Je, Forex, Crypto na utapeli mwingine wa uwekezaji hufanyaje kazi? Unapaswa kufanya nini ikiwa umetapeliwa?

[Madwari Madwari]

Nimeona kashfa ya Noelbillions nikaona bora nije na ninachokijua maana serikali ya CCM imekaa kimya toka enzi za Ontario. Ingawa kuna aina mbalimbali za kashfa za utapeli katika uwekezaji. Katika mazingira mengi, huwa zinafanana kwa kiasi fulani. Unaweza kuepuka miradi mingi ya ulaghai ikiwa "utauliza, utafungua macho na uthibitishe" kwa uangalifu.

I. Je, utapeli wa Forex, Crypto na uwekezaji mwingine hufanya kazi vipi?

Kwanza, madalali wa ulaghai watakuahidi mapato ya juu, mavuno mengi, na hasara ndogo au kutokuwepo kabisa.

Kwa kawaida wanakukaribisha kama rafiki mtandaoni na kutuma screenshot za uthibitisho wa mapato (bandia) ambapo unaweza kuwaona ili kukuvutia.

Pili, Matapeli wa Forex huwa hawadhibitiwi.

Labda hawafichui habari yoyote ya udhibiti(regulatory information) au habari ya udhibiti (regulatory information) wanayofichua ni ya uwongo. (Iwapo watafichua maelezo ya udhibiti, ukaguzi wa haraka kwenye tovuti ya FxGecko au tovuti rasmi ya mdhibiti itakuambia ikiwa ni kweli au la)

Kwa kuongezea, kwa kawaida kampuni hizi husajiliwa mahali fulani nje ya nchi na tovuti zao hazina nambari za mawasiliano, anwani za barua pepe, anwani, hati za kisheria na maelezo mengine, ambayo huwasaidia walaghai kubaki bila majina na wasiweze kutafutwa.

Ukifungua akaunti na kampuni au taasisi kama hiyo, walaghai watajaribu kukukaribia kila mara ili kukufanya uweke amana/pesa yako haraka iwezekanavyo.

Ukishaweka pesa, tapeli atakushawishi kufanya trading. Kwa njia hii,muda sio mrefu utaona akaunti yako ikizalisha faida nzuri - ambayo bila shaka pia ni bandia. Lakini bila kujua ukweli, utasisimka na kuomba kujiondoa.

Ili kupata uaminifu wako, matapeli kwa kawaida watakuruhusu kutoa sehemu ndogo ya pesa zako bila matatizo yoyote mara ya kwanza na kujaribu kupata amana/fedha nyingine kutoka kwako kwa ahadi ya mapato makubwa zaidi yanayokungoja.

Unapokuwa na pesa nyingi zaidi katika akaunti yako na unataka kutoa kiasi kikubwa cha pesa, kama unavyoweza kukisia, hawatakuruhusu kufanya hivyo.

Kwa kawaida wanaomba malipo ya kodi ya uwongo au wanasema kwamba akaunti yako si ya kawaida na kwamba unaweza tu kutoa ikiwa utalipa ada hiyo mapema. Ukifanya malipo, utaongeza kiasi ambacho umetapeliwa, lakini ukiendelea kuwauliza pesa zako, hivi karibuni utagundua kuwa ni utapeli!

MUHIMU:
Kutakuwa utapeli mkubwa zaidi ya huu kadiri gharama ya maisha inavyopanda na watu wanakata tamaa.

Matapeli wa Forex na Crypto wanaweza kufoji data za trading nyuma ya pazia , mapato na data za trading unayoona ni bandia/fake.Wakati kashfa ya forex imeshamiri unaweza kutambua kwa urahisi entry point na exit point kwa wakati maalum. unaweza kuziangalia kwa mikono kupitia trading view. angalia kilichotokea wakati huo. Utashangaa tu jinsi tapeli huyu anavyojinadi kupata faida mara kwa mara wakati trading view inaonesha tofauti.

II. Unapaswa kufanya nini ikiwa umeshatapeliwa ?
✔1. Kusanya ushahidi kwa screenshot za trade zote, text,sms, money transfer address, website zao n.k.

✔2. Ikiwa ulitumia kadi ya benki kufanya malipo kwa tapeli, wasiliana na benki yako mara moja. Waambie kuwa ulitumia kadi hii kufanya malipo kwa tapeli na uwaulize kama wanaweza kurejesha pesa zako.

✔3. Ripoti matumizi yako kwa FxGecko APP！- Global Forex Broker Regulatory Inquiry APP Kumbuka kutoa...

A. Jina la kampuni/tovuti yao.

B. Nchi/eneo lako.

C.Nambari yako ya akaunti.

D. Kiasi unachowadai.

E. Jibu la barua pepe la kukataa ombi lako la kujiondoa.

F. Ni masharti gani wanataka yatimizwe ili wakuruhusu ujitoe.

Kuwa mwangalifu edit your private details na usichapishe maelezo yako ya mawasiliano hadharani.

Baada ya kuwasilisha malalamiko yako, FxGecko itakusaidia katika kushughulikia malalamiko hayo na pia kufichua ulaghai huo ili kuwaonya wengine wasilaghaiwe.

