Kamanda wa polisi wa jiji la Dar Simon Sirro amesema sasa hivi wanaendelea na upelezi wa makosa ya kichochezi aliyoyafanya Zitto Kabwe na upelelezi utakapokamilika watampeleka mahakamani.
Amesema hawatawavumilia watu kufanya uchochezi kwa sababu ya siasa kwa kuwa bila utulivu hakuna siasa
Hili ni moja ya tamko lililokosa weledi na linalodhihirisha namna jeshi letu la police lilivyokubali kwa hiari( limetii bila shuruti) kuwa tawi la chama cha mwendokasi(ccm),kinachoitwa uchochezi ni ukweli mchungu ambao viongozi wetu hawataki kuambiwa.Nini tafsiri ya uchochezi kwa jeshi la police?Ni ukweli usiohitajika kusemwa au ni kuruhusu watawala kujigeuza miungu isiyohojiwa?
Vipi kuhusu ile kauli ya mkubwa kwamba kuna meli ziliingia nchini zikiwa zimesheheni mizigo na zilipakuwa shehena na kuondoka bila kulipia ushuru,haikuwa ya kichochezi iliyolenga kuvichonganisha vyombo vyetu vya ulinzi vionekane vinaihujumu serikali yatu?Kauli ya kuwaambia baadhi ya wananchi kuwa wanaishi kama malaika na kutamka watashushwa ili waishi kama mashetani yenyewe si uchochezi unaolenga kuleta msuguano wa kijamii kwa watu masikini kuwachukia matajiri?
Kutamka hadharani tena bila ushahidi kuwa wafanyakazi wa TANESCO wanafungulia Maji toka kwenye mabwawa ya kuzalisha Umeme ili kulihujumu Taifa haikuwa ya kichochezi?
Kuwaambia waendesha mashtaka wetu kuwa walizembea katika kesi ya Samaki wa Magufuli na kusababisha serikali ishindwe kesi haikuwa ya kichochezi dhidi ya wataalamu wetu wa sheria?
Alipowaagiza majaji wahakikishe serikali inadhinda kesi zote za ukwepaji kodi ili serikali ipate mapato haikuwa kauri ya kichochezi inayojaribu kuuzima Uhuru wa mhimili wa mahakama?
Kuwaita wapinzani kuwa ni ma.lo.fa na wa.pu.mba.vu,na kuwaita watoto wa masikini waliokosa fursa ya kupata Elimu bora kuwa ni V.L.A.Z.A si uchochezi wa kiwango cha PhD?
Taifa letu kwa makusudi linalazimishwa kufikishwa katika nukta ya Mwisho ya uvumilivu wa kisiasa,badala ya kujenga siasa za maridhiano,serikali inaamua kutumia dola kuzima mawazo kinzani.Hili halikubariki na kamwe hatutakubali kuona wapiganaji wetu makini wananyanyasika eti kwa sababu hawapo upande wa serikali na wamekataa kuitikia pambio za sifa zinazoisifu serikali.
Taifa hili si la Magufuli,hii ni nchi yetu sote,si sahihi huikabidhi nchi mikononi mwa mtu mmoja na kumfanya kuwa Mwenye mamlaka ya Mwisho.Taifa huongozwa kwa maridhiano,hatuwezi kuliongoza Taifa kihisia na visasi halafu tukabaki salama.Wanaonyanyaswa na kunyimwa fursa ya kutoa mawazo yao ni viongozi wa watu,ni wawakilishi wa watu,wana kundi kubwa lililopo nyuma yao,tuliwaamini na kuwayuma watusemee,kuwapuuza wao ni kuupuuza Umma wa Watanzania uliowatuma,hili ni jambo la kichochezi zaidi kuliko uchochezi wenyewe.Hatuwezi kukubali upumbav.u wa kiwango hiki cha mwendokasi.
