Kusamehe ni Rahisi lakini kusahau ngumu

[Lighton]

Wakuu Habari za mchana huu

Binafsi niseme, mimi kwa upande wangu kusamehe siyo shida na huwa inachukua muda kufungua moyo, inategemea na ukubwa kosa lenyewe. Naweza kudondosha visa viwili muhimu.........

1. Kisa cha kwanza; Kipindi nipo primary niliwahi kushuhudia matendo ya chuki ya baadhi wafanyabiashara ambao walikuwa wanafanya biashara aina moja na mzee.
Mzee wangu alikuwa na bahati sana kwenye biashara, kwahiyo akawa anapiga sana pesa, hapo jirazi zake wakaanza kuleta noma, shutuma za hapa na pale, yaani kiufupi mambo yalikuwa mengi.

Mpaka ilifikia hatua wakapanga njama za kumpoteza, rafiki zake wa karibu ndo walikuja kumsanua, mzee alivyojua nayeye akaenda kuwapiga mkwara. Nilikuwa nawafahamu kwasababu watoto wao walikuwa rafiki zangu.
Ajabu ni kwamba mimi na watoto wao hatukuwahi kuwa maadui mpaka leo, ilichukua muda kuwasamehe kwa kupanga njama mbaya za kutaka kumpoteza mzee wangu lakini baada ya muda kupita nilifungua moyo wangu na mambo yakaendelea kama kawaida.

2. Kisa cha pili ni cha Mshikaji wangu,pamoja na demu, Hapa sina stori nyingi ila jamaa alinizunguka kwa demu wangu, jamaa alikuwa anaruka na demu wangu kisirisiri na demu wangu nae alikuwa anaruka na mshkaji wangu yaani both team to score anyway nilishawasamehe wote nikaamua kumove on.

Nakumbuka matukio, ila nilishasamehe, wakuu kusahau ni ngumu.

 

[mbalizi1]

Kwa kawaida mtoto mchanga akizaliwa ni lazima alie, asipolia ujue huyo ni taahira. Kilio kile ni ishara ya ukaribisho katika Dunia hii iliyojaa kila aina ya binadamu wenye tabia na matendo mazuri na mabaya sana

 

[MO11]

kusamehe ni maamuzi yako ila kusahau sio maamuzi yako

 

[uttoh2002]

Maandalizi mazuri ya kuumizwa, yatakuja matukio ya kufa mtu hapo mbele

 

[MIXOLOGIST]

Sawa, tumekusikia

 

[Kijana wa Kizimkazi 2030]

Kusamehe kunapunguza stress maana unashusha mzigo mzito ulioubeba moyoni mwako

 

[Ushimen]

1. Msamaha ni nini
2. Kwanini tusamehe
3. Msamaha unafaida gani/ umuhimu gani
4. Ninawezaje kusamehe
5. Nini matokeo ya kuto kusamehe

Msamaha
Ni tendo la kumuachilia mtu ambaye amekusababishia maumivu katika moyo wako, Ni tendo la kumuondolea hatia mtu ambaye amekufanyia mambo yaliyopelekea moyo wako kuumia/ kupata uchungu

Sala ya Bwana inasema “Utusamehe makosa yetu kama sisi tuwasamehevyo wanaotukosea” Kwanini Mungu akupe kusamehe kwanza ndo upate kusamehewa?

Msamaha ndio unaokupa uhai pamoja na Mungu, ule uhai ndio unaokupa wewe nguvu ya kusamehe wengine, wapo baadhi ya watu wapo tayari kufa kuliko kusamehe watu wengine, ni ukweli wa ajabu japo msamaha ni mchakato mgumu na mgumu. Sio jambo linalofanyika usiku mmoja. Ni mageuzi ya moyo, ni neno ndogo na rahisi, lakini ni ngumu sana kumsamehe mtu ukiwa umeumizwa sana.

Kumsamehe mwingine hakufuti kumbukumbu za zamani za machungu uliyoyapata bali kunaondoa uchungu kupitia uponyaji unaotokana na tendo hilo la msamaha. Msamaha ndio unaokupa kibali mbele za Mungu, lazima ukubali gharama kusamehe ni gharama tena kubwa

 

[Crocodiletooth]

Kupuuza ni zaidi ya kusamehe,ukishapuuza jambo huwa halikai tena akilini linaondoka mazima,""KUPUUZA JAMBO AU MTU,NI ZAIDI YA KUSAMEHE ""

 

[Ushimen]

