubali Kushindwa​

Jamii inatufundisha kuwa kushindwa ni kitu kibaya. Hasa mfumo wetu wa elimu imewafundisha vijana kuwa "Someni, mwisho wa kusoma, utapata kazi nzuri sana" (huo ni wimbo wa msanii fulani). Tena nikiwa shule waliwekaga passmark. 75. Ukipata 30, unalamba stiki 45. (Ntaleta kisa siku nyingine),

Lakini failure (kushindwa) ni mwalimu mzuri. Na ni sehemu ya mafanikio. Mhenga moja akasema "I win, I earn, I fail, I learn. Either way, I move forward".

• Kuzidiwa na wasiwasi na mshikamano = ukuaji.
• Kila kosa ni somo. Trust the process. Jifunze kitu
• Badilisha mtazamo: Unapotaka kukata tamaa, jiulize swali: "Kosa hili linanifundisha nini?"

Dondoo: Fail first, fail fast, fail forward (Feli kwanza, feli mara kadhaa, feli kwa kwenda mbele).

Badiliko #5: Huwezi Kufanikiwa Pekee Yako​

Kujitenga kunaua maendeleo yako.

• Ikiwa unajisikia umekwama, tafuta jamii ya watu wanaowaza kama wewe (mentorship group).
• Jizingire na watu wanaokukabili na kukusaidia.
• Jifunze kutoa kabla ya kupokea—mafanikio hufuata wale wanaowainua wengine. Usiwe mroho/mbinafsi wa kutaka kufanikiwa mwenyewe.

Mtandao wako huathiri thamani yako halisi. Ondokana na marafiki wabaya.

Badiliko #6: Kuna Nguvu katika Udhaifu Wako​

• Kwa wengi hii ni ngumu kumeza. Jifunze kukiri kuwa hujui kila kitu.
• Jifunze kuomba msaada unapokwama—Atakaye kusaidiwa hujifunza kuondoa aibu.
• Kiburi kinazuia ukuaji; unyenyekevu ni silaha yako ya kupiga hatua unapohisi umepungukiwa katika maeneo fulani.

Kumbuka: Kuna nguvu katika kukubali kuwa bado unajifunza.

Badiliko #7: Kujilinganisha na Wengine Kunaua Maendeleo​

• Usilinganishe ukurasa wa 1 wa maisha yako na ukurasa wa 20 wa mtu mwingine.
• Mtu pekee unayepaswa kujilinganisha naye ni wewe. Tathmini historia yako, na tambua mabadiliko yote (hata kama ni madogo) uliyopitia.
• Jifunze kuwapongeza wengine wanapofanikiwa. Badala ya kujaribu kuwashusha, watakie mema tu.
• Jifunze kutoka kwa wengine (hasa kanuni za maendeleo), lakini panga safari yako kivyako. Vidole havilingani...

Mafanikio siyo mashindano dhidi ya wengine—ni jitihadi binafsi za kuwa bora kuliko jana.

Hitimisho​

Baada ya kusoma haya yote, jambo moja linabaki wazi: una uwezo mkubwa zaidi kuliko unavyofikiri. Lakini uwezo huo hautaonekana hadi ubadilishe mtazamo wako, fikra zako, na udhamirie kuwa mtendaji.

Anza leo. Chukua hatua moja, halafu nyingine.
Usisubiri ruhusa. Usisubiri uhakika.
Badilisha fikra zako—na maisha yako nayo yataanza kubadilika.

Signed,
Amba Jnr.

 

[Jerry001]

Nimeweka kituo hapa.

 

[m4cjb]

Good