ZINGATIA: Usitafute kwa hasira njia kurejesha pesa zako, kwani kuna mashirika mengi ya utapeli ya kurejesha malipo yanasubiri waathiriwa wautapeli wa Forex - wanaweza kuwa wanakuuzia matumaini na kukutapeli tena. Hii ni kweli hasa ikiwa wanakuhimiza ulipe mapema, ambapo ni "utapeli wa kurejesha hela zako". Jihadhari!

 

[Barranco]

Moja ya maswali ambayo yanawatatiza watu wengi wakitaka kuanza kujifunza forex trading ni kuwa ajifunze kwa nani, na je kweli huyo mtu anayetaka kujifunza kwake amefanikiwa kwenye ambacho anataka kujifunza. Watu wamekuwa wengi sana mtandaoni wakijinadi kuwa wao ni trader na wamefanikiwa sana kwenye hii biashara kumbe ni uongo na kujiingizia kipato kwa njia ya udanganyifu.Hapa nimekuletea mambo muhimu yakuzingatia kabla hujatoa pesa yako kwa mtu yoyote ili akufundishe forex trading au akufanyie shughuli yoyote inayohusiana na trading ikiwepo Signal Services au Account Management;

1. Experience / Uzoefu .

Kabla yakuanza kutaka kujifunza kwa mtu yoyote yule anza kwa kutafuta uzoefu wake sokoni. Unaweza kutambua uzoefu wake kwa kumuuliza yeye mwenyewe, kuuliza kwa watu, kuangalia ukarasa wake wa mitandao ya kijamii na njia nyingine ambayo utaweza kuitumia ili kutambua uzoefu wake. Hii itakusaidi kufundishwa na mtu ambae ana uzoefu wa kutosha sokoni na pia utaweza kuepuka makosa mengi ambaye yeye atakuelekeza kutokana na uzoefu wake.

2. Profitability Consistency / Muendelezo wake wa kupata faida sokoni.

Huwezi kujifunza kwa mtu ambae hapati faida hapo ni sawa na kuongozwa na kipofu au kufundishwa hesabu na mtu ambae hesabu alipata F. Na ili kujua kama mtu huyo anapata faida anza kwa kumuomba historia ya akaunti yake. Historia ya akaunti yake iendane na muda ambao amekwambia kuwa anapata faida. Mfano amekwambia mimi nimekuwa nikitengeneza faida kwa kipindi cha miezi sita (6) basi hakikisha kuwa akupe historia ya miezi sita ya akaunti yake ikionesha faida. Chakuzingatia hapa haijalishi mtu anauzoefu wa muda gani sokoni bali tunaangalia anatengeneza faida kwa muendelezo kwa muda gani kwasababu anaweza akawa ana uzoefu sokoni wa miaka minne(4) lakini akawa ametengeneza faida kwa muendelezo kwa miezi 8.

3. Eyes Proof / Ushahidi wa macho.

Kukutumia tu historia ya akaunti yake kwenye simu kuwa anatengeneza faida haitoshi nenda mwenyewe ukajionee kwa macho kuwa anatengeneza faida. Siku hizi kuna App fake za mt4 & mt5 so mtu anaweza akaedit mt4 & mt5 akionesha kuwa anatengeneza faida kumbe anaishi kwa hela za kufundisha.

4. Recommendation from Others / Mapendekezo kwa watu ambao walifundishwa nae

Lazima utafute angalau watu kadhaa ambao walifundishwa na mtu ambae unataka kujifunza kwake au mwalimu ambae alimfundisha ambae unataka kujifunza kwake. Hii itakusaidia kupata mrejesho chanya au hasi kwa ambao walipita mikononi mwa mtu huyo na pia kujua kama kweli ni mkweli au mbabaishaji. Watu hao unaweza kuwapata kwenye ukurasa wake wa mitandao ya kijamii (Watu ambao wememfollow) au kwa kumuuliza yeye mwenyewe watu ambae amewafundisha.

5. Personal Commitment / Utayari binafsi

Kabla yakuchukua hatua na maamuzi yakutaka kujifunza hii biashara lazima kwanza wewe mwenyewe uwe tayari kwa kujitoa kwa hali na mali. Utayari wako ni wa muhimu sana kwani itakufanya kusonga mbele licha ya vikwazo na changamoto utakazo kutana nazo na kuweza kupata matokea chanya. Kumbuka tulikuwa wengi darasani, tukafundishwa wote na mwalimu mmoja lakini tukapata matokea tofauti kwa hiyo lazima utia juhudi binafsi ili kuweza kusonga mbele.

Mwisho

Gharama ya malipo kwa ajili ya kufundishwa forex trading haina maana anayekufundisha ni bora au utapata matokea chanya. Wapo ambao watataka gharama kubwa lakini hawatakupa kilicho bora. Wapo wengi ambao wanafundisha kwa gharama nafuu na kukupa kilicho bora. Nakutakia mafanikio mema katika safari yako ya trading.

 

[Mkono Mmoja]

Imfikie Sirjeff Denis aka ONTARIO

 

[Smart911]

Ahsante kwa elimu...


Cc: Mahondaw

 

[Mpaji Mungu]

Kama wanapiga Hela waache wapige/wapigwe vijana wameamua kujitosa kila penye Harufu ya hela udalali, betting, boda boda na hayo uliyoyasema ww