1. Luka 17:3 “Jilindeni, kama ndugu yako akikosa mwonye akitubu msamehe”
Neno hili linaeleza habari za kugawana gharama, kwanza kama ndugu akikosa mwonye, pili akitubu msamehe. Upo uwezekano wa mtu huyo kukataa kutubu Je? Asipo kubali maonyo unafanya nini hapo. Usisubiri kuombwa msamaha ndo usamehe.
2. Warumi 5:8 “Bali Mungu aonesha pendo lake yeye mwenyewe kwetu sisi, kwakuwa kristo alikufa kwa ajili yetu, tulipokuwa tungali wenye dhambi”
Hii ni hatua kubwa ya msamaha ambayo kila mtu anatakiwa kuwa nayo, kristo alikufa kwa ajili yetu tukiwa tungali wenye dhambi, alitangaza msamaha kwetu tungali watendaji wa mambo yaleyale ambayo ni chukizo kwake
Usisubili kuombwa msamaha, eti hajaomba msamaha nimeshindwa kumsamehe, alitakiwa kuombe msamaha ndo nimsamehe, kama unasubiri kuombwa msamaha ujue kuuona ufamle wa mbinguni kwako itakuwa ngumu
Lazima ukubali kubeba gharama zako na za yule unaye msamehe, kumuonya aliye kokosea ni kutaka kugawana gharama ambazo ulitakiwa kuzibeba wewe mwenyewe. Ukijivika ujasili utaweza kusamehe
Msamaha ni tiba ya nafsi, hurejesha kila kilicho potea, huleta upatanisho, huondoa hukumu, hurejesha mahusiano yaliyo potea
Zab 103 2-5 Akusamehe maovu yako yote, akuponya magonjwa yako yote, aukomboa uhai wako na kaburi, akutia taji ya fadhiri na rehema, aushibisha mema uee wako, ujana wako aurejesha kama tai.
Aliye kuumiza hawezi kukuondolea maumivu wala uliye muumiza huwezi kumwondolea maumivu, bali kristo mwenyewe ndani yetu ndiye awezaye kutuondolea maumivu, majeraha na machungu iwapo tu utampa nafasi.
Tendo alilolifanya Yesu lilikuwa la kijasiri, hata wewe unaweza kuwa jasiri kama Yesu kwakuwa hupo ndani yako, mruhusu akusaidie kufanya maamuzi magumu.
“Nayaweza mabo yote katika yeye anitiaye nguvu” Nguvu ya kusamehe inattegemea maamuzi yako, Vile unavyo amua kusamehe ndinyo Mungu anavyo kutia nguvu za kusamehe
Unacho hitaji ni kusamehe na kusahau bila kujali kafanya nini na ni nani na kwanini ili uishi maisha furaha, kusamehe ni uwezo wa kukubali ukweli wa mambo.
Kusahau ni kukubali, huwezi kusahau kile mtu alichokufanyia, lakini yote unahitaji tu kufanya ni kukubali ukweli kwamba uliopita umepita na kuondoa chuki hizo moyoni mwako.
Huna haja ya kusubiri au kusikia mtu anakuja kwako kuomba msamaha ili umsamehe.
Haiwezi kamwe kuja. Hebu msamaha uwe maisha yako “Tabia yako” ambayo haitategemea tabia ya mtu mwingine, bali kwa moyo wako wa ukarimu.
Ebr 12:14 Tafuteni kwa bidii kuwa na amani na watu wote na huo utakatifu ambao hakuna mtu atakaye muona Mungu asipokuwa nao. Kila mwenye matarajio ya kwenda mbinguni ni lazima roho ya msamaha iwe maisha yake, Utaishi kwa amani, kwa furaha, hutakuwa nauchungu kamwe.

 

[little master]

Maisha hayakuahidi kuwa hayatakupiga, yanakupa nafasi ya kuamua utasimama mara ngapi baada ya kuanguka. Wengine watakusaliti, wengine watakupinga, wengine watataka kukuona ukivunjika lakini vita yao isiwe mwisho wa hadithi yako. Simama, jenga tena, na siku moja waache mafanikio yako yawe jibu ambalo hukuwahi kulitamka.

 

[Kennedy]

🆗️✅️

 

[Iceberg9]

Neno samehe unaambiwa wewe samehe tu hata kama ni ngumu kiasi gani wewe samehe tu ,kusamehe sio kwaajili yake bali ni kwaajili yako binafsi yani ukisamehe mwili roho nafsi vinaachia unakua huru kweli kweli ukisamehe nawe unasameheka kiimani ipo hivyo,hakuna mkamilifu duniani tunakosea tunaomba msamaha

 

[Kennedy]

Sawa

 

[AXIOM APEX VERBOSE]

Kwa kawaida mtoto mchanga akizaliwa ni lazima alie, asipolia ujue huyo ni taahira. Kilio kile ni ishara ya ukaribisho katika Dunia hii iliyojaa kila aina ya binadamu wenye tabia na matendo mazuri na mabaya sana

Kisayansi haina maana hio hio ni maana kwa mujibu jadi na tamaduni za mizizi

 

[Lighton]

kusamehe ni maamuzi yako ila kusahau sio maamuzi yako

Ni maamuzi ya nani mkuu

 

[Lighton]

Neno samehe unaambiwa wewe samehe tu hata kama ni ngumu kiasi gani wewe samehe tu ,kusamehe sio kwaajili yake bali ni kwaajili yako binafsi yani ukisamehe mwili roho nafsi vinaachia unakua huru kweli kweli ukisamehe nawe unasameheka kiimani ipo hivyo,hakuna mkamilifu duniani tunakosea tunaomba msamaha

Eti tunakosea kuomba msamaha😄

 

[MO11]

Ni maamuzi ya nani mkuu

ubongo

 

[Crocodiletooth]

Jifunze kupuuza,kuliko kusamehe,ukishampuuza mtu imekwisha mazima.

 

[Iceberg9]

Eti tunakosea kuomba msamaha😄

Hatukosei mkuu tusijione dhaifu kuomba msamaha