Kamarade Mkili Gervas ametutoka

[omarilyas]

Nasikitika kuwataarifu wanahrakati wote wa UDSM miaka ya mwishoni mwa 90's na mwanzoni mwa 2000's kuwa rafiki yetu, ndugu yetu na kiongozi wetu mpendwa Kamarade MKILI GERVAS ametutoka jana Jumapili asubuhi baada ya kupata mshtuko wa moyo. Msiba upo nyumbani kwake Mbezi Salasala, Dar Es Salaam karibu na kanisa la TAG na mwili wa marehemu utasafirishwa leo jioni kwa mazishi kijijini kwao katika wilaya ya Kahama mkoni Shinyanga. Hadi anapofariki, Mkili alikuwa mkuu wa shule ya Green Acres iliyopo Mbezi Salasala.

Tunamkumbuka Mkili kama mpambanaji makini na madhubutu ambaye alituongoza katika mapambano mengi hapo mlimani. Namkumbuka Mkili kama kiongozi niliyempinga katika uchaguzi wa urais wa DARUSO na baadaye kumpigania nafasi ya Ukatibu Mkuu ambapo aliweza kusiamama nasi hadi mwisho bada ya yule tuliyemuamini kwa Urais kutuacha solemba tukiwa Nkurumah.

Mkili hakukata tamaa na kuendelea na mapambano hata pale tulipokuwa wanted na baadaye kusimamishwa chuo miezi sita ambapo Mkili alikula miezi tisa na baadaye kuwekwa ndani kwa kesi ya uchochezi ambayo ilipelekea mogomo mwingine uliofanikiwa kushinikiza kuachiwa kwake na wenzake waliokuwa wakielekea kutimuliwa chuo kutokana na mwenendo wa kesi yao.

Mkili alikuwa ni kiongozi madhubutu na mwenye nidhamu ya hali ya juu ambaye neno uoga halikuwemo katika fikira zake.

Wapambanaji wengi wamepitia na kukomaa katika siasa za UDSM, Mkili anasimama kama mmoja wa vinara wake ambao mapambano yao yalikuwa ni ya dhati na sio kujitengenezea CV kama ambavyo wengi tuliwaona na tunaendelea kuwaona.

Kwa taarifa zaidi na michango yenu wasiliana na Goodluck 0713 322058 au Galani 0713 505941

Rest in Peace


Omarilyas

 

[Kaniki1974]

RIP Mkili. Nakulilia. Wewe ni mmoja wa wazalendo halisi wa TZ. Nenda nyota. Kawasalimu Nyerere na Sokoine. Waambie tuko ktk mapito tu kwa sasa. Hatimaye tutaipeleka nchi kunakostahili. Kwenye neema ya kweli kwa watanzania wote. Ari yenu ndiyo yatutia moyo wapiganaji na vita hii ya kuikomboa nchi toka mikononi mwa mafisadi, wezi, wala rushwa na vibaraka wa wazungu TUTAISHINDA!

 

[omarilyas]

Hivi sasa mwili wa marehemu unaagwa nyumbani kwake halafu utapelekwa Green Acres Secondary ambako alikuwa Mkuu wa Shule kwa ajili ya wanafunzi na wengi kutoa heshima zao za mwisho kabla ya kuanza safari ya kahama....

omarilyas

 

[Keykey]

R.I.P. Comrade, tangulia kamanda na wapiganaji wote wanakuombea makao mema huko uendako, Amen!

 

[Mwalimu]

R.I.P brother

 

[Idimi]

RIP Mwalimu Mkili.
Tutamis sana harakati zako, hasa uliposimama kidete kutetea ongezeko la boom pale USDM ukishirikiana na Emil Kivugo, Zitto Kabwe na wengine wote waliojali maslahi ya wana-UDSM.
Tutamis sana mchango wako. Nakumbuka sana ulivyosalitiwa na John Kusaja pale DARUSO na yaliyokufika baada ya hapo!

Mungu akuweke pema!

 

[Solomon David]

R I P Mkili Gervas.

Utakumbukwa kwa mengi sana uliyoifanyia nchi yako Tanzania.

