Mwanzisha mada anaweza kuwa na hoja kama akiwaambia maneno haya watu walioyashudia maisha ya mwishoni ya Rais Julius Kambarage kwa maana katika kipindi cha huyo mtu nchi ilikuwa shaghala baghala lakini akiwaambia watoto ambao wameanza kubalehe kipindi cha Mkapa hawataweza kuelewa.
Mwinyi aliikuta nchi ikiwa haina wafanyabishara, angekusanya kodi kutoka kwa nani? alimkuta ng'ombe kakondeana akaanza kulisha majini hadi aliponona kwa muda wa miaka 10, ndipo alipokuja Mkapa na kukamua maziwa, watu hawakumbuki na wengine hawajui.
Kipindi cha Mwalimu ilikuwa ni vigumu kwa wakazi wa Iringa kuleta mahindi Dar walikuwa wakikamatwa kama wahujumu uchumi, watu walikuwa wakivikataa viroba vyao vya mahindi na viazi wakati Dar watu walikuwa wakila unga wa Yanga ambao ulikuwa mtamu kwa marahage tu, unga ambao tuliambiwa huko Marekani Regan alikuwa akiwalisha farasi wake na mwalimu akamuomba na kuja kutuletea.
Hebu muulize mtu wa Iringa na Morogoro kama anaujua unga wa Yanga aka chakula cha farasi ambacho Dar tulikuwa tukipanga foleni na kupewa kwa kaya. Narudia tena watoto waliobarehe kipindi cha Bichwa (Mkapa) hawawezi kujua mambo haya.
Kipindi cha Nyerere tulikuwa tunapiga mswaki kwa mkaa badala ya dawa ya meno, dawa ya mbu tulikuwa tukichoma vifuu, viatu tulikuwa tukikata matairi ya gari kama unavijua vile viatu vinavyotumiwa na Wamasai maarufu kama makatambuga.... aaah hata mkate tulikuwa hatuwezi kula mpaka kwa foleni. Lakini alipokuja Mwinyi mambo haya aliyakomesha na kuondoa vizuizi vya barabarani na kuwaambia Watz walioko nje kuwa wasilete tena sabuni za kunukia kwa ndugu zao bali waje kujenga nchi, mimi siongelei mada hii kwa ajili ya udini wala ukabila kama kuna mtu aliyekuwa na utambuzi wa mambo tangu miaka ya 70 & 80 anaweza kuongea chochote.
Mwalimu aliiharibu nchi hii baada ya kuamua kupigana vita na Idd Amin akatoa miezi 18 ya kufunga mkanda baada ya vita lakini hadi alipokuja mwinyi siye tulikuwa tukifunga mkanda mwenzetu kwa kuwa alikuwa Ikulu alikuwa akilegeza.
