Samahani naomba nikuulize, hivi wewe unaishi hapa nchini ama nje ya nchi, ni nani aliyewahi kukuambia sera na ilani ya ccm imewahi kuwa mbaya? Hiyo mikakati mizuri imebaki kuwa nadharia ndani ya nchi hii na tatizo kubwa ni uwepo wa haohao watunga sera wazuri. Unakuta hao wataalamu ndio mabingwa wa kutunga sera lakini ukiangalia hayo malipo yao hao wasimamia sera yanazidi hata matokeo ya hizo sera. Tatizo jingine unakuta rasilimali watu za utekelezaji wa hizo sera wengi wako kiundugu/ kujuana achia mbali watu wanaojipa vyeo maradufu ili kukidhi matumbo yao. Hili ni tatizo sugu na ndio maana unakuta sekta nyingi zimejaza watu incompetent kwa fani husika kiasi kupelekea huduma kutolewa kwa kiwango duni ama kuweka gharama za juu kuliko uhalisia. Nikijaribu kuangalia sioni Magufuli anafanya nini kuondokana na kichaka hiki, hali hii inanifanya nione wale wanaotaka tumsifie Magufuli ndani ya wiki moja hii kama wanatuona majuha. Aina yetu ya kukosoa wangalau inamfanya asilewe sifa mapema kwani tunajua wanaomsifia ndio hasa vikwazo vyake kwani hatua nyingi anazochukua wao ndio wahanga namba moja na wao ndio watakakwamishwa tubaki palepale kuwa soko holela la bidhaa substandard nk. Mpelekee hii Magufuli mwambie Tindo wa jf anataka aitolee hii macho kwani mimi ni mkulima ninayeumizwa sana na mtindo wa kuuza mazao kwa mtindo wa rumbesa, huku madalali hapo kariakoo wakiwa na vitambi vikubwa bila kujua shambani tunakutana na dhahama gani, wakati huohuo mamlaka husika zikabiki na sera na ilani nzuri ya mkulima bila utekelezaji.