 

[Zogwale]

Hivi sasa mwili wa marehemu unaagwa nyumbani kwake halafu utapelekwa Green Acres Secondary ambako alikuwa Mkuu wa Shule kwa ajili ya wanafunzi na wengi kutoa heshima zao za mwisho kabla ya kuanza safari ya kahama....

omarilyas

R.I.P Mkili Gervas. Nisaidieni jina la mke wake maana nachanganyikiwa kama ni yule ninayemfahamu au laa!!

 

[Nemesis]

what? kweli Mungu anachagua watu wazuri, huku wabaya wakiacha waendelee duniani.

 

[Mateso]

Wewe maane unataka jina la mke wa marehemu la nini? Kwa nini usiulizie watoto ambao ndo watahitaji msaada zaidi?

 

[RealTz77]

Duh mzee R.I.P man!namkumbuka John Kusaja alimuachiaga mzigo huyu jamaa,kipindi cha mgomo wa boom,duh alipata shida sana na dola ikiwa ni kusimamishwa masomo etc,but aliprove yeye ni kamanda,hata green acres pako vizuri kwani walikuwa na kamanda kweli!

 

[Ochu]

alikuwa kiongozi wetu mahiri sana wakati wa chuo...alisota mahabusu sana na mwenzio Dr. Deo kwa kupigania haki zetu....poleni sana wafiwa!!!

 

[K4jolly]

Omarilyas, Poleni na huo msiba, Mungu ailaze roho ya marehemu mahali pema peponi.

 

[Magezi]

Omarilyas, asante kwa taarifa, R.I.P, Mkuu Mkilli, Gervas. Ee Mungu Mkuu mweza wa yote mweke mahali pema Ndugu yetu Gervas Mkilli. Lakini tunakuomba baba, Mungu mwenyezi ulijawa huruma, utuondolee hawa mafisadi na wezi wa mali yetu uliyotujalia, Amen.

 

[Magezi]

Jamani poleni wafiwa wote na watanzania wote kwa ujumla, hasa wale tuliokuwa tunatimuliwa pale UDSM kwa sababu ya kudai haki, tukiongozwa na Mkilli. Mungu tunakuomba umwadhibu John Kusaja kwa usaliti alioufanya.

 

[nguvumali]

R.I.P Mkili Gervas. Nisaidieni jina la mke wake maana nachanganyikiwa kama ni yule ninayemfahamu au laa!!

ndo huyohuyo unaemjua wewe...kama uamini nenda nyumbani kwake kaulize ...."jina la mke wa marehem Mkili ni nani..? "
RIP Mkili.

 

[MwanajamiiOne]

R.I.P Brother you will surely be missed.

 

[rmashauri]

Jamani poleni wafiwa wote na watanzania wote kwa ujumla, hasa wale tuliokuwa tunatimuliwa pale UDSM kwa sababu ya kudai haki, tukiongozwa na Mkilli. Mungu tunakuomba umwadhibu John Kusaja kwa usaliti alioufanya.

Magezi rafiki, leo umegeuka kuwa shehe wa jino kwa jino?

Mathayo 5:43-44

43. Mmesikia kwamba imenenwa, Umpende jirani yako, na, Umchukie adui yako;
44. lakini mimi (YESU) nawaambia, Wapendeni adui zenu, waombeeni wanaowaudhi,
=========================

Poleni sana wafiwa (hasa mke wake mpenzi) na faraja ya MUNGU wa mbinguni iwe juu yenu. Na sisi tulio tungali hai MUNGU atusadie kuzichunguza njia zetu kujua kama zinampendeza au la.

 

[Omumura]

R.I.P Gervas Mkili, poleni sana ndugu, jamaa na marafiki wote!

 

[Indume Yene]

Namkumbuka sana Mzee Mkili tulipokuwa Mazengo (PCB), tulikuwa tuna-study pamoja huku tukigeuza bafu kama sehemu ya kujisomea huku walimu wakituzuga tu. Pamoja na kusomea bafuni tuliweza kufaulu vizuri kuingia Mlimani.

Hili ni pigo kubwa kwa familia pamoja na kwa wapiganaji.
Mungu ailaze roho yake mahali pema peponi.